مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل السادس عشر من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل السادس عشر
رواية جحيم حبك بقلم شيماء عصمت - الفصل السادس عشر
الظابط: يلا ياعسكري شيل العربية دي طلعها على النص نقل ولو البت دي أتعرضت ليكم خدوها على البوكس
العساكر نفذت الأمر وأبتدوا يشيلوا عربية مـسك عشان يتحفظوا عليهـا وسط رفض مـسك ومحاولتها المثتتبة انها تمنعهم بس للأسف معرفتش
ويادوب الظابط هـ يمد أيده عليها أتفاجئ بـ اللي بيمنعه
..................
رحيـم كان لسـه واصل عنـد بيت مسك وأتفاجئ بـ اللي بـ يحصل معاهـا و أهل الحارة واقفين يتفرجوا ومحدش حاول يمنعهم.
بـسرعة جري عليها ولحق الظابط قبل ما يمد أيده عليهـا
رحيـم: ايه يا باشا وحد الله كده
الظابط بـ أستغراب: رحيـم! انت ماسك ايدي كده ليـه ياض
رحيـم: يعنى اسيبك تمد أيدك على الجماعة بتوعي يا باشا. دا حتى تبقى عيبة في حقي. وحد الله كده
الظابط نزل ايده اللي كان رافعهـا: لا اله الا الله. مش كنت تقول يابني من الاول انها مراتك عمتاً لولا انك احسن مكانيكي في مصر كنت خدتك على البوكس بس اعمل ايه ما انت اللي بـ تروق على عربيتي
رحيـم بـ مجاملة: ليـنا الشرف يا باشا. استسمحك بقى تقول للعساكر تنزل العربية
الظابط فعلا أمر العساكر ينزلوا عربية "مـسك" ودا عشان خاطر المعرفة السابقة اللي بينهم.
البوليـس مشي واهل الحارة لـسه بيتفرجوا وبيتكلموا بينهم وبين بعضيهم على وقفه رحيم مع مسك وخصوصا بعد اما سابهـا ليله فرحها
رحيم حس بـ نظراتهم وسمع هماستهم وللحظه تخيل "مـسك" طول شهر فات بتسمع وتشوف نظراتهم وكلامهم
رحـيم بـ صوت جهوري: خلاص الفيلم خلص كل واحد يروح على بيته. ولو سمعت كلمة واحدة على مراتي او عرفت ان حد بيتكلم عليها ولو نص كلمة. حتى لو بينه وبين نفسه. انا هـ قطع لـسانه وأندمـه على اللحظة اللي أمـه جبته فيهـا للدنيـا. اظن المعلومة وصلت. يلا فرقونـا
الكل كش وخاف من كلام اللي كان واضح للأعمى انـه مش بيقول كلام وخلاص بـ العكس هو هـ ينفذ في الحـال
...
"مـسك" طول الوقت اللي رحـيم كان بـ يتكلم فيـه كانت بـ توضب عربيتها اللي اتبهدلت من الشيل والحط و بـ رغم صدمتهـا من تصريح رحيم انهـا "مراتـه" الا انها سكتت و تجاهلتـه
خلصت اللي هي بـتعمله ودخلت العربية في مدخل بيتهـا لـ حقها رحيم قبل ما تطلع شقتهـا
رحيـم بـ لهفة: مـسك
مـسك ردت من غير ما تلتفت ليـه: نعــم في حاجة يا أسطا رحيـم
رحيـم بـ جديـة: في حاجات مش حاجة واحدة. عايز اقعد وأتكلم معاكي
مـسك: مفيش بينـا كلام
رحيـم بـ قوة: متنسيش انك مراتـي ومن حقي أتكلـم معاكي وقت ما أحب وخصوصا لو الكلام ده يخص حياتنـا مع بعض
مـسك ضحكت بـ سخريـة وبصت ليـه: تك كسـر حقك! حق أيه يا أبو حق. انت خسرت حقك فيـا وفي أي حاجة تخصني من وقت ما سبتني في بيتي بـ فستان فرحي. من أول ما أتهجمت على أخويـا من غير ما تسمع منـه.
رحيـم: بـس أنتِ مراتي وانا جاي عشـان اعتـذر
قاطعتـه بـ دهشـه مصطنعة: انا مراتك!! طب أزاي هي أمك مش قالتلك أنهـا جات لحد بيتي وقالتلي أنك طلقتني غيـابي
رحيـم بـ صدمـة: أمي أنا
مـسك: أه امك انت واتكل على الله انا مش فضيالك
رحيـم قطع المسافة اللي ما بينهـم وحاوطهـا بـ أيده وسط ذهول مـسك
رحيـم: بصي بقـا ومن غير كلام كتير انا أسف أسف أسف أسف. لو قولتلك قد أيه انا أسف مش هـ تصدقي. أنا عارف ان من حقك تزعلي وتبعدي عني بس للأسف أنا مش هـ أقدر أبعد عنك ولا هـ أسمحلك تبعدي عني. أصل أنا بحبك أوي يا مـسك. وهـ أعمل اي حاجة عشان تسامحيني أي حاجة غير اني أبعد عنك. ولأني عارف انك مش هـ تسامحيني بـ سهولـة ولا هـ تنسي اللي عملته فيكي وفي خالـد و هـ تصممي تبعدي عني فـ أنا هـ أجبرك تكوني معايا. هـ أخدك ونبعد عن الكل. و هـ أخلي قلبك يعاتب قلبـي ويعاقبـه لحد ما ترتاحي وتحسي أنك أخدتي حقـك. ودلوقتي لازم أمشي. في رعايـة الله يا مَسْكَني
طبع قبلـه على جبينهـا ومشي.
امـا مـسك فـ كانت هـ تموت من الغيظ والخجل. أزاي سكتت ليه كل ده ازاي خلته يقرب منهـا اصلا!
مـسك بـ وعيد: ماشي يابن سميحـة يا أنا يا أنت في سنتك دي
............
نرچس كانت بـ تشتري خضار من السوق خلصت وكانت مروحه على بيتها. حد خبط فيهـا وقع كل الخضار اللي كانت شيلاه
نرچس بـ غضب: يافتاح ياعليم يارزاق يا كريم انا اصتبحت بـ وش مين بس ياربي. مش تفتح يا أستاذ
الشخص بـ اسف: لامؤخدة يا أنسة بس كنت مستعجل ما أخدت بالي منك
نرچس: ليـه هو أنا شفافه.
رفعت راسها تبص له ويا هول ما رأت.
شاب طول بـ عرض .. جميل الملامح فـ أواخر العشرينات .. بشرته خمريـة ..
نرچس بـ همس: لا اله الا الله هو القمر بـ يطلع بـ النهار ولا أيـه؟
الشخص: ما قولت أسف الله ولا انتي بتجري شكل وخلاص
نرچس: يعني انت اللي غلطان وبـ تبجح كمان
الشخص: بقولك ايـه متخلنيش اطلع شياطيني عليكِ
نرچس: طلعهم كده عشان أخليهم يتوبوا
وعلى صوتهم العالى الناس اتلمت تفرق بينهم
ولكن لا حياه لمـن تنادي الاتنين مش ساكتين لـ بعض
نرچس: وحيات أمي ما انا سيباك و هـ أحبسك
الشخص: انت شكلك متعرفنيش يا شاطرة انا ماهـر توفيق صاحب أكبر محل فاكهـة فيكي يا منطقة
نرچس: طزز ويلا من هنا بقى بدل ما أعلم عليك.
وبـ همس: تتك الأرف في حلاوتك
............
في بيت أبراهيم عدوي
سهر في أوضتها بـ تفكر بـ خطتها الجاية. دلوقتي قلبهـا اطمن على رحيـم بعد ما أبوها بلغها بـ خروجه من الحبس
ومسك وقفلتلهـا عربيتهـا وقريبـاً هـ تطردهـا من الشارع كلـه
سهر بـ همس حاقد: وادي تاني مسمار في نعشك يا مسك الاول فضحتك قصاد الناس بـ العريس اللي سابك يوم فرحك ودلوقتي العربية اللي عايشه منهـا وأخدتها منك زي ما هـ أخد رحيـم. وريني هـ تاكلي وتشربي منين يا جربـوعـة انتي. أما كرهتك في عيشتك مبقاش انا سهر عدوي
قاطع شرودها جرس الباب، راحت تفتحه وأتفاجئت بـ
سهـر بـ ذهول وسعادة: رحيـم! انا مش مصدقة أنك هنا. تعال أتفضل واقف على الباب ليـه
رحيم بـ غضب: بقولك أيه يا خبيثه انتي انا مش جاي اضايف انا جاي اقولك كلمتين حطيهم حلقه في ودنك. أبعدي عني وعن اللي بيخصني لاما ورحمة أبويـا لـ أخليكي تمشي تكلمي نفسك في الشارع متخلنيش اوريكي الوش التاني. وش هـ يخليكي تكرهي تسمعي أسمي. ومتفكريش للحظه انك عشان بنت المعلم أبراهيم هـ أسكت ومش هـ أعملك حاجة ماهو انتي مش أغلى من مراتي وأختي
سهـر بـ برود وضحكة مستفزة: هههههه احبك وانت شرس يا رحيم بـ صراحة أنا بحبك في كل حلاتك. بس جو الباد بوي اللي داخل عليا بيه ده خطف قلبي حتى شوف
قربت تمسك أيده بعدها عنه بـ أشمئزاز
رحيـم: ايدك يا قذرة صحيح يخلق من ضهر العالم فاسد
سهر: يووووه بقى يارحيم سيبك من الشعارات بتاعتك دي و قولي هـ تيجي تطلب ايدي من بابا امتى
رحيم بـ غضب: انتي اكيد مجنونـه انتي لو اخر ست على الكره الارضية عمري ما هـ أبصلك. ماهو مش معقول بعد ما أخد الهانم (مـسك) ابص لـ خدامتها (سهـر)
سهـر وشهـا قلب ألوان بعد ما فهمت قصده وبحقد وكره قالت
سهـر: طب اسمع بقى يابن الناس لو الشهر دا خلص وانا مبقتش على زمتك. صور أختك اللي على تلفوني هـ تغرق مواقع التواصل الاجتماعي ومش بس كده تؤتؤتؤ دا انا هـ وزعهم لكل راجل وست في المنطقة وأقولك كمان هـ أعلق صورها بوسترات في الشارع ولا كأنها مترشحة للأنتخابات. اينعـم الصور متفبركـة بس أنا دافعة فيها دم قلبي عشـان تطلع حقيقية 100% أوعدك محدش هـ يفكر انـه متركبـة. حتى بص
فتحت تليفونهـا و خلته يشوف الصور اللي هي عملاها صور اللي يشوفها لا يمكن فعلا يصدق انهـا تركيب
رحيـم بـ غضب خنقهـا بـ أيده: دا أنا أقتلك وأشرب من دمك لو حد بس خد خبر عن الصور دي. بلاش تطلعي البلطجي اللي جوايـا هـ تندمي يا **** . الصور دي تتمسح حالا وحيات امي لو شفتك صدفة لـ أديكي 100قلم على وشك اللي دهناه بويه ده سمعاني؟ وستك مـسك لو شفتك بصه ليهـا بصه معجبتهاش هـ أخلعلك عنيكي الاتنين فاهمـة يا خبيثه انتي؟ فاهمـــة
سهـر بـ دموع وأختناق: فاهمة.. بس ...سيبني .. هـ موت.. في أيدك ..
رحـيم زقها بعيد عنه وقعت في الارض. أخد التليفون ومسح كل حاجة عليه وعمل ليـه أعادة ضبط المصنع. عشان يتأكد ان كل حاجة اتمسحت ورمى التليفون كسـره
بص لـ سهـر اللي مرميـه على الارض بـ تعيط
رحيـم: دا أخر تحذير ليكي أبعدي عني وعن اللي يخصوني
ختم كلامة ومشي ومهتمش بـ عياطهـا اللي بقى عالي بـ طريقة مرعبـة
...............
في الليـل
مـسك في أوضتهـا قاعدة على سريرهـا بتفكر في كل حاجة مرت عليهـا الفترة اللي فاتت. أينعم تبان جامدة وقويـة قصاد الكل بس محدش عارف جواهـا ايـه؟!
قاطع شرودهـا خبط الباب وصوت خالـد بـ يستأذن للدخـول
مـسك بـ هدوء: أدخل يا خالـد
خالـد فتح الباب ودخل وهو مش قادر يمشي. مـسك جريت عليه تساعده يقعد على سريرهـا. وبعد ما أقعدوا
مـسك: تعبت نفسك وقمت من سريرك ليـه؟ كنت نديت عليا وانا أجيلك بدل ما لـ قدر الله الجرح يفتح
خالـد: ماهو مش معقول هـ أفضل حابس نفسي في أوضتي كده كتيـر. وحشني كلامي معاكي قولت أجي ارغي معاكي شويـة
مـسك بـ أبتسامة : أرغي يا سيدي وادي قاعدة
خالـد: لا انتي فاهمة غلط خالص. انا جاي اسمعك مش العكس
مـسك: امممم عايز تسمع ايـه؟ شاديـة ولا عبدالحليم
خالـد بـ حنق: ها ها ها ايه يابت العسل ده؟
مـسك بـ أستفزاز: عجبك؟ تاخد شويه
خالـد: بطلي بقا يا مـسك وقوليلي قلبك عمل أيه
مسك أبتسمت وبصت لـ أخوها أوي بصتله بحب وحنان العالم كله
مـسك بـ تنهيدة عاليـة: قلبي مجروح بس بيعالج نفسه. بيعافر عشـان ينسى اي وجع مر عليه. بس مش تخاف أختك قويـة يا خالـد. يمكن مش قويـة بـ مزاجي بس وقفتي في الشارع قوتني. الشارع بـ يقسي.
خالـد: سامحتي رحيم؟ او على الاقل هـ تسامحيه
مـسك: مسامحاه ومش مسامحاه
خالـد: فزوره دي بـقى ولا أيه
مـسك: ههههه لا فزوره ولا حاجة كل الحكاية ان في حاجات حطتله عذر فيها وحاجات لا بـ معنى أصح. عذرت انه اخ واتهور عليك وضربك انا لو كنت مكانه لأول وهله كنت هـ أعمل كده. بس اللي لا يمكن كنت اعمله ان أسيب مراتي يوم فرحنا وأمشي من غير ما أقدم مبرر لـ الناس. الناس اللي ما بتصدق حد يقع تحت أيديهم يبتدوا يألفوا قصص وحكايات على مزاجهم من غير ما يراعوا العشره ولا الجيره. عارف لو اللي حصل ده حصلي من كام سنه فاتت مش بعيد كنت انهارت وادمرت بس الحمدلله ربنا رؤوف رحيم. وأكيد اللي حصل خيـر ليـا خير لو معرفتوش من شهر فات فـ أنا عرفاه دلوقتي وأنا راضية بـ كل اللي يجيبه ربنا الحمدلله
خالـد: الحمدلله ياعيون اخوكي عارفة رغم كل اللي حصل فـ أنا من جوايا في حاجة فرحانه انك مسبتيش البيت وفضلتي معايا لـ وقت أكتر. انتي مش بس أختي يا مـسك لا انتي اختي وامي وبنتي كمان ربنا ما يحرمني منك طول العمر
مـسك ضمته: ويخليك ليـا يانن عين أختك وأفرح بيك و بـ جوازك
خالـد بـ همس: قريب أووي هـ تفرحي بيا بس الصبر
...............
في بيت هدى
ألفـت دخلت على بنتها اللي قاعدة وسرحانـه
ألفـت: اللي واخد عقلك
هدى: ماما! انتي هنا من أمتى؟
ألفـت: من خمس دقايق كده. قوليلي بقى سرحانه في أيه؟
هدى: أبداً كنت بفكر في كل اللي بيحصل ده
ألفـت: مش مصدقة ان كريم طلب أيدك مش كده؟
هدى: بـ صراحة اه وخصوصا انه عمل كده فجأة ومن غير مقدمات. يعني أيه يحس انه بيغير عليا فـ يتقدملي علطول؟! كريم مش بيحبني يا ماما
ألفـت: ومين قالك؟ مش يمكن بيحبك بس هو مش عارف
هدى ضحكت بـ حزن: هو في حد ميبقاش عارف هو بيحب مين؟
ألفـت: اه فيه زي ما في ناس بتعيش سنين مفكره انهـا بتحب شخص معين وتكتشف في الأخر انها لا بتحبه ولا حاجة وانهـا بس كانت محتاجة تعيش حاله حب مش أكتر وخايفة يا هدى تكوني من النص التاني
هدى: قصدك ايه يا ماما؟ اني مش بحب كريم؟
ألفـت: أومال افهم ايه من تصرفاتك اللي بتعمليها من وقت ما طلب ايدك؟ انا حاسه انك بتهربي منه انك مش عايزاه فـ مابالك هو
هدى: انا أسفه بس احساسك غلط يا ماما . تقدري تقولي اني مستغربة تغير كريم المفاجئ. واني حابه ادوخه واتعبه شويه زي ما طول عمره تاعبني
...............
في صباح اليوم التالي
مـسك صحيت على صوت خبط الباب وأتفاجئت بـ اللي شافته
مـسك بـ أستغراب: خير ياحضرت في حاجة
...انتي مـسك عبد الرحمن؟
مـسك: ايوه انا
...اتفضلي امضي هنا
مـسك: افهم الاول ايه ده اللي هـ أمضي عليه
...انذار بـ الطاعـة يا أبلـه
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا