قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل التاسع عشر من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة

رواية أعشق تمردك ولكن بقلم دودو محمد - الفصل التاسع عشر

اقرأ أيضا: رواية عشق الزين

رواية أعشق تمردك ولكن بقلم دودو محمد - الفصل التاسع عشر

 فى المستشفى وصلت تالين ومراد وكانت تالين منهاره

تالين :_ وهى بتعيط ف.ف.فين فريده يابابا

عمرو:_ حضن تالين وقال ادعلها يا توته ربنا يقومها بالسلامه

تالين :_ وهى فى حضن عمرو وبتعيط

يارب يا بابا يارب وفين ماما

أحمد :_ امك تعبانه شويه جوه خشى اطمنى عليها

إيمان :_ تعالى يا حبيبتى معايه هى فى الاوضه نايمه شويه

ودخلت تالين مع إيمان الاوضه عند هاجر

.....................................................

عند مراد كان وقف مع الشباب

مراد :_ انا عايزه افهم ايه حصل بالظبط معرفتش افهم حاجه من رغد فى التليفون

أدم :_ البيه ابن خالك هيخطب إيمان بنت خالك مروان

مراد :_ ازاى واحنا عارفين اللى فيها وعرفين انا إيمان بتحب عبده وهو حازم ما احنا عارفين ان هو بيحب فريده

ادم :_ علشان هو مش راجل يعلق البنات بى ويروح يخطب واحده مش بتحبه

سيف :_ بس حازم مش كده واحنا كلنا عارفين ان حازم راجل ومحترم وعمله ما عمل حاجه وحشه لحد بس الموضوع ده فى لغز وانا بدءت افهم شويه اللى بيحصل

مراد :_ وايه هو اللى وصلت ليه

سيف :_ ممكن يكون فى حاجه حصلت ما بين عبده وإيمان واحنا عرفين ان عبده ندل قد ايه وتلاقيه مرضاش يصلح غلطه وبرضه عرفين ان حازم راجل ومش هيتخلى عن بنت عمه علشان كده هيتجوز إيمان

مراد :_ وانت بقى عرفت كل ده منين

ادم :_ اقولك انا امبارح الهانم جت لخالتى لايمان وكان شكلها مش طبيعى وطلبت تقعد معها على انفراد وبعد ما مشت خالتى كانت طول النهار مش على طبيعتها ولا كمان جه حازم بليل اخدها وراحت عندهم بليل ودى غريبه وخالتو إيمان بقالها اكتر من عشر سنين ومدخلتش عندهم وبعد كل ده جى بخبر جواز حازم من إيمان

سيف :_ لا وانت ناسى حاجه اول امبارح وهما شكلهم مش طبيعى وهما خرجين مع بعض من الكليه وقال انها تعبانه

مراد :_ ده لو حصل كده بجد يبقى حازم هيظلم نفسه وهيظلم فريده معاه

سيف :_ بس هو برضه معاه حق دى بنت عمه واللى عمل كده اخوه اى حد مكانه كان هيعمل كده واحنا عارفين ان حازم شهم وراجل

أدم :_ طب واختى وانا

مراد :_ اختك لسه صغيره وبكره ربنا يكرمها بواحد يحبها وتحبه لكن انت ايه مش فاهم

أدم :_ وانا اللى بحب إيمان من زمان وكنت كل مره اعترف بحبى ليها كانت ترفضنى علشان عبدالرحمن

سيف :_ وانت هترضى تتجوزها لوحصل معاها حاجه هى وعبده

أدم :_ .................

مراد :_ ساكت ليه ما ترد هترضه

أدم :_ مش عارف بس مش هرضاها على نفسى بعد ما كنت بتحايل عليها تبعد عن عبدالرحمن وكنت بعترف ليها عن حبى وكانت بتصدنى

سيف :_ شوفت صعبه عليك ازاى مع انك ممكن تنسا كل ده وتتجوزها وحازم يتجوز اختك

أدم :_ صعب ياسيف انسا انها رفضتنى وسلمت نفسها لعبد الرحمن

مراد :_ احنا منسبقوش الاحداث ولما نشوف حازم نعرف منه كل حاجه

سيف :_ يعنى هو صحبك وانت مش عارفه استحاله يحكى لحد حاجه

مراد :_ مفيش غير ماما هى اللى عارفه كل حاجه

سيف :_ صح بس مش دلوقتى حالتها متسمحس ليها تحكى حاجه

وفى الوقت ده دخل حازم ومعاه ماريا

مراد :_ حازم ايه اللى جابك

حازم :_ جاى لفريده

أدم :_ وانت تيجى لاختى بصفتك ايه روح لخطبتك هى اوله بيك

سيف :_ اهده يا ادم

حازم : _ اعمله اللى انتو عايزين تعملو فيه بس خلونى اخش ليها

مراد :_ يا حازم ممنوع حد يخش ليها العنايه

حازم : _ والنبى ياجماعه اخش ليها وعيط

مراد :_ صعب عليه حازم قاله تعالى نحاول مع الدكتور يمكن يرضه

.....................................................

راح حازم ومراد للدكتور

مراد :_ كنا عايزين بس لوسمحت ده يخشلها يطمن عليها

الدكتور :_ انا قولت ممنوع اى حد يخش ليها العنايه

حازم :_ بدموع والله هخش مش هعمل ازعاج بس المسها اطمن عليها والنبى يا دكتور

الدكتور :_ انت تقرب ليها حاجه

مراد :_ حد قريب اوى لقلب المريضه ووجوده هيساعدها ترجع للحياه

الدكتور :_ انا هسمح ليك تخش ليها علشان الحاله اللى انت فيها وده يدول عليك انك بتحب المريضه اوى ربنا يخليكم لبعض ويرجعها ليك بالسلامه

حازم :_ يارب يا دكتور يارب انا متشكر اوى ليك

الدكتور :_ لا شكر على واجب اتفضل لممرضه وخليها تعقمق وتلبسك اللبس المخصص للعنايه واتفضل خشلها بس متغبش جوه

حازم :_ حاضر

ومشى مراد وحازم واتعقم حازم ودخل لفريده العنايه

.....................................................

فى العنايه عند فريده

حازم :_ مسك ايد فريده وقعد يعيط ويقول انا اسف يا فريده انا السبب فى اللى انتى فى انا اسف على كل لحظه اتعذبتى بسببى انا اسف على ان مفهمتش قصدك لما كنتى عايزه تقوليلى بحبك بس انا والله العظيم بحبك وكنت بتوجع اكتر منك رجعى لدنيا تانى ضحكتك وهزارك اللى كان مالى الدنيا انا مستهلش قلبك ولا حبك انتى مستحملتيش تشفينى مع واحده غيرك عكسى انا انا كنت قابل انك تحبى غيرى وكنت هبعد عنك ومفكرك هتعيشى سعيده بعيده عنى متسبيش الدنيا ولا حلمك علشان اى حد حتى لو انا محدش يستاهل عذابك ولا دمعه من عنيكى

وفى الوقت ده اتفجاء بدمعه نزله من عين فريده

حازم :_ مد ايده ومسحها وقال انتى حسه بى صح وسمعانى طب لو لسه بتحبينى ارجعى للدنيا تانى امك وابوكى واخواتك محتجينك بلاش علشان خاطرى انا علشان خاطرهم هما

والدنيا مش مستهله اللولى اللى بينزل من عنيكى مفيش حاجه تستاهل يا حبيبتى وحط ايديها عند شفايفه وباسها وقعد يعيط حس بايد بتخبط على كتفه وبتقول

الممرضه :_ لو سمحت كفايه كده علشان المريضه تستريح

حازم :_ لالا خلينى شويه وانا مش هتعبها ولا هعمل صوت

الممرضه :_ مش هينفع والله لازم تتطلع وابقى بكره ادخلك ليها شويه

حازم :_ بجد يعنى بكره هدخلينى ليها تانى

الممرضه :_انشالله اتفضل بس دلوقتى

حازم :_ شكرآ ليكى

الممرضه :_ ربنا يقومها ليكم بالسلامه

وخرج حازم من الاوضه ووقف عند الازاز اللى بره يبص عليها وهو بيعيط

حس بأيد على كتفه

إيمان :_ ليه اتسرعت وعملت كده فى نفسك وفيها

حازم :_ مانتى اكتر واحده عارفه اللى فيها

إيمان :_ كان ممكن نلاقى اى بديل تانى

حازم :_ مكنش فى غير الحل ده

إيمان :_ وناوى تعمل ايه دلوقتى يا حازم

حازم :_ مش عارف يا عمتى مش عارف كل اللى عايزه دلوقتى ربنا يقوم فريده بالسلامه

إيمان :_ انت لو اتجوزت إيمان يبقى بتظلم فريده وهتظلم إيمان علشان مش هتقدر تحبها وتعيشها سعيده وفوق كل ده هتظلم نفسك

حازم :_ مبقاش فى رجوع بابا اتفق مع عمى هنروح نطلب ايد إيمان بكره

إيمان :_ بصدمه ايه بكره طب وفريده

حازم :_ قعد فى الارض وحط راسه مابين ايديه وقال مش عارف والله ياعمتى كله بسبب عبدالرحمن وقعنى فى الكل المصايب دى كلها وهو ولا على باله

إيمان :_ اخوك ده ندل ومحدش يعتمد عليه

حازم :_ مقدرش استغنا عن فريده ولا قادر ارفض مساعدة بنت عمى اقوليلى حل فى اللى انا فى

إيمان :_ صلى يا حازم صلاة استخاره واستخير ربك وهو بأيده كل شئ وفى ايده ريح قلبك وقلب فريده

ومشيت وسابته

.....................................................

عند مروان وجاسمين

مروان :_ يا بنتى انتى ليه رافضه ده حتى حازم كويس وكل البنات بتتمنى نظره واحده منه وهو على خلق ومتدين وهيراعى ربنا فيكى

إيمان :_ لا يا بابا مش موافقه وانا مش عايزه اتجوز دلوقتى انا عايزه اكمل تعليمى الاول

جاسمين :_ ليه يا إيمان كده طب هو مش هيرفض انك تكملى تعليمك وهيقف جمبك حازم احسن شاب فى العيله وبجد هو شاب خجول جدآ وعمره ما رفع عينه فى حد وهيراعى ربنا فيكى

إيمان :_ حازم حازم محسسنى ان هو ملك ونازل من السما وقالت لنفسها ده عايز يتجوزنى يصلح غلطة اخوه يعنى ولا بيحبنى ولا حاجه هيتجوزنى علشان يذل فيه

مروان :_ ها يا بنتى قولتى ايه طب اقعدى معاه بكره واتكلمى معاه يمكن يقدر يغيرك رأيك

إيمان :_ يوووووه بقى انا قولت لا

وسبتهم ودخلت اوضتها

جاسمين :_ بنتك عنديه ومش هتوافق علطول

مراد :_ يعنى اعمل ايه ارفض واقولهم متجوش ولا ايه

....................................................

عند تالين فى اوضة امها

تالين :_ يعنى انتى يا ماما مكنتيش بتحسى بأعراض ولا حاجه

هاجر :_ والنبى يا بنتى مكنتش بحس بحاجه معرفش جه امته وازاى

تالين :_ هو مش خطير المهم انتى تحافظى على اكلك ومواعيد الدواه

هاجر :_ ما انتى عارفه مبحبش حكاية الدواه دى

تالين :_ معلش ياماما علشان مصلحتك

هاجر :_ مش مهم انا دلوقتى المهم اختك عملت ايه

تالين :_ لسه زى ما هى

هاجر :_ انا خايفه عليها اوى

تالين :_ ربنا يقومها بالسلامه انا هروح ابص عليها

هاجر :_ استنى هاجى معاكى

تالين :_ لالا خليكى انتى وانا هطمن عليها وهاجى اطمنك

هاجر :_ ماشى بس متتأخريش عليه

تالين :_ حاضر

ومشيت تالين وراحت للعنايه عند اختها

....................................................

عند العنايه كان لسه حازم قاعد فى الارض وعمال يعيط

تالين :_ اتفجأت بوجود حازم ومن الحاله اللى هو فيها وقالت حازم بتعمل ايه هنا

حازم :_ مسح دموعه ووقف وقال كنت بطمن على فريده

تالين :_ على ما سمعت كنت انت السبب للى حصل لاختى لما عرفت بموضوع انك هتخطب إيمان يبقى جى ليه علشان تشمت فيها

حازم :_ خلاص يا تالين انا كنت جاى اطمن عليها وماشى علطول

تالين :_ لا اطمن هى هتبقى كويسه مش علشانك لا علشانه احنا اللى بنحبه وخليك انت جمب خطبتك وربنا يسعدك وابعد عن اختى كفايه اوى عليها اوى كده وياريت ما تبقاش تتعب نفسك وتيجى

حازم :_ حاضر عن اذنك ومشى حازم والدموع فى عنيه

جه مراد وقال

مراد :_ ليه يا توته عملتى كده

تالين :_ انت سمعت

مراد :_ اه ومرضتش اتدخل فى الكلام

تالين :_ عملت كده معاه علشان يقتل القتيل ويمشى فى جنازته

علق اختى بى وبعد كده يسبها ويروح يتجوز بنت عمه

مراد :_ محدش يعرف ظروفه ايه

تالين :_ ظروف ايه اللى تخليه يسيب حد بيحبه بطريقه دى ورفضة تعيش الحياه وهو مش معاها ويروح يتجوز واحده غيرها

مراد :_ طب اهدى يا توته صوتك عالى واحنا فى مستشفى

تالين :_ عيطت واترمت فى حضن مراد وقالت صعبانه عليه اختى هى دى فريده اللى ضحكتها كانت مش بتفارق وشها وهزارها ومقلبها يبقى هو ده حظها تكون مرميه فى العنايه بنفس صناعى وجسم من غير حياه

مراد :_ طبطب عليها وضمها جامد فى حضنه وقال انشالله هتقوم بالسلامه وترجع لينا تانى فريده بهزارها وضحكها

تالين :_ يارب يا مراد يارب

...........................................................

عند حازم فى العربيه كان ماشى حزين وقعد يلف بيها فى شوارع اسكندريه

ووصل عند البحر ونزل دخل قعد على الرمل

حازم :_ عاعاعاعاعاعاعاعا

يارررررررررررررررررب انا تعبت ومش قادر خلاص من صغرى وانا تعبان وحزين لا عمرى اشتكيت ولا اعترض على امرك ولا حكمك بس انا بجد تعبت مش عارف القيها من امى اللى مش عارف هى فين ولا عارف حتى شكلها لاخويه اللى بيكرهنى ومش طايقنى لحبيبتى اللى فى المستشفى مابين الحيا والموت ولا بنت عمى اللى المفروض استرها علشان الفضيحه

يارب اعمل ايه مش قادر خلاص والله تعبت وعيط وقال انا عمرى ما اتمنت الشر لحد مش بتمنا غير الخير لكل الناس ومش عايز حاجه من الدنيا غير حبيبتى ترجع تانى للدنيا وترجع ليها بسمتها مش مهم انا اتعذب بس اهم حاجه هى لا تتعذب ولا تشوف حاجه وحشه انا لو جرلها حاجه مستحيل اعيش فى الدنيا دى

ياررررررررررررررررررررررب انا لا عايز قصور ولا عايز حاجه من الدنيا غير حاجه واحده بس فريده دى هى قلبى وعمرى وروحى وكل حاجه حلوه فى الدنيا انا عمرى ما عصيتك وماشى بما يرضيك وعارف ان ده اختبار منك بس صعب اوى اوووووى بس انا صابر وراضى بقضاك وقعد يعط لحد ما الصبح طلع عليه وهو قاعد على الرمله وبيعيط قام ركب عربيته وراح على المستشفى اطمن ان مفيش حد قاعد عند العنايه بتاعت فريده وكانت عنيه حمرا من كتر العياط وراح للممرضه وطلب منها ان يخش عند فريده وياخد معاه مصحف ويقعد جمبها يقراه

الممرضه :_ صعب عليها منظر حازم ووفقت علطول وعقمته ولبس اللبس المخصص للعنايه وقعد جمبها ومسك ايديها وقال

حازم :_ اذيك يا ديده واحشتينى ووحشنى ضحكتك قومى بقى يا حبيبتى واحشتنى عنيكى العسليه وهى بتبصلى طب تعرفى حتى كلمة ابيه اللى بضيقنى منك واحشتنى منك واحشنى جنانك وتهورك ههههههههههه فكره لما وقعتى فى حضنى كان اسعد لحظه فى حياتى ههههههه ده انا اتكسفت اكتر منك وعرقت وكانت حالتى حاله بس كان نفسى اتهور واعمل حجات كتير طب انتى عارفه ههههههههه مراد و فريد قعده يضحكه ويتريقه عليه على يوم العشا كنت مش قادر اشيل عينى من عليكى وكان نفسى اخبيكى جوه حضنى من عيون الناس

كان نفسى اخدك من ايديكى ونرقص سلو زى اى اتنين عشاق ومخطوبين ومتجوزين انا هفضل هنا جنبك لحد ما ترجعى لدنيا من تانى وهقراه ليكى فى المصحف علشان يبقى ليكى ونيس فى دنيتك اللى انتى فيها دلوقتى لحد ما ترجعى دنيتنا من تانى ومسك المصحف وفتحه وقعد يقراه فيه ومر اسبوع على نفس الحال وفى يوم وهو قاعد وماسك المصحف وبيقراه فيه زى كل يوم سمع صوت ضعيف بينادى بأسمه

فكر نفسه بيتهيألو وبدء يقراه تانى فى المصحف بس سمع نفس الصوت بينادى عليه تانى صدق بالله العظيم وساب المصحف ومسك ايد فريده بس هى داست على ايده براحه

حازم مصدقش نفسه وقال

حازم :_ فريده انتى حركتى ايدك

فريده :_ داست على ايده اجمد شويه

حازم :_ ا.ا.انتى فوقتى يا حبيبتى

فريده :_ وهى لسه مافقتش اوى قالت حازم حازم

حازم :_ قلب حازم وحيات حازم ودنيته كلها هروح ابلغ الممرضه تبلغ الدكتور

فريده:_ داست على ايده بمعنى خليك

حازم :_ متخفيش راجعلك تانى هبلغ الممرضه بس

وراح حازم بلغ الممرضه ودخل تانى

حازم :_ مسك ايديها وقال مش مصدق نفسى انك رجعتيلى تانى ده انا كنت هموت عليكى

فريده :_ نزل دموع من عنيها

حازم :_ مد ايده ومسح ليها الدموع وقال شششششش انا اسف يا فريده لو جرحتك اسف بس غصب عنى والله وحياتى عندك مش عايز اشوف دموعك دى تانى

دخل الدكتور عليهم وطلب من حازم يخرج علشان يكشف عليها وخرج حازم من العنايه وكان الكل عرف ان فريده فاقت واتفجأه بخروج حازم من الاوضه

أدم :_ انت كنت بتعمل ايه عند اختى جوه ومش كفايه انها بقالها اسبوع وهى مش حاسه بالدنيا بسببك

مراد :_ مش وقته الكلام ده يا أدم

تالين :_ لا وقته مش يقتل القتيل ويمشى فى جنازته جى ليه كفايه بقى اللى هى شافته منك وبسببك هى مش محتجاك فى حاجه احنا كلنا جمبها اتفضل انت روح لخطيبتك وسيعى مشكور

أحمد :_ خلاص يا توته بقى قلنا مش وقته الكلام ده

مراد :_ خلاص يا توته

تالين :_ لامش هسكت غير لما يمشى من هنا

عمرو :_ خلااااااااااص انا مش مالى عنيكم خلاص مش عايز اسمع صوت واحد فيكم المهم دلوقتى فريده وبعد كده نبقى نشوف الباقى

وفى الوقت ده خرج الدكتور الكل جرى عليه

عمرو :_ طمنى يا دكتور

الدكتور :_ الحمدالله فاقت وبقت زى الفل وكمان ساعه هتتنقل لاوضه عادى

أحمد :_ يعنى كده يا دكتور هى بقت كويسه

الدكتور :_ اه الحمدالله

إيمان :_ طب ليه هتقعد هنا

الدكتور :_ يومين نطمن عليها بس وبعدين تقدر تروح بس نصحيه منى خلوها تتابع مع دكتور نفسانى علشان من الواضح ان اعصابها تعبانه ومتبقاش الحاله خطر

مراد :_ شكرآ ليك يادكتور

الدكتور :_ الشكر لله وبعدين انتو مفروض تشكره الاستاذ حازم مسبهاش لحظه وكان ليه دور كبير فى رجوع المريضه للحياه ربنا يخليهم لبعض على فكره هى برضه شكلها بتحبك اوى مفيش على لسنها غير اسم حازم ومن ساعة ما فاقت وهى بتنده عليه حمدالله على سلامتها عن اذنكم

تالين :_ متفتكرش ان الكلمتين الدكتور قلهم عليك هيخلينا نسمحك برضه انت السبب فى اللى حصل وعمرنا ما هنسمحك وسابتهم تالين ومشيت

أحمد :_ مراد روح شوف مراتك وهديها شويه هى اصلا مرتحتش من يوم ما اختها دخلت المستشفى

مراد :_ حاضر يا بابا

ومشى مراد وراح عند تالين

عمرو :_ حازم انا مردتش اكلمك قدام توته علشان متعصبه بس ممكن افهم انت هنا ليه

حازم :_ ك.ك.كنت بطمن على فريده

أدم :_ اما عجيبه وانت يا اخى بتسأل على اختى بصفتك ايه

أحمد :_ اهده يا أدم احنا مش نخلص من توته تطلع انت وبعدين بص لسيف وقله خده يا سيف بره علشان يهده شويه

سيف :_ شد أدم من ايده وقاله تعالى ياادم معايه بره

أدم :_ بعصبيه ماشى هطلع بس ياريت لما ارجع ما شفش وشك هنا وطلع مع سيف

عمرو :_ ها يا حازم رد عليه جى بصفتك ايه

حازم :_ ا.ا.انا بحب فريده يا عمى

عمرو :_ ما احنا كنا عارفين انك بتحبها وكنا محترمين انك متسرعتش وجيت اتكلمت علشان فريده تركز فى درستها وانت متربى مع عيالنا وانت اللى مربى فريده وانا لو مكنتش متأكد منك ومن أخلقك انا مكنتش سمحت ليك تخش عندنا الفيلا بس معرفش ليه عملت كده

حازم :_ غصب عنى والله بس انا اطمن بس على فريده ومش هتشوفه وشى تانى

أحمد :_ حازم احنا بنحبك وعرفين اخلاقك ايه وان انت بجد راجل واحنا مكناش هنتمنى لفريده عريس احسن منك بس فى حاجه غلط فى الموضوع ايه السبب اللى مخليك تصمم تتجوز إيمان وانت مش بتحبها

حازم :_ ........................

عمرو :_ رد علينا يا ابنى وقول لينا السبب

حازم :_ اللى اقدر اقوله ليكم ان انا بحب فريده وعمرى ما كنت اتمنا ان اشوف فريده فى الحاله اللى هى فيها ولا عمرى فكرت العب بمشعرها وانا عملى ما اتعديت حدودى معها وكنت ناوى اتقدم ليها لما تخش الكليه بس مفيش نصيب انا بس هطلب منكم طلب واحد اخش بس اطمن عليها واودعها لاخر مره واوعدكم انكم مش هتشوفو وشى تانى

إيمان :_ بيت عمتك مفتوح ليك فى اى وقت واخدت حازم فى حضنها وضمته جامد

حازم :_ حضن إيمان جامد وعينه دمعة وقال ربنا يخليكى يا عمتو انتى احسن واحن عليا من امى اللى رمتنى الف مره

إيمان :_ انت مش مجرد ابن اخ انت بالنسبه ليا زى مراد وسيف دا انا اللى مربياك يعنى انا اللى امك مش اى حد تانى

حازم :_ طلع من حضن إيمان ومسح دموعه وقال ربنا يخليكى يا عمتو عن اذنكم هخش اطمن على فريده وامشى قبل ما تيجى تالين وأدم

.....................................................

تم نقل فريده لاوضه عادى وكانت بتحاول تتعدل علشان تقعد بس لاقت اللى بيعدلها وبيحط المخده وراه ضهرها

فريده :_ حازم

حازم :_ مظبوطه كده ولا اعدلك تانى

فريده :_ لا شكرآ تمام كده

حازم :_ قعد على الكرسى اللى قصاد السرير وقال عامله ايه دلوقتى

فريده :_ الحمدالله بس انا بقالى كتير نايمه

حازم :_ ده انتى نمتى نوم اهل الكهف

فريده :_ يا نهار اسود نمت كل ده

حازم :_ ههههههه لا مش لدرجاتى بهزار انتى نايمه بقالك اسبوع

فريده :_ اه اصل مكنتش بنام ايام الامتحانات قولت اعوضها بالمره

حازم :_ هههههههه طب مستعجله ليه ما كنتى كملتى بالمره لامتحانات اخر السنه

فريده :_ لا بقى ابقى اخش غيبوبه تانيه اريح فيها شهر ولا حاجه

حازم :_ بلهفه بعد الشر متقوليش كده تانى دانتى وجعتى قلبى عليكى الايام اللى فاتت

فريده :_ بجد خفت عليه

حازم :_ كنت هموت عليكى

فريده :_ بعد الشر عليك من الموت

حازم :_ هههههههه ما انا كنت ميت الاسبوع اللى فات

فريده :_ ولما انت كده ليه عايز تتجوز إيمان

حازم :_ والله غصب عنى بس اللى هنا وشاور على قلبه انتى يا فريده واستحاله حد غيرك يخش فيه انتى قعده ومتربعه فى قلبى

فريده :_ يعنى برضه مصمم تتجوزها

حازم :_ انا اسف يا فريده بس لازم اتجوزها

فريده :_ ولما انت ناوى تتجوزها سيبها ليه وقاعد معايه دلوقتى

حازم :_ ماشى بس لما اقولك كلمتين الاول ومسك ايديها وقال فريده انا بعتبرك بنتى وحبيبتى وعشقتى وكل ما ليا بنتى علشان انا اللى مربيكى وكنت علطول بتعيطى علشان عايزانى ومتسكتيش غير لما اجى واشيلك وتضحكى ليا الضحكه اللى بعشقها لحد دلوقتى وحبيبتى وعشيقتى علشان انتى اللى جوه فى قلبى يمكن كنت مأجل الكلام ده لما تكبرى شويه وتخشى الكليه واعترف ليكى بى الجوه فى قلبى بس هقولو ليكى دلوقتى فريده انا بحبك وعمرى ما هحب غيرك بس سعات الظروف بتحكم على الواحد يعمل عكس اللى مخطط ليه

فريده :_ وايه الظروف اللى تخليك تبيع حب عمرك وتتجوز واحده تانيه مش بتحبها

حازم :_ الشهامه والرجوله عمرى مااقدر اشوف حد محتاج ليا وافكر فى نفسى واتخله عنه

فريده :_ طب ما انا محتجاك وانت بتتخلا عنى اهو

حازم :_ احتياج عن احتياج يفرق

فريده :_ وهى محتجاك اكتر منى فى ايه

حازم :_ عيشى حياتك يا فريده وانسينى

فريده :_ لا يا حازم انا بحبك وهاعيش حياتى ليك حتى لو انت مش ليا وعمرى ما اقدر انساك علشان زى ما انت قولت من وانا صغيره مكنتش بحس بالامان غير معاك وفى حضنك ولحد دلوقتى مش بحس بالامان غير بوجودك يا حازم انا مش بحبك انا بعشقك يا حازم انت بالنسبه ليا الحياه وكل اللى فيها ولو انت هتقدر تعيش مع غيرى انا لا يا حازم وعمرى ما هكون لحد غيرك حتى لو هموت وانا كده

حازم :_ كل ده مشاعر مراهقه

فريده :_ لا يا حازم مش مراهقه انت مش مجرد شاب شفته واعجبت بى لا انت فى قلبى من وانا فى اللفه انت لو طلبت منى عمرى علشان تعيش بى والله هدهولك تعيش بى من غير ما افكر انا مهما اوصفلك اللى بحسه ليك مش هلاقى كلام اوصف بى انت عارف انا لو اعرف انك بتحبها وهتعيش سعيد معاها كنت هفرح ليك علشان هتكون مبسوط حتى لو مش معايه بس اللى انا متأكده منه انك مش بتحبها وبتحبنى انا يبقى ليه توجع قلبى وقلبك ياحازم وعيطت

حازم :_ مسح بصوابعه دموعها وقال خليكى عارفه ومتأكده فى يوم من الايام هكون ليكى وهنعيش اسعد زوجين بس اللى انا هعمله دلوقتى لازم اعمله

فريده :_ قوم يا حازم روح ليها وعيش حياتك ومتشغلش بالك بى ومتظلمهاش

معاك زى ما ظلمتنى حاول تحبها وتسعدها علشان تبقى انت سعيد وطول ما انت سعيد هكون انا سعيده علشانك ربنا يسعدك يا حازم

حازم :_ فريده

فريده :_ خلاص يا حازم اطلع علشان عايزه اريح

حازم :_ ماشى يا فريده خلى بالك على نفسك

فريده :_ انت اللى خلى بالك على نفسك علشان لو حاجه وجعتك هتوجعنى انا مع السلامه يا حازم

حازم :_ حاضر يا فريده مع السلامه

وخرج حازم من الاوضه والدموع فى عنيه وكان الكل بره قال انا ماشى ومش هتشوفه وشى تانى مع السلامه

إيمان :_ خلاص بكره الفرح يا حازم

حازم :_ اه يا عمتو انا ماشى عايزه حاجه

إيمان :_ لا يا حبيبى وانا هكون جمبك بكره

حازم :_ انشالله ومشى حازم ركب عربيته وراح قعد على البحر وافتكر ازاى اقنع إيمان تتجوزه

.....................................................

فلاش بااااااااك

كان حازم قاعد بيقراه فى المصحف جمب فريده وتليفونه رن بيبص لاقه رقم ابوه حط المصحف جمب فريده وطلع بره العنايه وفتح الخط

حازم :_ السلام عليكم

مازن :_ وعليكم السلام

حازم :_ خير يا بابا فى حاجه

مازن :_ انت ناسى معادنا مع عمك

حازم :_ اه ده انا نسيت

مازن :_ طب تعالى علشان منتأخرش

حازم :_ حاضر يا بابا نص ساعه وهكون عندك

مازن :_ ماشى يا ابنى مستنيك

حازم :_ ماشى يا بابا مع السلامه وقفل السكه مع ابوه ودخل باس فريده فى دماغها وقال رجعلك بسرعه مش هتأخر وانا سايب كتاب الله جمبك علشان يحفظك سلام يا قلبى وطلع من الاوضه وراح للممرضه وقال لو سمحتى انا هروح مشوار ساعه بكتير اوى ياريت تخلى بالك منها على ما اجى ولو فاقت اوحاجه حصلت كتب ليها رقم تليفونه فى ورقه وقال اتصلى عليه علطول ومسك فلوس وحطها فى ايديها

الممرضه متخفش دى فى عنيه

ومشى حازم ركب عربيته على البيت علشان يغير هدومه

الممرضه :_ هيييييييه اوعدنا يارب بواحد يحبنى الحب ده كله او حتى نصه ده حبه ليها مش عادى

.....................................................

وصل حازم البيت وطلع غير هدومه وطلع من اوضه وكان عبد الرحمن قاعد

عبدالرحمن :_ بيغنى بأستفزاز افرحى يا عروسه انا العريس يا عروسه يا عروسه انا العريس🎶🎶🎶🎵🎵🎵

حازم :_ مش هتبطل الاستفزاز بتاعك ده

عبدالرحمن :_ استفزاز ليه ده انا فرحان لاخويه وبغنيله

حازم :_ لا شكرآ وفر فرحتك لنفسك

عبدالرحمن :_ ده حتى انا فاضية نفسى مخصوص انهارده علشان اروح مع اخويه حبيبى

حازم :_ تروح فين انت معندكش دم بدل ما تغير رأيك وتقول اصلح غلطتى

عبدالرحمن :_ وانا اصلح ليه وفى مغفل هيصلح بدالى

حازم :_ احترم نفسك علشان ما مدش ايدى عليك

عبدالرحمن :_ هههههههه هى الحقيقه بتوجع اوى كده

حازم :_ مسكه من لايقت القميص وقال اتكلم عدل وبلاش اسلوب الاستفزاز ده علشان ده شغل نسوان وبعدين سابه وقال وانا ما بمدش ايدى على نسوان وسابه ومشى

عبدالرحمن :_ لنفسه مش عارف لامته هيعش طول الكبير والمضحى ده ههههههههه احسن انا كده اللى ستفاد ههههههههه

*********************

إلي هنا ينتهي الفصل التاسع عشر من رواية أعشق تمردك ولكن بقلم دودو محمد

تابع من هنا : جميع فصول رواية أعشق تمردك ولكن بقلم دودو محمد
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد

تابع من هنا: جميع فصول رواية فى قلبى أنثى عبرية بقلم خولة حمدى

تابعوا صفحتنا على الفيس بوك للمزيد من روايات عربية
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية احببتها في انتقامي بقلم عليا حمدى