مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة ميرا إسماعيل ؛ وسنقدم اليوم الفصل الثالث من رواية غرام حمزة بقلم ميرا إسماعيل هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية
رواية غرام حمزة بقلم ميرا إسماعيل - الفصل الثالث
إقرأ أيضا: قصص قبل النوم
رواية غرام حمزة بقلم ميرا إسماعيل - الفصل الثالث
فى شقة حمزة
حمزة ... ام حمزة أنت فين ؟ ام حمزة
فاطمة خارجة من الغرفة بهمس .... هششش وطى صوتك كنت بنيم غرام فى حاجة ؟
حمزة. ... شكل عمى فرج والجماعة وصلو
فاطمة ... متاكد
حمزة .... ايوه لسه شايف عربية عمرو خارجة من الشارع وأنا فى البلكونة وكمان مرات خالد وابنه
فاطمة .... ياضنايا اتيتم صغير قوى والله مراته وابنه صعبنين عليا قوى
حمزة ... الله يرحمه خالد طول عمره إنسان كويس واكيد كل حاجة حلوة عملها هتقعد ل ابنه ومراته
فاطمة ... عندك حق هروح أجهز الغدا ليهم أنزله ليهم
حمزة ... ماشي وأنا هجهز السفرة لغاية اما ترجعى وعرفيهم اننا هننزل بليل نعزيهم
فاطمة ... ماشي انا داخلة المطبخ
ودخلت فاطمة المطبخ لتجهيز الغدا
☝☝☝☝☝❤❤❤❤❤❤☝☝☝
فى شقة فرج
غرام دخلت اول ما دخلت حست إنها نفسها ترجع لشقتها ترجع ل خالد امانها الحقيقي
حسنات ... واقفة كده ليه ادخلى يا بنتى تعالى يا حمزة يا ابن الغالى
حمزة ... تيتا انا تعبان وجعان جدا
فرج بلهفة ... شاله ايه اللي تعبك فى حاجة وجعاك
حمزة ... لا يا جدو بس عايز انام علشان تعبت من الطريق وكمان علشان اخلى ماما توافق تجبلى بيتزا اصلى نفسي فيها
حسنات ... يا حبيبي يا أبنى يا حج كلم عمرو يكلم المحل يبعت ليه اللي نفسه فيه
فرج ... تعالى معايا نكلم عمك ونقوله طلبك
حمزة ... يس يلا يا جدو يا عسل انت
كانت غرام بتابع اللى بيحصل ب توهان وحزن عميق
حسنات قربت منها وحطت ايدها علي كتفها .... عارفة طول عمرى كان نفسي يبقا عندى بنت كان دايما الغالى يقولى بكره مراتى ومرات عمرو يبقو بناتك
بس الشهاده لله عمرى ما حبيت زينب مرات عمرو علي طول بحس منها الخبث لكن انت لا كنتى بنتى فعلا عارفة بقولك كده ليه علشان تطمنى انت هنا فى بيتك وبيت الغالى وكل طلباتك مجابه انت هنا مكانك اوعى تنسي دا
غرام من غير مقدمات اترمت فى حضن حسنات وبدموع .... خالد وحشنى يا ماما وحاسه ان دنيتى كلها اتهدت خالد كان امانى بعد بابا الله يرحمه كان سندى ودنيتى وامانى حياتى اتهدت يا ماما
حسنات ... بعد الشر عنك من الهد أنت لازم تقفى تكونى قوية علشانك وعلشان حمزة
وافتكرت غرام وصية خالد واتنهدت
غرام ... عندك حق انا لازم اكون قوية علشان خلاص اللي كان بيقونى راح
حسنات ... كفاية يا بنتى انا ربنا اللي عالم بحالى يلا ندخل ارتاحى علشان بليل والعزا
غرام بينها وبين نفسها ... ودا هم تانى ازاى هواجه الناس واقول ليه مشيت زمان وليه بقيت مرات خالد ااااااه يا خالد سبتنى وانا لسه مش عارفة اعمل ايه
وبصوت مسموع ممكن يا ماما اقعد فى غرفة خالد
حسنات ... تعالى يا حبيبتى
فى غرفة خالد
حسنات ... ارتاحى دلوقت وسيبي حملك علي الله هو اللى في ايده قلوبنا وقدرنا
غرام ... ونعمه بالله
وخرجت حسنات والباب خبط وكانت ام حمزة دخلت الغدا ومردتش تطول وقالت إنها وحمزة هيجو بليل ومشيت علي شقتهم تانى
😭😭😭😭😭😭😭😭😭😭😭😭😭😭
فى بيت عمرو المنياوى
عمرو بيتكلم فى الفون وهو داخل من الباب
عمرو ... انت تؤمر يا حمزة ثوانى وهتلاقى البيتزا وصلت اى طلبات
حمزة ... لاء دلوقتي بس لو افتكرت هبقا اكلمك
عمرو ... ماشى يا حمزة سلام
زينب من وراه
زينب مرات عمرو بس حاجة استغفر الله العظيم كتلة شر متحركة علي الارض وتطيق العما ولا تطيق غرام وابنها
زينب ... بيتزا هما ايه مفيش دم دا حتى عندهم عزا وميت
عمرو بارف .... بقولك إيه يا زينب شيلى غرام وحمزة من راسك علشان دلوقت هى اللي حجر وكفاية انهم مش طايقينك أصلا سامعة
زينب ... وماله نسكت أما نشوف آخرتها معاك أنت والست غرام
عمرو ر... مفيش فايده أنا داخل ارتاح وانت امشي علي هناك علشان تساعدى امى وبتحذير زينب غرام وحمزة خط احمر
زينب ... وماله وخط نار كمان لو عايز ادخل ارتاح انت
ودخل عمرو وهو بيلعن نفسه كالعادة علي جوازه منها
وزينب بترتب ازاى تتعب غرام الايام الجاية والله وجيتى تحت درسي يا غرام
😯😯😯😯😯😯😯😯😯😯😯😯😯😯
وجاء الليل سريعا وتوافد الناس علي عزاء خالد وجاء ناس بكل حزن عليه لانه كان فعلا مثال للراجل الصح فى كل شئ
اما عند النساء الاغلب من الجيران اتصدم ان غرام هى مرات خالد وطبعا بداو في الكلام الجنابى تحت أنظار غرام اللي كانت علي آخرها بسبب كل الضغوط قامت تدخل المطبخ تشرب يمكن تقدر تكمل للاخر
وفعلا قامت وطبعا قامت زينب وراها
فى المطبخ
غرام وهى تضع الكوب ... الحمد لله
زينب ... مالك يا سلفتى قومتى ليه
غرام غمضت عينها علشان تتحكم ف نفسها ... كنت عطشانة وهى خارجة وقفت زينب فى طريقها
زينب ... بلاش تطلعى فيها قوى انت دلوقت اللي فى العين صحيح بس بكره ياخدو ابنك ويرموكى فى الشارع
غرام ... زينب انت ليه بتكرهينى قوى كده انا عمرى معملت ليكى حاجة وحشة
زينب ... من ناحية اللي عملتيه هيبان متخافيش يا مرات خالد الله يرحمه
وخرجت زينب
غرام ... يارب ارحمني أنا مش عايزة حاجة من الدنيا غير حمزة ابنى وبس يكون فى حضنى اااااه يا خالد
وانتهى العزا سريعا والكل أنصرف من عزاء الرجال
علي سلم العمارة
حمزة ... البقاء لله يا عمى فرج
فرج بتماسك .... ونعمه بالله يا ابنى
حمزة بادب ... بعد اذنك كنت عايز انا والحاجة نعزى المدام بعد اذنك يا حج
فرج ... وماله يا ابنى تنورا وبعدين هى مش غريبة عنك
حمزة استغرب بس معلقش ... طيب أنا هطلع اجيب الحاجة
فرج ... ماشي يا ابنى
ودخل فرج اللي اول ما حمزة الصغير شافه ... جدو حبيبي وحشتني
فرج .. وانت كمان يا ابن الغالى
امال غرام فين يا ام خالد
حسنات ... فى المطبخ
فرج بغضب ... بتعمل ايه فى المطبخ غرام غرام
غرام بخضة ... نعم يا عمى
فرج ... كنتى فى المطبخ بتعملى ايه
غرام ... كان فى كوبايات فى الحوض وقلت اتسلى فيهم
فرج ... الكل يسمع غرام هنا ست البيت زيها زى ام خالد تتخدم من الكل مفهوم
الكل ساكت وبس
حسنات ... مفهوم يا حج بس اهدى انت
فرج ... ومن هنا ورايح الأكل اللي بتحبه هى وحمزة يكون علي السفرة ولو سمعت إنها شالت ريشة من الارض حسابكم معايا
غرام ... يا عمى انا
فرج ب مقاطعة ... مفهوم يا ام حمزة
غرام .... مفهوم يا عمى ووجه كلامها ل حمزة يلا علشان تغير وتنام يا حمزة
فرج ... لاء فى ناس جاين يعزوكى
حسنات .. مين يا حج
فرج ... ام ح وقطع كلامه صوت خبط الباب اهم جم
حمزة ... ماما انا عايز الحمام
غرام .. تعالى معايا ودخلت غرام مع حمزة وفتح فرج الباب ... تعالى يا بنى اتفضلى يا ام حمزة
حسنات ... ست فاطمة يا اهلا اتفضلى
فاطمة ... البقاء لله مره تانية ربنا يصبر قلوبكم وينتقم من اللى حرمكم منه
حسنات .. يارب يارب يا ام حمزة
فاطمة ... امال مراته فين لو نامت خليها
عمرو بخبث مقصود ... لا مع حمزة جوا وخارجة
فاطمة استغربت هى وحمزة
حمزة ... هو ابنه اسمه حمزة
حسنات ... كان بيحبك قوى وسمى ابنه على اسمك
فاطمة ... الله يرحمه والله هو غلاوة حمزة ابنى
فرج ... قومى يا زبنب استعجلى ام حمزة من جوا
عمرو بخبث ... امال بنتك فين يا حضرة الظابط هى اسمها ايه
حمزة ... بحسن نيه اسمها غرام يا عمرو ونايمة فوق
فرج بدا يستغرب غرام وحمزة معقول صدفة وشاف غرام اللي كانت حاطة راسها فى الأرض وايدها حمزة أبنها
غرام وقفت قريبة منهم السلام عليكم
فاطمة ... وعليكم و بشهقة قويةغرام
حمزة من غير استيعاب بص عليها بصدمه
غرام طب ازاى
غرام لارد
عمرو قاعد يتابع اللي بيحصل بمنتهى البرود
غرام ... خخخالتى ففاطمة
حمزة قام وقف قدامها بغضب وصدمه بس قبل اى كلام قررت غرام الراحيل من هذا الواقع حتى لو راحيل مؤقت واغمى عليها بين ايد حمزة فى وسط صدمة فاطمة وحمزة وزعر الباقى بما فيهم عمرو 😭😭😭
تابع من هنا: جميع فصول رواية أرض زيكولا بقلم عمرو عبدالحميد
إرسال تعليق
يسعدنا تلقي اقتراحاتك أو تعليقك هنا