مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل التاسع من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل التاسع
إقرأ أيضا: قصص قبل النوم
رواية المؤامرة بقلم منة محسن - الفصل التاسع
روسندا رفعت رأسها وبصت لكرم وهو باصصلها ومصدوم.
روسندا بعدت عنه وطلعت على اوضتها والكل لسه واقف مكانه ومصدوم .
كريم بص لعزام بغضب وجى يطلع وراها عزام مسك دراعه:على فين؟
كريم بصله بغل:انت مش عايزنى أخرج معاها وسايبها تحضنه عادى ؟؟!؟
عزام بص لكرم وبصله ببرود:وهو انا اللى قولتلها احضنيه؟
كريم بصله بغل وبص لكرم:طيب...خليكوا على راحتكوا..انا عارف هعمل ايه.
ويسيبهم ويمشى
شمس وشاهيناز بصوا لبعض وانسحبوا هما كمان.
انجى وقفت وبصت لعزام وكرم بغل:انا هدخل انام..
وتدخل اوضتها.
كرم بصلها وهى ماشيه وراح لعزام:انا..
عزام هز رأسه بإيجاب وبقله حيله:عارف انك ملكش ذنب ..تفتكر هى عملت كده ليه؟(بصله وكان بيسئل بتفكير )..يمكن حبتك؟
كرم بصله وبرق بصدمه:ن..عم؟؟
عزام بصله :ايه ..مش يمكن؟
كرم ضحك وبعد نظره عنه:لا مش ممكن...انا خاطب.
عزام باصصله وبيفكر:لو هى حبتك...ممكن تتغير..
كرم بصله ومش قادر يفهم تفكيره ..أو بمعنى أصح رافض يفهمه.
عزام:ده حل...لو روسندا حبتك هى هتتغير..
كرم بصله بجديه ومحى الابتسامه اللى كانت على وشه: عزام بيه هى مش هتتغير بالعكس هى هيتفتحلها مجال لجرح جديد ..وانا خاطب واكيد مش هسيب خطيبتى ف النهايه..وهسيبها هى..وغير كده ده يعتبر خداع.
عزام:مش هيبقى اسمه خداع لو كان لعمل انسانى ..وبعدين مش يمكن تعيد النظر ...وتختار روسندا؟
كرم باصصله و كان مصدوم من كلامه وكأنه بيقوله بوضوح حب روسندا وخليك معاها وفشكل خطوبتك .
عزام حط أيده على دراعه:انا مش قاصدى امشى حياتك على كيفى..أو اجبرك على حاجه انت مش عايزها..بس أنا مستعد اقدم حياتى مقابل أن روسندا تعيش حياه كريمه وتتجهه لربنا وانا متأكد انك كمان مش هترفض وهتحاول بكل الطرق...صح؟
كرم باصصله ومش قادر يوافق على حاجه هو مش فاهمها ومش عارف ايه مصيرها..كل اللى ف باله أنه اده كلمه راجل وسط قاعده رجاله وماينفعش يخالفها.. وروسندا مش من طوبه ولا من أصله وهو متأكد أن أهله مستحيل يقبلوا بيها ..ممكن يعجبوا بخفه دمها بضحكتها الحلوه بطريقتها وجمالها...بس أنها تناسبهم وتكون عروسه لكرم؟..ده مستحيل يوافقوا عليه.
كرم بعد نظره عن عزام ومش عارف يقوله ايه:عزام بيه..انا خاطب وكتب كتابنا بعد تلت ايام...وأنى ألغى الخطوبه وانا عايزها وارجع ف كلمتى قدام الرجاله اللى قعدت معاهم..كده لمؤخزه انا مسميش راجل..وف البلد عندنا مش زى هنا...هناك اللى بيدى كلمه رجاله..لازم يكون قدها وينفز اللى وعدهم بيه..
عزام باصصله :عارف يا بنى عارف كل ده...انا مش طالب منك اكتر من انك تديها الحب اللى هى اتحرمت منه انا عمرى مكنت هطلب حاجه زى كده من اى راجل تانى..بس أنا بقولك الكلام ده لانى واثق فيك وكل ماده وانت بتثبتى انى كنت على حق...اهتم بيها وخليك جانبها يمكن تقديمها الاهتمام والحب اللى مقدرتش ادهولها...
كرم باصصله ومضايق من طلبه اللى مش عارف يرد عليه بأنهى جواب ومش قادر يوصل للى عزام بيفكر فيه وهل هو باصص للموضوع من أوله لاخره؟..ولا رجع الطريقه دى وبس عشان يسعد روسندا ومفكرش ايه هتكون نهايتها والعواقب اللى هتواجه روسندا لو سابها بعد كده..
روسندا قاعده قدام المرايا باصه لملامحها وسرحانه ابتسمت ومسكت هدومها بتشم فيها ريحه برن كرم اللى هوسها.
قاطع شرودها اتصال كريم اللى خلاها ابتسمت بطريقه لئيمه وهى عارفه هيقولها ايه.
روسندا ردت بأستعباط وبدلع :الوووو..
كريم بعصبيه:ممكن اعرف ايه المسخره اللى عملتيها قدام الكل وايه سببها؟
روسندا:مسخره !!...لاحظ انك بتتماده ف الكلام معايا..
كريم:انا خطيبك واقول اللى عايزه
روسندا:واللهى المفروض تكون عارف ان انا محدش بيمشى كلامه عليا وانت ملكش حكم عليا لما ابقى ف بيت اهلك ابقى اتكلم..تانى حاجة لو هتمسك سيره خطوبتنا وتدخل ف أمورى ف انا مستعده أنهى الخطوبه دى حالا..وانت عارف انى بأشاره منى بس كل شئ هينتهى.
كريم غمض عيونه بضيق وبيحاول يلطف الجو:انا..اسف...اعملى اللى انتى عايزاه..بس يا ريت يا روحى تخليكى بعيده عن اللى اسمه كرم ده لانى بتخنق..ده مش أمر ...ده تنبيه..
روسندا ببرود: thank you...Bay Bay
وتقفل الخط .
عزام كان واقف عند الباب ودخل اول ماخلصت كلامها مع كريم.
عزام:انا عايز افهم ..انتى وافقتى على خطوبتك لكريم ليه؟
روسندا لفت وبصتله وهى رافعه حواجبها:Were you eavesdropped?
عزام:كلمينى عربى بلاش شغل المسخره ده.
روسندا نفخت بضيق:انت عايز ايه؟
عزام:جاوبينى على سؤالى..ليه وافقتى تتخطبى لكريم؟
روسندا اتكلمت بغموض ولؤم:لانى بحبه.
عزام: روسندا انتى هتضحكى عليا ولا بتتكلمى مع نفسك!..انتى كنتى لسه مكلماه دلوقت بطريقه مفيهاش ذره من الحب وتقوليلى بحبه!!!؟
روسندا سندت على التمثال بغموض وهى باصه لوش التمثال:وهو انت دخلت جوه قلبي؟؟!
عزام بقله حيله وغلب : روسندا انا نفسى تكلمينى بصراحه ولو مره واحده..
روسندا لفت وبصتله بأبتسامه وحطت أيدها على كتفه:طيب...عايزنى اكون صريحه معاك؟...انا زعلانه منك ولسه مش ناسيه الكلام اللى قولتهولى واللى بسببه خرجت من البيت زعلانه وتعبت كمان..ايه مش هتعتذر؟
عزام:انا قولتلك هعتذر لما اشوف تغيير ...انا فعلا شايف تغيير دلوقت ..بس تغيير للاسواء بقيتى اكتر غموضآ..
روسندا بأبتسامه بارده:شكرا يا عزوم.
وتسيبه وتروح للبلاكونه.
عزام باصصلها وهى ماشيه بتفكير وسرحان.
صخر فى شقه المقتول ثروت الناجح وبيحققوا ف مسرح الجريمة..
صخر:المقتول مات بسبب ضربه قويه على الرأس..مفيش اى اثار للتعدى على البيت حتى كل حاجه مرتبه ومفيش عصايه او اى حاجه حاده نقدر نعرف بيها أن..
قاطعه صوت سندريلا القاعده على الكرسى وبتشرب عصير وبزعل:صخر العصير خلص .
صخر غمض عيونه بضيق ولف وبصلها بأبتسامه غل:روح قلبى انا بشتغل دلوقت مش كفايه مخرجتنيش من البيت الا وانتى معايا والصراحه مش عارف ايه لازمه وجودك هنا..
سندريلا بلؤم:ليه يا عمرى كنت عايزنى اسيبك تمشى عشان تلعب بديلك تقولى رايح احقق ف جريمه قتل واعرف بعديها بيومين انك متجوز عليا؟
صخر:وهو انا كذبت عليكى ف ايه ماهو انا فعلا ف شغل اهو
سندريلا:روح قلبى اشتغل وانت ساكت
صخر جى يتكلم بغل قاطعه شرطى من اللى واقفين.
الشرطى:صخر بيه مش واقته الكلام ده..ممكن تخلينا ف القضيه .
صخر اتنهد بعمق:طيب القضيه هتتقفل لان مفيش اى علامات تدل على وجود متهم وبكده مينفعش القضيه تكون مفتوحه ومفيش متهم اصلا..اتفضلوا.
مشى قدامهم و الباقى راح وراه...وسندريلا بقت تنادى عليه بصراخ عشان يسمعها وبزعل وهو بيتجاهل صوتها:صخر استنانى..صخر..
محمود قاعد جانب امينه اللى نايمه على السرير وباين عليها التعب...بيفتكر كلامها ف المستشفى وقلبه بيموت كل مابيفتكر اللى قالتهوله ..بيفكر كميه الامل اللى كان فيها اليوم اللى خطب كريم فيه...حس أنه خلاص فرصته جات عشان يظهر نفسه ..ويعترفلها بحبه ...بيتواعد لكريم وكل ماده وغله اتجاهه بيزيد.
امينه بتتألم بتعب ...مدت أيدها حطتها على بطنها وهو بصلها بلهفه :انتى كويسه؟
امينه تعبانه وبتتالم وهى نايمه.
محمود مسك أيدها:امينه ...
امينه فتحت عيونها وبصتله بتعب:م..حمود...انت .. لسه هنا!!؟؟
محمود هز رأسه بإيجاب:انا هفضل معاكى لحد ماتبقى كويسه..
امينه ابتسمت بخفه وبتعب:ش..كرآ...انت ..عملت اللى كريم..معملوش.
محمود باصصلها بحزن وفاهم الجرح اللى جواها:انا مش زى كريم عشان اسيبك وانتى فالحاله دى...صدقينى انا هخليه يندم على كل تصرف غلط غلط بيه معاكى.
امينه هزت راسها بنفى:لا انا اللى هحاسبه على اللى عمله معايا...انا هفضحه وسط الكل...وهخلى الناس كلها تعرف حقيقته القذره.
محمود بصلها ومسك أيدها بحزن وبيحاول يديها طاقه وأمل تكمل فيهم مشوارها اللى محدش عارف ايه اللى مستخبيلها فيه.
فى اليوم التالى.
الكل قاعد بياكل على ترابيزه واحده وروسندا بتاكل ولما عيونها بتيجى فعيون كرم بالصدفه بتنزل عيونها من عليه وبتبتسم بتلقائية .
عايده ملاحظه نظرات انجى المستمرة ليهم وملاحظه الغيظ اللى مالى عيونها واللى خايفه حد يلاحظه وخصوصآ عزام.
عزام بص لروسندا واقترح : روسندا انا فكرت امبارح ولقيت انك لازم تكونى صاحبه مركذ وخصوصآ أن الكل عارف انك بنتى ومش معقول مايكونلكيش مكانه كويسه ف المجتمع..وللسبب ده بالتحديد انا قررت تشتغلى معايا ف الشركه..وتكون مساعدتى ..ها قولتى ايه؟
عايده بصت لانجى اللى سرحانه ف كرم .
روسندا بصت لكرم ورجعت بصت لعزام:وهو انا لو ..اشتغلت معاك...كده مش هيبقالى حارس شخصى؟..يعنى هترجعنى لحياتى القديمه؟
عزام هز رأسه بنفى:اكيد مش هوافق ترجعى لحياتك اللى بعافر عشان انسيهالك بس لو انتى مش موافقه انا..
روسندا قاطعته بتسرع:موافقه..
عزام بصلها بتفاجئ وكرم انبهر من ردها
روسندا بصتلهم وهى ملاحظه تفاجئ الكل:اا..كل اللى ف الموضوع أن انا مش عايزه اقعد ف البيت وافضل حاسه بالملل اللى حاسه بيه
عزام ابتسم ابتسامه هاديه وهز رأسه بإيجاب:احم...طيب تحبى تيجى معايا الشغل امتى؟
روسندا بعدت نظرها عنه:اى وقت...النهارده لو حبيت
عزام أبتسم وهز رأسه بإيجاب:طيب ممكن تخلصى اكل وتلبسى.
روسندا:انا كده كده خلصت اكل هروح اغير هدومى..عن اذنكوا .
وتطلع على اوضتها
عزام بص لانجى:وانتى كمان يا انجى غيرى هدومك عقبال ماروح البس انا كمان.
عايده بصت لانجى وضربتها ف رجليها من تحت الترابيزه وانجى بصتلها بأنتباه:هاا..
عزام:بقول غيرى هدومك عقبال ماجهز انا كمان.
انجى هزت راسها بإيجاب وابتسمت بلطف مصطنع:اا..حاضر يا خالى .
عزام وقف وراح لئوضته.
عايده وقفت وبصت لانجى : عايزاكى.
راحت على اوضتها وانجى بصت لكرم وراحت وراها.
انجى:نعم؟!
عايده:ممكن افهم ايه سبب تتنيحك للحارس ده !..الكل كان ممكن يلاحظ لأن الوضع زاد عن حده.
انجى بصتلها وبعدت نظرها عنها:ماما انا...بحب كرم..ومش عايزه تفوز بيه روسندا كمان هى اتخطبت بس انتى ماشوفتيش تصرفاتها معاه ..هى بتفوز بكل حاجه عليا وماينفعش تفوز بكرم كمان..
عايده بصتلها بصدمه وبزعيق:حب ايه بتحبهوله انتى اتهبلتى ف عقلك!!..ده مش من مستوانا ابدا ..انسى وشيلى الفكره المتخلفه دى من دماغك احنا قدامنا هدف ولازم نحققه..(بتمتم بتريقه وهى ماشيه) قال حب قال.
وتسيبها وتخرج من الاوضه
انجى بصتلها وهى ماشيه والحزن والحيره ف عيونها ...حتى الحاجه الوحده اللى عايزه تحصل عليها ف نظرها هى قريبه جدا لروسندا وزى اى حاجه بتتمناهه وروسندا هى اللى بتجيلها..وده اللى بيزود حقدها وكرهها لروسندا..
بعد ماراحوا على الشركه والكل كان بيتكلم عن قدوم روسندا للشركه والموظفين مبهورين بجمالها والبنات بيتمنوا لو يبقى عندهم نص جمالها بس..ده غير أن البنات كانت بتتكلم عليها هى وكرم كلام بيضايق انجى اكتر واكتر..كانوا بيقولوا انهم لايقين على بعض جدا وأنه شاب وسيم فعلا وأنهم هما الاتنين فيهم وسامه مش عند حد.
عزام وقف وبص للموظفين وبداء يتكلم:اكيد كلكوا بتسئلوا عن سبب قدوم روسندا معايا للشركه ...هى هتبقى هنا ف الشركه زيى بالظبط..واللى تقولكوا عليه تعملوه من غير مناقشه..فاهمين؟
الكل وهو باصص ف الأرض وف نفس واحد :امرك يا عزام بيه.
عزام بص لروسندا ومد أيده شاورلها على مكتبها:اتفضلى ده هيبقى مكتبك.
روسندا ابتسمت على احترامه ليها قدام الكل ودخلت المكتب.
كرم بص لعزام وعزام شاورله برأسه يفضل معاها:هى هتحتاجك تفهمها الشغل .
كرم هز رأسه بإيجاب:امرك ..
ويدخل ورا روسندا.
روسندا قعدت على المكتب وبصت للملفات الكتيره الموجوده على المكتب وبزهق :ايه كل ده!!
كرم وقف جانب المكتب وانحنا عشان يكون ف نفس مستواهه: عزام بيه طلب منى افهم حضرتك اللى هتعمليه وايه هيكون شغلك هنا ..كل ملف من دول متعلق بشركه معينه وبتصميم معيين للمبانى...واكيد حضرتك هتفهمى كل ده .
روسندا بصاله ولان وشه قريب جدا منها شامه ريحه البرفيوم بتاعه..سرحت ف ريحه البرفيوم وغمضت عيونها وهى بتستنشقه بأنفاس عميقه..مسكت قميصه وبتستنشق انفاس عميقه من البرفن وهو بصلها ورفع حواجبه وسكوته اللى خلاها انتبهت وفتحت عيونها وبصتله ...
كرم منبهر وبيتكلم رافع حواجبه ومستغرب طريقتها ف التعامل معاه وبالذات لما يكون قريب منها :هو فى ايه!؟؟
روسندا كتمت ضحكتها بكسوف وسابت قميصه وبعدت:sorry.
كرم اتكلم بتعجب وتسأل :هو البرفيوم بتاعى مثير للدرجه؟؟
روسندا بتتجاهل تبصله وبتحاول تدارى ضحكها وكسوفها ف نفس الوقت:احم..ياريت متتحطش البرفيوم ده تانى ..لاننا كده مش هنشتغل.
كرم ميل رأسه وهو باصصلها ورفع حواجبه بأبتسامه:وهو انا اطول.
روسندا ضحكت .
كرم بضحك:اللهم صلى على النبي..
عزام باصص ف اللاب بتاعه ومبتسم وهو بيتفرج عليهم (صح نسيت اقولكوا هو مركب كاميرات ف مكتب روسندا 😁)
انجى دخلت مكتب عزام وهو طفا اللاب وأرتبك بسبب دخولها عليه من غير استأذان:احم...انجى من امتى وانتى بتدخلى المكتب فجاه؟؟..فى باب يتخبط عليه.
انجى بصتله بأستغراب:عزام بيه حضرتك انا بقالى سنه بخبط على الباب ودخلت لما مردتش .
عزام بصلها :عايزه ايه؟
انجى حطت قدامه ملف وبصتله:ده الملف اللى حضرتك طلبته منى امبارح.
عزام:طيب روحى انتى .
انجى بصتله وملاحظه قله اهتمامه ولاول مرا يهمل الشغل كده.
مشيت من المكتب ولما كانت معديه من قدام مكتب روسندا وقفت وبصت عليهم من الحيطه الزجاجيه شافتهم بيهزروا مع بعض وروسندا مش مبطله ضحك..سابوا الشغل وكل حاجه وبيضحكوا.
انجى بصالهم ومضايقه من اللى بيعملوه شدت على قبضه أيدها وراحت على مكتبها
امينه قاعده على الكنبه وحاطه أيدها على بطنها بسرحان وكل ماتفتكر كريم وازاى اتخلا عنها بتحس بوجع جديد...بتأنب ضميرها وأنها صدقته وسلمتله نفسها بمجرد ورقه عرفى ضحك عليها بيها..بتفكر تعمل ايه هل فعلا الصح أنها تفضحه قدام عيلته وقدام الكل..ولا هيأزيها ؟؟؟!
محمود بيحط قدامها الاكل وبصلها لما لاحظ شرودها قعد جنبها ومسك أيدها وهى بصتله بأنتباه.
محمود:الاكل جهز يلا كلى.
امينه ابتسمت بخفه:شكرا لمسعدتك ليا ولتعبك
محمود:مفيش تعب ولا حاجه.
امينه بدأت تاكل وهو باصصلها وباين ف عيونه التسأل والسرحان: امينه ممكن اسئلك سؤال
امينه بصتله وهزت راسها بإيجاب
محمود:امتى اقيمتى علاقه مع كريم؟..قصدى هو اللى طلب منك كده وف المقابل انه يكتبلك ورقه عرفى؟
امينه بصاله وباين على ملامحها الحزن وأفتكرت.
Flash back
كريم بيخبط على باب بيت امينه وهى راحت فتحت.
كريم بصلها بأبتسامه وسند على الباب: ادخل؟
امينه بصتله بأبتسامه ورفعت حواجبها :وحد ماسكك؟؟؟
كريم ابتسم ودخل بيتها.
امينه قفلت الباب والسعاده متملكه قلبها لفت وبصتله:غريبه يعنى ...تيجى ولوحدك..من امتى؟
كريم وقف قدامها وحط أيده على شعرها:من يوم ماعيونك خطفت قلبى ..
امينه ابتسمت وبصتله بأستعباط:يعنى!
كريم بيقرب من شفايفها :يعنى بحبك..
امينه باصه لشفايفه بذوبان وهو باسها بلطف.
امينه غمضت عيونها وانفاسها بتزيد حرارتها.
كريم حط أيده على رقبتها وبيبوسها.
امينه بعدت وبصتله :انا هروح اعمل حاجه نشربها..
جريت على المطبخ وحاسه أن قلبها هيخرج من مكانه من كتر الفرحه الغير طبيعيه واللى لاول مره تتملك قلبها بالشكل ده.
امينه بتصب كاسين ليهم وهو وقف وراها حاوطها من ضهرها وبيبوس رقبتها.
امينه غمضت عيونها وهو حضن وسطها وهى لفت ومدتله الكاس.
كريم بصلها بأبتسامه وخاده شربه وهى شربت الكأس اللى ف أيدها.
كريم حط الكاس على الرخامه وشالها
امينه مسكت فيه وحضنته: كريم..
كريم:نعم يا روحى
امينه:انت بتحبنى صح؟؟
كريم نزلها على السرير بعد ماوصلوا للئوضه..بصلها بأبتسامه:انا مبحبكيش.
امينه بصاله وهو قرب باسها وهى غمضت عيونها وبعدته عنها:نكتب عرفى..
كريم بصلها .
امينه:نكتب عرفى لحد مانتجوز قدام الكل .
كريم باصصلها وبيشاور عقله: وايه لازمه العقود بس..
جى يبوسها تانى حطت صباعه على بؤه:لا ..العقد الأول وانا هسلملك نفسى وكلنى كلى لو حبيت.
كريم باصصلها وبيشاور عقله ابتسم بخبث :هكتبلك عقد يا روحى ولا تزعلى نفسك .
Back
امينه بحزن :هو كتبلى الورقه لانه عارف انى مش هقدر اعمل حاجه..انا عارفه انى غلط ...وغلط كبير كمان ...بس انا مش هسيبه يتجوز ويعيش حياته ويرمينى انا..انا مش هسمحله.
محمود باصصلها وسرحان ف اللى حكته..ف الوقت ده جاله اتصال.
محمود رد وبيحاول يرجع لطبيعته وميبانش على نبره صوته الضيق والحزن الممزوج بالغضب :الو يا كارم.
كارم:ايه يا معلم مش باين يعنى لانت ولا كريم وامونه فينكوا موتو ولا ايه؟
محمود بص لامينه وهى بتشاورله برأسها مايتكلمش.
محمود:اا..اه اصل امينه كانت تعبانه شويه وانا معاها من امبارح..
كارم:لا الف سلامه..هى جانبك دلوقت؟
امينه بصتله وهزت راسها بإيجاب
محمود باصصلها :ايوه جانبى خدها معاك.
اده لامينه التليفون وهى ردت بصوت ضعيف:الو..
كارم:ايه اخبار القمر مالك كده مش تجمد.
امينه:اهو ...خدت دور برد...وبقيت احسن.
كارم:الف سلامه يا امونه لا ده انا اجى بقى وأقوم بالواجب.
امينه:ملهاش لزوم انا خلاص بقيت احسن و..مبشربش كتير عشان الدكتور منعنى من الشرب.
كارم بهزار:انتوا بتوزعونى ولا ايه!..بس مفيش مشكله انا هسيبكوا على راحتكوا عايزه حاجه يا امينه؟
امينه ابتسمت بخفه:شكرا..
كارم بأستغراب:متخانقتيش معايا يعنى عشان قولتلك امينه!..هو التعب بيخلق كل الرقه دى؟!!
امينه:بطل تريقه...هو..انت مبتشوفش كريم؟..يعنى هو بيتواصل معاك؟
محمود بصلها ومضايق من سؤالها عليه حس انها لسه مهتميه تعرف اخبار عنه.
كارم:لا الصراحه هو شكله مشغول مع خطيبته الالمظايه أما عليها حته صاحبه تاخد العقل..
امينه بتواعد وسرحان:خليه يتمتع بأيامه معاها...كلها شهور ..
كارم بأستغراب:كلها شهور على ايه؟؟!
امينه ركذت ف كلامها وبصت لمحمود:اا...خود محمود عايز يكلمك.
وادت التليفون لمحمود
كارم:انتوا مالكوا كده مش مفهومين طب السخونه والعيه اثر على عقلها..انت كمان اتأثرت بمرضها؟؟!!
محمود:بقولك ايه يله انا مش فايقلك يلا ف داهيه.
ويقفل الخط.
محمود بص لامينه بعد ماقفل معاه:انا هروح اجيبلك فيتامينات ومشروبات تأويكى انتى وطفلك ..هستشير فيها الصيدلى الأول ولو مفيش ضرر عليكى هجيبها.
امينه بصتله:ملوش لزوم انا كويسه وانت تعبت معايا كتير روح وشوف حالك انا اسفه تعبتك معايا.
محمود:متقوليش كده...هجيب الدوا وارجع.
ويمشى من الشقه.
امينه حضنت بطنها وغمضت عيونها بتفكير وضيق.
بعد ماروسندا خلصت شغل .
عزام:فى مؤتمر باليل انا عامله مخصوص ليكى .
روسندا بصتله بأستغراب:مؤتمر!؟؟..وهقول ايه فيه؟..انا مش محضره اى كلام و..
عزام:مش ضرورى تحضرى كلام انتى مش هتقولى اكتر من انك هتمسكى شركات من شركاتى وهتكونى سعيده بالشغل مع رجال الأعمال الكبار واللى هيبقوا موجودين في المؤتمر ...وكمان تبلغيهم بمشاريع جديده رابحه وبأذن الله تعجبهم..ده كله مش محتاج لتحضير ورتبى بس الكلام ف دماغك وبعدها اتكلمى..
روسندا جات تتكلم كرم اتدخل وطمنها:عزام بيه وانا هنكون مع حضرتك..مفيش داعى للتوتر
روسندا بصتله وبصت لعزام بتفكير وهزت راسها بإيجاب:انا هحتاجه اروح اشترى هدوم جديده عشان المؤتمر.
عزام:هو انتى مش لسه مشتريه هدوم؟؟
روسندا:وهى هتفرق معاك ف ايه الألفين جنيه اللى هخودهم!؟
عزام اتنهد بعمق :كلامنا مش هنا ..طيب روحى اشترى الهدوم اللى عيزاها وهستناكى يا ريت ماتتأخريش عشان تحضرى الكلمتين اللى هتقوليهم..
بص لكرم :خلى بالك عليها
كرم هز رأسه بإيجاب وبص لروسندا وشاورلها بأيده تمشى:اتفضلى .
روسندا ابتسمت ومشيت وهو وراها
عزام باصصلهم وهما ماشيين ومبتسم بأمل وسعاده ..
انجى بتكلم عايده ف التليفون وهى ف مكتبها:انتى ناويه على ايه؟...فى حاجه جديده ولا خلاص كده استسلمتى؟؟؟
عايده بخبث:انا مستحيل استسلم يا عمرى...ياريت تعرفى كده كويس...وبالنسبه الخطه اللى محضراهه ف انا متأكده انها هتقضى عليها تماما...سمعت أن فى مؤتمر النهارده..
انجى بغيره وأنزعاج ممزوج بتريقه:فعلا ..عزام بيه مبسووط اوى بقدومها على الشركه..اللى هو هيقضى علينا كلنا.
عايده:حلو..يبقى لازم نقضى عليها..قبل ماتقضى هى علينا..
انجى بتركيذ:ايوه بردو مقولتليش ناويه على ايه؟
عايده بخبث وبترتيب:بليل هتعرفى..وهتدعيلى..
عند روسندا وكرم ..
دخلوا مول كبير للملابس وهى بقت تتمشى وتتفرج وكرم وراها.
روسندا مسكت فستان قصير وبصت لكرم:ايه رأيك ف ده؟
كرم بص للفستان وبصلها:حضرتك..عايزه رأيى انا ؟؟...الحقيقه انا ذوقى مش هيعجبك
روسندا بصتله بفضول:ومين قال..يمكن يطلع حلو..اختارلى لبس اروح بيه المؤتمر
كرم بصلها:متأكده؟؟؟
روسندا هزت راسها بإيجاب وبأبتسامه..
فضلوا يتمشوا ف المول لحد ماعجب كرم طقم عباره عن بدله بيضه رقيقه ...راحت قاستها كانت شكلها حلو جدا عليها..
روسندا بصت لكرم بأبتسامه:ايه رأيك؟
كرم بص للبدله بأعجاب وهز رأسه بإيجاب:مكنتش اعرف ان ذوقى حلو كده .
روسندا ضحكت:قصدك انك متوقعتش أنه هيعجبنى.
بعد مامشيوا ورجعوا للقصر وروسندا طول الطريق بتتكلم مع كرم وبيهزروا وكانت هتطير من السعاده.
روسندا دخلت البيت وباين عليها الانبساط اللى عزام لاحظه ف ثوانى.
عزام:شايفك مبسوطه يعنى!
روسندا بسعاده وتسرع:تعالى اوريك انا جيبت ايه ..
خرجت اللى ف الشنط وفردت البدل على الكنبه:دول عشان الشغل وكرم هو اللى اختارهوملى كلهم..تعرف ذوقه طلع حلو.
انجى بصالهم وباصه للبدل بغيره وغل
روسندا:ايه عجبوك؟
عزام هز رأسه بإيجاب:حلوين..كمان احسن من اللبس العريان اللى بتلبسيه.
انجى راحت وقفت مع كرم برا القصر وهو بصلها.
انجى واقفه جانبه وباصه قدامها:شايفه انكوا اندمجتوا اوى مع بعض..مش ملاحظ ان الوضع بقى بايخ اوى؟
كرم بعد نظره عنها:قصدك ايه؟
انجى بصتله:قصدى انك بتحبها .
كرم بصلها وبعد نظره عنها مرضيش يريحها:انا اسف بس بحبها بكرها دى حاجه خاصه بيه..واكيد مش هتهمك اجابتى ..مش كده!
انجى بصتله والغيره بتقتلها.
كرم:عن اذنك.
ويسيبها ويدخل للقصر.
انجى بصاله وهو ماشى بغيره وغل..بس اللى بيصبرها هى ساعات روسندا المعدوده واللى من بعدها هيخلصوا منها وللابد..
انجى جالها اتصال وردت :الو..
هانى:ازيك يا روحى عامله ايه؟
انجى بصت حواليها بتشوف عايده:لا..الحمدالله..
هانى:مبتسئليش عليا ليه؟
انجى:اا..الشغل و..
هانى:طب انا عايز اقابلك ...انا خلاص اشتغلت شغلانه حلوه وهتجيبلى فلوس كتير انا خلاص يا انجى هعيشك احسن عيشه.
انجى:بابا ...الحقيقه انا مش هينفع اكلمك الفتره دى..ماما عرفت انى كنت على تواصل بيك وزعقتلى وكمان مسحت رقمك من عندى..انا اكيد معاك وهجيلك بس ...ظبط امورك الاول زى مماما عايزه يمكن توافق نرجع نعيش معاك.
هانى:انجى حتى انتى هتقطعى اتصالاتك بيا ؟؟...طيب انا مش هتصل بيكى تانى..بس اوعدينى انى بعد ماظبط امورى هتيجى تعيشى معايا..حتى لو عايده موافقتش
انجى بصت قدامها بتفكير غمضت عيونها بتنهيد:انا اسفه بس أنا مقدرش اوعدك بحاجة انا مش عارفه مصيرى فيها هيكون عامل ازاى ...انا اسفه..
قفلت الخط وهو بص للتليفون بزعل وحزن:هى..رفضت تبقى معايا..مع انى بعمل كل ده عشانها..اكيد ده كله بسبب عايده...بس أنا نعملها كل حاجه نفسها فيها وهجيبها تعيش معايا ..وقتها عايده مش هتتكلم.
وقف لما سمع صوت خبط على الباب كان متردد يفتحه بس قرب من الباب وفتح بتردد بعد تكراره واسأله مين على الباب...استغرب لما فتح وشاف قدامه شاب شكلو بيدل على الإجرام وده بسبب لبسه والجروح اللى معلمه فى وشه.
........ بأبتسامه:مش هتقولى ادخل؟!
هانى باصصله وبعد عن الباب:اتفضل.
.......دخل وبيبص للبيت:عارف انك مستغرب وبتسئل نفسك انا مين وايه هو سبب وجودى..بس أنا عارفك كويس اوى.
هانى باصصله بأستغراب :عارفنى!!؟
........قعد وبصله وشاورله على الكرسى:هنتكلم وانت واقف ؟!
هانى باصصله ومستغرب طريقته وكأنه على معرفه بيه من فتره..قرب قعد قدامه وبأستغراب:مين انت ؟!
........:مرتضى ...أسمى مرتضى..ملوش لزوم تعرفنى بيك انا عارفك كويس اوى..هانى ونفسه صاحب جريمه قتل رجل الأعمال المشهور ثروت الناجح..وسرقه المطعم اللى مالقوش ولا بصماتك ولا اى دليل فيك عليه..بس جدع..
هانى بصله والدم اتجمد فى عروقه كان واضح جدا على ملامحه الصدمه والخوف وده طبعآ لانه شك فيه وجى فى باله أنه مباحس..
مرتضى:متخافش انا مش شرطى ..ومحدش غيرى عارف الموضوع ده...انا هقولك الموضوع مو الاول ...من يومين كده انا شوفتك وانت بتسرق خزنه المطعم اللى المفروض انك شغال فيه..وقتها انا عرفت انك مايل الإجرام..وراقبتك يمكن تتوب بعدها ...بس بقتلك لثروت الناجح انا اتأكدت انك مستعد تعمل اى حاجه عشان الفلوس ...وقولت بدل ماتروح فى شربه ميه مقابل كام الف..لااا ده احنا نلعب على الملايين..قولت ايه؟
هانى باصصله وبيحاول يفهمه:قتل مين؟
مرتضى ضحك:لااا قتل ايه لسمح الله...احنا مش بتوع قتل ...هى أرواح الناس لعبه!!؟
هانى بصله بأستغراب:سرقه!!؟
مرتضى بصله بأبتسامه خبيثه وقرب منه وهمس:تهريب شحنات مخدرات برا البلد..
هانى بصله بتفكير واندهاش:ااا ..بس دى لعبه خطيره اوى..وممكن اتكشف..دى فيها مؤبد يعنى اللى هيروح مش هيرجع.
مرتضى:ماتقلقش كل حاجه فى الدره وانا خبره فى الشغلانه انت مابتتكلمش مع تلميز.
هانى باصصله بتفكير
مرتضى:ياجدع فكر فى الملايين وسيبك من اللى حارسها..وبعدين بدل ماتدخل السجن عشان جريمتين طلعلك منهم كام الف..اعمل عمليه تستحق فعلا تتعرض عشانها للخطر.
هانى اتنهد بعمق وبصله وحسم أمره :طيب..انا همشى معاك فى الموضوع ده..بس الاول تقولى هيطلعلى من كل عمليه فى حدود كام.
مصطفى:سمعت عن المؤتمر اللى عزام عامله باليل عشان روسندا؟؟...هى المفروض تبقى ف صف عمها ولا ف صف ابوها ولا ف صفك؟؟؟!!...ازاى تشتغل لصالح عزام!..هى ايه اللى فى دماغها بالظبط؟!!
كريم:متنساش أنها قدام الكل بنت عزام من بيه وطبيعى تشتغل لصالحه هو.
مصطفى:البنت دى مش مفهومه هى وافقت على جوازك منها..وسابت كتب الكتاب ومشيت..والحمدلله انها ممشيتش قبل ماتكتبوا كتابكوا...حتى بعدها ماتصلتش واعتذرت عن اللى عملته..
كريم بصله وحاسس أن فى علاقه بينها وبين كرم وده السبب اللى مخليها مبتكلموش ولا بترد على اتصالاته وخصوصآ اللى عملته وهناك اخر مرا..ميطمنش حد ابدا
فى بيت وليد.
وليد بص لشمس وشاهيناز بصدمه:ماذن محبوس؟؟!!... وليه؟
شاهيناز بحيره:مش عارفين ...بس احنا لما روحنا نقول لروسندا هى كانت بتتعامل ببرود وبطبيعيه وقالت أنها عارفه ..وأنها السبب ف ده..
وليد باصصلهم ومستغرب من كلامها:هى السبب ازاى!!
شمس بقله حيله:محدش يعرف حاجه ..حتى هى مكنتش عايزه تحكى .
شاهيناز:بقولك يا وليد ممكن استخدم الكيمبيوتر بتاعك ثانيه؟
وليد بصلها وبيوافق بالعافيه:طيب يا شاهيناز..بس بالراحه عليه لسه دافع فيه ٥٠٠ جنيه.
شاهيناز:متقلقش عليه مش هاكله .
وتروح لئوضه الكيمبيوتر.
وليد بص لشمس:انتوا مكلمتوهاش بعد كده؟
شمس بحزن هزت راسها بنفى:هى مابتردش على حد فينا...اليومين دول هى مش مع حد خالص..وكأنها مش محتجانه ف حياتها..تصرفاتها كلها غريبه ومحدش عارف السبب.
وليد بصلها بتفكير:محاولتوش تزوروا ماذن وتفهموا منه فى ايه؟
شمس:زورناه بس هو مرضيش يتكلم مع حد فينا وكان كل كلامه بيتواعد لروسندا...اظن حصلت بينهم حاجه جامده وده سبب حبسه..وسبب استحلافه ليها..حتى هى مش عايزه تتكلم عليه يعنى كرهته هى كمان.
شاهيناز راحت قعدت معاهم وباصه قدامها بصدمه وهى قالبه شفتها بحزن.
شمس بصتلها بأستغراب :مالك ؟؟
شاهيناز بصتلها وبصت لوليد وعيطت من غير دموع
وليد:يا نهار مش فايت ...واللهى محنا ناقصينك..فى ايه يا ست النكد؟
شاهيناز بصتلهم بزعل وحزن:كرم..
شمس ووليد ف نفس واحد:ماله؟!
شاهيناز:خاطب.
شمس برقت وبصتلها قوى:خااطب؟!!... وروسندا..عارفه؟
وليد:وده هيفرق ف ايه؟.. روسندا مخطوبه.
شمس بصتله وأفتكرت حضنها لكرم .
شمس:بيتهيقلك...ده يهمها ونص.
شاهيناز بزعل وقهر :يا خساره الحلو ..وانا اللى كنت بفكر أسمى ابننا ايه ف المستقبل..
شمس ضربتها على رأسها:اتنيلى.. على أساس أنه لو ماكنش مخطوب كان هيتجوزك .
شاهيناز:ومايتجوزنيش ليه؟!
شمس جات تضربها على رأسها تانى بس هى بعدت :خلاااص..
ف الوقت ده شاهيناز جالها اتصال وهى بصت لشمس بفرح:دى روسندا..
شمس بصتلها:ردى.
شاهيناز ردت:الو يا روسى .
روسندا ابتسمت: شمس معاكى؟
شاهيناز بصت لشمس:ايوه اهى جانبى.
روسندا:تمام ممكن تجولى؟
شاهيناز بأستغراب:طيب بس فى حاجه ولا ايه؟
روسندا:لا عايزه اتكلم معاكوا بس.
شاهيناز:امم...طيب يا روحى يلا سلام.
شمس بصت لشاهيناز بأستغراب:فى ايه؟
شاهيناز:عيزانا نروحلها عشان تتكلم معانا.
شمس بصالها بتفكير:يا ترى عن ايه؟!
بعد ماوصلوا لقصر عزام .
روسندا :النهارده فى مؤتمر تبع الشغل..عزام عملهولى مخصوص..انا هقول فيه كام كلمه..ولازم تكونو موجودين هناك.
شمس بصتلها:انتى هتشتغلى مع عزام بيه؟
روسندا هزت راسها بإيجاب:لحد مايكون ليا شركه خاصه..
شمس:الا قوليلينا ...ايه موضوع ماذن فى ايه بينك وبينه؟
روسندا وشها اتملكه الضيق من جديد وبعدت نظرها عنهم وبتنفخ بضيق:يا دى ام ماذن.
شمس:احنا عايزين بس نعرف سبب دخوله السجن انتى مش راضيه تحكى وهو مفتحش بؤه معانا بكلمه لما قابلناه.
روسندا بصتلها بأنزعاج:طيب عايزين تعرفوا ايه اللى حصل انا هقولكوا..بس يا ريت ماتتكلموش ف الموضوع تانى ويتقفل على كده .
حكتلهم كل اللى حصل وازاى ماذن اتصرف معاها بطريقه قذره..كانوا مصدومين من اللى سمعوه ومصدقوش ودانهم معقول ماذن يعمل كده؟؟!؟
روسندا:كرم هو اللى خلصنى من الزباله ده..وانا قدرت اد ايه هو انسان شجاع وشهم.
شمس بصالها وشاهيناز جات تتكلم وتسألها عن معرفتها لخطوبته بس اللى سكتها قرص شمس لدراعها..
شاهيناز مسكت دراعها بألم:اى ى ى ى..
روسندا بصتلهم:فى ايه؟
شمس:لا مفيش حاجه..إلا قوليلى يا روسى ..انتى بتحبى مين فيهم ؟...كرم ..ولا كريم خطيبك؟
روسندا بصتلها وسرحت ف كرم:انا صحيح مخطوبه لكريم...بس اعجابى بكرم كبير.. مش عارفه ده حب..ولا مجرد تملك..
شمس بصتلها توقعاتها طلعت صح..بصت لشاهيناز اللى بصتلها ومندهشه نوعآ ما..
روسندا بصتلهم:مال شكلكوا مش طبيعيين النهارده..
شمس بصتلها وابتسمت بمجامله:عادى.. ولا حاجه..
روسندا بتحمس:طيب هااا...هتحضروا المؤتمر مش كده؟
شمس هزت راسها بإيجاب وبصت لشاهيناز :اكيد هنيجى .
فى الليل فى المؤتمر...وبعد مالناس وصلوا..بما فيهم مصطفى وكريم وعادل ومراته سمر وعايده وانجى .
عادل بسخريه:مش معقول ايه السحر اللى عزام عمله لروسندا عشان يخليها تشتغل معاه؟؟!...مكنتش مصدق أنه هيبقاله تأثير عليها اوى كده.
شمس وشاهيناز مركذين مع عادل وسامعين بيقول ايه.
عزام وقف على المنصه واتكلم وهو بيصبرهم عقبال ماروسندا تيجى.
عزام:اهلا بالجميع وبشكركم على الحضور ..انا بعتذر جدا عن تأخير روسندا ولحد ماتيجى حابب اقولكوا كلمتين.. روسندا هتبداء بالعمل معايا ف الشركه وطبعآ دى حاجه اسعدتنى ومتأكد أنها هتسعدكوا..ف قرار أن البنت تساعد ابوها ف عمل كبير زى ده..ويكون عندها خبره ..اكيد دى حاجه جميله جدا..و...
سكت لما لمح روسندا وكرم جايين والصحافيين بيصوروهم وملمومين حواليهم.
عزام:انا مش عايز اطول عليكوا اكتر من كده وكلنا نرحب بروسندا..
الكل صقف وعادل كان مضايق جدا من اللى عزام قاله حس أنه قاصد يستفزه .
شمس وشاهيناز بيصقفوا بحراره ..
روسندا راحت وقفت مع عزام وبصتله بتوتر وهو هز رأسه بإيجاب وبيطمنها..نزل من على المنصه وقعد مع الناس وهى واقفه ف قمه توترها وكرم جانبها .
روسندا بتدوس على رجل كرم جامد وكأنها مغيبه ومش حاسه.. كرم بص لرجليها وبصلها افتكر كلام عزام عن الحاله اللى بتجيلها لما بتتوتر.
روسندا توترها بيزيد لما بتبص للناس وتلاقيهم مستنينها..
كرم بصلها وبص لايدها بتردد قرب مسك أيدها وهى بصت قدامها وبصتله.
كرم أبتسم بخفه وبيطمنها
روسندا بصت لرجليها وبعدتها عنه ومسكت أيده كأنها بتاخد جرعه طاقه عشان تقدر تواجه خوفها.
كريم باصصلهم بغل وغيره.
روسندا غمضت عيونها وخدت نفس عميق وبصتلهم :مبدأيآ انا سعيد بحضور الجميع...واعذرونى لو اتلغبط شويه ف كلامى..بس دى اول مرا اقف قدام ناس بالعدد ده واتكلم ...زى مانتوا عارفين انا روسندا عزام الاسيوطى بنت عزام اكبر رجل اعمال...ااا..انا مش جايه اعرفكوا بنفسى خالص..انا بس جايه عشان ابلغكوا أننا ...أننا هنتعامل مع بعض كتير وااااا...واكيد هبقى سعيده بالتعامل معاكوا..زى ماهتكونو سعداء..وشكرا..
بعدت عن المايك والكل صقف .
روسندا بصت لكرم وابتسمت بشكر وهو فهمها.
جات تنزل من على المنصه وهو وراها حد أطلق الرصاص قاصد تيجى فيها لكن مأصابتهاش.
الكل اتفزع وكرم جاب روسندا وراه وخرج سلاحه وبيحاول يحدد مكان إطلاق الرصاص.
عزام راح وخاد روسندا.
روسندا باصه على كرم اللى باين ف عيونها القلق عليه.
عزام: روسندا تعالى يلا اخرجى..
روسندا وقفت وبصتله:وكرم..
عزام:متقلقيش كرم مش هو المطلوب انتى لازم تخرجى من هنا
روسندا بصتله وبصت لكرم بتردد
شمس وشاهيناز راحولهم : روسندا ايه اللى بيحصل؟!!!
روسندا بصتلها وهى نفسها مش عارفه.
عزام:يلا يا روسندا ارجوووكى اخرجى معايا..يلا انتوا كمان..
جوم يمشوا لكن سمعوا صوت ضرب نار تانى والكل صوت وبيخرجوا من المؤتمر.
كرم بيضرب رصاص ف اتجاه صوت ضرب النار وراح لعزام : عزام بيه هنا خطر على روسندا هانم خرجها من هنا.
روسندا بصتله :وانت؟؟!
ف الوقت ده الرصاص اللى بيتضرب من مكان مجهول أصاب شخص من اللى خارجين .
كرم بيضرب نار فى اتجاه ضرب الرصاصه وحاوط روسندا عشان يحميها:يلا ..
مشيوا بسرعه وعايده وانجى بصينلهم.
انجى:ايه المتخلف اللى انتى مأجراه ده!!...ده بيضرب ف اى حد وخلاص..
عايده بصتلها بلؤم:اكيد كنت لازم اعمل كده..وإلا كانوا هيعرفوا أن روسندا هى المقصوده..عزام مبقلوش ايام كتيره ولازم نخلص من اللى بنعمله...وبسرعه .
انجى بصتلها وبصت على كرم.
روسندا كعب جزمتها اتكسر كانت هتقع بس مسكت ف كرم وده اللى وقف الكل.
كرم بصلها:انتى كويسه؟
روسندا:ااااه..الحزمه..
عزام مسكها وبضيق وتسرع: روسندا مش وقت
إرسال تعليق
يسعدنا تلقي اقتراحاتك أو تعليقك هنا