مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الخامس والعشرون من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل الخامس والعشرون
إقرأ أيضا: قصص قبل النوم
رواية المؤامرة بقلم منة محسن - الفصل الخامس والعشرون
فى شركه عزام.. بعد ماخرجوا من الاجتماع.
كريم راحلها وحضنها بأبتسامه: كنت مستنى الاجتماع يخلص بفارغ الصبر.
كارم بصله بضيق وغضب وروسندا بعدت عنه: اا.. فى حاجه ولا ايه؟
كريم هز راسه بنفى: انا جيت اشوفك.
روسندا ابتسمت بخفه: اتفضل فى مكتبى.
مشيوا وكريم بص لكرم اللى واقف جانب روسندا: عايز اكلمها على انفراد.. هى مش فى خطر دلوقت عشان تبقى موجود معاها ياحارس انت.
روسندا جات تتكلم كرم سبقها.
كرم بصله وابتسم ببرود وغل: روسندا هانم فى خطر طول منا يعيد عنها.
روسندا بصتله وابتسمت.
كريم وقف ومسك ياقه قميصه بغضب: بقولك ايه انت تقول حاضر وبس فاهم يا زفت انت؟
روسندا وقفت وبصتله بغضب: كريم اىيه اللى انت بتعمله ده انت جاى هنا عشان تعمل مشاكل؟... سيبه وحالا..
كرم زاء ايده بعنف وبصله بغل.
كريم باصصله بغضب وقعد تانى..
روسندا: كريم انا بحذرك تانى مره لو اتصرفت بالطريقه دى انا هنادى الحراس يتردوك.
كريم بصلها وبص لكرم بغيظ وغل.
فى الوقت ده سمعوا صوت انذار الحريق.
روسندا بصتلهم بأستغراب:ده صوت انذار الحريق...انا هطلع اشوف فى ايه.
روسندا وقفت بسرعه وخرجت برا المكتب وكرم جى يخرج وراها سمع صوت كريم وده اللى وقفه.
كريم بسخريه: اجرى وراها يا برص... ماهو الكلب دايمآ بيجرى ورا صاحبه.
كرم وقف ولف بصله وبيحاول يسيطر على غضبه وب
اتكلم بأستهزاء وبرود:وهو انت كنت كلب قبل كده؟
جى يمشى وقفه ضحك كريم وكلامه: لابس تعرف يا كرم... طلع عندك حته مزه مكانها مش فى الصعيد خاللص.. اقولك هاتهالى وانا هخليهالك مدام وارجعهالك..
ضحك وكرم هجم عليه بكل مافيه من غضبه وبيزعق بصراخ: انت غلط فيا وسكت لانى مكنتش عايز اقلل منك وارد على واحد زيك... بس عند عيلتى خط احمر... تتعدى اكسرلك رجلك.. فااهم؟
كريم زأه ولكمه بعنف فى عينه وكرم حط ايده على عينه بألم وكريم بيقرب منه بغل وبيستفزه: اراهب ان ماكنتش ماشيه مع شباب الصعيد كلهم.. وجايه تعمل عليك الشريفه.
كرم بصله بغضب وعيونه مليانه غل مسك الكرسى اللى جانبه رفعه وضربه بالكرسى بعنف روسندا دخلت بسرعه لما سمعت صوت صراخ كريم وصوت خبط الكرسى..
روسندا بصتلهم بصدمه وكرم قرب يضربه تانى روسندا راحت بسرعه وقفت قدامه ومسكته: كرم ايه اللى عملته ده!... انت... انت عينك مصابه.
كريم بألم وهو مش قادر يقوم: اااااه.. وبالنسبه للى متكسر قدامك ايه مش محسوب؟
روسندا لفت وبصتله وكل الموظفين كانوا متجمعين وهى ساعدت كريم يقوم: انا مش عارفه ايه اللى خلاكوا تعملوا فى بعض كده؟؟!
كرم شدها بعيد عن كريم: سيبيه ده بنى ادم زباله وميستاهلش مسعدتك.
كريم بصله بغضب وغل... فى الوقت ده الشرطه دخلت وده اللى كان كريم عامل حسابه ومخططله كمان.
الشرطى: جانا بلاغ انك بتتعدى على كريم بيه بالضرب... يا ريت تيجى معانا من غير شوشره.
روسندا بصتلهم بصدمه ومسكت كرم: لا هو اكيد معملش كده فى سوء تفاهم.
كريم بيتألم: اااه.. سوء تفاهم ايه وانا متبهدل قدامك؟.. ده كان عايز يموتنى.
كرم بصله بغضب وببدوس على اسنانه بغل.. فهم لعبته القذره وانه استفزه وعمل كل ده عشان يطلب الشرطه.
الشرطه خادوا كرم وروسندا مش عارفه تعمل ايه..
كريم بصلها بلؤم وبيتألم بصوت عالى: انتى صعبان عليكى انه هيتحبس ومش شايفه اللى عمله فيا؟!
روسندا بصتله: انا عارفه ان كرم مش هيعمل كده من الباب للطاء...انت اكيد اللى ابتديت بالغلط.
مشيت بسرعه وهو باصصلها وهى ماشيه بغل وانها مش مصدقاه.
روسندا: خلى بالك من مكتبى لحد مارجع..
.......... هزت راسها بإيجاب: امرك يا هانم.
روسندا مشيت بسرعه وهى ماسكه التليفون وبتتصل بعزام: الو..
ركبت عربيتها وساقت بسرعه وهى بتكلم عزام: تعالى بسرعه على قسم### هما خدوا كرم وانا رايحه لهناك.
عزام بصدمه وأستغراب: خدوا كرم ليه؟!
روسندا:هو وكريم ضربوا بعض وحد قدم بلاغ ضد كرم... ابمهم انك تيجى حالا عشان تخرجه ولو مش هيخرجوه انا هرتكب جريمه وهدخل معاه.
عزام اتنهد بعمق وبيحاول يهديها: طيب انا رايح لهناك حالا بس خلى بالك من نفسك وانتى ماشيه ومتسوقيش بسرعه يا روسندا... ممكن تكون دى خطه ليه عشان ينتقم منك وعمل ده كله عشان تسوقى انتى ويدبرلك حادثه.
روسندا: انا هخلى بالى من الطريق بس بسرعه تروح على هناك وانا مستنياك.
قفلت معاه وهو نزل من شركته بسرعه وركب العربيه وبص للشوفير: اطلع على قسم #### بس بسرعه.
الشوفير هز راسه بإيجاب: امرك يا عزام بيه.
مشى بالعربيه وعزام بيدعى ربنا يسترها مع روسندا..
محمود شايل لينا ومش قادر يسيبها: امينه... خلى بالك منها...
امينه ابتسمت بخفه ومدتله ايدها عشان تشيلها.
محمود بصلها بهزار وبأبتسامه: متخليها معايا كام يوم..
امينه ضحكت وهو ابتسم ودهالها.. باصصلها نظراته فيها كانت تايهه.. ولا كأنها بنته هو..
فريد خبط على باب الاوضه المحجوزه فيها ودخل: احم...
محمود لف وبصله وهو بص لمحمود وابتسم ومدله ايده: حوده ايه الاخبار... غريبه يعنى وجودك هنا.
امينه بصتله وهو بعد نظره عنه وبص لامينه قرب باس لينا وابتسم وبص لامينه: هبقى اجى اطمن عليكى.. وعليها.
امينه ابتسمت وهزت راسها بإيجاب.
محمود مشى وفريد بصلها: انتى ماتعرفيش ان ده صاحب كريم؟... هو اكيد اللى زأه عليكى عشان يخليكى تثقى فيه وبعدها يقتلك.
امينه هزت راسها بنفى: انا هفهمك كل حاجه.
حكيتله وقوف محمود جنبها وازاى هو كره كريم وعاز ينتقملها منه بس هى اللى رفضت.
فريد: على العموم اللى تشوفيه انتى دى حياتك..
قرب خاد منها لينا وابتسم:: مع انها من الواطى كريم... بس تخطف القلوب.
امينه ابتسمت بوتفكير: بكره.. هروح لكريم.
فريد بصلها وبص للينا: بيها؟
امينه هزت راسها بإيجاب: بس مش هسيبهاله انا هفضحه بس وهو هيفضل ابوها حتى لو سابنى وكان بينكر ده... فى ورقع عرفى بينا لحد دلوقت مايعرفش مكانها.
فريد: الورق العرفى مش معترف بيه فى المحاكم يا قطه.
امينه: عارفه بس اهو على الاقل هو اللى كتبها بأيده..انا مش عايزه اكتر من ان اهله يعرفوا وقاحته..وبعديها انا اللى هربيها لوحدى.
فريد بصلها بغموض:انا ممكن...ممكن افكر اتجوزك.
امينه بصتله وابتسمت:اا...بجد؟
فريد هز راسه بنفى:لا.
امينه ضحكت:انا اصلا مشعايزه اتجوز تانى..حتى لو كنت قولت اه انا كنت هرفض..انا هعيش للينا وبس..هعلمها وهربيها كويس اوى عشان ماتطلعش زيى.
فريد بصلها وابتسم:انتى بتكسفينى يعنى؟؟
امينه ابتسمت بأرهاق ودورت وشها للجهه التانيه.
روسندا بصراخ: يعنى ايه قانون هاا؟؟... انت جاى تنفز القانون فى واحد بريئ؟
كرم فى الحجز وسامع صوتها واستغرب: روسندا هانم!... هى ايه اللى جابها هنا؟
روسندا: تمام اوى... بدل مانتوا بتحققوا العداله ومعتبرينه مظلوم وهو ماعملش حاجه انا بقى هعمل..
ضربت الظابط اللى قدامها براسها فى راسه وهو بعد وحط ايده على جبينه بألم: ااااه...
الشرطى: انتى اتجننتى؟؟؟...بدل مانتى بتستغرى اننا مش هنقدر نعملك حاجه عشان مركذك وشاريكاتك ف هو هيخرج وانتى اللى هتفضلى هنا.
الشرطى: عسكرى خودها على الزنزانه اللى فيها التهم التانى مش هى عايزه تروحله؟...خودها لعنده.
روسندا بعدت ايد العسكرى من عليها: اوعى هروح لوحدى.
مشيت وهو مشى وراها وراح فتحلها الزنزانه وهى دخلت وراحت لكرم بلهفه وهو مصدوم: حبيبى هما ازوك؟؟
كرم باصصلها ومصدوم من كلمتها زائد انه مصدوم من وجودها اصلا.
كرم:ح...بيبى؟!
روسندا بعدت نظرها عنه بأبتسامه كسوف.
كرم ابتسم وبعد نظره عنها:ايه اللى جابك؟؟
روسندا:عايزنى اسيبك هنا لوحدك؟
كرم باصصلها بأبتسامه:وهيفرق فى ايه وجودك او عدمه؟!
روسندا:يعنى انت مش عايزنى ابقى معاك هنا؟... طيب انا هخرج.
جات تمشى مسك ايدها وبصلها وهى بصت لايده وبصتله وهو ابتسم:من فضلك... خليكى.
روسندا بصاله وقعدت قدامه: انت عينك محتاجه علاج.
كرم: يعنى هبقى اعور خلاص؟
روسندا مسكت ايده بلطف وبتهز راسها بنفى: بعد الشر عليك ده انا كنت اقتل كريم.
كرم ضحك: تقتليه عشان عينى؟
روسندا: واقتل ابوه عشانك.
كرم بصلها بأبتسامه: بس كده هتاخدى مؤبد... وانا هبقى برا السجن و انتى هتدخليه.
روسندا هزت راسها بنفى: معنديش مانع افضل هنا.. بس هجيبك معايا ولا انت عايز تبص لواحده تانيه فى غيابى؟
كرم بصلها بأبتسامه ورفع حواجبه: وهو انا هيبقى فيا عين عشان ابص بيها؟
روسندا ضحكت.
النائب: انا متأسف جدا يا عزام بيه هو اكيد ماكنش متوفع انها بنت حضرتك.. انا بعتذلك بالنيابه عنهم وهما هيخرجوا حالا..
العسكرى فتحلهم باب الزنزانه وبصلهم: اتفضلوا معايا جالى امر بالافراج عنكوا.
روسندا وقفت وكرم كمان خرجوا برا الزنزانه وعزام راجلهم ملك وشها بين ايده بلهفه: حبيبتى انتى كويسه؟
روسندا هزت راسها بإيجاب وهو بعد بص لكرم بصدمه: ايه اللى عمل فيك كده؟
كرم: اتخانقت مع كريم..
عزام: طيب يلا تعالوا نروح ونبقى نتكلم فى السكه.
اول ماخرجوا من القسم الصحافيين وقفوا قدامهم وبيسئلوا:عزام بيه هو فعلا الحارس الشخصى اذا كريم بيه؟
..........:وايه السبب اللى يخلا روسندا هانم تدخل معاه الحجز هل فى علاقه بينهم؟
الحراس بيبعدوهم عن طريق عزام وروسندا وكرم
فى الصعيد فى المنيا بالتحديد.
سميره بتقلب فى القنوات...اتوقفت عن التقليب وكانت فى قمه صدمتها:كرم؟!
شاهيناز قاعده شارده فى كلام كرم ليها... هو ملمسهاش ومع ذلك مجرد كذبه منه عيشتها فى رعب وخلاها تكرهه... ومجرد كلمه بردو مشاعرها اتبدلت واتشتت حبها ليه بيقرب من قلبها تانى..وهى بردو خايفه ومش حاسه بالامان.. احساسها بيقول انه هيغدر بيها... وهيبعها زى مكانت عايزه تبيعه... بس ده لو حصل الوضع هيكون اسواء لان الامور اتدخلت فيها روح تانيه ملهاش ذنب.
كارم دخل البيت وهو معاه شنط وبيبص حواليه: شاهى... حبيبتى انتى فين؟
شاهيناز خرجت من اوضتها وبصتله وهو ابتسم ومسكها: تعالى اقعدى
قاعدها على الكنبه وقعد قدمها وادالها الشنط: انا جيبت حاجات كتير ليكى وجيبت فيتامينات وادويه عشان تقويكى.. وجبتلك عصاير طبيعيه واكل حبيبتى انتى مش هتعملى حاجه خالص انا هتعلم الطبخ وانا اللى هعمل الاكل من هنا ورايح.
شاهيناز بصاله وبعدت نظرها عنه.
كارم بصلها ورفع وشها خلاها تبصله: لسه زعلانه منى؟؟؟
شاهيناز بصتله وهزت راسها بنفى.
كارم: امال مالك؟
شاهيناز بدموع: كارم... اوعدنى انك مش هتسيبنى و.. مش هتسيب ابننا.
كارم باصصلها وفهن انها خايفه مسك ايدها ضمها بأيده وهز راسه بإيجاب: بوعدك يا روح قلبى..انا عمرى ماهفكر اكذب عليكى او اسيبك.. انا اصلا هسيبك ليه؟
شاهيناز بصاله وعيونها مدمعه: اللى يخليك توهمنى انك لمستنى قبل مانتجوز... وبردو انك تستمر فى كذبك عليا... انا حتى ماصعبتس عليك!!
كارم بعد نظره عنها: انا قولتلك ان كان هدفى وبس انى اديكى درس.. وكنت عارف ومتأكد من نفسى انى مش هسيبك.
شاهيناز بصاله وهو قرب باس خدها: وحيات كارم ورحمه امك انا بحبك... وغلاوه النونو الجديد اللى ماعرفش ايه جنسه حتى.
شاهيناز ضحكت وهو ابتسم وحضنها وغمض عيونه: متزعليش منى...
شاهيناز ابتسمت وهزت راسها بإيجاب: صح.. انا عيزاك توعدنى ماتقولش للطفل النكت بتاعتك السافله.
كارم ضحك ومسك ايدها باسها:وعد يا روح قلبى.
شاهيناز ابتسمت وحضنته.
فى قصر عزام فى اوضه عايده وانجى.
عايده: انا لقيت خطه.. خطه مختلفه تماما وهى دى اللى هتجيب اجلهم.
انجى: ماما بربى خلاص بقى.
عايده:خلاص ايه؟.. بقولك لقيت الخطه.. احنا هنبدل الخطه.. بدل مانقتل روسندا... احنا هنقتل عزام.. وروسندا فى ضربه واحده.
انجى بصتلها بتفكير ودهشه: ااا.. هنقتل خالى!؟...ماما لا بلاش..
عايده:ايه اللى بلاش الخطه دى مضمونه واحسن حاجه ان فاطمه بقت تاخد اجازات كتير عشان ابنها اللى فى المستشفى يعنى هناخد راحتنا على الاخر فى وجودها او عدمه.
انجى بصاله بتفكير:اا..وانتى..ناويه تقتليه ازاى؟
عايده بصتلها بتفكير وخبث: هقولك.
فى المستشفى وبعد مالدكتور عالجله جرح عينه ولما رجعوا للقصر.
كرم جاله اتصال ووقف برا القصر.
روسندا بصتله بأستغراب:انت مش هتدخل؟..الدكتور قال تريح عينك وتنام.
كرم هز راسه بإيجاب:هرد على التليفون وادخل.
روسندا ابتسمت و هزت راسها بإيجاب..دخلت وهو رد على تليفونه:الو..
سميره:حبيبى ايه اللى حصل معاك؟...انت دخلت السجن؟..ومال عينك؟...انا شوفت الاخبار وخضتنى عليك.
كرم:اطمنى حاجه بسيطه.
سميره:يعنى ايه حاجه بسيطه؟!...كرم متخبيش عنى حاجه وقولى فى ايه.
كرم:واللهى حاجه بسيطه...اتخانقت مع كريم ابن مصطفى بيه رجل الاعمال...هو استفزنى و...وده اللى حصل ملوش لزوم القلق.
سميره:يا لهوى ده اكيد ناويلك على شرانا عارفاك لما بتتعصب مبتشوفش قدامك انت هتجيب لنفسك المصايب.
كرم:معلش يا ست الكل ماتقلقيش عليا انا كويس..خديجه عامله ايه؟
سميره بحزن:زى ماهى...بتبينلنا انها مش مضايقه بس انا عارفه اللى جواها..
كرم:هو...مؤمن مكلمهاش تانى؟
سميره هزت راسها بنفى:لا..ولا بقينه نشوفه بقالنا اربع شهور.
كرم بضيق وبيفكر:طيب..انا هقفل دلوقت..عايزه حاجه يا ست الكل؟
سميره:لا يا بنى خلى بالك من نفسك بس وماتقلقناش عليك...
كرم ابتسم بخفه:حاضر يا ست الكل...مع الف سلامه.
قفل معاها وغمض عيونه بتعب..دخل القصر وراح على اوضته..رما جسمه على السرير وعمض عيونه بتعب.
روسندا نزلت من اوضتها بعد ماخلصت هدومها بصت لئوضه كرم وقربت منها خبطت على باب الاوضه وهو بص للباب ومش قادر يقوم:ادخل.
روسندا دخلت وبصتله بحزن قربت قعدت جانبه ومسكت وشه:يا غبى يا كريم انت شايفنى؟
كرم ضحك:انا مخبوط فى عينى مش اعمى.
روسندا بصتله بأنزعاج:انا بتكلم بجد..
كرم ضحك وهز راسه بإيجاب:طيب انا عايز انام..
روسندا قعدت على الكرسى ومسكت ايده:طيب نام وانا جانبك.
كرم بصلها وابتسم.
روسندا كشرت:انت بتضحك لى ايه؟
كرم ضحك:معلش بس مابحبش حد يبقى معايا وانا نايم لاينام جانبى لاخلاص.
روسندا ضحت وعضت ايده.
كرم اتألم:هو انا ناقص؟
روسندا ابتسمت وباست ايده:sorry..
كرم بصلها بأبتسامه وغمض عيونه وهى بصاله بأبتسامه وفضلت بصاله لحد منام.
روسندا بصتله قامت سابت ايده بهدوء وقربت باست خده وابتسمت:احلام سعيده..
طفت نور الاوضه وخرجت برا اوضته.
عزام راحلها وبصلها:هو نام؟
روسندا بصتله وهزت راسها بإيجاب.
عزام:كويس..طيب تعالى عايز اكلمك فى شويه حاجات بخصوص الشركه.
روسندا هزت راسها بإيجاب:امم..
كريم قعد على الكنبه بألم وهو ماسك ضهره وفى كدمات كتير فى وشه اثر ضرب كرم ليه.
سوسن خرجت من اوضتها وبصتله بصدمه جريت عليه مسكت وشه بلهفه :حبيبى ايه اللى فى وشك ده؟؟
كريم هز راسه بإيجاب وبتواعد:ان ماجبت راسك المرفوعه على الفاضى دى فى الارض مبقاش انا كريم مصطفى الجوهرى.
سوسن:مين اللى عمل فيك كده؟؟
كريم:اتخانقت مع الزفت اللى اسمه كرم الحارس الشخصى لست روسندا..
سوسن بصتله بضيق:البنت دى مش هيجيلك من وراها غير وجع القلب ابعد عنها احسن.
كريم هز راسه بنفى: دى بتاعتى وانا مباسيبش حاجه بتاعتى لحد.
سوسن بصتله بضيق: طب قوم معايا تعالى ارتاح.
كريم قام معاها وبيتألم وهى مسنداه:ربنا ياخدهم هما الاتنين.
كريم بضيق:هو بس.
سوسن بضيق:انا مش عارفه انت بتحبها على ايه.
فى الليل..
مؤمن قاعد فى كباريه لوحده قاعد عنظ البار وماسك الكاس بيشرب وباله شارد.
..........:تعالى نروح للشاب ده..
#####:شاب مين ده اللى تروحيله لوكلمتيه مش هيرد عليكى كل يوم بشوفه قاعد نفس القعده ومابيردش على خد...فكك منه.
مؤمن قام حاسب على الكاس ومشى..بيتطوح وهو ماشى وبيحاول يسند نفسه..ركب عربيته جى يسوق مدراش بنفسه ونام.
فى قصر فريد.
امينه شايله لينا وبصالها بأبتسامه:يا روح ماما يا صغير..
لينا نايمه وامينه قربت باستها.
فريد خرج برا اوضته وبصلها واتكلم بمناغشه:ايه يا ماما هانم؟...هتفضلى شيلاها كده طول اليوم؟
امينه:انت عايز ايه؟...بنتى وانا حره فيها.
فريد ضحك:على فكره انتى ناكره للجميل...قومى نامى يلا انا جهزتلك بيت كبير تعيشى فيه انتى والبنت.
امينه ابتسمت بخفه وبصتله:انا مش عارفه هرد جمايلك دى ازاى..
فريد:المهم انكوا تبقوا بخير وتبعديها عن عالمك القذر ده..انتى بقيتى شخص كويس..ودى احسن حاجه عملتيها قبل مالبنت تكبر وتشوفك على الحاله اللى كنتى فيها...سهر وشرب وعلاقات...عمرها مكانت هتنسى ده.
امينه بصت للينا وابتسمت بحزن:الحمدالله.
فى اليوم التالى.
مؤمن فاق من نومه شاف نافسه نايم فى العربيه وقدام الكباريه
مؤمن بأستغراب:انا نمت هنا ازاى؟!!!
غمض عيونه بتنهيد وفتح عيونه مشى بالعربيه.
فى شركه عزام.
روسندا دخلت الشركه هى وكرم.
روسندا:مكنش ليه لزوم نيجى الشركه النهارده وانت تعبان.
كرم:انا مش تعبان.
روسندا جات تدخل مكتبها وقفت لما شافت سكرتيره من عندها وقفت كرم وبتكلمه.
......... باصه لعيونه بتسبيل:الف سلامه عليك..
كرم ابتسم بخفه وهو بيتجاهل يبصلها بكسوف من تحديداتها ليه:اا..الله يسلمك.
روسندا رجعت وقفت جانبه وبصت للبنت بغضب وعيونها بتدق شرار:انتى متروده.
البنت بصتلها بصدمه وكرم بصلها بنفس الدهشه اللى اصابت الكل.
روسندا بصت لكرم ومشيت وهو بص للبنت وبعد نظره عنها مشى وبيكتم ضحكته على غيره روسندا المفرطه...تردتها بمنتهى البساطه لمجرد انها بتقوله الف سلامه عليك.
روسندا قاعده على مكتبها وهو بصلها بيكتم ضحكته وحط ايده على بؤه:احم..
قرب وقف جنبها وهو ساكت وروسندا مستنياه يقولها انها غلطت عشان تنفجر فيه بس من حسن حظه انه ماتكلمش.
روسندا بصتله بغضب وعصبيه:انت مش شايف انها غلطت؟...لو كل موظفجى سلم على التانى وقعدنا نضيع من وقت الشركه ساعات انت مش شايف ان دى مضيعه للوقت؟
كرم بصلها واتكلم بهدوء وتكشير:بس انا ماتكلمتش.
روسندا بصتله وبعدت نظرها عنه سندت جبينها على ايدها بضيق وهو بيحاول يدارى ابتسامته:هى البنات كلها بتبقى حلوه كده لما بتغير؟
روسندا بصتله وابتسمت وبعظت نظرها عنه:لا انا بس.
كرم ضحك:متواضعه اوى جميلتى.
روسندا ابتسمت وبصتله:انا جميلتك وانت هضبتى.
كرم بصلها وكشر بأستغراب وتفكؤؤر:انا سمعت الاسم ده قبل كده...ااااه...حد من صحابق قالو لما كنا فى النادى من كام شهر مش كده؟
روسندا ابتسمت وبعدت نظرها عنه:اا..ماظنش.
كرم ابتسم وبلؤم:امم..انا فهمت دلوقتى كنتوا بتتكلموا عن ايه..هضبه الحبشه كلنا هنزورها.
روسندا بصتله بأبتسامه:انت لئيم
كرم ضحك:انا بردو؟؟
امينه ماشيه وشايله معاها البنت جالها اتصال وهى ردت:الو..
محمود بأبتسامه:صباح الخير
امينه ابتسمت:صباح النور..
محمود:انتى فين؟
امينه:انا رايحه لكريم.
محمود وقف بصدمه وبيهز راسه بنفى وبقلق:امينه لا ماتروحيش لوحدك انتى عارفه كريم مش سهل استنى انا جايلك قوليلى انتى فين بالظبط؟
امينه:لا يا محمود انا عايزه اخوض المعركه دى لوحدى..لان ده انتقامى انا..
محمود وهو بيلبس حزمته:امينه كريم هيقتلك اسمعى كلامى واستنى متروحيش لوحدك.
امينه:انا هقفل دلوقت عشان شايله لينا ومش عارفه اتملك فى التليفون..محمود عشان خاطرى لو حصلتلى اى حاجه خود لينا ربيها وعلمها هاا انا عارفه انك جايلى وعارفه انك هتمون ورايا...ده طلبى الاخير...
محمود غمض عيونه بضيق وبيحاول يمنع دموعه تنزل:امينه..
نزل التليفون من على ودنه لما سمع صوت قفل الخط..ركب عربيته وساق بسرعه وهو على امل يلحقها.
.......بيكلم كريم:كريم بيه امينه جيالك ومعاها طفلها..
كريم بصدمه وانتابو التوتر:اا...انت...بتقولى امنعوها فورآ وخلصوا عليها..
.......:والطفل؟
كريم:اتخلصوا منه هو كمان انا مش عايز يكونلها اثر.
.......:ماتقلقش احنا مراقبينها ومستنيين الفرصه المناسبه عشان نمنعها..
كريم قفل الخط بضيق وهو على اعصابه.
مصطفى خرج برا اوضته وهو لابس ورايح سركته.
كريم بصله وبيحاول يمنعه عشان مايقابلش امينه:اا...انت رايح فين؟
مصطفى بصله:ايه رايح الشركه.
كريم:اا...لا...اصدى انا عايز اتكلم معاك..
مصطفى بصله وهز راسه بإيجاب:طيب اتكلم.
كريم:خليه فى المكتب احسن نتكلم براحتنا لان ده موضوع خاث بالشغل.
عزام قاعد فى اوضه الاجتماع:انا جمعتكوا النهارده عشان تباركوا لزميلتكوا بالخبر السعيد ده..اعلن قدام الكل بترشيحك يا انسه أنجى لمنصب نأبه المدير للشركه.
انجى بصتله بصدمه وتفاجئ.
الكل صقف وهى كانت فى دهشه.
عزام بصلها بأبتسامه:مبروك.
انجى بصتله بصدمه وابتسمت بسعاده:انا...انا سعيده جدا لان حضرتك اخترتنى للمنصب ده..وبوعدك انى مش هخيب املك.
عزام ابتسم وهز راسه بإيجاب:انا واثق.
عند امينه وصلت للمكان اللى قريب من بيت كريم وهى شايله الطفل على ايدها واخيرا جى الوقت اللى استنته شهور وشهور..
محمود بيراقبها من بعيد جى يروحلها ويمنعها من الفخ اللى هتقع فيه وده لانه كان بعيد عنها بأمتار وشاف رجاله كريم وهما بيراقبوها... بس كان الوقت فات ورجاله كريم طلعوا عليها ومنعوها تمشى.
محمود بصلهم بقلق وبيبص للطفل:لازم اعمل حاجه.
........:انتى فاكره انك هتكونى خطر على حياه كريم بيه ومش هنخلص منك!
امينه بصتله:انا مش طالبه اكتر من انى اقابله.
.......بصوا لبعض وبعدوا عن طريقها:اتفضلى..
امينه بصتلهم ومش مرتاحه لتصرفهم ومشيت وهنا محمود زعق بصراخ:امينه لا...
امينه لفت وبصتله واتصدمت لما شافت شخص منهم مسك السطور وطيرلها رقبتها.
محمود برق بصدمه وكان فى قمه صدمته مش قادر يستوعب اللى حصل... لا هى مستحيل تموت... مستحيل دى تكون النهايه.
......... بصوا فى المكان اللى كان واقف فيه محمود ملقهوش: هو راح فين؟
#####: مش مهم هو معندوش اثبات علينا المهم دلوقت اننا نخلص منها ومن الطفل..
..........: انا هاخده ارميه فى اى حته.
#####: طيب.
.......... خاد البنت ومشى ومحمود مشى وراه.
#####: جى يرميها فى البحر بعد ماوصل لهناك جى يرمى لينا محمود ضربه بالعصايه الحديديه على راسه بعنف.
##### وقع على الارض اغمى عليه ومحمود خاد لينا وعيونه الدموع بتنزل منها من غير توقف.. بص للينا وعياطه زاد كان فى قهر وغلب جواه البنت هتترباه بعيد عن اهلها امها ماتت وابوها لو عرف انها حيه هيقتلها.. رجع للبيت وكان باين على وشه التعب من كتر العياط ووشه متغرق بالدموع مشهد قتل امينه مش قادر يخرجه من باله.. قعد على الكنبه وهو حاضن لينا وهى بتعيط.
ماجده فى اوضتها استغربت صوت ابعياط ده صوت عياط طفله... قامت وخرجت من اوضتها بصت لمحمود بأستغراب وراحت قعدت جانبه وبطنها كبيره وده لانها فاضلها اقل من اربع شهور وتولد.
ماجده حطت ايدها على دراعه بأستغراب وهى بتبص للينا: محمود فى ايه؟... مين الطفله دى ومالك فى ايه؟
محمود بصلها ودموعه مش مبطله تنزل دموع... صوت عياطه علي وهى اتصدمت اول مره تشوفه فى الحاله دى قربت حضنته وهى مصدومه من حالته: اهدى اهدى واحكيلى فى ايه حصلت حاجه لماما؟
محمود هز راسه بنفى: امينه قتلوها..قدام عينى وانا ماقدرتش اعمل حاجه...هى... كانت كانت عايزه تعيش مع بنتها وبس... كانت عايزه تعيشها فى حضنها و... وبس..
بعد وبص للينا وهو بيعيط: هى... هى بتعيط وعيزاها.. عايزه مامتها..
ماجده بصتله وعيونها دمعت بسبب حالته اللى شيفاه فيها حطت ايدها على كتفه وبتحاول تهديه: اهدى طيب اهدى.. كل حاجه هتتحل اهدى ارجوووك..
فى الليل.
شاهيناز بتخبط على باب بيت شمس.
مامت شمس بصوت عالى: شمس تعالى افتحى الباب..
شمس راحت فتحت الباب واتصدمت لما شافت شاهيناز قدامها: انتى..
شاهيناز بصتلها: عايزه اتكلم معاكى.
شمس بعدت نظرها عنها وباين على شكلها الضيق.
شاهيناز بصالها ومستنيه تسمع ردها: مش موافقه؟؟؟!
شمس بصتلها وبعدت عن الباب وشاهيناز ابتسمت ودخلت بصت لمامت شمس: ازيك يا طنط.
مامت شمس: اهلا يا حبيبتى.
شمس: تعالى نقعد فى الاوضه.
دخلوا الاوضه وشمس بصتلها ومستنياهه تتكلم: ايه اللى جابك؟
شاهيناز بصتلها: جايه عشان اوضح سوء التفاهم اللى حصل بينا واللى بعدتوا عنى بسببه.
شمس بصالها: سوء تفاهم؟؟!
شاهيناز هزت راسها بإيجاب حكيتلها كل كارم قالهالها.
شمس بصالها: هو بنى ادم متخلف؟!.. ازاى يخليكى تعيشى فى عذاب طول المده دى!... ويبعد عنك جدتك واصحابك؟
شاهيناز بصتلها بدموع: انا كنت غلطانه لانى وثق فيه من الاول وغلط لما دخلت لعبه منتهيه بس... هو اتغير وبقى يعاملنى بشكل حلو و.. اقسملى انه حبنى.
شمس بصتلها وقربت حضنتها بحزن: انتى عارفه ان كلنا بنحبك وكلنا صحاب واللى يضايقك يضايقنا انتى ماشوفتيش حاله روسندا كانت عامله ازاى لما كلمتيها اخر مره...احنا بعدنا عنك لانك قولتى انك هتتجوزيه وكنتى مطلعه نفسك الغلطانه مع ان هو السافل احنا افتكرنا انك روحتى بيته بمزاجك..
شاهيناز حضنتها وغمضت عيونها: انا حامل..
شمس بعدت وبصتلها بصدمه: حامل؟
شاهيناز هزت راسها بإيجاب وابتسمت بخفه: فى الشهر الاول.
شمس لسه بصالها: بس...كارم.. مش الشخص اللى هيشيل المسئوليه وتقدرى تعتمدى عليه فى تربيه طفل..
شاهيناز: منا بقولك هو اتغير خالص.. هو من كام شهر قالى انه نفسه اوى فى بنتين وولد.. طبعآ وقتها انا كنت مضايقه منه ومبعاملوش كزوجه... بس لما بلغته انى حامل امبارح هو كان هيطير من السعاده ووعدنى انه هيشيل المسئوليه وهيشتغل وهيعمل اللى هطلبه منه.
شمس ابتسمت بتردد وهزت راسها بإيجاب: ده خبر سعيد بس لو هو فعلا بقى كويس وقد المسئوليه دى..
شاهينازابتسمت وبصتلها بأنتباه:صح روسندا عامله ايه؟...وايه اللى حصل معاها وهى وكرم؟
شمس:ياااا...ده حصل اللى مابيحصلش..كرم ومراته اطلقوا وهو اعترفلو انه بيحبها بس مكنش عنده الجرئه يقولها...خايف من المجتم اللى هيقول انه اتجوزها وبيحبها عشان فلوسها..وهى مسكت شركه من شريكات عزام وبقى ليها منصب.
شاهيناز ابتسمت:يااا على كده انا غيبت كتير.
شمس ضحكت:على رأيك.
شاهيناز:انا عايزه اشوفها تعالى معايا نروحلها.
شمس هزت راسها بإيجاب:هى زمانها مروحه على القصر ثوانى هغير هدومى وجايه معاكى.
شاهينازابتسمت وهزت راسها بإيجاب.
بعد ماكل الموظفين اللى فى الشركه مشيوا..
روسندا وكرم ركبوا الاسنسير..فجاه وقف بيهم وهى كانت هتتخبط فى الحديد بتاع الاسنسير بس كرم مسكها:حاسبى.
روسندا بصتله بقلق:هو ايه اللى حصل؟؟
كرم:الواضح ان الاسنسير عطل بينا..
روسندا بصتله:يعنى هنموت؟
كرم ضحك:ايه التفائول ده؟
قرب ببخبط على باب الاسنسير وبينادى:حد هنا؟؟...احنا عطلنا فى الاسنسير...
بيحاول يفتحه وهى قربت بتحاول تفتحه معاه..مسكت تليفونها واتصلت بعزام.
عزام رد:الو يا روحى.
روسندا:احنا الاسنسير عطل بينا وعايزين حد يفتحه الموظفين كلهم مشيوا.
عزام بلهفه وقلق:طيب يا حبيبتى متقلقيش انا هبعت مصلح يشوف فى ايه..
روسندا:طيب هنستنى.
قفلت الخط وبصت لكرم اللى محولاته كلها فشلت:هو هيبعت مصلح يشوفه..
كرم بصلها وهز راسه بإيجاب..
عدت دقايق وهما قاعدين ومستنيين حد ينجدهم.
روسندا وهى باصه قدامها بأبتسامه:تعرف انا مش خايفه..
كرم بصلها وهى بصتله وكملت:لانك معايا.
كرم لسه باصصلها وهى ابتسمت وبصت قدامها تانى:انا عارفه انك بتحبنى..وعارفه ايه اللى مخليك متعترفليش بحبك...وايه اللى عامل حاجز بنا.
كرم باصصلها وبيسمعها وهو ساكت تماما.
روسندا بصتله:بس عايزه اسمعها منك...يمكن دى الحاحه الوحيده اللى بتمناها حاليآ..
كرم بعد نظره عنها ولسه ساكت.
روسندا مسكت ايده وهو بصلها وهى بتطمنه :متخافش وقولها..بوعدك انك بعد ماتعترفلى بحبك ليا..
مفيش قوه فى العالم هتقدر تبعدنا عن بعض.
كرم لسه باصصلها وبعد نظره عنها وهز راسه بنفى:ماينفعش..
روسندا ملكت وشه بين ايدها وهزت راسها بنفى:ينفع بس انت قولها..
كرم بعد نظره عنها وسكت.
روسندا بصتله وهزت راسها بإيجاب:طيب يا كرم زى مانت عايز...
خرجت برشامتين وازازه ميه وخادتهم.
كرم بصلها بأستغراب:ايه دول؟
روسندا بصتله بتفكير وعملت نفسها اغمى عليها.
كرم مسكها بصدمه وبيحاول يفوقها:لا لا لا..روسندا روسندا فوقى ارجوكى يا مجنونه انتى ايه البرشام اللى خدتيه ده!...روسندا انا اسف انا فعلا بحبك...انا بحبك يا روسندا..
روسندا الكلمه ضربت قلبها بعنف كان هاين عليها تقوم ترقص من السعاده...صحيح دايمآ الشده بتجبرنا نقول الحقيقه ونعترف بمشاعرنا الحقيقيه.
إرسال تعليق
يسعدنا تلقي اقتراحاتك أو تعليقك هنا