مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل الثانى من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل الثانى
رواية جحيم حبك بقلم شيماء عصمت - الفصل الثانى
رحيم وصل بيته لقى والدته بتجهز الأكل وأخته زي العادة قاعدة ماسكه تليفونها
بهدوء قال: السلام عليكم
سالي بلامبالاه: وعليكم السلام
مهتمش لـ زاعلها المصطنع وراح على المطبخ
رحيم بمرح: ست الكل بتعمل أيه
سميحة بخضة: أخس عليك يارحيم خضتني ياواد
رحيم: ههههه كل مره بتتخضي مع أني ببقى رامي السلام بره
(سميحة والده رحيم ذات جسم ممتلئ عمرها تخطى ال50عام)
سمحية: مانت عارف طول ما أنا في المطبخ ببقى ملخومة في الاكل وعاميله
رحيم بصوت عالي قاصد يسمع أخته: ماهو لو حد عنده دم كان قام عمل الأكل بدل الدلع المرق ده
سميحة بعتاب: ملكش دعوة بـ أختك يارحيم مش كفاية اللي عملته فيها النهارده
رحيم بـ وعيد: أنا لسه معملتش حاجة يا امي وبنتك دي دلعك فيها بوظها ومن النهاردة هتاخد على دماغها وشغل البيت هي اللي هتعمله والاكل كمان .. هي مبقتش صغيرة كلها سنة ولا اتنين وتتجوز وتبقى مسؤولة عن بيت وزوج .. خليها تتعلم من دلوقتي
سالي بغضب: والله أنا مش خدامة عشان أكنس وأمسح وأطبخ ..وكمان اللي هيتجوزني لازم يعرف أنه هيتجوز ملكة .. بس صحيح انت هتعرف منين ما أنت في الأخر هتتجوز بياعه كبده
رحيم بغضب مسكها من شعرها: أقسم بربي ياسالي لو ما أحترمتي نفسك وأتظبطي كده لـ هكون مكسر عضمك وأربيكي من أول وجديد أنا صحيح عمري ما مديت أيدي عليكي بس لصبري حدود ومن النهارده مفيش نزول للجامعة والتليفون ده هاخده منك ورجلك لو خطت بره عتبت باب الشقة هكون كسرهالك ساااااامعة أنا قولت ايه؟
سالي ببكاء: سامعه سامعة بس سيب شعري أتقطع في أيدك حرام عليـك
سميحة برجاء : خلاص يارحيم عشان خاطري أنا يابني سيبها
رحيم بعدها عنه بعنف : عشان خاطرك ياأمي المرادي هسيبها بس المره الجايه محدش هيخلصها من بين أيديا
قال كلامة ودخل أوضته ورزع بابها بعنف .. أما سميحة قربت من سالي وضمتها بحنان
_____________
عند مسك
كانت في الشارع واقفة على عربية الكبدة ومعاها خالد بيساعدها وبيقدم الطلبات للزباين ..
خالد: سته كبدة يامسك كل أتنين لوحدهم وتلاته سجق
مسك: هياكلوا هنا ولا الفهم
خالد بنفي: لا هنا
مسك خلصت الطلب وخالد قدموا للزباين
الوقت عدى في بيع وشراء ووقت المرواح جيه وخالد ومسك لموا الحاجة وغطوا العربية وهما في طريقهم للبيت تليفون مسك رن
خالد بفضول: مين؟
مسك بأستغراب: دا رحيم!
خالد: ردي خير ان شاء الله
سبقت خطوه عنه وبقلق ردت: سي رحيم؟ انت كويس ياخويا
ثواني ووصلها الرد: مخنوق يامسك
مسك: بعد الشر عليك من الخنقة وحد الله كده كله بيعدى
رحيم بتنهيدة عالية: لا اله الا الله .. انتي لسه في الشارع
مسك بنفي: لا خلصنا خلاص وأديني مروحة
رحيم: لوحدك
مسك: لا طبعا معايا خالد
رحيم: امتى نتجوز وأرحمك من الشقى اللي أنتي فيه ده
مسك بـ أبتسامة: قول يارب
رحيم: يارب ، مليش غيرة .. انتي بس لو تسمعي كلامي انا شقتي جهزه ناقص أنك تنوريها
مسك: سي رحيم مش أحنا أتفقنا من الاول يا أخويا أن مفيش جواز غير لما خالد يتخرج من الجامعة هنعيده تاني
رحيم: كلها كام شهر وحججك تخلص يامسك
مسك: سيبك من الكلام ده دلوقتي انت فيك حاجة؟ مالك يااخويا!!
رحيم: انتِ بس لو تبطلي يا أخويا اللي روشتيني بيها دي هبقى كويس والله
مسك: ألاه! شوف أحنا في أيه وأنت في أيه قولي مالك بقا متتهربش
رحيم: هعدي عليكي بكره على العربية وأبقى أقولك على كل حاجة
مسك: وليه مش دلوقتي؟
رحيم: كيفي كدا وأول ماتروحي أبعتيلي رساله عشان أطمن عليكِ خلي بالك من نفسك سلام
مسك بتفكير: سلام
____________
في صباح اليوم التالي في مطار القاهرة
كريم بسعادة: وأخيراا رجعت بلدي
هدى بـ أبتسامة: حمدلله على السلامة
كريم: الله يسلمك .. بينا يلا على البيت
هدى: هتقعد معايا أنا وماما وبابا ولا لسه مصمم على قعادك في الاوتيل
كريم: هوصلك وبعدين هروح على الاوتيل على ما الفيلا بتاعتي تجهز
هدى بحزن: براحتك ياكريم
___________
"أما على عربية الكبدة بتاعت مسك"
مسك بغيظ: يابت كفاية أكل دا سادس سندوتش
نرجس: كفاية أيه؟ انا عايزة أتنين كمان
(نرجس 22سنة معاها شهادة الأعدادية .. بنت خاله مسك والصديقة الوحيدة لـيها يتيمة الأب ووحيدة أمها)
مسك ضربتها بخفه: يامصبتي اتنين كمان؟ قومي يابت من هنا وهاتي السندوتش دا كمان ..
ختمت كلامها وهي بتخطف الاكل منها
نرجس بدراما: اخس عليكي يامسك مكنش العشم ياصحبتي بتخطفي مني الاكل؟ هو جرى أيه للدنيا حصل أيه للناس .. الصاحبة تخطف الاكل من بق صحبتها
مسك بشر مسكت السكينة وقربت من نرجس وبحده قالت : لا وممكن تقتلها كمان أيه رأيك
نرجس بخوف : أنا أصلا شبعانة وكنت بهزر معاكي
مسك: متأكدة
نرجس: أه والله زيمبقلك كده بهزر يارمضان أيه مبتهزرش
مسك: لا بهزر ياختي .. قومي يلا خدي الفطار ده لـ خالتي عارفة يانرجس لو عرفت انك شمتيه حتى هعمل فيكي ايه؟
نرجس ببراءة: أيه
_هتعلقك طبعاااا
دا كان رد رحيم اللي كان لسه واصل وسمع أخر حوارهم
نرجس: ازيك ياسطا رحيم منور الدنيا والله وبصراحة توقيتك ديما صح الصح .. بصت لمسك واخد منها السندوتشات: أخلع انا بقى وأروح لـ امي سامو عليكو
قالت كلامها وفي ثواني كانت أختفت
مسك بغيظ: دايما تيجي وتنقذها من بين أيديا
رحيم بـ أبتسامة: معلش خلي قلبك ابيض
مسك: اكتر من كده بياض؟ مفتكرش .. المهم هتفطر هنا ولا فطرت في البيت؟
رحيم: فطرت في البيت وهفطر هنا كمان
مسك: طفاسة يعني ولا أيه؟
رحيم بغيظ: لا وأنتي الصادقة غباااااااء
مسك بحيرة: غباء ايه؟ انت كويس ياسي رحيم؟!
رحيم: تصدقي وتؤمني بالله
مسك: لا اله الا الله
رحيم: أنا تعبت منك
مسك: ههههه طب خلاص متزعلش ثواني وطلبك هيجهز
رحيم قعد على طرابيزة من الموجودين ودقايق ومسك جبتله الفطار وقعدت على الكرسي المقابل لرحيم
مسك: قولي بقا فيك ايه؟ وايه اللي شاغل بالك
رحيم بهدوء قالها على موضوع الورشة اللي عرضها عليه الحج أبراهيم عدوي
مسك: وانت مش معاك المبلغ ده
رحيم: لا معايا أنتي عارفة أن الأرض اللي أبويا الله يرحمه سبهالي بعد مابعتها وجبت شقتي والشقه اللي امي قاعدة فيها أتبقى قرشين كده هيغطوا تمن الورشة
مسك: طب ما الموضوع محلول أهو شايل الهم ليه بقا
رحيم: عشان اللي معايا هيغطي تمن الورشة وبس! لاهيبقى معايا فلوس أوضبها ولا لفرحنا عرفتي فين المشكلة
مسك بتفكير: طب صلى على النبي كده
رحيم: عليه أفضل الصلاه والسلام
مسك: احنا منعملش فرح وأقولك كمان أنت تاخد الشبكة اللي جبتهالي وتبعها ولما ربنا يفرجها تبقى تجبلي أحسن منها أصلا أنا مش بلبس منهم الا الدبله ودي كفاية اوي
رحيم وقف: أنا غلطان أني أتكلمت معاكي من الأول .. أنتي أزاي تفكري أني ممكن أخد فلوس منك يا مسك؟ المفروض أديكي مش العكس
مسك: اقعد بس ومتبقاش قفوش كده أول هام أنا معرضتش عليك فلوس عشان عارفة أنك لايمكن تاخدهم مع أنه مش عيب أننا نساعد بعض .. تاني هام أنا عرضت عليك تاخد شبكتك اللي أنت جايبها بعرق جبينك .. فك زنقتك وبعد كده رجعهالي ياعم .. وأنت عارف أصلا أني مش بحب الدهب ومن الأول قولتلك كفاية الدبلة بس أنت رفضت وجبت شيء وشويات .. وغير الفرح اللي أنا شيفاه ملوش لزمة الصراحة .. يعني أيه أقعد خمس ست ساعات بترقص قدام ده وده
رحيم بغيرة: ومين قالك أنك هترقصي أصلا مش بعيد انقبك يومها أساسا
مسك بتحدي: ومين قالك أني هخليك تلبس بدله بعضلاتك دي؟ والبنات تقعد تفصص فيك .. كفاية وأنت لابس العفريته بتاعت الشغل .. يا أخويا هي ناقصة
رحيم بـ غمزة: بتغيري عليا
مسك: لا بقولك ايه همز وغمز محبوش هنتكلم جد ولا تتكل
رحيم بغيظ: أنا نفسي اعرف هعاكسك أمتى؟
مسك: في المشمش ان شاء الله خلينا في المهم قولت أيه
رحيم: قولت لا اله الا الله وأنسي الكلام اللي قولتيه دلوقتي ربنا هيفرجها من عنده هروح على الورشة لحسن عندي شغل كتير .. سلام يامـز
مسك بتحذير: كملها كده ان مقعدناش اسبوعين متخاصمين مبقاش أنا مسك عبدالرحمن
رحيم: ياباااااي دبش .. يابت هبص بره
مسك بلا مبالاه مصطنعة: بص ياأخويا وماله وكملت بتحدي: بس زي ماهتبص أنا كمان هبص
رحيم بغيرة: نعم يا حلوة تبصي فين؟ دا أنا أخزقلك عنيكي الأتنين
مسك: طب يلا ياخويا أتكل على الله الزباين مستنياني
رحيم: شاطرة في الكبدة وبس غير كده لا
مسك: بتقول حاجة ياأخويا
رحيم: لا بدعي ربنا يصبرني على مابلاني
مسك بـ أستفزاز: امين يارب
__________
"في ورشة رحيم"
كان بيشتغل على العربيات اللي عنده .. اتفاجئ بـ أخته ومعاها سهر بنت المعلم إبراهيم عدوي
رحيم موجة كلامة لـ سالي: انتي ايه اللي نزلك من البيت و جابك الورشة؟ أول مره تعمليها يعني؟ في حاجة حصلت!! .. أمك كويسة؟!!!!
سالي: أمي كويسة مفيش حاجة
رحيم: أومال جاية هنا ليه وأزاي تنزلي أصلا أنا قايلك أيه أمبارح ماتنطقي يابنتي ايه البرود ده
سهر برقة: سالي جاية معايا أنا يارحيم .. العربية بتاعتي بتعمل صوت غريب كده فقولت أجي تشوفلي فيها أيه وبصراحة أتحرجت أجي الورشة لوحدي فـعديت على سالي وأتحايلت على طنط سميحة وأترجتها عشان توافق أن سالي تيجي معايا
رحيم بغضب مكتوم: طب أتفضلوا أنتوا جوه على ماشوف العربية
سهر بدلع: هتعبك معايا يارحيم
رحيم وهو بيغض بصره عنها: ولا تعب ولا حاجة يا أنسه سهر أنتي زي سالي أختي
خلص كلامة مشددا على كلمة " أختي " ومشي راح على العربية عشان يصلحها أما سهر قعدت بغيظ وغضب من تلميح رحيم أنها زي أخته .. أخته وبس!
سهر بهمس غاضب لسالي: شايفة أخوكي بيعاملني أزاي ياسالي
سالي بنفس الهمس: شايفه يا أختي بس هنعمل أيه الحرباية اللي اسمها مسك مسيطرة على قلبه وعقله
سهر بكره: مسك داخله على طمع ياسالي لا هي بتحب رحيم ولا نيله .. هي بس عايزة تخلص من الفقر اللي هي عايشه فيه عشان كده رمت شباكها على رحيم .. وأخوكي من طيبة قلبه مش واخد باله .. بالك أنتي لو أتجوزوا مش بعيد تخليه يطردك أنتي ووالدتك بره البيت عشان تكوش هي على كل حاجة
سالي: عشان ساعتها أقتلها وأشرب من دمها .. أنا مستعدة أعمل أي حاجة بس الجوازة دي تتفركش
سهر بمكر خفي: أي حاجة أي حاجة؟ مهما كانت!
سالي بتأكيد: مهما كانت وساعتها هعمل المستحيل عشان رحيم يتجوزك أنتي ياسهر أنا عارفة قد أيه أنتي بتحبيه .. بتحبيه بجد
سهر بحب ونظراتها بتاكل رحيم: وعمري ماحبيت غيره أنا مش عايزة حاجة من رحيم أنا عايزاه هو وبس ومعايا هيقدر يحقق كل اللي بيتمناه .. أنا وفلوسي وفلوس بابا هـ نكون ملك أيديه .. بس هو يبصلي بس
قاطع كلامهم صوت رحيم اللي جيه عليهم وبجدية قال: أنا شوفت العربية المشكلة أن ردياتير التبريد كان عطلان ودا اللي كان عامل صوت الطقطقة دي .. ساعة ولا أتنين وأكون ظبطت الدنيا .. وأنا بقول تروحوا أنتوا وأنا هبقى أبعت العربية مع الواد عضلة لحد باب البيت لما تخلص .. مينفعش قعدتكم هنا قصاد اللي رايح واللي جاي
سالي بستفزاز: عندك حق مينفعش نقعد في الشارع اللي يسوا واللي مايسواش يبص علينا يلا يا سهر
رحيم بصلها ببرود وفهم هي تقصد أيه بس ما أتكلمش .. سالي وسهر رواحوا كل واحده على بيتها أما رحيم فـ رجع يكمل شغله
_____________
"عند مـسك"
مسك: أيوه ياخالتي في أيه .. طب خلاص هجيلك .. أهدي أنتي بس .. طيب سلام ياخالتي هخلص وأجيلك .. سلام
قفلت التليفون وبتفكير قالت: ياترى عملتي أيه يامنيله وأمك عايزاني فيه .. أستر يارب
خلصت كلامها ورجعت تشوف شغلها .. غافلة عن العيون اللي بتتابعها بلهفة وشغف!!!!!
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا