رواية في ظلمة بيجاد بقلم كنزي حمزة - الفصل الأول
تابع من هنا: تجميعة روايات رومانسية مصرية
رواية في ظلمة بيجاد بقلم كنزي حمزة - الفصل الأول
كان يجلس في في غرفة مكتبه المظلم بالكامل داخل فيلا والده القديمة والتي اقام بها منذ خروجه من الملجأ حتي الان
يتذكر تلك الأيام البائسه منذ وفاة والده
فلاش باك
َتدور الاحداث في قريه من قري محافظة الشرقية
في زمن التسعينات
دق جرس الفيلا من الخارج وهو يجلس امام
والدته تلك المرأه الحنون الجميلة والتي تداري جمالها بأرتداء الاسود حداداً علي موت زوجها وهي تطعم صغيرها ذو الثلاث اعوام
كان عمره هو لا يتجاوز العاشرة لتنظر اليه بحب وتهتف
قوم يا بيجاد شوف مين اللي جايلنا الساعه دي
حاضر يا ماما
جري الصغير علي هذا الباب الحديدي ذو الخلفية الزجاجية وتشبث في مقبضة ليفتحه يري وجه من يقبض القلب بهيبته القويه
يرتد الصغير للخلف وهو يقف امامه لا يعلم لماذا يبغضه هكذا
مين يا بيجاد
دا عمي مهران يا ماما ثم التفت اليه وقال
جاي ليه يا عمي
اخرس ياض حد بردو يسأل السؤال ده لعمه وهو جاي يزوره
عشان انت رجلك خدت علي البيت عندنا قوي قبل ابويا ما يموت مكناش بنشوفك اصلاً
صفعه قوية تلقاها علي وجنته وهو يصيح بصوته الجهور
اما صحيح انك عيل قليل الادب فاكر ان عشان ابوك مات خلاص مش هيبقي ليكم حد يحكمكم
علي العموم الكلام ده هايخليني اتأكد زيادة من اللي هاعمله
جميله جميله انتي فين
كانت تحمل صغيرها وتقف عند باب الغرفة تري ابنها وهو يتلقي تلك الصفعه ولا تقوي ان ترده عنه او تقف امامه
نعم تبغضه ولكنها تهابه وترتعب حين يصيح
انا هنا يا حج مهران اتفضل
اتفضل ايه بقي بعد اللي قاله ابنك قليل التربيه ده
ليقف الصغير من علي الارض وبعين جامحه كعيون شبل صغير تبدلت بالحقد والغضب بدلاً من الدموع وصرخ فيه
انت بتضربني ليه انت مش ليك ضرب عليا
نشلته والدته من امامه قبل ان يلقي الصفعه الثانيه
اسكت يا بيجاد واتأسف لعمك واطلع علي اوضتك يلا
لاء يا ماما انا مش غلطت عشان اتأسف
تعالي يا جميله انا عايز اتكلم معاكي شويه وسيبك من لعب العيال ده
حاضر اتفضل يا حج
جلس علي الاريكه بكل هيبته وجلست هي ومازلت تحمل صغيرها بين ذراعيها ووقف هذا العنيد يستمع لما يقوله لوالدته
ها ناويه علي ايه يا جميله
مش فاهمه قصدك يا حج مهران
قصدي ناويه علي ايه في اللي جاي هاتعملي ايه في حياتك وانتي بقيتي ارمله وفي رقبتك عيلين صغار
هاعيش ليهم يا حج هاربيهم واكبرهم ولحد عودهم ما يشتد ويبقو عوض لأبوهم
الكلام ده لا يودي ولا يجيب ولادك لسه صغيرين ولسه العمر قصادهم ياما وانتي
مره حلوه ولسه صغيرة مش هاتترهبني عليهم يعني
لاء هاترهبن عليهم وليه لاء مراد ماكنش اي حد بالنسبة لي عشان انساه واروح اتجوز غيره
بلاش كلام فارغ مراد مات بقاله ٤شهور دلوقتي وعدتك خلصت خلاص
حضري نفسك ليوم الخميس عشان هاكتب عليكي مانا مش هاسمح لراجل غريب انه يدخل بيت اخويا ويستباح حرمة بيته ويحط يده علي فلوسه وارضه كمان
لكن انا رافضة وعمري ما هاتجوز حد تاني بعد مراد
يبقي تسيبي البيت والولدين وترجعي بيت أهلك في مصر واوعي تفكري في يوم تيجي تسألي عليهم او علي ورثهم انتي سامعه
لكن ده ظلم يا حج مهران حرام عليك
اللي عندي قولته وقدامك الحلين دول يا تحضري نفسك للجواز يا تسيبي الوِلد وتمشي
قال كلامه وهو خارج من عندها وبيجاد يرمقه بكل كره
ضمت الصغير داخل ذراعيها جيداً وهي تظرف الدمع وتهمس بخوف
منك لله يا ظالم يا مفتري عايز تغصبني علي الجواز منك يا تحرمني من ولادي وتقولي حلين
وقف امامها وبدء يمسح دموعها بيديه الصغيرة
مش تعيطي يا ماما قولي ليه لاء انتي خايفه منه مش تخافي و انا كل ما يجي هنا هازعق معاه جامد ومش هاخليه يجي هنا تاني
مش هاتقدر يا حبيبي دا بيهددني بيكو عايز يحرمني منكم انتو كمان يا بيجاد
خلاص بقي انا هاروح القسم وهاقول للظابط انه هو اللي اتسبب في موت ابويا
اوعي تعمل كده انت لسه صغير مش فاهم حاجه
لاء انا مش صغير قولتلك انا شوفته وهو بيقطع سلك من العربية قبل ما بابا يركبها عشان يسافر
ولما قولتله بتعمل كده ليه قالي انه بيصلحها وبعد ما بابا ركبها ومشي بيها عمل الحادثه علي الطريق يبقي قتله ولا لاء يا ماما
انا هاروح للظابط وأقوله مش هاخاف من مهران تاني زي يوم العزي هاخليهم يمسكوه ويحبسوه
صرخت الام المكلوبه وامسكت بطفلها الباكي من اجل والده وضمته اليها مع اخيه بخوف عليهم
اسكت يا بيجاد اوعي تقول الكلام تاني انا مش مستعده اخسرك انت كمان
يعني هاتجوزيه يا ماما
ايوه يا بيجاد عشان خاطركم انتو هاتجوزه
عشان أحافظ ليكم علي مالكم هاتجوزه
عشان ابعد شيطانه عنكم هاستحمل كل حاجه واتجوزه
وصل مهران الي فيلته والتي تكمن بداخلها زوجته وابنتها الوحيده
ودلف اليها بهيأته الغاضبه كلما يراها يزكرها بألامها وانها اصبحت بدون فائده بعد ان فقدت رحمها اثر هذا النزيف بعد ولادتها مباشرةً
حمدلله علي السلامه يا حج مهران احضرلك العشي يا خويا
هتف بسخريه
لاء يا ختي مش هاكل
طب مش عايزني اعملك حاجه
وانا هاعوز منك ايه يا امينه انتي بقيتي ست في البطاقه بس خلاص مافيش منك منفعه
جلست تبكي وتنتحب مثل كل يوم ولم يهتم هو بها كالعاده ولكنه القي علي مسامعها تلك الجمله التي كانت تخشاها منذ ولادتها وهو يصعد الدرج
اعملي حسابك اني هاتجوز جميلة ارملة اخويا مراد يوم الخميس الجاي
وقفت صارخه غير متوقعه هل وافقت جميله ولماذا بتلك السرعه
هاتجوز عليا ومين سلفيتي يا مهران
وقف بغضب والتفت اليها وهو بالأعلي
ايوه هاتجوزها عليكي حقي يا شيخه ولا انتي مش واخده بالك انك بقالك سبع سنين من يوم ما خلفتي البت وانتي مش عارفه تديني حقوقي
وجميله ارملة اخويا اصغر منك واحلي منك وفوق ده وده جابتله بدل الولد اتنين وانتي حتي الخلفه الوحيده اللي جبتيها كانت بت
هو يعني كان بخطري اجيب البت ولا اشيل الرحم ده قدر ربنا نصيبنا هاتعترض علي حكمته كمان
حاشا لله انا مش باعترض عليه بس كمان ده حقي اللي ربنا شرع بيه هاتعترضي انتي عليه
حسبي الله ونعم الوكيل فيك يا شيخ انا هاروح عند اهلي واخليهم يطلقوني منك
في ستين داهيه بس عشان تبقي عارفه هاتخرجي من هنا بطولك بتك جميله اللي هاتربيها ومالكيش عندي حاجه
وارضي اللي اخدتها مني هاخلي ابويا واخواتي يقفولك وياخدوها منك
سريعاً ما كان يقف امامها ويده تنزل بكل قوتها علي وجنتها لتسقط امامه
يبقي بتحفري قبرك وقبرهم بأيدك يا أمينه اقصري الشر يا بت الناس و عيشي زي اي ست في ظروفك ماهي عايشه ماتخليش لغة الدم تدخل بينا
عايز تقتلني زي ما قتلت اخوك يا مهران
لمعت عينه بمكر وانحني عليها وهو يجذبها من شعرها
وهادفنك جانبه كمان لو لسانك نطق بالكلام ده تاني سمعاني يابت العمده الله في سماه لوجبتي السيره دي علي لسانك مره تانيه لكون دبحك دبح
كل هذا الحديث كان امام تلك الطفله ذات السبعة اعوام والتي استيقظت من نومها عند سماعها صراخ والدتها فجرت خارج غرفتها منفزعه ولكنها وقفت اعلي الدرج تستمع الي مايحدث بينهم وهي تري ابيهاوهو يضرب امها كالعاده
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا