مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل الرابع من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل الرابع
رواية جحيم حبك بقلم شيماء عصمت - الفصل الرابع
في منزل رحيم .. وقت العشاء
رحيم بغضب مكتوم: ينفع اللي بنتك عملته ده؟ ينفع تكسر كلامي وتنزل الشارع وكمان من غير اذني؟ للدرجادي انا كلامي ملهوش قيمة؟ حتى انتي ياما مهنش عليكي تقوليلها استأذني من اخوكي الاول
سميحة (ام رحيم) : يابني كنت عايزني اعمل ايه؟ بنت المعلم عدوي بجلاله قدرة جت لحد بيتي وبتتحايل عليا تاخد معاها سالي لحد الورشة عندك ارفض ازاي بقى؟ وانت عارف ان جمايل الحج عدوي مغرقانا من ساسنا لـ راسنا .. دا هو الوحيد اللي وقف معانا بعد موت ابوك وهو كمان اللي معلمك الصنعة اللي بناكل منها عيش .. مهنش عليا اكسر خاطر بنته اللي زي القمر دي
رحيم: الحج عدوي على عيني وراسي بس دا مش مبرر ان بنتك تكسر كلمتي وتـ
قاطعته سالي بأعتذار: عندك حق يارحيم انا اسفه مش هعمل كده تاني .. اوعدك
رحيم بصلها بذهول .. مش مصدق ان اخته اعتذرت وبالسهوله دي وفي نفس الوقت قلق من التغير المفاجئ ده .. بس بهدوء قال: اتمنى فعلا انها تكون اخر مره .. بص لوالدته وكمل: انا عزمت مسك على الغدا يوم الجمعة واهي تكون فرصة اننا نحدد ميعاد كتب الكتاب
سميحة بغضب: ياصلاة النبي ياولاد؟ انت بتعزم اي حد كده من غير ماتبلغني وتاخد رأي يارحيم؟
رحيم: انا معزمتش حد غريب انا عزمت خطبتي اللي كمان كام شهر هتكون مراتي ايه اللي حصل يعني؟
سميحة: وانا مش عايزة بياعة الكبدة تدخل بيتي .. انا مش عارفة انت عاجبك فيها ايه؟ .. لا متعلمة ولا غنية دي حتى هدومها هدوم رجالي زيك ياواد!!!! شايف فيها ايه؟
رحيم بغضب مكتوم: شايف انها بنت حلال وب100راجل .. شايف انها هتصون اسمي وبيتي .. شايف انها هتكون في ظهري دايما .. شايف انها عارفة ربنا .. شايف انها اجمل واحدة في الدنيا وانها محافظة على نفسها جوه هدومها الواسعة اللي مش عجباكي ياامي شايف حاجات كتير انتي مش عايزة تشوفيها .. مسك هتيجي يوم الجمعة هنحدد كتب الكتاب وعشان خاطري قابليها كويس عشان لو حصل اي حاجة تزعل مسك .. فـ انا بعد جوازنا هاخدها ونسكن في مكان تاني مش في الشقة اللي قصادك
سميحة بصدمة: انت بتهددني يارحيم؟ عايز تسيب امك واختك وتروح تسكن بره تسيب اتنين ولايا لوحدهم
رحيم: لا عشت ولا كنت عشان اهددك ياما بس انا بدور على حل يرضي الكل .. هقوم انزل للمعلم عدوي على القهوة عشان ابلغه اني هشتري الورشة بتاعت الاسطا حسين
خلص كلامه واتوجه لباب الشقة .. خرج منه وراح على القهوة
اما سميحة قالت بغيظ: شايفة اخوكي وعاميلة؟
سالي بهدوء: سبيه برحته ياماما .. رحيم مش صغير
سميحة: ودا من امتى العقل دا كله ان شاء الله؟!!!!!!
سالي: من دلوقتي .. هو حر يعمل اللي يريحه وطول مااحنا معارضينه على الجوازه دي هيصمم اكتر انه يتجوزها .. هيعند يعني .. فريحي دماغك ياماما
___________
اما عند مسك
خلصت تحضير العشا ورصت الاكل على الطبلية الموجودة
مسك: ياخاااالد ... خااالد .. انت يابني يلا العشا جاهز
خالد خرج من اوضته واتوجه للصالة اللي فيها مسك
خالد بهدوء: صوتك يابنتي عالي كدا ليه
مسك بضيق: يمكن عشان بقالي ساعة بنادي على البيه ومش بيرد
خالد: حقك عليا كنت مركز في المذاكرة ومأخدتش بالي انتي عارفة اخر اسبوع في الامتحانات والواحد متسوح على الاخر
مسك: ولا يهمك ياحبيبي ربنا ينجحك يانور عيني واشوفك احسن واكبر بشمهندس في مصر كلها .. عارف على قد تعبك ربنا هيراضيك بأذن الله
خالد: اللهم امين
مسك: بقولك صحيح يوم الجمعة معزومين على الغدا عند رحيم امه عزمانا
خالد بأستغراب: عند رحيم؟ ودا من امتى ان شاء الله؟!! بقالكم اكتر من سنتين مخطوبين وعمرها ماحصلت هو في حاجة ولا ايه!
مسك: هنحدد معاد كتب الكتاب بما انك خلاص هتخلص دراستك انت عارف كان شرطي من الاول ان مفيش جواز الا لما انت تخلص عشان اطمن عليك
خالد: هههههه ياحبيبتي انتي محسساني اني بنت ومش هعرف اتصرف لوحدي؟!!!! ضيعتي من عمرك سنتين عشان خاطري .. كان زمانك متجوزة ومخلفه كمان واترحمتي من الشارع وبلاويه
مسك: ياعم وانت مالك هو انا اشتكيت لك انا كده مستريحة
خالد بأمتنان: هردلك كل جمايلك عليا ازاي يامسك مهما اعمل عمري ماهقدر اردلك واحد في الميه من اللي عملتيه وبتعمليه عشان
مسك: مفيش جمايل بين الاخوات ياولا انت من لحمي ودمي وبعدين تقدر تردلي كل حاجة لما اشوفك ناجح وبتبني مستقبلك كده وتتجوز واحده بنت حلال وتستاهلك ومننا وعلينا كده
خالد: طب بسس بااااس قلبتي على دور الام كده ليه؟ جواز ايه وخلفه ايه دلوقتي انا لسه فاضلي كتير على مااكون نفسي
مسك: طب كفاية رغي ياخويا وكل الاكل هيبرد
________________
كريم بيتكلم في التليفون: ايوه ياهدى هعدي عليكي بكره عشان تيجي معايا نشوف كام عربية عشان مشروعنا
هدى: _______
كريم: لا يابنتي مش من الظهر كده لا طبعا الدنيا هتبقى زحمه
هدى: _______
كريم: الساعة سابعة الصبح هكون عندك .. لا مش بنبيع لبن بس عشان نلحق
هدى: ________
كريم: تمام .. اتفقنا ، سلام ياصحبي هههههههه
_________________
في صباح اليوم التالي .. مر اليوم كباقي الايام بين انشغال (رحيم) في ورشته وعمل (مسك) على عربتها .. ولكن الجديد هو زيارة (كريم وهدى المنشاوي) للحارة الشعبية التي تسكن بها (مسك) وايضا تعمل بها .. توقف (كريم المنشاوي) بسيارته الفاخره امام عربه مسك
هدى بتوتر: المكان شكله شعـ
قاطعها كريم: لو خايفة تنزلي خليكي في العربية وانا هجيب الاكل لحد هنا
هدى: مش حكاية خايفة بس العربية سدت الشارع مفيش حد هيعرف يعدي وممكن يزعقوا معانا
كريم: معاكي حق اصلا انا اول مره ادخل بالعربية هنا
هدى بأستغراب: وانت جيت هنا قبل كده
كريم بتاكيد: طبعا جيت اومال عرفت المكان ازاي بس عمري ما طلبت اكل
هدى: طب كفايه رغي وتعال نركن العربية في مكان تاني ونيجي هنا من غيرها
كريم فعلا مشي بالعربية وركنها في مكان تاني وبعدين اتوجه هو وهدى لعربية مسك اللي كانت مشغوله بتقديم الطلبات للناس
كريم واقف وجنبه هدى: لو سمحت انتي يااااا
مسك بهدوء موجهه كلامها لهدى اللي مبهوره بـ (مسك) وشغلها وكل حاجة حواليها : محسوبتك مسك اتفضلي ياابله
كريم: انا اللي كلمتك علفكره
مسك: طلبك ايه ياسطا
كريم بذهول: اسطا!!!
هدى ضحكت بخفوت وشماته نوعا ما
مسك بنفاذ صبر: اخلص يااستاذ ورانا اكل عيش .. طلبك ايه
هدى بأبتسامة بشوشة: 2سندوتش من كل حاجة عندك لو سمحتي
مسك: عنيا ياقمر .. خلصت كلامها ورجعت تكمل شغلها .. اما هدى فبصت لـ كريم المذهول
وبمرح قالت: سرحت في ايه ياسطا
كريم بغيظ: بس يابت مش كفاية الانسة دي! انا مش عارف ازاي تقولي ياسطا!!! دي الكلمة مش لايقه خالص على البدله اللي لابسها!
هدى بشماته: ذنب ناس بتخلصه ناس
كريم ببرود مستفز: تمام ياصحبي
هدى بصتله بغضب وسكتت
مر حوالي ربع ساعة وكريم وهدى منتظرين طلابتهم .. ومسك مشغولة بكمية الزباين اللي موجودين ومحتاسه وهي لوحدها ثواني ولقت رحيم بيقرب منها
رحيم: صباح الخير يامسك
مسك بأنشغال: صباح النور ياخويا هخلص الناس اللي معايا وهحضرلك طلبك
رحيم: طب وسعي كده اما اساعدك
مسك بأنكار: لا طبعا مايصحش اقعد انت بس وانا هخلص اهو
رحيم مهتمش لاعترضها وابتدء يساعدها في تقديم الطلابات دقائق وكانوا مخلصين طلبات كل الموجدين ماعدا (كريم و هدى)
كريم بحدة: انتي ياانسه فين طلبنا بقالنا ساعة واقفين
رحيم بصله بغضب: خير ياهندسة في حاجة؟ انت مش شايف الناس كانت قد ايه؟ وبعدين انت بتكلمها كده لييه؟
كريم بغضب مماثل: انا اتكلم زي ما انا عايز .. ثم انت مين اصلا عشان تتدخل؟ انا موجهتلكش كلام
رحيم زقه بعنف: انا خطيبها ياحيلتها و اقف معوج واتكلم عدل
مسك: خلاص يارحيم متكبرش الموضوع وانت يااستاذ طلبك اهو
هدى بأحراج: شكرا ياانسه حسابك كام
مسك: لا شكر على واجب ياحييبتي خلي المره دي علينا
هدى بأصرار: لا مينفعش اتفضلي
مسك: يمين بالله مايحصل اعتبريه اعتذار عن وقفتك ياعسليه
كريم بسخرية وهو مركز مع رحيم : على اخر الزمن هتبقششوا علينا
رحيم لكمه في وجهه وبحده قال: تصدق انك متربتش وهتتربى على ايدي دلوقتي
كريم بغضب رد ليه الضربة .. وابتدات معركة بينهم مسك حاولت تتدخل وكان نصيبها خبطه بالغلط من كريم وقعتها على رجلها اتلوت .. اما هدى كانت بتبكى بخوف وقلق على كريم ومش عارفة تتصرف ازاي .. اول مره تتعرض لموقف زي ده!!!
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا