قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثانى والعشرون من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة

رواية أعشق تمردك ولكن بقلم دودو محمد - الفصل الثانى والعشرون

اقرأ أيضا: رواية عشق الزين

رواية أعشق تمردك ولكن بقلم دودو محمد - الفصل الثانى والعشرون

 عند أحمد عمل تحليل DNA لماريا وعدى وركبه العربيه

ماريا :_ عمو هو انت جبت ليه معانا عدى

أحمد :_ عادى شبت فيه جبته معانا

ماريا :_ ماشى اوكيه وشويه ودم نزل من منخرها

أحمد :_ ايه ده يا ماريا انتى منخيرك بتنزل دم

ماريا :_ مسحته وقالت اه بقاله فتره كده شكلى عندى التهاب فى الجيوب الانفيه

أحمد :_ طب كشفتى

ماريا :_ لالا مش مستحقيه انا اصلا مش تعبانى ولا حسه بوجع

أحمد :_ لا انا هوديكى تكشفى

ماريا :_ والله يا عمو لو حسيت بتعب هقولك لكن انا كويسه

أحمد :_ ماشى ياماريا لو حسيتى بتعب قولى علطول

ماريا :_ حاضر

ومشى أحمد بعربيته على الفيلا

.....................................................

عند مصطفى

راح لأميره فى بيت اهلها وخبت على الباب فتحت ليه امها فتحيه

فتحيه :_ انت جاى ليه بعد ما كسرت قلب بنتى

مصطفى :_ بندم انا عارف ان انا غلط بس هى واحشانى خلينى اخش اقعد معها يمكن تقتنع وتسامحنى

فتحيه :_ انا بنتى قفله على نفسها ورافضه تكلم حد

مصطفى :_ طب خلينى اخشلها

فتحيه :_ اتفضل

ودخل مصطفى وخبط على باب اوضة أميره وقال

مصطفى :_ اميره افتحى انا مصطفى انا اسف بجد انا ندمان ومش قادر اعيش من غيرك انا من غيرك ولاحاجه ارجعيلى علشان خاطرى انا عارف انك بتحبينى وقلبك كبير

اميره:_ مردتتش عليه

مصطفى :_ كمل كلامه وقال طب وحياة العشره اللى كانت بنا ردى عليه وحياة كل لحظه حلوه بنا سامحينى انتى لو مسامحتنيش انا مش هعيش فى الدنيا دى لو لحظه واحده

أميره:_ مردتش بس كان صوت عياطها عالى

مصطفى :_ طب اطلعى اضربينى اشتمينى اعملى اى حاجه عايزه تعمليها بس بلاش دموعك دى بتحرقنى من جوه انا عارف ان جرحتك بس كان نفسى يكون ليا طفل واهو ربنا جابلك حقق ومبقاش من حقى الحلم ده وانتى الامل الوحيد اللى ليا فى الدنيا دى

فتحيه :_ خلاص يا ابنى هى مش عايزه تشوف وشك اتفضل بقى من غير مطرود

مصطفى :_ خبط على الباب وعيط وقال اميره والنبى اطلعيلى واعملى فيه اللى انتى عايزه بس متبعديش عنى يا اميره وقعد فى الارض وعيط وحط راسه مابين ايديه وقال انا اسف بجد اسف يا اميره

فتحيه :_ صعب عليها مصطفى خبطت على كتفه وقالت سبها ياابنى تنسا اللى حصلها وبعدين تبقى تصفا ليك

مصطفى :_ مش قادر اعيش من غيرها مش قادر

فتحيه :_ واللى حصلها برضه مش شويه

مصطفى : _ عارف ان غلط فى حقها جامد بس اللى هى عايزه انا هعمله ليها علطول

أميره :_ فتحت الباب وقالت اللى عايزاك تعمله انك تطلقنى

مصطفى :_ مسك ايديها وقال لالا يا اميره متسبنيش ده انا اموت من غيرك انتى بتحكمى عليه بالاعدام

أميره :_ شدة ايديها من مصطفى وادته ضهرها وهى بتعيط قالت طلقنى انا مش عايزه اعيش معاك تانى

مصطفى :_ لالالا يا اميره والنبى سامحينى واللى انتى عايزها اعمله ليكى ألا الطلاق

أميره :_ سابته ودخلت اوضتها وقبل ما تقفل الباب قالت طلقنى يا مصطفى وابعت ليا ورقتى وانسانى وقفلت الباب وقعدة وراه الباب تكتم صوتها وهى بتعيط

مصطفى :_ قعد وراه الباب وقال لا لا متسبنيش يا أميره مقدرش اعيش من غيرك وعيط

.....................................................

عند حازم بص فى ساعته لاقها الوقت قرب على اربعه قام من على مكتبه ولبس جاكت البدله وقفله وخرج من اوضه وقفل الباب وراه ونزل ركب العربيه وراح على الكليه عند إيمان اتصل بيها وبلغها ان هو مستنى بره

وشويه وخرجت إيمان ليه

إيمان :_ سورى اتأخرت عليك شويه كان الدكتور مأخرنا فى المحاضره

حازم :_ لالا ولا يهمك تحبى تتغدى

إيمان:_ لا مش لازم

حازم :_ لا تعالى ناكله احسن انا جعان جدآ

إيمان :_ م.م.ماشى

ومشى حازم وراح على المطعم وطلب الاكل

حازم :_ ها عملتى ايه النهارده

إيمان :_ الحمدالله كانت المحاضرات سهلا

حازم :_ ربنا معاكى فى حد ضيقك

إيمان :_ لا

حازم :_ عبدالرحمن شفتيه النهارده

إيمان :_ بكدب لا مشفتهوش

حازم :_ لو حصل اى حاجه احكيها ليا علطول

إيمان:_ ح.ح.حاضر

وفى الوقت ده جه الاكل واكله وحاسب حازم وركبو العربيه ومشيو على الشقه

.....................................................

عند تالين خلصت شغل وبتبص فى الساعه لاقتها وقت خروجها مسكت شنطة ايديها وخرجت من الجريده واستنت مراد وفى الوقت ده جه حمزه بعربيته ضرب ليها كلاكسات وبص من شباك العربيه وقال

حمزه :_ تحبى اوصلك معايه يا انسه تالين

تالين :_ بغيظ شكرآ يا افندم مستنيه جوزى

حمزه :_ نزل من العربيه ورفع نطارة الشمس وقال بس مينفعش وقفتك كده حد يعكسك ولا حاجه

تالين :_ بنفاذ صبر شكرآ على خوف حضرتك عليا بس متخفش انا جوزى زمانه فى السكه

حمزه :_ انا خايف عليكى يا انسه تالين

تالين:_ لنفسها طب ده اقوله ايه لو جه مراد وشافه هيطين عشتى وقالت اتفضل حضرتك ومتشغلش بالك

حمزه :_ لالالا مش هسيبك غير لما اطمن عليكى

تالين :_ لنفسها يا نصبتى السوده اعمل ايه ياربى دلوقتى

حمزه :_ انسه تالين

مراد :_ انسه ليه يا اخويه وانا مش مالى عينك اسمها مدام تالين

تالين :_ لنفسها حلو كملت ده انا ليلتى سوده النهارده

حمزه :_ انت جوزها

مراد :_ اه مشبهش

حمزه :_ لا مش قصدى انا بسأل بس

مراد :_ شد تالين من أيديها وبص لحمزه بقرف وقله عن اذنك يا اخويه

وركب تالين العربيه

تالين:_ اه ايدى يا مراد

مراد :_ انتى تخرسى خالص مش عايز اسمع صوتك

تالين :_ ليه عملت ايه انا

مراد :_ يعنى مش عارفه وقفه عماله تتكلمى مع واحد فى الشارع وكله كوم وانسه دى كوم

تالين :_ اولا انا موقفتش اتكلم مع حد ده مديرى فى الشغل وكان بيسألنى فى مشكله علشان وقفه فى الشارع لوحدى علشان حضرتك اتأخرت عليه

ثانيآ بقى انا فهمته كذا مره ان انا مدام مش انسه هو اللى مصمم يقول كده مليش ذنب انا

مراد :_ لا ليكى كنتى مردتيش عليه وسبتى المكان اللى واقف فيه واقفى فى حته تانيه

تالين :_ وليه متلمش نفسك علشان انت اللى اتأخرت عن معادك وسمحت ليه اقف فى الشارع ويجى واحد زى ده يتكلم معايه وكان ممكن يجى غيره وغيره من وقفتى فى الشارع اعترف بغلطك لو مره واحده يا اخى مش كل حاجه عايز تحملنى غلطها وخلاص

مراد :_ هو ده اللى بخده منك وفى الاخر عايزه تتطلعى انتى البريئه ام جنحات وانا الظالم الشرير صح

تالين :_ لا مش صح انا عايزاك تبقه حقانى مش كل حاجه تحملنى ذنبها

مراد :_ مشى بالعربيه بسرعه رهيبه

تالين :_ وهى خايفه ممكن تهدى السرعه

مراد :_ مردش عليها وزود السرعه

تالين :_ بصوت عالى ممكن تهدى السرعه بقى

مراد :_ مردش

تالين :_ بصريخ مررررررررررررراد هدى السرعه بقى

مراد :_ فرمل العربيه بطريقه مفاجئه خلى تالين جت لقدام وكانت هتتخبط

تالين :_ انت مجنون مش طبيعى فى حد يعمل كده

مراد :_ بزعيق مش عايز اسمع صوتك فاهمه

تالين :_ بدموع ممكن تودينى عند بابا

مراد :_ احسن برضه ودير العربيه وراح عند عمرو فى الفيلا

تالين :_ نزلت من العربيه من غير ولا كلمه ودخلت الفيلا بتاعة عمرو

مراد :_ دخل الفيلا عند أحمد

إيمان :_ مراد أذيك يا حبيبى فين توته

مراد :_ بقرف عندهم فى الفيلا

إيمان :_ مالك يا مراد هو انتو اتعركتو

مراد :_ معرفش روحى اسأليها وسبها ودخل اوضه القديمه

إيمان :_ لا ده اكيد متخانقين مع بعض اما اروح اشوف توته وراحت إيمان عند فيلا عمرو

.....................................................

فى فيلا عمرو دخلت تالين وهى الدموع فى عنيها

هاجر :_ توته مالك وفين مراد

تالين :_ بقرف فى فيلاتهم

هاجر :_ انتو متخانقين مع بعض ولا ايه

تالين :_ معرفش روحى اسأليه ودخلت اوضتها القديمه

هاجر :_ لا انا لازم اعرف فى ايه اما اروح اسأل مراد ومشيت راحت عند باب الفيلا فى نفس الوقت جت إيمان وخبطه الاتنين فى بعض

إيمان :_ اه مش تفتحى يا بنتى

هاجر :_ انتى اللى ماشيه زى القطر

إيمان :_ كنت جايه لتوته

هاجر :_ وانا كنت رايحه لمراد

إيمان :_ هى فين

هاجر :_ فى اوضتها وفين مراد

إيمان :_ فى اوضه

وطلعت إيمان لتوته وراحت هاجر لمراد

.....................................................

فى اوضة مراد

خبطت هاجر على الباب واذن ليها مراد بالدخول

هاجر :_ اذيك يا حبيبى مجتش تسلم عليا ليه

مراد :_ معلش يا خالتو جيت على هنا علطول

هاجر :_ ليه فى حاجه ما بينك وبين توته

مراد :_ ها هى قالت حاجه

هاجر :_ لا بس هو فى حاجه

مراد :_ لا يا خالتو مفيش بس قلنا نيجى نقضى اليوم معاكم

هاجر :_ بس كده

مراد :_ اه مفيش حاجه

هاجر :_ ماشى يا حبيبى ربنا يسعدكم وقامت وخرجت من عنده

.....................................................

فى اوضة توته خبطت إيمان على الباب وسمحت ليها توته بالدخول

إيمان :_ أذيك يا توته جيتى على هنا علطول يعنى مجتيش تسلمى على

تالين :_ مفيش بس قولت اجى اريح شويه وكنت جايه ليكى علطول

إيمان :_ بس كده ولا فى حاجه بينك وبين مراد

تالين :_ ها هو قال حاجه

إيمان :_ لا مقلش بس فى حاجه

تالين :_ لا مفيش يا خالتو احنا قولنا نيجى نقضى اليوم معاكو

إيمان :_ بس كده

تالين :_ اه مفيش حاجه

إيمان :_ ماشى يا حبيبتى ربنا يسعدكم

وقامت وخرجت من الاوضه ونزلت كان هاجر جت

هاجر :_ عرفتى حاجه

إيمان :_ لا وانتى

هاجر :_ لا برضه

إيمان :_ هو اللى بيعرفو يطلعه اللى جواهم عمرو وأحمد

هاجر :_ بعد الغدا يبقى يقعده معاهم

إيمان :_ انشالله

.....................................................

واجتمع الجميع على السفره عند عمرو

أحمد :_ بس احسن حاجه عملتها انكم جيتو النهارده تقعدو معانا دى توته كانت واحشانى اوى

مراد :_ ياسلام توته بس اللى وحشاك

أحمد :_ لا طبعآ وانت كمان كنت واحشنى اوى

عمرو:_ والله كان البيت ملهوش طعم من غيركم

مراد :_ الله يخليك يا عمى

أحمد:_ مالك يا توته سكته ليه

تالين :_ لا عادى يا عمو بسمع بتقوله ايه

عمرو:_ انتو زعلانين من بعض

تالين :_ وهى بتبص لمراد قالت لا يا بابا

أحمد :_ مش عارف بس برضه حاسس انكم زعلانين

مراد :_ وهو بيبص لتالين قال لايا بابا مفيش حاجه

عمرو:_ ربنا يهنيكو يارب

أحمد :_ اللهم امين

واتغده وكل واحد طلع على اوضه

.....................................................

فى اوضة تالين دخل احمد ليها وقال

أحمد :_ حبيبتى فاضيه نتكلم مع بعض شويه

تالين :_ طبعآ يا عمو اتفضل

أحمد:_ ها عامله ايه مع مراد

تالين :_ بعمل زى ما قولتلى بالظبط ومطلعه عينه

أحمد:_ بنتى شطوره بس انتم زعلانين من بعض

تالين :_ اه يا عمو ابنك عصبى اوى ومش بيحب يغلط نفسه وكل حاجه يحملنى ذنبها

أحمد:_ ليه كل ده

تالين :_ حكت ليه اللى حصل مع حمزه واللى حصل فى العربيه

أحمد :_ بصى انتى ملكيش ذنب فى موضوع حمزه بس غلطك لما صوتك على عليه فى العربيه متنسيش برضه ان هو راجل مش هيقبل صوت مراته يعلى عليه

تالين :_ ده يا عمو كان مسرع العربيه بطريقه جنونيه

أحمد :_ الست الشاطره تمتص غضب جوزها وقت عصبيته

تالين :_ يعنى المفروض اعمل ايه دلوقتى

أحمد :_ بغمزه 😉😉انتى عارفه ترضيه ازاى

تالين :_ اتكسفت ووشها احمر

أحمد :_ هو انتى لسه بتتكسفى من جوزك

تالين :_ ها لا بس يعنى مش مفروض هو اللى غلطان ويجى يصالحنى

أحمد :_ ما هو هيصلحك مراد بيحبك وقلبه طيب ومش هتهونى عليه

تالين :_ ماشى لما نشوف

أحمد :_ بس اهم حاجه بنوتى العسل متزعلش

تالين :_ حضنته وقالت ربنا يخليك ليا ياعمو انا بحبك اوووووووووى

أحمد :_ ضمها جامد وقال وانا بموت فى توتتى العسل ههههههههه

.....................................................

فى اوضة مراد دخل عمرو وقال

عمرو :_ تسمح ليا اقعد معاك شويه

مراد:_ اه طبعآ يا عمى تعال

عمرو:_ ايه قاعد هنا ليه لوحدك ومش قاعد مع توته

مراد :_ مفيش بس سبتها تقعد معاكم براحتها شويه

عمرو:_ بس كده ولا انتو زعلانين من بعض

مراد :_ بص انا متعودش اخبى عليك اه زعلانين وبنتك هى الغلطانه

عمرو:_ طب ايه اللى حصل

مراد :_ حكى ليه اللى حصل فى الشارع واللى حصل فى العربيه

عمرو :_ بس انا مش شايف ان توته غلطت فى حاجه الغلط من عندك انت

مراد :_ لا غلطت لما وقفت مع الراجل ده فى الشارع

عمرو :_ طب انت فكر مع نفسك مش لو كنت روحت ليها بدرى او حتى فى معادك كان وقف الراجل معاها ؟؟

مراد :_ لا

عمرو :_ يبقى مين اللى غلطان

مراد:_ بس هى لو مكنتش اديته وش من الاول مكنش اتجرأ يتكلم معاها

عمرو:_ يامراد ده مديرها فى الشغل متبقاش مقفل كده علشان توته متتخنقش منك

مراد :_ يا سلام والمطلوب منى ايه اكون شاب ڤرى علشان اعجب ومكنش خنيق

عمرو :_ اتظبط يا ولا فى الكلام احسن اقوم اديك على دماغك دى

مراد :_ انا اسف مش قصدى بس انا نبهت عليها متكلمش رجاله الا لضروره بس

عمرو :_ خلاص يا مراد كلامها وفهمها براحه بلاش القفش ده

مراد :_ حاضر يا عمى

عمرو :_ انا هطلع وانت تروح تصالح مراتك

مراد :_ حاضر

وخرج عمرو من اوضة مراد وراح على فيلته

.....................................................

بعد ما خرج عمرو من عند مراد مراد غير هدومه وراح على اوضة التدريب يفرغ فيها غضبه علشان يهدى شويه

....................................................

عند تالين بعد ما خرج أحمد من عند تالين دخلت غيرت هدومها وربطت شعرها ديل حصان ونزلت اوضة التدريبات تفرغ فيها عصبيتها

....................................................

عند مراد فى الاوضه قلع التشيرت وقعد بالفنيله الداخليه الحملات

وكان بيدرب جت عليه تالين

مراد :_ نعم جايه ليه

تالين :_ انا مش جايه ليك انا جايه اتدرب علشان بقالى كتير ما جتش فيها

مراد :_ حلو تعالى معايه ادربك انا

تالين :_ لا شكرآ انا هروح ولما انت تخلص ابقى اجى انا

مراد :_ لا تعالى ولا خايفه

تالين :_ لا انا مش خايفه ودخلت معاه الاوضه وبدءت الاستعداد

مراد :_ جهزه

تالين :_ اه يلا

مراد :_ حاول يضربها بس مجتش فيها وبعدت عنه

تالين :_ عيب عليك يا معلم مش هتقدر

وضربته فى وشه

مراد :_ اه يابنت المفتريه وشى وحاول يضربها تانى بس مجتش فيها

تالين :_ ههههههههه متحولش

مراد :_ متأكده ومسكها من ضهرها بطريقه مفاجئه وقرب لودنها وقال عيب عليكى ده انا سيبك بمزاجى متنسيش ان انا اللى معلمك

تالين :_ ضربته فى بطنه بكوعها وبعدت عنه وقالت هههههههههه بس برضه مش هتقدر عليه

مراد :_ اه طب وحياة امك ما انا سيبك

ووقعها فى الارض ووقع فوقيها وبص فى عنيها وقال توته انا بحبك وبغير عليكى علشان كده اتعصبت عليكى مش عايزك تتكلمى مع اى راجل غيرى انا انا اسف متزعليش منى يا توته وقرب على شفايفها وبسها بوسه طويله ونزل بيها على رقبتها

تالين :_ اتكسفت من الوضع اللى هى فيه واتوترت ومعرفتش ترد عليه

مراد :_ مشه ايده على كتفها وهو بيبوس فى كل حته فى وشها

تالين :_ م.م.مراد ا.ا.احنا مش فى بيتنا

مراد :_ بحبك يا توته ومبقتش قادر على البعد خلاص ونزل على شفايفها وبسها تانى

فى الوقت ده جت ماريا واتكسفت من المنظر

ماريا :_ احم احم

تالين :_ زقت مراد ووقفت وهى وشها احمر ومش عارفه تنطق وبلا كلمه من شدة التوتر

مراد :_ وقف وقال نعم مش وقتك خالص عايزه ايه

ماريا :_ انا مالى هما اللى قالو ليه اشوفكم فين وانده عليكم

مراد :_ خلاص روحى واحنا جين وراكى

ومشيت ماريا وكانت لسه هتطلع وراها تالين

مراد :_ توته استنى

تالين :_ وهى لسه مكسوفه من اللى حصل ن.ن.نعم

مراد :_ بصيلى

تالين :_ بصت فى الارض

مراد :_ رفع وش تالين ليه وبص فى عنيها وقال مش عايزك تتكسفى انا جوزك واللى حصل ده شئ عادى وانا اسف متزعليش منى لو زعلتك الصبح وبسها برقه فى جبينها

تالين :_ خلاص مش زعلانه بس بلاش والنبى تتعصب عليه علطول حاول تمسك اعصابك معايه شويه

مراد :_ حاضر صافى يا لبن

تالين :_ حليب يا قشطه

مراد :_ ده انتى اللى قشطه

تالين :_ طب يلا بقى

مراد :_ انتى مكسوفه من بوسه ده ربنا معاكى فى اللى هيحصلك ده انتى هتتفحطى

تالين :_ بس بقى يا مراد

مراد :_ بغمزه 😉😉عيون مراد

ومشى مراد وتالين وراحو على الفيلا وقضه وقت مع العيلتين وفى اخر اليوم روحو على شقتهم ونامو

*********************

إلي هنا ينتهي الفصل الثانى والعشرون من رواية أعشق تمردك ولكن بقلم دودو محمد

تابع من هنا : جميع فصول رواية أعشق تمردك ولكن بقلم دودو محمد
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد

تابع من هنا: جميع فصول رواية فى قلبى أنثى عبرية بقلم خولة حمدى

تابعوا صفحتنا على الفيس بوك للمزيد من روايات عربية
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية احببتها في انتقامي بقلم عليا حمدى