قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل السابع من رواية حارة حورية بقلم دودو محمد

رواية حارة حورية بقلم دودو محمد - الفصل السابع

اقرأ أيضا: قصص رومانسية

رواية حارة حورية بقلم دودو محمد - الفصل السابع

 فى المشفى

فاق بهاء بعد ما قاموا معه بالرعاية الطبيه وهو يشعر بألم شديد فى قدمه و ذراعه بعد ما وضعوا له الجبس بسبب الكسور الموجوده بهم نظر بجواره وجد هند تبكى وهى تجلس على الأريكة تكلم بألم وقال

بهاء :- امى عامله ايه دلوقتى

هند :-نهصت وذهبت إليه وقالت بدموع اتعرضت لصدمه شديده و السكر عالى عليها ودخلت فى غيبوبه

بهاء :- بدموع وربنا ما هسيبهم غير لما انتقم منهم

هند :- بدموع انا مش عارفه ايه اللى بيحصل لينا ده يعنى اخويا يتحبس ظلم وانا اتفضح ظلم وامى تدخل غيبوبه كل ده فى وقت واحد ليه كل ده ليبييه ووضعت يدها على وجهها وظلت تبكى

بهاء :- كل حاجه هتبقى كويسه يا هند أن شاءالله أهدى

هند :- انا مستحيل ارجع الحاره دى تانى بعد اللى حصل فيها مش هقدر ارفع راسى فيها تانى يا بهاء

بهاء :- لاء هتدخلى وترفعى راسك لفوق كويس اوى يا هند

هند :- بدموع ازاى بس يا بهاء

بهاء :- هتجوزك

هند :- بصدمه ايه اللى انت بتقوله ده

بهاء :- ايوه لازم يبقى معانا عقد جواز نثبت بى لناس أن انتى مراتى بس بتاريخ قديم وانا عندى واحد صاحبى هيساعدنا فى ده

هند :- حركت رأسها وقالت مستحيل ده يحصل مستحيل

بهاء :- متخافيش يا هند ده هيبقى عقد صورى بس قدام الناس وبعد فتره هطلقك انا هعمل كده علشان سمعتك

هند :- بدموع حرام والله كل اللى بيحصل لينا ده حرام

بهاء :- اللى عمل كده حسابه هيكون كبير منى ومن يحيى لما يخرج بالسلامه

هند :- نظرت له بقلق وقالت هو انت هتقول ليحيى عن اللى حصل ده

بهاء :- ايوه بس مش دلوقتى لما يخرج بالسلامه

هند :- اومال هتقولوا ايه على موضوع جوازنا ده

بهاء :- انا هتصرف معاه متقلقيش

هند :- بقلق انا خايفه يحيى يصدق أن فيه حاجه ما بينا بجد

بهاء :- انتى عبيطه يحيى بيثق فيا وفيكى ومستحيل يشك فينا

هند :- ربنا يستر

بهاء :- يلا قومينى وتعالى نروح نطمن على امك ونروح القسم عند يحيى ومعانا المأذون علشان نكتب الكتاب هناك

هند :- بخوف م.م.ماشى يلا وقامت بمساعدته حتى ينهض من على السرير وتألم كثير وهو يحاول النهوض وقامت بمساعدته وذهبوا إلى الغرفه الخاصه باعتماد ونظروا عليها من خلف الزجاج وبعد ما سألوا الطبيب عن حالة اعتماد ونزلوا إلى الأسفل صعدوا سيارة الاجره وذهبوا إلى قسم الشرطه

.........................................................

فى قسم الشرطه

وصل بهاء ومعه هند والمأذون وانتظروا مقابلة يحيى فى الخارج دلف بهاء إلى داخل المكتب وجاء يحيى احتضنه بصدمه وقال

يحيى :- الف سلامه عليك يا صاحبى ايه عمل فيك كده

بهاء :- د.د.دى حادثه بسيطه الحمدالله على كل شئ

يحيى :- امى واختى عاملين ايه

بهاء :- ك.ك.كويسين

يحيى :- بهاء فيه ايه

بهاء :- ها م.م.مفيش

يحيى :- بهااااااء اتكلم علطول انا بعرفك اكتر من نفسك

بهاء :- بدموع انا اتبهدلت اوى بعدك يا يحيى

يحيى :- اتكلم فيه ايه امى واختى فيهم حاجه

بهاء :- ا.ا.اقعد هحكيلك كل حاجه بس ارجوك اسمع كلامى للآخر من غير ما تتعصب

يحيى :- جلس ونظر لبهاء بأهتمام وأنصت له بأنتباه شديد وقال قول

بهاء :- جلس أمامه ونظر له بتوتر وبدء يقص له ما حدث فى الحاره

يحيى :- اكتسى وجهه بحمرة الغضب ونهض بعصبيه وقال نهايتها على أيدى اقسم بالله ما هرحمها عااااااا

بهاء :- اهدا ارجوك

يحيى :- اهدا ايه وزفت ايه انا غلطان أن اعتمد على واحد زيك مش قادر تحميهم هى دى الامانه اللى سيبتها فى ايدك يا بهاء

بهاء :- انا عملت اللى عليا ومخلتش حد يقرب من اختك وحميتها على قد ما اقدر بس الست دى مفتريه ومحدش قدها قولتلك يا يحيى بلاش تاخد شقه دى انت اللى عند وصممت عليها وكل اللى احنا فيه ده بسبب عندك

يحيى :- ماشى يا بهاء بلغها ان انا موافق اعملها اللى هى عايزاه

بهاء :- بأستغراب يحيى انت ناوى على ايه

يحيى :- نفذ اللى بقولك عليه يا بهاء

بهاء :- تنهد وقال ماشى يا يحيى طيب قولت ايه على الجواز المأذون بره لازم نعمل كده علشان سمعت اختك يا يحيى وتقدر ترفع راسها فى الحاره

يحيى :- نظر له نظره مطوله وقال ماشى بس اعمل حسابك انك مش هتلمسها وهطلقها وقت ما اقولك طلقها

بهاء :- مفيش مشكله انا اصلا عمرى ما فكرت فى الجواز لا من اختك ولا من اى واحده وانت عارف كده انا بعمل كده علشانك يا صاحبى وانت عارف انا ايه يا يحيى

يحيى :- زفر بضيق وقال خليهم يدخلوا

بهاء :- نهض من على المقعد واتجه إلى الباب وفتحه ودخل ضابط الشرطه والمأذون وهند إلى المكتب

هند :- اول ما رأت يحيى ركضت إليه بدموع والقت نفسها داخل أحضانه وظلت تبكى وقالت شوفت اللى حصل لينا واحنا من غيرك يا يحيى احنا اتهبدلنا اوى من غيرك ضهرى اتكشف لناس كلها وانت مش جمبى يا اخويا

يحيى :- ششش أهدى يا هند هخرج قريب اوى وهدفعهم التمن وحياتك عندى هخليهم يندموا على كل حاجه عملوها معانا

هند :- اطلع لينا بسرعه يا يحيى احنا محتاجينك اوى

يحيى :- أن شاءالله يلا علشان المأذون يكتب الكتاب ومتقلقيش بهاء مش هيقرب منك وهياخد باله منك انتى وماما لحد ما اخرج من هنا وهيطلقك وقت ما نطلب منه كده

هند :- نظرت له بقلق و اومأت برأسها بالموافقه وقالت م.م.ماشى

جلس يحيى والمأذون وبهاء على الأريكة ووضع بهاء يده بيد يحيى وبدأوا الاثنين يقولوا وراء المأذون وبعد وقت انتهوا وتمت الزيجه ومضوا العساكر كشهود وغادر المأذون المكتب

ونظر يحيى إلى بهاء بتحذير قائلا

يحيى :- بهاء مش عايز اندم على ثقتى فيك دى

بهاء :- متقلقش يا يحيى احنا مع بعض من صغرنا المفروض تكون واثق فيا اكتر من كده

يحيى :- نظر إلى هند وقال روحى مع بهاء يا هند ومتخافيش

هند :- نظرت له بقلق وقالت م.م.ماشى

يحيى :- بهاء بلغ حوريه أن موافق على شروطها

بهاء :- ماشى

يحيى :- ابقى تعالى طمنى على امى

بهاء :- حاضر يا يحيى يلا سلام واخذ هند وخرج من القسم

يحيى :- نظر نظرت تحدى وقال ماشى يا حوريه هدفعك التمن غالى اوى وذهب مع العسكرى إلى الحجز

..........................................................

فى الحاره

جلست حوريه على السرير بعد أن مشطت شعرها ووضعت رضا عليها الغطاء نظرت حوريه إلى رضا وهى تشعر ببعض من تأنيب الضمير وقالت

حوريه :- مش عارفه حاسه أننا زودنها شويه على البت دى واللى معاها وبالذات أن الولا اللمبى بيقولى أنه قال ليه أنها مراته

رضا :- ولا زودنها ولا حاجه يا ست الكل دى بت بجحه وتستاهل اللى حصل فيها ده فاكره اتكلمت معاكى ازاى من يومين مش عارفه عايشه الدور ومتعجرفه علينا على ايه انا فرحانه فيها اوى الصراحه

حوريه :- بس يعنى كان ممكن نعمل اى حاجه تانيه غير أننا نفضحها انا ضميرى بيأنبنى اوى

رضا :- ولا تحطى فى بالك حاجه من اللى حصلت دى هى تستاهل اكتر من كده نامى يا ست البنات ومتشغليش بالك بأى حاجه انتى الست حوريه تعملى اللى انتى عايزه تعمليه

حوريه :- صح عندك حق يلا روحى نامى

رضا :- تصبحى على خير يا ست البنات

حوريه :- وضعت رأسها على الوساده وقالت وانتى من أهله يا رضا

رضا :- تأمرينى بحاجه قبل ما تنامى يا ست الكل

حوريه :- لاء يا رضا روحى نامى يلا

رضا :- اغلقت الاضاءه وخرجت من الغرفه وأغلقت الباب خلفها

حوريه :- تنهدت وتذكرت احداث اليوم وشعرت بتأنيب الضمير ثم قالت على رأى رضا هما اللى يستاهلوا وبدأوا من الاول وأغلقت عيناها وبعد عدة دقائق ذهبت فى نوم عميق

......................................................

فى المشفى

وصل بهاء إلى المشفى ومعه هند ودخلوا إلى المكان المتواجد بها غرفة اعتماد نظرت هند لها من خلف الزجاج وانهمرت دموعها وقالت

هند :- انا خايفه اوى على ماما يا بهاء

بهاء :- متخافيش أن شاءالله هتقوم بالسلامه

هند :- منهم لله هما السبب فى كل اللى حصل ليها ده ربنا ينتقم منهم

بهاء :- يحيى مش هيسكت ليهم وربنا يستر من الجاى قلبى بيقولى أن يحيى مش ناوى على خير أبدآ

هند :- احسن يستاهلوا كل اللى هيحصل فيهم

بهاء :- اخوكى مش قد الناس دى هو كده ناوى يرمى نفسه فى النار وانا خايف عليه مش مستعد اخسر صديق عمرى يا هند

هند :- انا واثقه فى اخويا يحيى هو قدها وان شاءالله هينتقم منهم كلهم

بهاء :- ربنا يستر

هند :- جلست على المقعد بتعب وقالت أنا مش قادره افتح عينى خلاص

بهاء :- نامى شويه وانتى قاعده كده

هند :- ماشى واغلقت عيناها وبعد عدة دقائق ذهبت فى نوم عميق

بهاء :- نظر إلى هند وجدها نائمه خلع سترته من عليه ووضعها على هند حتى لا تشعر بالبرد وهى نائمه وجلس على مقعد اخر وأسند رأسه على الحائط ونظر إلى هند وجد رأسها تسقط ركض إليها وأسند رأسها قبل أن ترتطم على المقعد وجلس بجوارها ووضع رأسها على كتفه وشعر بألم شديد بقدمه وذراعه اغلق عينه وذهب إلى النوم

........................................................

اشرقت شمس صباح يوم جديد بنورها الساطع فى سماء الاسكندريه لتبدء حوريه بفتح عيناها على صوت رضا وهى تنادى عليها قائله

رضا :- ست حوريه يا ست حوريه

حوريه :- نظرت لها وقالت فيه ايه يا رضا

رضا :- صباح الورد والفل والياسمين

حوريه :- صباح النور يا رضا فيه ايه

رضا :- اللمبى بره عايزك يا ست البنات

حوريه :- تململت على فراشها وقالت طيب روحى وانا جايه وراكى

رضا :- حاضر يا ست حوريه وخرجت من الغرفه

حوريه :- نهضت من على السرير ودلفت المرحاض وبعد وقت خرجت وبدلت ملابسها وخرجت من الغرفه وجدت اللمبى يضم رضا داخل احضانه قالت بعصبيه ايه اللى انتوا بتعملوا ده أقف عدل يا لا وانتى غورى على المطبخ

رضا :- ركضت من أمام حوريه

اللمبى :- مشى يده على شعره وقال أنا اسف يا ست البنات ا.ا اصل يعنى كانت زعلانه منى وبصالحها

حوريه :- اول واخر مره اشوف المنظر ده لما تبقى مراتك فى بيتك ابقى اعمل اللى عايز تعمله فاهم

اللمبى :- نظر فى الأرض وقال حاضر يا ست حوريه اسف

حوريه :- كنت عايز ايه

اللمبى :- الوليه ام البت دى دخلت فى غيبوبه فى المستشفى

حوريه :- بصدمه ايه دخلت فى غيبوبه

اللمبى :- ايوه السكر عالى عليها اوى دخلت فى غيبوبه

حوريه :- انت السبب، فكرتك السوده دى هى السبب

اللمبى :- ما فى داهيه يستاهلوا اللى حصل فيهم مننا اصلهم كانوا شايفين نفسهم اوى وكان لازم نعلمهم الادب

حوريه :- زفرت بضيق وقالت ماشى خلاص روح شوف شغلك

اللمبى :- حاضر سلام وتركها وذهب

حوريه :- جلست على المقعد بحزن وزفرت بضيق وقالت بصوت عالى رضا انتى يا زفتة الطين يا رضا

رضا :- جاءت تركض وقالت نعم يا ست حوريه نعم

حوريه :- انتى مش بتردى علطول ليه

رضا :- اسفه والله اول ما سمعتك جيت أجرى

حوريه :- ادخلى هاتى الزفته الشنطه من اوضى

رضا :- ح.ح.حاضر وركضت إلى غرفة حوريه واخذت الحقيبه وخرجت تركض إليها مره اخرى وقالت أتفضلى يا ست حوريه

حوريه :- اخذت الحقيبه ونظرت لها بعصبيه وتركتها وذهبت

رضا :- وضعت يدها على قلبها وقالت هوف شكلها متعصبه على الاخر واتجهت إلى غرفة الطهى

........................................................

فى المشفى

استيقظت هند من نومها وشعرت بشئ فوق رأسها تحركت ونظرت بجوارها وجدت بهاء نائم بجوارها ووهى تضع رأسها على كتفه وهو يوضع رأسه فوق رأسها وعلى جسدها سترته نظرت له بأستغراب وابتعدت عنه شعر بهاء بحركتها فتح عينه ونظر لها وقال

بهاء :- صباح الخير

هند :- ص.ص.صباح النور ا.ا انت نمت هنا ازاى

بهاء :- وانتى نايمه راسك وقعت وكانت هتسقط على الكرسى لحقتك قبل ما تتخبطى ونيمتك على كتفى علشان احمى راسك وغصب عنى نمت

هند :- م.م.ماشى رجلك ودراعك عاملين ايه

بهاء :- حاسس بشوية الم بس احسن من امبارح

وفى ذلك الوقت خرج الطبيب من الغرفه عند اعتماد نهضوا الاثنين واتجهوا إليه

هند :- ماما عامله ايه يا دكتور

الطبيب :- لسه زى ما هى احنا بنحاول ننزل ليها السكر شويه وان شاءالله اول ما ينزل هتبدء تفوق عن اذنكم وتركهم وذهب

هند :- بدموع اااه يا ماما انا خايفه عليها اوى رب تفوق بقى واحشتنى اوى وظلت تبكى

بهاء :- أهدى يا هند أن شاءالله ربنا هيقومها بالسلامه

هند :- يارب يا بهاء يارب

بهاء :- تعالى بس اقعدى

هند :- جلست ونظرت إلى بهاء وقالت انا عايزه اروح الشقه

بهاء :- بتسأل ليه

هند :- عايزه اخد شاور واغير هدومى

بهاء :- لازم يعنى

هند :- ايوه

بهاء :- تنهد وقال ماشى قومى يلا

هند :- نهضت ونظرت له وقالت تحب اساعدك

بهاء :- مش عايز اتعبك

هند :- لاء عادى وقامت بمساعدته ومسكت ذراعه السليم وساعدته على التحرك خرجوا من المشفى وبهاء وقف تاكسى وصعدوا وذهبوا إلى الحاره وبعد وقت وصلوا الاثنين إلى الحاره ونزلوا من التاكسى ودفع بهاء الاجره نظرت هند إلى الحاره بتوتر وضغطت بشده على ذراع بهاء

بهاء :- نظر لها بأستغراب وقال مالك يا هند

هند :- نظرت له بخوف وقالت ا.ا.انا خايفه اوى يا بهاء

بهاء :- تنهد وقال متخافيش يا هند انا معاكى امشى يلا

هند :- نظرت له بقلق ومشيت معه إلى المنزل وصعدوا عند الشقه ودخلوا الاثنين الشقه ونظرت هند بحزن ودموعها انهمرت منها

بهاء :- يا بنتى فيه ايه بس

هند :- مش قادره اشوف الشقه كل ما بشوفها بفتكر اللى حصل فيها امبارح

بهاء :- انسى يا هند اللى حصل امبارح ده خالص بكره امى تقوم بالسلامه ويحيى يخرج بالسلامه ويتجمع شملكم من جديد

هند :- يااااااارب يسمع من بؤقك ربنا انا تعبت ونفسى افوق من ام الكابوس ده بقى

بهاء :- يلا شوفى هتعملى ايه علشان نلحق نرجع المستشفى تانى

هند :- بتوتر م.م.ماشى بس يعنى

بهاء :- ايه

هند :- ش.ش شوف هتروح فين لحد ما اخلص مش هينفع اخد شاور وانت موجود

بهاء :- مشى يده على شعره وقال اه صح مش هينفع طيب انا هنزل تحت شويه تكونى انتى خلصتى

هند :- م.م.ماشى

بهاء :- نزل إلى الأسفل وتركها بمفردها بالشقه

هند :- واربت الباب قليلا ودخلت إلى غرفتها ونظرت إلى السرير بحزن ودمعه فرت من عيناها حين تذكرت ما حدث بالأمس ووضعها الغير لائق مع بهاء على السرير تنهدت بحزن ومسحت بيدها الدمعه وذهبت إلى المرحاض وخلعت ملابسها وفتحت المياه وبدأت الاستحمام

.........................................................

عند بهاء نزل إلى الأسفل واتجه إلى مقهى حوريه ودلف إلى الداخل وقال

بهاء :- السلام عليكم

حوريه :- نظرت له بأستغراب وقالت شايفه أن لسه فيك النفس اهو

بهاء :- الحمدالله كله نعمه ورضا من عند ربنا

حوريه :- الحلوه بتاعتك ايه أخبارها لسه عايشه

بهاء :- سيرة مراتى متجيش على لسانك

حوريه :- اوعى تكون مفكر أن انا عبيطه وبيضحك عليا بالكلمتين دول وان هى مراتك فعلا

بهاء :- ميهمنيش رأيك بس فعلا هند مراتى وخرج ورقه من جيبه وقال دى تثبت أن هى مراتى بس العقد لسه مخرجش

حوريه :- نظرت إليه وقالت احم أنت جاى ليه عايز ايه

بهاء :- انا جاى ابلغك أن يحيى موافق على كل شروطك

حوريه :- نهضت من على مقعدها وقالت ما كان من الاول شكل صاحبك مستحملش الحبس

بهاء :- والله دى حاجه متخصنيش اهو عندك فى القسم روحى ليه واتصرفوا مع بعض عن اذنك وتركها وذهب

حوريه :- ضحكت بأنتصار وقالت ايوه كده علشان يعرف مين هى الست حوريه وخرجت تركض صعدت السياره الخاصه بها وذهبت إلى قسم الشرطه وهى تشعر بالانتصار

*********************

إلي هنا ينتهي الفصل السابع من رواية حارة حورية بقلم دودو محمد

تابع من هنا : جميع فصول رواية حارة حورية بقلم دودو محمد
تابع من هنا: جميع فصول رواية انتقام أثم بقلم زينب مصطفى
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من روايات حب

اقرأ أيضا: رواية لم تكن خادمتى بقلم أميمة خالد