مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الرابع من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل الرابع
إقرأ أيضا: قصص قبل النوم
رواية المؤامرة بقلم منة محسن - الفصل الرابع
كرم لف وهنا كانت صدمته لما شاف روسندا قدامه لابسه عبايه سوده وحاطه ماسك مخيف على وشها مكنتش صدمته أنه اتخض..هو مكنش متوقع ان هيوصل بيها الجنون تعمل كده وتحاول تخوفه عشان يطفش من القصر.
روسندا رفعت السكينه وميلت راسها على كتفها اليمين ..
كرم طفا كشاف تليفونه لانها منزله سكينه الكهربا ولقت اللى سحبها وكتف أيدها الاتنين
روسندا بتحاول تحرك نفسها وبتتجنب تتكلم عشان ميعرفش صوتها ...ومش ف بالها أبدا أنه دارس كل تصرفاتها ودا طبعآ على حسب كلام عزام عليها..
كرم كعبلها وقعها على الأرض وشغل كشاف تليفونه تانى جى يشيل الماسك من على وشها بس هى زأنه جامد وجات تجرى شدها تانى وقعت على رجليها واتألمت
روسندا صرخت غصب عنها..
كرم بيقرب منها وهو موجه كشاف تليفونه عليها...
روسندا اتحدت الالم وقامت جريت على فوق
كرم باصصلها وهى ماشيه واترسمت على وشه ابتسامه تحدى وخبث..
فى اليوم التالى ولما الكل فاق من نومه وقعدوا على السفره معاده انجى و روسندا اللى منزلتش من اوضتها لسه.
عزام بص حواليه بأستغراب :فين روسندا!؟؟
فاطمه:اطلع اناديها؟؟
عزام بص لكرم:اطلع انت..
كرم بصله وهز رأسه بإيجاب وراح على اوضه روسندا..
كرم بيخبط على باب اوضه روسندا..
روسندا وهى قاعده على السرير ورجليها بتوجعها:مييييين!!!
كرم :احم ...عزام بيه مستنى حضرتك تحت على السفره..
روسندا الغضب اتملكها اكتر لما سمعت صوته:وهو عزام مش لاقى حد غيرك يطلعهولى
كرم بأستفزاز:مكنش حد راضى يطلع لحضرتك
روسندا بصراخ وزعيق:انت بنى ادم مستفز غور من هنا مش عايزه اشوف وشك
كرم بأستفزاز:دا من زوق حضرتك...ودى أوامر عزام بيه
روسندا اتعصبت اكتر:انت سمعت يا بنى ادم انت..
كرم بنفس نبره بروده:ربنا خالقلنا ودان واكيد بنستخدمهم ف السمع
روسندا بصراخ وبتحدف مخدات على الباب:انت بنى ادم بارد ومستفز
كرم ببرود:دا من زوق حضرتك...هبلغ عزام بيه ان حضرتك بتجهزى ونازله
وينزل من عند اوضتها
روسندا مسكت رجليها بغضب وأنزعاج ممزوج بألم :ربنا ياخدك يا كرم الكلب انت..
عزام بص لكرم بعد مانزل وهو فهم سؤاله الواضح ف عيونه:نازله..
انجى خرجت من اوضتها بصتلهم وأبتسمت لما شافت كرم:اا..صباح الخير..
عزام:صباح النور
انجى بتبص لكرم على أمل تصطبح بنظره منه بس هو مرفعش عيونه من على التليفون
عايده:تعالى يا روحى اقعدى افطرى معانا
انجى بصتلها بأبتسامه خفيفه:لا انا هروح الشغل انا هسبقك يا عزام بيه وهظبط كل حاجه عقبال ما حضرتك توصل
عزام هز رأسه بإيجاب:طيب ..
عزام ف الوقت دا جاله اتصال مسك تليفونه ورد
المحامى الخاص بعزام:عزام بيه انا جهزت ورق الوصيه زى ما حضرتك بلغتنى..
عزام:طيب عدى عليا ف مكتبى وهات الورق معاك
عايده بصت لانجى وانجى بصتلها وفهمت نظرتها
عزام قفل الخط وحط التليفون على الترابيزه
عايده:اا..انا ..سمعت انك هتكتب..وصيتك..فى حاجه ولا ايه انت تعبان؟؟
عزام بصلها:لازم اكون واخد كل الاحتياطيات يمكن بكره يجى ميلاقنيش .
عايده بصت لانجى وبصتله بخبث ولطف مصطنع:و..كتبتها بأسم مين؟؟...يعنى اكيد كل الأملاك دى يا خويا مش هتروح كده ف ايدين واحد مستهتر..لازم تديها لحد يعرف يشيل مسئوليات الشركات وكل دا..
عزام جابها بهزار:وهو انتى شوفتينى موت يا عايده مش يمكن الايد الامينه دى تموت قبل منى وربنا يطول ف عمرى..
عايده اتعدلت ف قعدتها بأرتباك حست أنه فهمها وفهم قصدها..
انجى بصتلهم وانسحبت:اا..عن اذنكوا..
وتمشى ف الوقت دا روسندا كانت نازله على السلم وهى ماسكه ف السور وبتنزل بالراحه
عزام بصلها بأستغراب وبص لكرم على أمل يقوله حاجه بخصوصهم
روسندا نزلت وراحت قعدت معاهم
عايده بصتلها بقرف وبعدت نظرها عنها وهى بتاكل
فاطمه راحت وحطت قدام روسندا فنجان شاى من غير سكر :شاى حضرتك يا روسندا هانم.
روسندا خدت الفنجان وبدأت تشرب
كرم:صح يا عزام بيه كان فى حاجه محيرانى من امبارح ونسيت اسئلك عليها .
عزام بصله ومستنيه يتكلم
كرم:هو القصر ده مسكون!.
يعنى فى اشباح بتطلع باليل!؟؟
عزام بصله بأستغراب:لا ...ليه بتقول كده!
روسندا بتشرب الشاى ومش بصالهم
كرم بص لروسندا:اصل امبارح حصلت حاجه غريبه اوى.
روسندا كانت بتشرب الشاى شرقت لما عيونها جات ف عيون كرم وفضلت تكح جامد
فاطمه راحتلها وبتخبط على ضهرها خبطات خفيفه
روسندا حطت ايدها قدامها وهى بتكح
عزام بصلها بقلق: روسندا..
روسندا عيونها بتروح وتيجى على كرم:انا كويسه
عزام بص لكرم:ايه اللى حصل امبارح؟
روسندا بصت لكرم وكأنها مستنيه تعرف هو فهم أنها كانت هى ولا لا.
كرم ابتسم بلؤم وبعد نظره عن عزام:بعدين يا عزام بيه..
روسندا بصاله مريحهاش وزى مابيقولوا لا خلاها على حامى ولا على بارد
بعد ماخلصوا اكل وعزام استعد عشان يروح للشغل ...وقف معاه كرم عند باب القصر وروسندا بتاكل وعقلها وودانها معاهم على أمل تسمع اى حاجه بيتكلموا فيها لكن كان صوتهم يدوبك يسمعوا بعض..
روسندا بتدوس على الشوكه بغل اللى معصبها اكتر من تهامسهم أنها مش عارفه هما بيتكلموا ف ايه..
خلصوا كلام وعزام راح على شغله وروسندا طلعت على اوضتها بمجرد ان عزام مشى.
عايده غيرت هدومها ولبست لبس انيق كعادتها...وبصوت عالى: فاطمه..
فاطمه راحتلها بسرعه:نعم يا عايده هانم..
عايده:جهزيلى الشوز الاسود ولمعيه كويس..
فاطمه:امرك يا هانم
وتمشى
عايده بصت لكرم وكأنها بتقيم عارض ازياء..
كرم بصلها وأبتسم ببرود:اهلا..
عايده بعدت نظرها عنه بقرف
روسندا نزلت من اوضتها وهى لابسه جيبه قصيره وبضى من غير أكتاف بتنزل ببطئ لحد ماوصلتلهم:فاطمه ..فاطمه ..
عايده بصتلها بقرف وبعدت نظرها عنها:فاطمه دا كلوا بتلمعى الشوز
فاطمه راحت وحطت قدام عايده الشوز :اسفه يا هانم ..نعم يا روسندا هانم؟
روسندا:اوضتى ارجع الاقيها نضيفه امم..
فاطمه:امرك يا روسندا هانم..
عايده بصوت مسموع وهى بتلبس الشوز:لا وش نضافه..
روسندا بصتلها ميلت راسها وأبتسمت بغل وقربت اوى من عايده داست على الشوز اللى لبسته بعنف لدرجه ان عايده صوتت من الوجع:اااااه انتى اتجننتى!
روسندا بأسف مصطنع:تؤتؤتؤ ...كده تبهدلى الشوز بتاعك...ياااع مقرف..
مشيت وسابت عايده بتاكل ف نفسها وبتصرخ بصوت فاطمه عشان تعدلها الشوز اللى اتبهدل وكانت ف قمه غضبها اتجاه روسندا..بس اللى بيصبرها اكتر هو الورث اللى على أمل يكتبه عزام بأسمها أو باسم بنتها انجى..وعشان كده مش عايزه تبين نفسها غلطانه بعد طول الانتظار دا ..وعارفه أن روسندا ممكن تغفل عزام وتخليه يصدقها بنظراتها الكذابه...دا اللى الكل فاكره ... وروسندا كمان فاكره أنها بتضحك على عزام بنظراتها..لكن اللى محدش يعرفه غير كرم ولأنه فتحله قلبه وأمنه على أسراره أنه بيكون عارف كل حاجه روسندا بتعملها وعارف امتى بتكون كذابه وامتى بتكون صادقه..
كرم وقف جانب عربيه روسندا فتحلها الباب ومستنيها تركب
روسندا رفعت النضاره من على عيونها وبصتله بغل:انا ورايه تدريب
كرم هز رأسه بإيجاب ومن غير ميبصلها وبنفس الابتسامه البارده اللى بيتعامل بيها مع عيله عزام أو مع اللى بيشوفوا نفسهم عليه:عزام بيه مبلغنى بجدول حضرتك..
روسندا غضبها زاد ورفعت صباعها قدامه:الاحسن ماتتكلمش معايا نهائى
كرم بنفس الابتسامه البارده:امرك..
روسندا بغل:ومش عايزه اشوف الابتسامه دى..مفهوم..
كرم ضم شفايفه وغمض عيونه بإيجاب
روسندا لبست النضاره وركبت العربيه وهو ركب ف الصف الامامى عشان يصوق
روسندا خرجت تليفونها واتصلت بشاهيناز:هالو بيبى.
شاهيناز:هالو ياروح قلبى ...ايه الدوشه اللى عندك دى!!
روسندا:انا رايحه النادى انتوا فين؟؟
شاهيناز:هناك متوقعناش انك تيجى يعنى...هو عزام بيه رضى عنك ولا ايه؟؟
روسندا ضحكت بسخريه:مين دا !!...دا لو راح حفر لنفسه تربه وقالولوا ايه وصيتك هيقولهم روسندا ماترتاحش
كرم بيصوق ومركذ ف كلامها ..فهم أنها بتتكلم على عزام.
روسندا بصت لكرم ف المرايه:متنساش تقوله هاا..
كرم بصلها ف المرايه وهز رأسه بإيجاب وبأبتسامه بارده
روسندا بصتله بغضب وبعدت نظرها عنه وبهمس مسموع :باااارد..
شاهيناز:انتى بتكلمى مين!!؟
روسندا:محدش متشغليش بالك
شاهيناز:طيب ماتتأخريش احنا كنا هنبداء لعب من غيرك بس لو كده نستناكى عشان الفريق يكمل..صح هو الهضبه معاكى؟؟
روسندا بتجاوب على قد السؤال عشان كرم ميلاحظش أنها بتتكلم عليه:امم..اكيييد..
شاهيناز:لا كده فله..طيب يا روحى مستنيينك.
روسندا:باى..
وتقفل الخط
روسندا بصت من الشباك بزهق مش متعوده تمشى بالملل دا ..هى متعوده على الاغانى العاليه والهيصه مع صحابها على الطريق..
روسندا:شغل حاجه على الكاسيت
كرم شغل قرأن
روسندا بصتله ورفعت حواجبها:نعم!!
كرم بيبص ف الطريق بثبات:مش قولتى شغل حاجه؟
روسندا:قصدى اغنيه
كرم:افردى عملنا حادثه على الطريق اموت عاصى ..
روسندا بغضب وعصبيه:انت ملكش دعوه فاهم انت تعمل اللى اقولك عليه وبس...عايز تعمل شيخ تستقيل من الشغلانه دى وتروح تعلم واحده غيرى..فاااهم..
كرم ضم شفايفه بقله حيله: طيب.
ويشغل اغنيه
روسندا :افتح صقف العربيه..
كرم فتح صقف العربيه وهى خرجت أيدها بمتعه وكل مالهوا يطير شعرها بتحس براحه بتبان على وشها
كرم بيبصلها من وقت للتانى :واحنا صغيرين كانوا بيقولوا متخرجوش ايديكوا ممكن تيجى عربيه سريعه تطيرها..
روسندا بصتله بتكشيره :عقلانيات.. اظن انك ضد المتعه..
كرم ضم شفايفه بأبتسامه:دا واقع.
روسندا:لو كان الواقع ممل ف انا عندى الخيال احسن بمليون مرا .
بصت ف الطريق ورجعت للمتعه اللى كانت فيها وكرم بيفكر ف كلامها ميعرفش ليه اهتم بالجملتين اللى قالتهم بس حس أنه اتعلم حاجه جديده لازم يجربها...يمكن لان طريقتها كانت مقنعه أو لأنه شاف كميه السهوله اللى هى عايشه بيها ...مع حاجه بسيطه زى دى كان اللى يبصلها يشوف راحه كبيره بتعكس شعورها الداخلى..
فى مكتب عزام..
عزام جاله اتصال مسك تليفونه ورد:الو..
عادل بخبث ولؤم واضح ف طريقه كلامه:اهلا يا عزام بيه...ايه مبتسئلش يعنى..
عزام برسميه:وايه اللى بينا عشان اسئل!
عادل ضحك:يااااا قد كده روسندا متفرقش معاك !..صح صح...دايمآ جوز الام مبيجبش نص حنيه الاب.
عزام:أنهى حنيه اب بالظبط!!...حنيه الاب هى أن الأب يسيب بنته وهى لسه عيله عشان يكمل حياته ويسيبها مع واحد تانى يتكفل بيها مع ان ابوها عايش!!...هى دى الحنيه؟!..لو انت عارف ان جوز الام حنيته متجيش نص حنيه الاب..ليه سيبت روسندا معايا!؟؟؟؟
عادل سكت تماما رد عزام كان كفيل يعجز تفكيره .
عادل:على العموم ولا تزعل نفسك ..اهى هترتاح منها خالص ..
عزام استغرب كلمته وكانت مريبه بالنسبه لعزام:يعنى ايه هرتاح منها!!؟؟
عادل بغموض:اهو هتعرف النهارده ...هات روسندا الساعه سبعه وتعالوا لفلتى..متنساش هاا...يلا هستناكوا
قفل الخط وعزام كان لسه باله شارد ف كلمه عادل ...هترتاح منها!!؟...فكر لو هو ناوى يخليها تعيش معاه هيستنى لما تكبر ويجيبها على بيته !..اكيد دا هيعمل مشاكل كتير لعادل مع مراته ...طب ايه كان قصده بالكلمه دى!!
ف الوقت دا قاطع شروده صوت رحيم .
رحيم:يا عزام بيه...فينك!
عزام بصله بأنتباه:هااا...
رحيم:ها مين بس ده انا صوتى وصل لآخر البلد وحضرتك لسه سامعنى .
عزام حط ايده على جبينه بأرهاق من كتر التفكير:كنت سرحان شويه.
رحيم بمناغشه وبأبتسامه خبيثه:ف مين يا عزام بيه؟؟
عزام بصله واتعدل ف قعدته وبزهق:عايز ايه يله؟؟
رحيم ضحك:يله بردو!!..وانا بقول ايه سبب السرحان طول الوقت ..
عزام :مش اللى ف دماغك يا فصيح..
رحيم بلؤم مصطنع:واللهى..
عزام بصله بنفاز صبر: رحييييم انا مش ناقصك..
رحيم:حاااضر يا عزام بيه..على العموم انا جيت عشان اقولك ان المحامى منتصر مستنى برا..
عزام بصله اوى :وسايبه وواقف ترغى معايا ف اى هبل دخله ..
رحيم خرج برا مكتب عزام وبص لمنتصر:بيقولك اتفضل
منتصر دخل مكتب عزام ورحيم بص لامير بضحك:بعشق استفزازه.
امير :اه وبيجى على قفانا احنا ف الآخر
عزام اتعدل ف قعدته على الكرسى وشاور لمنتصر يقعد:اتفضل ..
منتصر قعد على المكتب قدامه:انا جهزت ورق الوصيه زى ماطلبت منى..
عزام بصله وهز رأسه بإيجاب:حلو..
انجى خرجت من مكتبها وهى معاها دوسيه ف أيدها جات تخبط على باب مكتب عزام قاطعها صوت رحيم:عزام بيه معاه المحامى منتصر
انجى بصتله وف اللحظه دى فهمت أنه جاى عشان ورق الوصيه..
رحيم ضرب كف على كف وبيهز رأسه يمين وشمال :ايه اليوم اللى كله سرحانتيات ده!!
انجى بصتله بأنتباه وجات تروح على مكتبها رحيم اتكلم:لحظه بس يا حضرت المهندسه المحترمه
انجى وقفت وبصتله بنفاز صبر:خييير!!!!
رحيم:احنا شغالين هنا مع بعض بقالنا كتير وبوزنا ف بوز بعض بقالنا كام سنه..بس فى حاجه انا متأكد انك متعرفنيش...(وبفخر)انا ابقى اخو كرم عمران حارس روسندا هانم الشخصى..
انجى بصتله بأنتباه وركذت ف كلامه:انت..اخو كرم عمران!!؟
رحيم رفع شعره بكبرياء:ايه مش واضح!!؟
انجى بسخريه:أن جيت للحق لا..
رحيم بصلها وكشر وهى سابته ومشيت وامير بيضحك عليه
امير بضحك:فى السماء .
رحيم بصله :ايه دى اللى ف السماء؟!!
امير:جبهتك طيرت جبهتك لسابع سما
رحيم:هى بقت جبهه دى كفته خالص
امير ضحك اكتر على طريقته
انجى مسكت تليفونها بسرعه واتصلت بعايده:الو ...خالى عزام دلوقت مع المحامى ف مكتبه...هو اكيد جابله الورق
عايده بأهتمام وتشويق:طب بقولك ايه اسمعى الكلام دا كويس ..انتى لازم تعرفى ايه اللى مكتوب ف الوصيه ومن غير ماعزام يعرف..وإلا هيشك أننا بنمر على أملاكه..
انجى بتوتر وهى رايحه جايه بتفكر:ايوه بس اعمل ايه عشان اعرفها ؟؟...خالى عزام ممكن يسيب الوصيه مع المحامى مش معاه وف الحاله دى مش هنعرف نوصلها ولا بأى شكل
عايده:اتصرفى لازم تعملى كل مجهودك دى اخر واهم خطوه ..
انجى اتنهدت بعمق ورجعت شعرها بتفكير:طيب...هحاول اعمل اى حاجه..
قفلت الخط وبتفكر فى حيله تخليها تعرف ازاى تشوف الوصيه ...واخيرا هتخاطر وتنفز الفكره اللى ف دماغها ودى الفكره اللى ممكن تنجع بنسبه ٩٠٪..
فى النادى بعد ماوصلت روسندا هى وكرم لهناك..
روسندا سلمت على صحابها بما فيهم ماذن اللى باس خدها وحضنها وكرم كان واقف شبهه مضايق...مش مسئله حب واعجاب..مسئله عرض وشرف مبيتسمحش بمسه ف بلده..
كرم راح وقف جانب روسندا وقرر أنه هيلازمها دايمآ زى ماعزام بلغه وهيحل محل عزام ف غيابه...ودا طبعآ على حسب أوامر عزام اللى عايز يمشيها بما يرضى الله..
ماذن بص لكرم وباين على ملامحه الغضب والانزعاج ووجه كلامه لروسندا:بيعمل معاكى هنا ايه بسلمته؟؟؟!!
كرم:أسمى كرم وانا الحارس الشخصي للهانم الصغيره ...واكيد هبقى ملازمها ف كل مكان زى الأوامر والقواعد المحطوطه..
ماذن دور وشه للجهه التانيه وضحك ضحكه ساخره من كلام كرم:حارس شخصى ...والهانم الصغيره!..انت فاكر نفسك ف حضانه..؟؟
كرم ببرود :والله لو كانت بتتصرف بعقل مكنش عزام بيه هيوظفنى اروح معاها كل مشوار بتروحو..
روسندا بصتله ورفعت حاجب واحده وكأنه بيقوله هى فعلا صغيره..
ماذن جى يرد عليه وكان شكله متعصب من برود كرم ف الرد.
شمس لاحظت انهم هيشبكوا مع بعض وعشان كده اتدخلت:اا..يا جدعان خلاص مش كده استهدوا بالله..
شاهيناز:يلا نلعب..روسى انتى هتبقى ف فريق شمس وفريقى و..
روسندا:لاحظه بس أنا مش هينفع العب ..رجلى مش كويسه ويمكن لو لعبت توجعنى اكتر..العبوا انتوا وانا هتفرج عليكوا.
ماذن بصلها بأنزعاج:يبقى كنتى تقولى نروح مكان تانى بدل مانلعب من غيرك
روسندا:وعلى ايه العبوا وانا هتفرج عليكوا وبعدها نروح مكان تانى..
شاهيناز بزعل:طيب يبقى كده ناقصلنا واحد ف الفريق..
بصت لكرم واول ماخلصت جملتها وسئلت:تحب تنضم لفريقنا؟؟
كرم جى يرد ماذن صبقه :الفريق كامل وكده اللعبه هتبوخ...
وليد بصلهم:بس اللعبه دى ..
ماذن قاطعه بتسرع :احنا هنخرج واحد من الفريق..
شاهيناز بصتله ورفعت حواجبها:ومين اللى هيخرج بقى!؟؟؟
ماذن بتهكم:وليد.
وليد بصله وبرق:انت بتاخد قرارات بالنيابه عنى ..رغيف كفته قدامك انا!؟
ماذن بتكشير:هو كده ..ويلا عشان انا على أخرى..
مشى وشمس بصت لكرم بأسف :هو طبعه صعب شويه..بتمنى ماتكنش اضايقت ..
كرم بيظهر عدم اهتمامه :اكيد مش هضايق لو دا طبعه..
شمس ابتسمت وبصت لشاهيناز بصه بتدل على الانسحاب..ومشيوا بدئوا يلعبوا
روسندا بصالهم وباين على شكلها اوى التحمس للعب معاهم..
كرم بيبصلها من طرف عينه من وقت للتانى وملاحظ رغبتها القويه ف اللعب..
وليد وقف جانب كرم:يا صباحوا عسل
كرم بصله ووليد ابتسم :انا وليد
كرم أبتسم بخفه:اهلا..
روسندا بصتلهم وبعدت نظرها عنهم وبتراقبهم وهما بيلعبوا
روسندا بصوت عالى:شمس خليكى زى مانتى متروحيش الناحيه التانيه
شمس مش سمعاهه وراحت على الجانب اللى ماذن بيهوش يحدف فيه الكره ودا اللى خلاهه متلحقش تمسكها وتخسر
روسندا بأنزعاج:دا الجيم الاخير..
شاهيناز راحتلها هى وشمس وهما بينهجوا:اااه...
روسندا ضربت شمس على رأسها:فى ايه هنا عماله اقولك متروحيش الجهه التانيه ماذن بيهوشك وعارف انك غبيه.
شمس:اعمل ايه يعنى مسمعتكيش ...وبعدين انتى عارفه انك الوحيده اللى بتقدرى تتعاملى مع ماذن وحركاته دى وهو عارف كده
روسندا بأسف:على كلن خلاص كده كده خصرانين الجيم دا..
شاهيناز بصتلهم واقترحت :طب ماتدخلى حد بدالك..
روسندا بصتلها:زى؟
شاهيناز شاورتلها بعيونها على كرم الواقف بعيد عنهم بخطوات هو و وليد وبيتكلموا
روسندا بسخريه:لا وانتى الصادقه اصلو داخل دماغى اوى دا انا لو اطول انسف بيه الأرض كنت...
سكتت لما جات ف دماغها فكره خليتها ابتسمت بلؤم:يلعب...وماله..
شمس بصتلها وبصت لشاهيناز وكأنها بتستشف من نظرات شاهيناز هى فهمت اللى روسندا بتفكر فيه ولا لا.
شاهيناز رفعت كتفها وهى باصه لشمس وكأنها بتقولها معرفش ايه سبب الرد السريع دا وكمان هى كانت رافضه الاول..ايه اللى خلاها تغير رأيها وبالسرعه دى!
روسندا راحت ووقفت مع كرم ووليد.
روسندا:كرم عيزاك ثوانى..
كرم بصلها وهز رأسه بإيجاب وراح معاها بعدوا عن الكل
روسندا:الحقيقه انا كنت عايزه اطلب منك طلب.
كرم بصلها وبيسمعها
روسندا بتتكلم بلطف مصطنع:عيزاك تلعب بدالى..لو معندكش مانع طبعآ.
كرم لسه باصصلها وقدر يفهم سبب الابتسامه البريئه اللى على وشها:امم..هو انتى منهم
روسندا بصتله بأستغراب:من مين؟!!!
كرم:لا ولا حاجه...
روسندا بلطف :ايه هتلعب عشان خاطرى؟؟
كرم بصلها وأبتسم ابتسامته البارده:اكييد..بدل ماروسندا هانم هى اللى طلبت دا بنفسها..اكيد هلعب.
روسندا ابتسمت بلؤم:بالتوفيق..
سابته ومشيت وهو فضل باصصلها وهى ماشيه ونظراتها ليه كانت كفيله تفهمه خطتها وايه اللى ناويه عليه.
روسندا بصوت عالى :استووووب ماذن عيزاك ثوانى..
ماذن ساب الكوره وراحلها..
روسندا:ماذن عيزاك تلعب كرم معاك
ماذن بصلها ورفع حاجب واحد وخاد نفس عميق من السيجاره اللى ف ايده :نعم..
روسندا قربت من ودنه وهمست وهو كان مركذ معاها جدا..
روسندا بعدت وبصتله:فهمت بقى
ماذن رما السيجاره اللى ف أيده:اذا كان كده..فين الأمور..
بعد مالبس كرم لبس اللعب(واللى عباره عن شورت وتيشرت)..كان شكله بلبس اللعب خرافى عليه و عضلاته باينه اكتر بشكل حلو...بدئوا يلعبوا وروسندا قاعده بتتفرج عليهم وف بالها أنها قربت جدا من هدفها..بس اللى صدم روسندا وكان داهش الكل أن كرم يفوز على ماذن ف اول جيم يلعبه..
شاهيناز وشمس بصوا لبعض وكانوا ف دهشه من لعب كرم المبهر وكان باين اوى على ماذن العصبيه وخصوصآ أنه مبيحبش حد يتفوق عليه ابدا.
كملوا لعب وروسندا نسيت تماما خطتها اللى المفروض هنسيب كرم مشغول فى اللعب وتصبقهم على الديسكوا يسهروا هناك
....لكن كان كل اللى ف بالها ازاى كرم يفوز على ماذن مكنتش متوقعه اللعب دا منه...
روسندا بصالهم وعلى اعصابها نسيت تماما ان كرم ف صفها وبيلعب لصالحها ومش ف بالها غير أن لازم ماذن يفوز ودا لأنها ضد كرم وف كل الاحوال
خلصوا لعب وكان فريق روسندا هو اللى كسبان وده كلوا بفضل كرم..
شمس راحت هى وشاهيناز لروسندا
شمس بسعاده:انتى شوفتى الهضبه عمل ايه!..
شاهيناز:دا طلع العب منك غلب ماذن ومن اول جيم.
روسندا بصتلهم بغل وهما اتعدلوا ف وقفتهم وبصوا لبعض فهموا أن روسندا على تكه وتنفجر فيهم..
شمس حطت أيدها ورا رقبتها وبتتجاهل تبص لروسندا.
شاهيناز:انتى مضايقه ليه دلوقت ده فريقنا هو اللى كسب.
روسندا عيونها راحت على كرم اللى جاى عليهم
روسندا بعدت نظرها عنه:اسكتوا..
شاهيناز:لا ماهو انتى متبقيش مضايقه أن الهضبه كسبنا و...
كرم قاطعهم:هضبه ايه!؟
شاهيناز برقت هى وشمس وروسندا اتكلمت بتسرع:هضبه الحبشه..اكيد كلنا هنروح نزور هضبه الحبشه...ههههه...هيكون هضبه ايه يعنى..(دورت وشها وهمست بغل) ربنا ياخدكوا..
شاهيناز بتكتم ضحكتها بالعافيه وهى حاطه ايدها على بؤها.
كرم:عزام بيه اتصل بيا وقال إنه عايزنا نروحلوا عند عادل بيه..والد حضرتك.
روسندا بصتله وشمس وشاهيناز بصولو نفس البصه وبصولها بأستغراب
شمس:جوز امك هيعمل ايه عند ابوكى!!؟؟؟
شاهيناز:وغير كده ليه عزام بيه هيطلب يقابلك هناك!؟؟؟؟
روسندا بصالهم وبالها شارد اول حاجه جات ف بالها أن عزام عايزها تقعد عند عادل ...بس طبعآ محدش جاب التوقعات المظبوطه وكان كل شخص بيفكر بطريقه تفكير الشخص اللى قدامه ...أو اللى هو فاكر تفكيره كده..بس يا ترى مين اللى هيطلع تفكيره مظبوط...أو اللى فعلا ممكن عادل يطلب روسندا وعزام عشانه.
المحامى منتصر المسئول عن وصيه عزام نزل من الشركه ركب عربيته وبص للسواق:اطلع..
السواق طلع بالعربيه وف نص الطريق
انجى قفلت شبابيك العربيه والبيبان من عندها ...كانت متنكره على أنها السواق وحاطه على وشها ماسك ولابسه كاب الجاكيت على رأسها..رشت المنوم ف العربيه وف اتجاه المحامى اللى كان بيتكلم ومستغرب من اللى بتعمله واخيرا عرف أن دا مش السواق بتاعه وكان دا اول مشاف عيون انجى قدامه ..
المحامى منتصر نام فى ثبات عميق وهى خادت الشنطه منه بسرعه وفتحتها بدأت تدور على ورق الوصيه اللى لقيته قدامها من غير اى تعب..ف اللحظه دى كانت انجى متوتره جدا كانت على امل تبقى الوصيه زى مابتتمنى هى وعايده...بس لما فتحت الاوراق وقرأت الوصيه الورق وقع من أيدها وماقدرتش تستحمل صدمه زى دى ..هى فعلا كانت متوقعه أنه يكتب الوصيه بأسمها ...بس المبلغ اللى شافته والكلام المكتوب ف العقد اصابها بصاعقه اخترقت قلبها وعقلها..
فى فله عادل و بعد ماوصلت روسندا دخلت الفله وكرم وقف برا الفله ..هناك اتفاجئت بوجود مصطفى وابنه كريم وسوسن مرات مصطفى..
روسندا سلمت عليهم معاده سمر مرات ابوها.. وفضلت متمسكه بحضن عمها مصطفى اللى بتحس ف حضنه بالحنان اكتر من ابوها نفسه.
مصطفى غمض عيونه وهو حاضنها:عامله ايه يا روح قلب عمك ؟
روسندا ابتسمت بخفه وهزت راسها بإيجاب:الحمدالله .
بعدت وقعدت
عزام برسميه :انا ورايه شغل ممكن تتكلم ف اللى جايبنا عشانه..
عادل بصلهم وشبك أيده ف بعض:طيب...انا هدخل ف الموضوع على طول..احنا جمعناكوا هنا وبس عشان نعلن خطوبه روسندا بكريم ابن عمها...
هنا كانت صدمه روسندا متقلش عن صدمه عزام وف نفس واحد:خطوبه مين؟؟؟؟!
مصطفى :احنا قررنا نقوى علاقه العيله ببعضها اكتر..وكريم طلبك من عادل وهو وافق..
ف الوقت دا جى عزام يرد بس سكته زى ماصدمه رد روسندا اللى متوقعوش
روسندا وقفت وبصت لعادل بغضب والصدمه لسه مسيطره عليها:انت فاكر انى سلعه هتبيع واشترى فيا زى مانت عايز !!؟
سوسن بصدمه:بت عيب دا ابوكى
مصطفى بص لعادل وبصلها بأستغراب: روسندا ايه اللى بتقوليه ده!..
روسندا بعصبيه وبتبصلهم:اللى بقوله إن كل واحد فيكوا مش همه غير نفسه كل واحد عمل نفسه اطرش لما صوت اوجاعى على...سكتوا لما اطردت من بيتى وعشت بعيده عن حنان الابوه اللى عمرى ماحسيت بيه معاك وعيشتنى مع واحد ملوش أنه يشيل همى وابويه عايش..خدت حقى من ورث امى وفاكرنى غبيه مش فاهمه بس كنت بسكت وبمزاجى..ودلوقتي مجتمعين عشان تحددوا مصيرى وبتاخدوا قرارات بالنيابه عنى..انتوا مش مكسوفين من نفسكوا!!
مصطفى وقف وبصلها : روسندا الكلام بهدوء واللى بتعمليه ده عيب ..
عادل :انا عارف مصلحتك اكتر منك انتى بنتى ..
روسندا بصتله بغضب وبعصبيه :انا مش بنتك انا بنت الراجل اللى شال همى انا بنت عزام بيه زى ماكلوا فاكر ..
عزام بصلها كان مندهش من اللى بتقوله ..تصرفاتها معاه كان مفكرها مبتحبوش بس دلوقت وبالتحديد شاف قدامه بنت مختلفه تماما عن اللى عايشه معاه..
عادل وقف ومسك دراعها بغضب:انتى اسمك روسندا عادل الجوهرى البحيرى وده(وبيشاور على عزام) ملوش اى اسم متصل بيكى
روسندا بعصبيه مماثله:انا أسمى روسندا البحيرى ولو هضيف اسم اب ليا ف هو عزام بيه انا مش عايزه اشيل اسم من العيله الوسخه دى انسى انك عندك بنت اسمها روسندا ..اتمتع بالعيشه مع مراتك القذره اللى متجوزاك عشان فلوسك يا سيد يا فقيه...
عادل بصلها بغضب ورفع أيده جى يضربها بالالم لقى اللى مسك ايده :ايدك ماتتمدش عليها هى مبقتش صغيره..
روسندا بصتله
عادل شد أيده بعنف وبصله بغضب :انت متدخليش خالص دى مشكله عائليه وانت مش من العيله انا جيبتك هنا عشان بس تعرف انها هتتجوز ودورك خلص يلا برا ..
روسندا مسكت دراع عزام وبصت لعادل بعند:هو فعلا هيمشى بس معايا
مصطفى وقف وبصلها بعصبيه: روسندا مينفعش اللى بتعمليه ده دى مشكله عائليه ومينفعش تدخلى فيها حد غريب..
روسندا:حد غريب!!...لو حد هيخرج برا الموضوع ف هو عادل .
مصطفى بغضب: روسندا انتى بتغلطى وغلط كبير
روسندا:لو انا بغلط هو عمل ايه!!؟
مصطفى:هو ابوكى وحتى لو غلط ف حقك لازم تسمعى كلامه
روسندا بدموع مهزوزه مسمحتلهاش بالنزول وبصوت عالى بيدل على عصبيتها:انا قولت مش ابويا انا مسميش روسندا عادل انا أسمى روسندا عزام انا بكره البنى آدم ده ومستحيل اعتبره من عيلتى.
عادل ضربها بالالم بعنف وهى صوتت ووقعت على عزام
كرم بص للفله بتردد أنه يدخل لما لقى الصوت علي اكتر بس كان بيحط ف باله أن دى مشاكل عائليه ومش لازم هو يتدخل فيها إلا بإذن من عزام .
عزام بعصبيه:انت لو ايدك اتمدت عليها تانى صدقنى هتزعل
عادل بعصبيه:انت ماسمعتش انا قولت ايه براااا .
عزام بص لروسندا وملك وشها بين أيده بلطف وحزن :يلا نمشى .
روسندا بصتله والدموع مغطيه عيونها هزت راسها بإيجاب وجات تمشى عادل شدها بعنف
عادل:انت بس اللى هتمشى وهى هتفضل هنا لحد مانحدد معاد الخطوبه .
روسندا فلتت أيدها من ايد عادل بعنف وبصتله بتحدى وغضب بيخفيه نظرتها القويه واللى عكس كل اللى جواها من الم وصراخ طفله بتتمنى لو تترمى ف حضن امها وتنهار ف العياط ..
عادل بتحذير وبيحاول يتمالك اعصابه: روسندااااا اتعدلى والا انا هظبطك من الاول وجديد
روسندا جات تمشى شدها من شعرها بعنف وهى زأنه وصرخت فيه بكل صوتها وهنا دموعها اتحررت وسمحتلها بالانطلاق:ايدك لو اتمدت عليا تانى انا هكسرهالك انت ملكش الحق تمد ايدك عليا ...
عادل ضربها بالالم بعنف وبصراخ:انتى شكل قعادك مع عزام بيه المحترم فسد اخلاقك بس أنا عارف هرجع اخلاقك دى ازاى.
عزام لكمه بعنف وهنا الكل اتصدم
سوسن: Oh my god
سمر وقفت فجاه وبغضب:انت ازاى تتجراء وتمد ايدك عليه
كريم وقف بينهم ومسك عادل اللى كان لسه هيبداء معركته مع عزام:عمى خلاص.
عادل بصراخ وبيحاول يبعد كريم :انا هوريك ازاى ترفع ايدك عليا ورحمه امى لكون رافع عليك قضيه وابقى اتحامى فيه أن موريتك عيشه الكلاب وخليتك تتزلليلى مبقاش انا عادل..
عزام خاد روسندا وخرجوا برا الفله
سمر وقفت بكبرياء وبصت لمصطفى:دى اللى انت عايز تجوزها لابنك؟!!..دى محتاجه تربيه من اول وجديد
كريم بصلها بغضب وتحذير
روسندا بصت لعزام بعيون مليانين دموع وقهر:اا..انت..رايح فين؟؟
عزام بصلها وحط أيده على شعرها بمواساه:هروح الشركه وهرجع على القصر..امشى انتى مع كرم وانا مش هتأخر..
روسندا بصتله وهزت راسها بإيجاب ومشيت
كرم بصلها وهى مشيت ركبت العربيه وماكلمتوش نص كلمه ملكت رأسها بين أيدها بدموع بتنزل من غير توقف
عزام حط أيده على كتف كرم وبصله بحزن:وصلها على القصر..وخلى عينك عليها متسيبهاش لوحدها ولا لاحظه..انا مش متوقع ممكن تعمل ايه ف نفسها..
كرم بصله وهز رأسه بإيجاب وراح ركب العربيه وساق
عزام غمض عيونه بتنهيد وحزن يصاحب قلق..
كرم ساق العربيه وروسندا باصه من الشباك وبتمسح دموعها اللى بتحاول توقفها بس اللى بيزودها هى المشاهد المؤلمة اللى بتيجى قدام روسندا ..كرم بيبصلها من وقت للتانى من طرف عينه ولما كانوا ماشيين قدام البحر..
روسندا من غير متبصله:اقف هنا..
كرم وقف العربيه وبصلها وهى فتحت الباب ونزلت وبصتله بعيون دبلانين من كتر الدموع:ممكن تروح انا هقعد هنا شويه وبعدها ارجع على البيت ولو مش عايز براحتك.
قفلت باب العربيه وراحت قدام البحر وهو فضل باصصلها وهى ماشيه
روسندا وقفت قدام البحر واستسلمت للهوا اللى بيساعدها تخرج كل اللى جواها من أحزان مكتومه بقالها سنين..
روسندا غمضت عيونها والدموع بتنهمر على وشها ..
بتفتكر اجزاء من الماضى.
Flash back
روسندا دخلت البيت جرى وهى مبسوطه:ماماااا..ماماا..
سهى خرجت من المطبخ وفتحتلها دراعها بالبتسامه
روسندا جريت اترمت ف حضنها بأبتسامه
سهى:روح عيونى اللى بتروح المدرسه وتيجى لوحدها..
روسندا ابتسمت..
_روسندا دخلت البيت جرى وبتنادى على سهى بسعاده:ماامى....مامى..
سكتت لما شافتها خارجه من الأوضه على سرير متحرك ومحطوطلها جهاز تنفس صناعى ..
روسندا راحت لها بسرعه ومسكت أيدها :مامى ...مامى...
عزام مسك كتفها بحزن وقلق:حبيبتى أهدى هى هتبقى كويسه..
روسندا بصتله بدموع :فين بابى؟؟
عزام بصلها بحزن:هو مش هنا احنا انا اتصلت بيه وقال انه مشغول
_فى المستشفى
الدكتور خرج من اوضتها وباين على ملامحه العلامات اللى بتبين حاله سهى... ملامح اسف... حزن.. يأس..
روسندا بصاله وهى بتعيط وعزام ماسك ايدها:مامى كويسه؟؟
الدكتور بصلها بأسف وبص لعزام: انا بعتذر... بس مقدرناش ننقذ الحاله.. البقاء للله..
Back
روسندا صرخت بكل مافيها من صوت ...صرخت الصرخه اللى اتمنت تصرخها ف اللحظه دى اللحظه اللى سمعت فيها الدكتور بيقولها السعاده اللى ف حياتك اختفت ..الحضن اللى هيواسيكى وقت حزن وهيشيل عنك هم كبير مات...الابتسامه الحلوه اللى ف حياتك ماتت....اللى لو الدنيا كلها جات عليكى برحمتها وبحنيتها هتقف هى جانبك وتدعمك خلاااص مبقتش موجوده...
روسندا قعدت على التراب بأنهيار
روسندا غمضت عيونها بانهيار: انا بكرهكوا بكرهكوا كلكوا كلكوا بتجروا ورا مصالحكوا وروسندا.. روسندا لااا تولع عشان مفيش حد ورا حقها.. تولع عشان هى غلبانه وهبله..بتبيعوا وتشتروا فيها كأنها مش بنى ادمه ملهاش قرار... انا مش هسامح حد مش هسامحك يا عادل بحق موت امى وبحق كل جرح انت اتسببتلى فيه عمرى مهسامحك..
حطت ايدها على شعرها بأنهيار..
كرم مراقبها بنظراته ومتردد ينزلها ولا لا.. بس قرر انه يقف جنبها ويمكن يكون السبب ف اظهار الشخصيه الحقيقيه ليها واللى مدفونه جواها وبتمنعها من الظهور..
كرم قرب وقف جنبها وهى متحركتش خطوه ولا بصتله حتى وكأنها مواعده نفسها انها هتتخلص من جروحها كلها النهارده..
كرم خاد نفس عميق وخرجه من بؤه: هاااا...حلو الجو ده... كفيل يخلى الواحد يرتح وباله يروق..
روسندا فتحت عيونها وبصتله ووشها غرقان من الدموع
كرم بصلها بأبتسامه خفيفه: لما كنت طفل وكنت ببقى زهقان ومضايق وقتها كنت باجى هنا مع ابويا نقعد على البحر ونشغل قرأن وقتها كنت بحس براحه كبيره...ليه متحاوليش تجربى الاحساس ده؟
روسندا دورت وشها للجهه التانيه وبسخريه: وهو انت عندك دم عشان تحس!؟
كرم دور وشه للجهه التانيه وضحك: حتى وانتى زعلانه.... ياااا انتى اكدتيلى انك لسه بكامل قوتك
روسندا وقفت ومسحت دموعها: انا هروح اشترى حبه حاجات اظن انك مش هتروح من غيرى
كرم: ده اكيد.
روسندا ضحكت بسخريه: هه...قمه الغلاسه اللى ف الكون..
سابته ومشيت وهو ابتسم بأنبهار ازاى قدرت تخفى حزنها كده وترجع للجمود ده.!!
روسندا ركبت العربيه وسندت على الشباك بشرود وارهاق.
كرم بصلها ف المرايه: اربطى حزام الامان..
روسندا: كتير بيموتوا ف حوادث السيارات وبيكونوا رابطين حزان الامان مش ده اللى هيمنع الخطر يحصل.
كرم: صح مش ده اللى هيمنعه بس كل حاجه ليها اسبابها..
روسندا: سوق انت وملكش دعوه لو موت هيلاقوا جثتى ف العربيه من غير حزام الامان الحق مش هيبقى عليك...وكمان روح على القصر مش هروح ف حته
كرم اتنهد بعمق وهز رأسه بقله حيله:امرك
ويسوق وهما ف طريقهم للقصر روسندا جالها اتصال وردت:الو..
شمس:ايه يا بنتى قلقتينا عليكى ماذن بيتصل بيكى بقاله ساعه وشاهيناز كمان ومبترديش على حد
روسندا بضيق:معلش بس كنت تعبانه وماسمعتش التليفون.
شمس:ليه مالك؟؟..صح عادل بيه كان عايزكوا ف ايه؟
روسندا ملامحها رجعت لحزنها وضيقها تانى:كان هيجوزنى بسلامته..
شمس بصدمه:نعم!!...يجوزك من غير مايقولك!؟
روسندا:انا خلاص ايدى منه والقبر انا مبقتش معتبراه ابويا ..تعرفى يا شمس انا النهارده اكتر وقت عرفت فيه اد ايه انا مش محتجاله ...انا طلع عندى كل حاجه ومن كتر الحاجات دى انا مش محتجاله ابداا..
شمس اتنهدت بحزن وفهمت الجرح اللى جوا روسندا:طيب طيب انا عارفه انك مش محتجاله وعارفه ان عندك كل حاجه..بس يا ريت تكونى فعلا زى مابتقولى وماسمعش بعد ساعات خبر انتحارك..
روسندا ضحكت بغلب:متقلقيش لسه ماوصلتش للمرحله دى...يلا سلام اشوفكوا بكره
شمس ابتسمت بحزن على روسندا:سلام يا روحى خلى بالك من نفسك ولو لقيتى نفسك زهقانه ف اى وقت اتصلى بيا ..
روسندا ابتسمت بخفه:امم..
وتقفل الخط
فى قصر عزام
انجى دخلت قصر عزام وبصوت عالى: فاطمه... فاطمه...
فاطمه راحتلها :نعم يا انجى هانم؟
انجى:عايده هانم فين؟
عايده خرجت من اوضتها لما سمعت صوتها :روحى انتى يا فاطمة..
فاطمه مشيت
عايده بصت لانجى بتحمس وفضول:قوليلى عرفتى ايه اللى ف الوصيه؟؟
انجى بصتلها بغل:اه عرفت ومن الواضح اوى أن ا
إرسال تعليق
يسعدنا تلقي اقتراحاتك أو تعليقك هنا