مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الثانى والثلاثون (الأخيرة) من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل الثانى والثلاثون (الأخيرة)
إقرأ أيضا: قصص قبل النوم
رواية المؤامرة بقلم منة محسن - الفصل الثانى والثلاثون (الأخيرة)
ام محمد مشيت ومحمود بص للينا وهو مش عارف يقولها ايه كميه غضب موجوده جواه غير طبيعيه.
مامت محمود: عايزه تعرفى يعنى ايه عاهره؟...عاهره زى امك كده..
محمود بصراخ:خلااااص بقى انتى ايه مبتحسيش!!
ماجده بصتله بصدمه من صؤاخه عليها:محمود ..
مامت محمود بصتله ورفعت حواجبها بغضب: مابحسش؟؟
لينا بصتلها:م..ال...لها..ما...ما..م..ا..جده؟؟!
ماجده بصتلها واتعصبت:هى مبتقولش عليا انا .
محمود بصراخ اعلى:اتكتمى بقى..
مامت محمود وقفت وصرخت فيه هى كمان:انت متعليش صوتك عليها وتتكلم عدل يا قليل التربيه.
لينا مسك فى محمود بخوف.
محمود بصراخ:بقولك ايه انتى ايه اللى مقعدك معانا اصلا!..انتى جايه تخربى بيتى؟
مامت محمود ضحكت بسخريه:انا اللى بخرب بيتك؟...النحس دى هى اللى خراب على بيتك وانت بقى مش هاممنى اما ماجده بنتى ومش هقبلها القرف والهم على بيتها .
شدت لينا وهى بتخرجها برا البيت وهى بتعيط وبتحاول تبعد ايدها ومحمود شدها بعنف واسلام جرى حضن لينا وكأنه بيمنعها تمشى.
لينا بتعيط بخوف وهو حضنها وبيحاول يهديها:باااا حبيبتى بس متخافيش انتى مش هتمشى من هنا.
لينا بتخبى راسها فيه بخوف.
محمود بصراخ: والتانى مره بقولك ملكيش دعوه بينا ماجده راضيه بس انتى اللى بتهدى حياتنا دى مامتها انتى مالك؟
مامت محمود: متقولش مامتها بس لان دى بنت عاهره بنت واحده...
محمود اتكلم بصراخ:برا اطلعى برا..
مامت محمود بصتله :انت بتطردنى !..طب انا مش طالعه بره يا محمود وقسمآ بالله اخرت البتدى هتكون على ايدى وهفكرك بالكلام ده ابقى ورينى بقى هتعملها ايه.
دخلت الاوضه ورزعت الباب وماجده راحت وراها.
محمود بص للينا وقرب حضنها:بس يا عمرى بابا معاكى .
لينا حضنته جامد :اا..ا..نا...عاي...زه...امش..ى..م..ن..هنا..
محمود بعد وملك وشها بين ايده بحزن وهز راسه بنفى :بس انا مش هقدر اعيش من غيرك...انتى اللى مصبرانى على الدنيا اموت نفسى وتمشى انتى؟
لينا هزت راسها بنفى وهى بتعيط:ت..ع..لى..معا..يا..و..اس..لام ..كم..ان.
محمود بصلها بحزن وانها مش عايزه تقعد فى بيتها..
محمود مسك ايدها وبصلها بأبتسامه خفيفه بيحاول يطمنها بيها:انا مش هخلى حد يأذيكى ولا يكلمك نص كلمه امم..بس ماتسيبيش بابا محمود..لو اى حد ضايقك قوليلى وانا مش هسكتله امم.
لينا بصاله بحزن ومبتمسح دموعها هزت راسها بإيجاب وهو اتكلم بأبتسامه: ميين عاايز يتفسح؟
لينا ابتسمت ورفعت ايدها واسلام كمان.
محمود ابتسم:حلووو يلا تعالوا اطلعلكوا هدوم عشان نتفسح كتييير اووى.
لينا ابتسمت وهزت راسها بإيجاب.
فى الصعيد فى محافظه المنيا بالتحديد فى بيت عيله الصياد..الكل متجمع هناك معاده مؤمن وخديجه.
رحيم بيلعب مع مهند بألعابه:يااا بطل ...بات مان هيغلبك.
مهند هز راسه بنفى: سوبر مان هو اللى بيغلب.
ورد قاعده بتاكل شيكولاته وبتلعب على تليفون روسندا.
روسندا وكرم فى الاوضه بيرتبوا هدومهم.
روسندا بصت قدامها بسرحان والابتسامه اتملكت شفايفها:فاكر يا كرم اول مره جيت معاك هنا؟
كرم ابتسم وبصلها :كنتى قنبله زريه على حياتى.
روسندا ضحكت وراحت حضنته:وياريت خطتى كانت بتنفع فى النهايه انا بقيت معاك وبس لان قلبك اتشدلى.
كرم ابتسم وحضنها :هو اتشدلك بعقل ده اتهبل بينه.
روسندا ضحكت:تعرف انت بالظبط ينطبق عليك مثل تبقى فى بؤك وتنقسم لغيرك.
كرم ضحك وبعد وبصلها بأنبهار:ده احنا بقينا نقول امثال اهو.
روسندا ضحكت :وهو اللى يقعد مع ام كرم يخلى من امثالها؟
كرم بيضحك بعد لما خرجوا برا الاوضه وقعدوا.
سميره بصت لروسندا بأبتسامه:احسن حاجه عملتيها انك اتحجبتى..ربنا يخليكوا لبعض ويسعدكوا ويهديكوا.
روسندا ابتسمت: لولا كرم انا مكنتش هلاقى حد يوجهنى للطريق الصح.
كرم ابتسم وحط ايده على كتفها وحضنها ..
سميره: انا هقوم اسخنلكوا الاكل واجى.
قامت و رحيم مش مركذ نهائى معاهم :يا بطل انت بتكسب كده على طول شكل عمك ايه قدام العيله دلوقت يا شقر يا حليوه انت.
مهند ضحك :يبقى انا البطل الخارق وانت ...انت الشرير لان اللى بيخسر بيكون الشرير .
رحيم: شكرااا اوى يا ابن اخويا ماهو كروم هيجيب ايه يعنى.
كرم:مالك يله بتجيب سيرتى ليه؟
رحيم :لا احنا نقدر يا كروم.
مهند راح قعد جانب روسندا وحضنها وهى ابتسمت وباست خده:يا روح قلب مامى.
رحيم بص لورد اللى قاعده مع نفسها وبتلعب فى التليفون ..قرب قعد جنبها وهى بصتله وبصت فى التليفون.
رحيم همسلها :ممكن اتعرف بالقمر؟
ورد بصتله وهزت راسها بنفى.
رحيم ضحك :ماشاء الله ..طب انا عازب وعايز اتجوز.
ورد:اتجوز بابا.
رحيم ضحك اوى وكان منبهر بردها:نهار اسوح...انت عيالك مش طبيعين وقسمآ بالله انت جايبهم منين؟؟!
كرم:مالك يله مضايقهم ليه؟
رحيم: مضايق مين ده عيالك مدافع وخصوصآ البت اللى هموت واخد منها بوسه .
ورد بصتله وخرجتله لسانها.
رحيم ضحك:بقى كده!..طييييب..
كرم: وووورد عييب..
قام يزغزغها وهى سابت التليفون غصب عنها وبتضحك :اااه..
روسندا ابتسمت وهى بصالهم .
سميره خرجت برا المطبخ:الاكل جهز يا حبايبى.
ورد جريت ورا سميره بضحك :بااااس خليه يسكت.
رحيم قام وبيقرب منها ببطئ:هم هم هم...مين اللى هيتاكل دلوقت.
ورد استخبت ورا سميره اكتر وبتضحك:لااااا..
سميره: رحيم خلاص بقى خليها تقعد تاكل.
رحيم: لا مش هسيبها الا لما اخد بوسه.
ورد: لاااا بابى خليه يسكت.
رحيم شالها بسرعه وهى صرخت بضحك وهو باسها وهى بتضحك وضربته .
رحيم ضحك وهى جريت عند روسندا: وخدت البوسه ..
ورد خرجتله لسانها بضحك.
كرم بتحذير وغضب:ورد عيب كده.
ورد بصتله وبصت فى الارض بتكشير.
رحيم بصله بأنزعاج:يا عم سيبها بتلعب معايا انت بتزعقلها ليه؟
كرم: عشان متاخد عليك.
رحيم: لا هى بتحبنى انا عارف.
ورد هزت راسها بنفى وهو ضحك:شوفت .
سميره: يلا مدوا ايكوا يلا يا روسندا يا بنتى اقعدى عشان عيالك.
روسندا قعدت وقعدت مهند وورد معاها:كلوا يلا .
ورد بصت للاكل بقرف:ييااااع.
سميره: مالك يا عمرى الاكل مش عجبك؟
روسندا: هى مبتاكلش لحوم ..
رحيم: نباتيه يعنى..
ورد بصتله وهو ضحك:خرحى لسانك يلا.
ورد دورت وشها للجهه التانيه .
سميره: طب كلى خضار بس يا حبيبتى اهو انا عامله كوسه وفاصوليا وبسله كمان.
روسندا همستلها:تاكلى طبيخ؟
ورد هزت راسها بنفى: مش عايزه اكل الاكل ده.
سميره: ليه كده يا حبيبتى ده خضار ومفهوش لحمه.
روسندا: اصلى بقول للخدم يعملولها الاكل بطريقه مختلفه ..انا عرفت هى عايزه ايه..تاكلى وافل؟
ورد ابتسمت بسعاده وهزت راسها بإيجاب: ايوه عايزه وافل.
رحيم:الله يرحم..
ورد بصتله واحولت وهو ضحك اوى:لا بجد بنتك مش طبيعيه يا حج.
كرم: بنت روسندا عايزها تطلع ازاى؟
روسندا ضربته على كتفه بضحك وهما ضحكوا.
منير مشغل اغنيه لمايكل جاكسون وبيرقص عليها .
شاهيناز دخلت عليه الاوضه:منير حبيبى ..
سكتت وبرقت لما شافته بيرقص على الاغنيه وبيقلد حركات مايكل جاكسون:نعم؟
شاهيناز: انت بتعمل ايه؟...مايكل جاكسون يا كارم؟...ده ابوك نفسه مكنش بيرقص شوفت ابوك مكنش بيعمل كده.
منير قفل الاغنيه بضيق :نعم؟
شاهيناز: ممكن يا استاذ مايكل تيجى تأكل الكلب بتاعك؟..لحسن انا خايفه ياكلنى.
منير: ماتقلقيش هيعض بس.
شاهيناز: واللهى؟
منير بصوت عالى:كوووبر كووبر.
الكلب جى يجرى وشاهيناز بعدت عن الباب بسرعه بخوف:انا مش فاهمه ايه لازمه الكأن ده هنا ..ابوك يجيبلك اللى عايزه وانا اتحرق فى البيت ده.
منير :يلا يا كوبر هأكلك.
مشى وكوبر وراه .
فى الوقت ده سمعت صوت كارم وده اللى خلاها نزلت من الاوضه.
كارم بصلها وابتسم قرب حضنها وهى ابتسمت:حمدالله على السلامه.
كارم:الله يسلمك يا عمرى.
بعد ومسك ايد شاهيناز وهى مستغربه ..خرج خاتم ذهب من علبه ولبسهولها وهى ابتسمت وبصتله:ليه كلفت نفسك وجيبته؟
كارم قرب باس ايدها وبصلها:مفيش حاجه تغلى عليكى.
شاهيناز ابتسمت وحضنته:ربنا يخليك ليا ومايحرمنيش من طيبتك.
بعد مامحمود فسح لينا واسلام وكانوا سعدا جدا .
بعد مارجعوا للبيت.
ماجده حضنت اسلام بأبتسامه: ابسط يا حبيبى؟
اسلام :اوى.
لينا بصالهم وماجده بعدت وبصتلها ولينا مستنياها تقولها اى حاجه تبتسملها بس ماجده كانت بتتجاهلها تماما.
لينا بعدت نظرها عنها وهى بتنفخ البلونه اللى معاها واسلام كمان.
ماجده:ايه البلونه الحلوه دى؟
اسلام ابتسم:بابا جبهالى..جابلى انا ولينا.
لينا مدتلها البلونه:ب. ب..ت..نو..ر..باب..ا..قا..لى..
ماجده بصتلها وبصت لاسلام:بتقول ايه؟
لينا بصتلها واسلام اتكلم:ايه يا ماما كلامها واضح بتقول ان بابا قالها انها بتنور.
لينا ابتسمت وهى بتاكل لبانه وخرجت شيكولاته ومدتها لماجده:قو..لت...ل ...با..با..يجي..بهال..ك..
ماجده بصتلها وخادتها:شكرا.
لينا بأبتسامه: ب..ا..با..اك..لنا..ايس..كر..يم...وركب..نا..مرا..جي..ح..انا م...خوفت..ش .
ماجده بصالها:يعنى خلص فلوسه.
لينا بصتلها وهزت راسها بنفى: هو..قا..ل...انه مع...اه...فل..و..س..و...وك..مان..قا..ل...لص..اح..ب..المح..ل...يجيبل..ى..فستان .
ماجده بصتلها وبصت لاسلام:وهيجيبلك ايه؟
اسلام: انا قولتله مش عايز.
لينا ضحكت: هو..غلب..با..با...ك..ل..مايقو..له.
..على..حا ..ج..ه ..يقو..له..هاته..ا...للي..نا..
ماجده بضيق:عشان عارف انك طماعه.
لينا بصتلها وعيونها دمعت واسلام بصلها بضيق:لا عشان انا بحبها..
لينا بعدت نظرها عنها وجات تمشى ماجده شدتها:ايه هتجرى تقوليله؟
لينا بصتلها والدموع نزلت من عيونها وهزت راسها بنفى: ل..ا..ء..
اسلام شدها بلطف وبص لماجده بغضب :سيبيها براحتها.
لينا جريت على اوضتها وفضلت تعيط .
فى اليوم التالى.
محمود: عيونى يلا النهارده هنروح للدكتور يشوف فى تحسن ولا ايه.
لينا هزت راسها بنفى: ل..اء ..مش..عا..يزه.
محمود:ليه كده يا عمرى؟
لينا :ا..انت...مام..عك..ش...ف..لوس..
محمود: ومين قال الكلام ده انا الحمدالله معايا فلوس كتيره.
لينا بصتله .
اسلام: ماما اللى قالتلها كده امبارح.
محمود غمض عيونه بضيق وبغضب:حبيبتى ملكيش دعوه بكلام امك..انا معايا فلوس كتير يلا تعالى نروح للدكتور.
بعد مراحوا للدكتور.
الدكتور خرج برا الاوضه مع محمود: انا شايف ان حالتها بتسوء مابتتحسنش.
محمود بصله بحزن:طب انا اعمل ايه؟
الدكتور: لازم تبعدها عن اى ضغط نفسى البنت نفسيتها وحشه جدا وده سبب حالتها اللى بتسوء.
محمود بيفكر بحزن :هحاول يا دكتور.
بعد مارجعوا للبيت.
محمود:انا هاخد لينا واروح اقعد عند كارم كام يوم.
لينا بصتله:و..هنا..خد ..اس..لام؟
ماجده: ليه يا محمود ؟
محمود: هو كده..انتوا خليكوا بقى كلوا فى بغعض بس انا مش مستغنى عن حياه بنتى البنت نفسيتها بتسوء بسببكوا.
ماجده بصتله وبصت للينا اللى بتتكلم مع اسلام ومش منتبهالهم.
ماجده: طيب انا مش هحتك بيها ابدا بس خليك معانا.
محمود: يوووووه ياما سمعت الكلام ده منك.
ماجده هزت راسها بنفى: بوعدك المره دى بجد انا مش هعمل حاجه تضايقك ابدا بس ماتمشيش.
لينا بصتلها: ل..لا..ستى..ب..ت..ضايق..نى..وا..نتى..مابت..تكل..ميش..
مامت محمود خرجت برا الاوضه :مين اللى بتضايقك يا بت؟
لينا جريت استخبت فى محمود وهو حضنها:بس يا عمرى باس متخافيش.
مامت محمود: وهو انا عامله عقلى بعمقلك ولا ايه يا عاهره انتى.
محمود بصراخ:بقولك ايه انا قربت افقد اعصابى وصدقينى هوصل لحد مش هيعجبك ابدا.
لينا عيطت وهى ماسكه فى محمود: ن..مش..ى...احس..ن..
مامت محمود: خير وبركه واللهى غورى فى داهيه اللهى تحصليها..
لينا بتعيط :ب..ا..با...يلا..نرو..ح...عند...عم..و..كا..رم..
محمود مسك وشها وهز راسه بإيجاب: طيب يا عمرى بس اهدى.
لينا بتعيط وبصت لاسلام:هتيجى ..م..عانا؟
اسلام بصلها جى يرد مامت محمود اتكلمت:بس يا بت هو مش رايح معاكى فى حته .
محمود: تعالى يا عمرى احنا هنمشى.
ماجده قامت بسرعه ومسك ايده:محمود انا بعتذرلك بالله عليك ماتمشيش وحياتى عندك..وغلاوه لينا يا محمود..
محمود دور وشه للجهه التانيه بضيق.
لينا ماسكه فيه بصت لمامت محمود شافتها بتقطعلها فى عروستها بالمقص.
لينا عيطت اكتر وبتشد فى ايد محمود:ال..عر..وسه..بتاع..تى..
محمود بصلها وبص لامه بغضب وبيحاول يمسك اعصابه بأى طريقه لانه لو انفجر فيها هينسى انها امه.
محمود: هجيبلك غيرها حبيبتى.
لينا هزت راسها بنفى وبتعيط:لا..د..دى..انا..ب..حبها..
محمود راح شد منها العروسه بعنف ومن غير مايتكلم راح اداها للينا كانت قطعتلها نص شعرها.
لينا حضنتها وبتعيط وبصت لمامت محمود اللى مسكت الدب بتاعها ولينا بصت لمحكود:هى ..هت..قطعه..با..با..
اسلام راح شده منها :ستى انتى ليه بتبوظى لعبنا؟..انا ولينا بنحب الدب ده.
خاده وادى للينا وهى بصتله وادتهوله تانى وراحت تاخد باقى لعبها.
مامت محمود بعدت اللعب من غير ماتبصلها:غورى من هنا.
لينا بعياط:ع..ي..زه..لع..بى..
محمود: اديها اللعب.
مامت محمود: مليش مزاج.
لينا راحت وقفت قدام محمود بعياط:خ..ليها..تد..هو..ملى..
محمود راح لامه بضيق من تصرفاتها خاد اللعب وهى ماسكه التمثال بتاعها ولينا خايفه لاتكسره.
مامت محمود رزعته فى الارض وهو اتكسر ولينا صوت عياطها على وبتصرخ فيها:كسر..تيه...ليه..ان..ا..كنت..بحب..ه.
مامت محمود ببرود: عشان كده كسرته.
محمود بغضب:انتى مفيش فايده فيكى..انا مش عارف اقولك ايه الصراحه..انا ندمان انك امى.
لينا بتعيط بصوت عالى وراحت لمت قطع التمثال من على الارض وخادته وقعدت على النبه ضمت رجليها بانكماش ولعبها جنبها ..عيونها مجفتش من الدموع وصوت شهقاتها بيزيد .
اسلام راح حضنها وملامحه متملكها الضيق :بس متعيطيش انا هجبلك واحد غيره.
لينا بتعيط حضنته وغمضت عيونها وهى بتنام وشهقاتها مستمره .
محمود باصصلها بحزن وضيق قرب قعد جنبها وملك وشها بين ايده :روحى قومى متناميش احنا هنمشى امم..
لينا بصتله وباين عليها التوهان جسمها بيترعش وهى بتحاول تتكلم مش عارفه.
محمود لاحظ دخولها فى حاله اسواء من حالتها حضنها وهز راسه بنفى بيحاول يهدء من روعها ويطمنها : اهدى يا عمرى ماتخضيش بابا عليكى يلا تعالى احنا هنمشى .
لينا قامت معاه واسلام لملها لعبها كلها وادهالها وبصلها بحزن:متأخروش انتى هتوحشينى.
لينا بصتله وبصت لمحمود وهو فهم نظرتها :حاضر يا روحى..اسلام تيجى معانا؟
اسلام هز راسه بإيجاب :ايوه ثوانى واغير هدومى.
جرى على الاوضه وماجده بصت لمحمود بدموع:انت هتاخده ليه؟..وانا هقعد مع مين؟...لينا خليه يقعد ..
لينا بصتلها وبعدت نظرها عنها ومسكت ايد محمود اكتر وساكته.
ماجده: لينا ارجوكى انتى الوحيده اللى هيسمع كلامك.
محمود بعصبيه:متحاوليش انا مش هقعد ايه البجاحه دى تموتوها من الرعب وبعد كده ارجوكى خليه يقعد انسى..
لينا حست بدوخه ووقعت فجاه اغمى عليها وهو مسكها بلهفه :لينا فوقى يا عمرى متقلقيش بابا عليكى ..
رحيم هو وسميره عند هبه وعيلتها.
سميره: انا جايه اطلب ايد بنتكوا حور لابنى رحيم.. ايه رأيكو؟
الكل كان فى صدمه زى حور اللى فى اوضتها.
جمال:اا ...انا عارف انى مش هلاقى حد زى اابنك رحيم بس ..هو انت لسه فى الشغلانه اللى فى القاهره ؟
رحيم: لايا عمى انا سايبها بقالى فتره وبشتغل هنا .
جمال باصصلله بتفكير:على خيره الله يا بنى وربنا مايجيب مشاكل.
حور ابتسمت بسعاده وكانت شويه وهتطانطت.
فى الليل..
محمود قاعد جانب لينا مستنيها تفوق وحاسس ان قلبه هيهرب من مكانه من الخوف .
لينا بتفتح عيونها ببطئ وبتبص حواليها :با...ب..ا..
محمود ابتسم بسعاده وقرب باس ايدها:حبيبه قلب بابا انا جانبك انا اسف يا عمرى سامحينة انا السبب فى زعلك وتعبك سامحينى يا روحى.
لينا هزت راسها بنفى :ل..لاء..
محمود قرب باس جبينها:روح قلبى مش عايزك تشدى اعصابك عشان ماتتعبيش انا معاكى امم انا مش هسيبك ابدا يا روح قلبى
لينا ابتسمت بخفه وهزت راسها بإيجاب
فاتت الايام وروسندا وكرم لسه فى الصعيد وبيستعدوا يمشوا.
سميره: طب ليه كده بس يا حبيبى ماتخليكوا قاعدين معانا.
روسندا:احنا المفروض نسافر عشان مدارسهم .
سميره: ربنا يقدم اللى فيه الخير ولو مفهاش خير يبعدها عنكوا..
روسندا ابتسمت وحضنته: يلا سلام طنط سميره.
بعدت ومهند راح سلم عليها .
روسندا: ورد تعالى سلمى على ستك ..
ورد راحت سلمت عليها وهى متشجعه تمشى.
رحيم راحلهم:ايه ده ايه ايه ده..خلاص كده هتسيبين؟
ورد بصتله واستخبت فى روسندا بضحك اول مشافته.
رحيم: طب سلمى طيب.
روسندا: حبيبتى روحى سلمى على عمو رحيم.
ورد بصتلها وراحت مدت ايدها لرحيم وهو شالها بسرعه وهى بتضحك:هووبا..
رحيم باس خدها وابتسم: شوفتى خدعتك ازاى.
ورد بصتله وخرجت لسانها بهزار.
كرم: ايه خلصتوا؟
روسندا :اه يلا انا هحول الشنط للعربيه.
رحيم:لا خليكى انتى انا هحولها.
خاد الشنط وهى ابتسمت :شكرا رحيم.
كرم سلم على سميره :مع الف سلامه يا ست الكل.
سميره ابتسمت: ابقى طمنى عليكوا لما توصلوا .
كرم: من عيونى ..سلمتوا على ستكوا؟
ورد ومهند هزوا راسهم بإيجاب ومشيوا .
فى اليوم التالى فى القاهره..
شمس :اه واللهى زى مبقولك كده راح وطلب ايدى من ماما انا لحد دلوقت مش مصدقه نفسى تخيلى.
شاهيناز ابتسمت وحضنتها بسعاده كبيره :مبرووووك يا روح قلبى ..لا ده روسندا لازم تيجى تسمع الخبر ده.
اتصلت بروسندا وهى ردت:ازيك حبيبى عامله ايه؟
شاهيناز: تعاليلى شمس عندى وفى موضوع خطييير وماينفعش نجيلك لان كارم مش فى البيت ومنير مش هيرضى يجى معايا
روسندا: موضوع ايه؟!
شاهيناز: دى مافاجئه بس اطمنى مش هتتوقعيها ابدا ..
روسندا: طيب انا جيالكوا .
قفلت الخط وراحت لكرم :حبيبى انا هروح لشاهى عايز حاجه؟
كرم بصلها وملك وشها بين ايده:متروحيش لوحدك انا خايف عليكى وقلبى النهارده مقبوض.
روسندا: متخافش ايه اللى هيحصلى يعنى انا مش هأخر.
كرم باصصلها بتفكير:طب ماتستنى نيجى انا والاولاد معاكى.
روسندا: ياااه هنروح كلنا انا بوعدك مش هأخر يلا باى..
باست خده ومهند مسكت هدومها بزعل:مامى خدينى معاكى.
روسندا بصت لكرم:هاخده معايا
كرم بصلها بقلق:بلاش..
روسندا: طيب يا مهند ماتزعلش انا مش هأخر ولما ارجع هاخدكوا ونخرج كلنا نتفسح.
مهند بصلها بزعل وتكشير:وعد؟
روسندا ابتسمت وانحنت باست خده:وعد.
مشيت وكرم فضل باصصلها لحد ماخرجت من الباب .
كرم اتنهد بعمق وضيق وفى نفسه:بدل منا مش كطمن مكنش المفروض اسيبها تخرج لوحدها..
لينا: اا..ان..ت..ق..ولت...لى..ان..نا...هنمش..ى..من .
هنا..
محمود بصلها ابتسم بخفه ومسك ايدها:صح يا عمرى بس انا عرفت ان كارم بيقضى معظم وقته فى الشغل ومايصحش اقعد مع مراته لوحدنا فى البيت.
لينا بصتله:خ..لاص..نق..عد..ع..ند...ح..د..تان..ى..
محمود بصلها بحزن انها مصره متبقاش معاهم:يعنى معقول لينا عايزه تسيب بيتها الجميل وتمشى؟
لينا بصتله بدموع وهزت راسها بإيجاب.
محمود قرب حضنها وغمض عيونه بقله حيله وحزن :انا هاخدك معايا الشغل لو روحت عشان محدش يحتك بيكى ..اتفقنا؟
لينا مستحت دموعها وبعدت وبصتله هزت راسها بإيجاب وهو ابتسم وقرب باس جبينها:مش عايزك تهتمى لكلام حد ..انا مش عايزه اشوف دموعك ابدا.
لينا هزت راسها بإيجاب وهو ابتسم وباس خدها:يلا تعالى عشان انا ولى لى نروح ناكل فى مطعم كبييير وجمييل.
لينا ابتسمت وهزت راسها بإيجاب..
روسندا بتصوق العربيه شافت عربيه تانيه جايه عليها وهى لفت اتجاه سيرها واستغربت لما لقت العربيه جايه عليها وبأقصى سرعه بتدوس على كالاكس العربيه وبصراخ: حاااااااسب...
العربيه خبطت فيها وعربيتها اتطبقت تمامآ...
الناس كلها اتجمعت وهى بتحاول ماتغيبش عن الوعى وبتفتكر كلام ساهر.
ساهر واقف بعيد عن الحادثه وباصصلها بشر وبغل وفى نفسه:ياااه ...كلامى كان مجرد توقع بس..الحادثه انا السبب فيها استنيت كل السنين دى عشان اخليكى تتعذبى وانتى بتشوفى عيالك بيكبروا قدامك وفى الاخر بؤه..موت..وهما بعد العمر ده كله وبعد ماكبروا هيبقوا عاملين ازاى من غير امهم؟ إن مخليت اولادك يتعقدوا فى حياتهم ويبقوا مرضى زيك مبقاش انا ساهر سعيد..
كرم حس بقلق اتملك قلبه وحس بخوف غريب اول مره يحس بيه من فتره..مسك تليفونه واتصل بروسندا بس هى ماردتش ..قفل واتصل بشاهيناز.
شاهيناز: ده كرم.
ردت :الو يا كرم ازيك ايه اخبارك؟
كرم: تمام الحمدالله..حى روسندا وصلت عندك؟
شاهيناز: لا هى محاتش.
كرم القلق اتملكه اكتر:هى راحتلك يعنى ممكن تكون لسه ملحقتش توصل بس انا قلقان عليها عشان كده سألتك..انا هقفل وهتصل بيها تانى.
شاهيناز: اا..طيب..ابقى طمنى عليها.
قفل الخط وفضل يتصل بروسندا :ياااربى روسندا ارجوكى ردى.
بعد شويه من الوقت كرم جاله اتصال.
كرم رد بسرعه وهو قاعد على اعصابه :الو.
.........:كرم بيه روسندا هانم فى المستشفى هى عملت حادثه بعربيتها.
كرم وقف بصدمه:اا..انت..بتقول ايه..هى كويسه؟؟؟؟
..........:الدكتور بيقول محتاجه نقل دم.
كرم: طيب قولى هى فى انهى مستشفى؟؟؟
..........:٭٭٭٭٭٭٭..
راح لبس بسرعه وبص لمهند وورد :تعالوا معايا انا مش هسيبكوا هنا لوحدكوا .
مهند :بابى هى مامى فين؟
كرم بصله بحزن وقلق:هى فى المستشفى احنا هنروح نشوفها.
بعد مراحوا المستشفى.
الدكتور: هى محتاجه نقل دم ولو مالحقتهاش احتمال كبير تدخل فى غيبوبه.
كرم هز راسه بإيجاب وهو اعصابه سايبه تماما :اا..هى ليها دم فى بنك الدم ..انا هروح اجيبه..
بص لمهند وورد :خليكوا هنا حبايبى ماتتحركوش ولا تروحوا مع حد انا هرجع بسرعه..مهند خلى بالك من اختك والدموع فى عيبه:هى مامى هتبقى كويسه؟
مهند هز راسه بإيجاب ومسك ايد ورد وكرم مشى بسرعه..بعد مارجع كان حاسس بتعب وقله حيله:دكتور هى معندهاش دم فى نك الدم ...
الدكتور: دى مصيبه هى لو متبرعتلهاش بالدم هتموت..
كرم حط ايده على بؤه بدموع وقله حيله مسك تليفونه واتصل برحيم بسرعه:رحيم روسندا فى المستشفى هى عملت حادثه انا عايزك تقلبلى الدنيا كلها على دم فصيله OH ابوس ايدك يا رحيم روسندا هتموت.
رحيم بيطمنه ونبره صوته وترته:حاضر حاضراهدى انا هروح هدور فى كل مكان اهدى بس انت.
كرم هز راسه بإيجاب وقفل الخط اتصل بالحراس بتوعه واللى يعرفهم فى دول مختلفه وقالهم يشوفولوا دم فضل قاعد مع ورد ومهند ومستنى وشريط حياته معاها بيتعاد قدامه فى ثوانى حالته اتدمرت ..فى ثوانى جى الارض خايف لاطفاله يتيتموا وهو مش هيقدر يعيشلهم من بعدها..
عدت ساعات وكل واحد بيعمل اللى يقدر عليه كل واحد بيلف على المستشفيات ومنزلين اعلانات فى الدول المختلفه ..
شاهيناز بتتصل بيه وهو مسك التليفون لما لقاها بتتصل كتير رد عليها بصوت ضعيف:الو..
شاهيناز: طمنى يا كرم لقيت روسندا ؟
كرم هز راسه بإيجاب: عملت حادثه ومحتاجه نقل دم..
شاهيناز اتصدمت ووقفت بصدمه:قولى طيبهى فين!
كرم: ملوش لازمه تيجى ههه...روسندا هتموت..
شاهيناز لاحظت نبره صوته اللى بتدل على رعبه ودخوله فى حاله يأس هتقيده للجنون..
عدت ساعات وهو مستنى اخيييرا تليفونه رن:الو..
.........:كرم بيه انا لقيت الفصيله فى مستشفى فى اوروبا والبنت هتتبرع بالدم وهتاخد ٢مليون جنيه.
كرم بسعاده والامل رجعله:تاخد اللى هى عيزاه بس المهم انك تجيله دلوقت اديلها اللى تطلبه وانا هدهولك.
...........:امرك يا كرم بيه.
قفل الخط وكرم ابتسم وحضن ورد ومهند جامد:ماما هتعيش مامى هتفضل معانا..
بعد مالراجل اللى قاله على الدم واللى بيكون رجل اعمال بعتله واحد بالدم ووصل لعنده..
كرم: دكتور اهو الدم .
الدكتور بصله بأسف وكرم مكنش عايز يفسر تعبير وشه كان خايف يفسرها ..
الدكتور: للاسف هى دخلت ف غيبوبه .
كرم بصله بصدمه متملكاه:غ..يبوبه؟؟؟
مهند عيط :ماميييي..
ورد بصتله وساكته تماما ..
احيانآ بتكون صدمتنا الداخليه اكبر بكتير من الصدمه اللى بنظهرها..بس الصدمه الحقيقيه انك تموت يا اعز شخص ليا وانا قلبى بيعيش بنبض قلبك.
تفتكروا روسندا هتموت؟؟؟؟؟
ومين ساهر اللى جاى ينتقم؟
إرسال تعليق
يسعدنا تلقي اقتراحاتك أو تعليقك هنا