مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الخامس والعشرون (الأخير) من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة
رواية أعشق تمردك ولكن بقلم دودو محمد - الفصل الخامس والعشرون (الأخير)
اقرأ أيضا: رواية عشق الزين
رواية أعشق تمردك ولكن بقلم دودو محمد - الفصل الخامس والعشرون (الأخير)
وبعد مرور اكتر من عشرة أيام مرو بدون أحداث تذكر مزال الوضع متبقى كما هو مراد كما هو فى الغيبوبه وتالين قعده معاه مش بتفرقه خالص فريد بدء يتحسن وبدء مع تقى قصة حب حازم وفريده اتقربه من بعض ماريا وأدم بدء ما بنهم اعجاب مزال التحقيق فى قضية فهد الدمنهورى إيمان وضع صحتها بتدهور كل يوم يمر على مراد فى الغيبوبه هاجر وعمرو وأحمد مابين مسندت إيمان والاطمئنان على وضع مراد
……………………………………………………
اشرقت شمس صباح يوم جديد بنورها الساطع فى سماء الاسكندريه
كانت تالين نايمه على الكرسى اللى جمب سرير مراد ومسكه ايده زى كل يوم استيقظت على حركة ايد مراد ولكن شكت ان تكون بيستهيألها
تالين :- باست ايد مراد وقالت صباح الخير يا قلبى واحشتنى اووووووووى وواحشنى صوتك يا مارو وحطت راسها على صدره وقالت طب مش عايز تخدنى فى حضنك وتضمنى بس حست بأيد بضمها بتبص اتفاجئة بأيد مراد
تالين :- ا.ا.انت حركت ايدك يا مراد
مراد :- امم
تالين :- اترمت فى حضنه تانى وقالت واحشتنى اوى يا مراد ام اروح ابلغ الممرضه وباسته فى خده
وطلعت تجرى وبلغت الممرضه ورجعت تانى
مراد :- بتعب وصوت واطى توته
تالين :- قلب توته وعيون توته وعمر توته كله واحشنى اسمى من شفايفك اوى
مراد :- اشرب ميه
تالين :- مقدرش اصبر شويه والدكتور يجى وهو اللى يقول تشرب امته
وفى الوقت ده جه الدكتور وطلب من تالين تخرج من الاوضه والكل عرف بخبر فوقان مراد وكلهم جم علشان يطمنه على مراد وخرج الدكتور من الاوضه
أحمد :- طمنى يا دكتور ايه الاخبار
الدكتور :- الحمدالله بقى كويس والجروح لمت وكله تمام بس هيتنقل لاوضه عادى وهيقعد تحت الملاحظه 48ساعه ونطمن عليه ويخرج يكمل علاجه بره
الكل :- حمد ربنا وشكره
تالين :- دخلت تجرى على العنايه وراحت باست مراد من خده وقالت
كده برضه يامارو اهون عليك تعمل فى كده وتخلينى اعيط وقلبى يوجعنى علشانك
مراد :- غصب عنى يا قلب مارو انا لو عليه مكنتش بعد عنك لحظه ولا وجعت قلب الجميل وبعد كده اتألم
تالين :- مالك يا مراد
مراد :- راسى بتوجعنى اوى
تالين :- بعد الشر عنك ياقلبى انشالله انا يارب
مراد :- بعد الشر عنك متقوليش كده تانى
وفى الوقت ده جه الممرضات علشان ينقله الاوضه العاديه
وتم نقل مراد للاوضه العادى واتجمع كله حوليه
عمرو :- كفاره يا ابنى انت ايه عجبتك القعده هناك ولا ايه
مراد :- هههههه تعرف ان حتى وانا فى غيبوبه كان ريحة وصوت توته معايه
ماريا :- سيدى يا سيدى على الحب
تالين :- كل اعوذ برب الفلق انتى هتحسدينا ولا ايه
هاجر :- حمدالله على سلامتك يا مراد
مراد :- الله يسلمك يا خالتى
أحمد :- انا عارف من الاول ابنى بطل وهيقاوم ويرجعلنا تانى
مراد :- طالع ليك يا بابا ههههه
فريده :- بس ابله تالين كانت قعده معاك مطلعتش من الاوضه خالص غير وقت ما الدكتور يكشف عليك بس حتى الاكل كانت رافضه ومش بتاكل الا بالعافيه وحطة لقمه صغيره
مراد :- علشان كده جسمها مبقاش فى
تالين :- كان مش مهم عندى اكل ولا شرب غير حاجه واحده بس ابقى جمبك ومكنتش بحس بالجوع نهائى
مراد :- مالك يا ماما ساكته ليه ومال وشك اصفر كده ليه
رغد :- ماما من يوم الحادثه وهى تعبانه وماشيه بالمحاليل بس
مراد :- كده يا ماما تعملى فى نفسك كده
إيمان :- انا عمرى كله فداك يا مراد انت متعرفش قلبى كان عامل ازاى علشانك ده انا كل يوم يعدى عليك فى الغيبوبه كنت بموت فيه بالبطيئ
مراد :- ربنا يخليكى ليا يا ماما ويطولنا فى عمرك ويديكى الصحه.
إيمان :- يا حبيبى طول ما انت واخواتك بخير هكون انا كويسه وبخير
مراد :- اه صح إيمان وفريد عاملين ايه
حازم :- فريد الحمدالله بقى كويس وفى الاوضه اللى جمبك بس لسه ميعرفش انك فوقت
مراد :- وإيمان لسه مفقتش
الكل :- بص لبعضيهم
مراد :- مالكم
حازم :- إيمان تعيش انت
مراد :- بصدمه ا.ا.ايه إيمان ماتت وبص لحازم وقال ا.ا.انا اسف يا حازم انا اسف يا بابا انا اسف يا ماما انا اسف ليكم كلكم.
تالين :- يا حبيبى متحملش نفسك الذنب انت ملكش يد فى الحكايه كلها طلعت بفعل فاعل ومكنتش انت اللى مقصود بيها كان حازم هو المقصود
حازم :- يا مراد الاعمار بيدى الله وإيمان ده عمرها وانتهى احنا منقدرش نعترض حكم ربنا وقضائه
مراد :- ونعمه بالله ومعرفتش مين اللى كان وراه الحادث
حازم :- اتقفل المحضر ضد مجهول
وفى الوقت ده جه فريد
فريد :- حمدالله على السلامه يا مارو الغداه اللى اتغدنا عندك كان طعمه تحفه
الكل :- ههههههههههههه 😂😂
مراد :- اوعدك اول ما اقوم ليك عزومه عندى
فريد :- لالالالا انا مش مستغنى عن حياتى اول مره جت سليمه الله اعلم تانى مره ايه هيحصل
الكل :- هههههههههههههههههههههههه
……………………………………………………
ومر يومين فى المستشفى على مراد والدكتور كتب ليه على خروج واحمد اصر على مراد يروح يقعد عنده فى الفيلا هو وتالين ووصل مراد الفيلا وسندت تالين وطلعو الاوضه بتاعة مراد القديمه
ودخلو الاوضه وقفلو الباب وراهم وتالين قعدة مراد على السرير
تالين :- حمدالله على السلامه يا حبيبى نورت اوضك
مراد :- الله يسلمك تصدقى دى اول مره تخشى اوضى ويتقفل علينا الباب
تالين :- طبعآ الاول مكنش ينفع علشان مكنش فى حاجه بنا لكن انت دلوقتى جوزى عادى
مراد :- بغمزه 😉😉 بس انا لحد دلوقتى جوزك على الورق بس
تالين :- احم مش انت قولت لما نسافر
مراد :- واهى السفاريه راحت مننا بسبب الحادثه
تالين :- ق.ق.قصدق ايه
مراد :- يعنى نعمل الدخله هنا ونخلى شهر العسل لما جسمى يرجع زى الاول واقدر اتحرك لوحدى
تالين :- ايه لا طبعآ مش هينفع انت لسه تعبان
مراد :- يابت متخفيش هقدر والله
تالين :- بس بقى يا مراد وخش غير هدومك يلا
مراد :- اخش ايه انتى عبيطه ولا بتستعبطى
تالين :- ليه
مراد :- بقولك مقدرش امشى لوحدى هقدر ازاى اخش اغير لوحدى
تالين :- كتفت ايديها على صدرها وقالت والمطلوب
مراد :- غيرى ليا انتى الهدوم ينوبك ثواب
تالين :- نععععععم يا اخويه لا طبعآ اتكسف
مراد :- بزعل مزيف خلاص يا توته روحى انتى اطلعى بره وانا هحاول اغير لنفسى بس مش هقدر اغير فى الحمام هغير هنا هاتى الهدوم بس انتى واطلعى
تالين :- انت زعلت خ.خ.خلاص يا مراد انا هغيرك
مراد :- لا خلاص يا توته انا هحاول مع نفسى
تالين :- قربت من مراد اوى وهى متوتره ورفعت التيشرت ليه وقالت وهى وشها احمر من الكسوف ا.ا.ارفع ايدك فوق علشان اقلعك التيشرت
مراد :- جسمه سخن من لمسة ايد توته ليه وهى بترفع التيشرت ورفع ايديه علشان توته تقلعه التيشرت
تالين :- من طول مراد معرفتش تتطلع التيشرت من ايده قربت اكتر لمراد لحد ما وشها لمس صدر مراد العريان
مراد :- اشتعلت النار فى اكتر لما حس بأنفاس تالين على صدره خلع التيشرت من ايده ورفع وش تالين ليه اللى كان احمر من شدة الكسوف وبص فى عينها وقرب على شفايفها وقال واحشنى اوى طعم الفرولتين دول ونزل على شفايفها وبسها بوسه طويله وبعد عنها بعد وقت طويل لالتقاط انفاسهم وقال وهو بينهج بحبك اوى يا توته وبجد مش قادر خلاص استنا اكتر من كده
تالين :- سكتت من كتر كسوفها ومعرفتش ترد
مراد :- قعت تالين على السرير ومسك وشها بين ايده وبص فى عنيها وقال توته مستعده دلوقتى ولا لا
تالين :- من غير ما تبصله هزت راسها هزه خفيفه بمعنى اه
مراد :- فرح من رد تالين ونزل بشفايفه على شفايف تالين ومد ايده يفتح زارير البلوزه بتاعة تالين بس وقف فاجئه لما سمع خبط على باب الاوضه
تالين :- ش.ش.شوف مين
مراد :- يا دين النبى وده وقته ده مين الرزل اللى بيخبط ده
وقام وهو بيسند راح يفتح الباب وهو متغاظ فتح الباب وكان عمرو
عمرو :- ايه يا ابنى ساعه علشان تفتح
مراد :- بص لتالين وقال طلع ابوكى
تالين :- هههههههههههه😂😂😂
مراد :- خير يا عمى
عمرو :- وهو بيكتم ضحكته مفيش يا ابنى كنت جاى اخدك علشان انزلك تتغداه معانا
مراد :- بص لتالين وقال والله ابوكى ده ابن حلال ويستاهل الكلمتين اللى لسه قايلهم عليه
عمرو :- كلمتين ايه
مراد :- كنت بشكر فيك وبقول احسن حاجه فيك انك حاسيس ومش بتحب تقاطع حد
عمرو :- مقدرش يمسك نفسه من الضحك ههههههههههههههه 😂😂😂
يا ابنى ارحم نفسك ده انت مش قادر تمشى لوحدك وبعدين لما تيجى تفتح الباب ابقه البس حاجه بدل ما صدرك عريان كده وسابه ونزل وهو بيضحك على منظر مراد
مراد :- قفل الباب وقال ابوكى ده حسيس اوى وبيجى فى اوقات مناسبه
تالين :- ههههههههههههههههههه
مراد :- قرب لتالين وقال ما تيجى نكمل الكلام اللى كنا بنقوله قبل ما الرزل قصدى ابوكى يجى
تالين :- احم مش هينفع علشان مستنينا تحت وقامت من على السرير
مراد :- والله ده ظلم بقى ده الواحد يروح على شقته ارحم بقى على الاقل هبقى براحتى
تالين :- هههههههههههههه
مراد :- اضحكى يا اختى اهو ده اللى باخده منك انتى وابوكى
تالين :- طب قوم يلا كمل انت لبسك وانا هستناك بره وطلعت وقفلت الباب وراها
مراد :- اتغاظ وقعد يبرطم بكلام مش مفهوم وقام غير هدومه وطلع من الاوضه وسندته تالين ونزله ياكله مع بعض لاول مره على السفره بعد وقت طويل
.....................................................
وبعد مرور شهر على ابطالنا بدون احداث تذكر تم شفاء مراد بالكامل ونزل شغله وعرف بقتل يارا والقبض على فهد الدمنهورى
مراد :- حازم
حازم :- وهو بيبص على الملفات امممم
مراد :- يا ابنى بصلى هنا وانا بكلمك
حازم :- عايز ايه يا ابنى انا مش فاضى للكك ده
مراد :- لك يا ابنى انا بكلمك فى الشغل
حازم :- اخلص عايز ايه
مراد :- محسسنى ان انا بشحت منك المهم انت مشكتش فى حد فى قتل يارا
حازم :- ملامحه اتغيرت واتعصب وقال اكيد طبعآ فهد الدمنهورى
مراد :- مالك كده اتعصبت انا بسألك سؤال عادى
حازم :- متعصبتش ولا حاجه
مراد :- انت بتقول فهد بس اللى انا شاكك فى مش فهد خالص ده حد تبع فهد
حازم :- ما هو كان عايز عبدالرحمن يقتلها بس عبدالرحمن مدهوش رد علشان كده راح هو بنفسه يقتلها
مراد :- لا غلط البصمات مش متطابقه مع فهد وفى كذا حاجه بتقول ان اللى قتل واحد تانى لسه حر وبيتحرك فى الخيفه من رجالة فهد الدمنهورى
حازم :- اهى المحكمه بكره هنشوف ايه اللى هيحصل
مراد :- ماشى
.....................................................
عند احمد كان بماريا عند الدكتور بسبب كترة النزيف اللى بينزل من منخرها وطلب منها تحاليل تعملها وبعد ما طلعت ماريا تعمل التحليل احمد وهو قاعد مع الدكتور
أحمد :- انت شاكك فى حاجه معينه
الدكتور :- اه بس انشالله تتطلع التحاليل كويسه
أحمد :- طب ممكن اعرف انت شاكك فى ايه
الدكتور :- هو التشخيص المبدئ بيقول ان هى عندها كانسر فى الدم بس التحاليل هى اللى هتأكد
أحمد :- بصدمه كانسر ي.ي.يعنى ماريا هتموت
الدكتور :- لا طبعآ ده فهم غلط عند كل الناس الكانسر مش مرض مميت هو مرض زى اى مرض عادى وفى مراحل واحنا كل ما نكتشفه فى مرحله الاولى كل ما يبقى اسهل لينا وبعدين احنا عندنا فى مصر احسن دكاتره للمرض ده وبيتعملو معاه بحرفيه شديده وناس كتير بتشفا منه وبالاراده والعزيمه بنتغلب عليه اما الموت ده بتاع ربنا عمره ما كان بالمرض
أحمد :- لله الامر من قبل ومن بعد
الدكتور :- خليك مؤمن بربنا وبرضه التشخيص ده مبدئ واللى هيأكد التحاليل والاشعات
أحمد :- وهى التحاليل هتطلع بعد قد ايه
الدكتور :- فى اسبوع وفى عشر ايام
أحمد :- مش بعيد اوى كده
الدكتور :- لا مش بعيد هى تحاليل الكانسر كده بتاخد وقت
أحمد :- بحزن شكرآ يا دكتور وطلع من عند الدكتور ووقف مع ماريا لحد ما خلصت واخدها وروحو على البيت
……………………………………………………
عند مراد وحازم خلصوا شغل
مراد :- ماتيجى اتغدا معانا النهارده
حازم :- مش هينفع علشان انت عارف من يوم موضوع حبس عبدالرحمن وماما مياده حالتها وحشه مش هينفع اسبها لوحدها وهى فى الوضع ده.
مراد :- طب تعال بص على عمتك وامشى علطول
حازم :- عمتى واحشانى اوى
مراد :- بغمزه😉😉 عمتك برضه اللى واحشاك امشى يا اخويه امشى
ومشى حازم ومراد على فيلة أحمد
……………………………………………………
فى الفيلا عند أحمد كانت رغد وفريده قعدين فى الجنينه
فريده :- عارفه نفسى فى ايه
رغد :- ايه
فريده :- نفسى تخلص الثانويه دى واخش الكليه وحازم يجى يخطبنى
ونتجوز وابقى حرم الرائد حازم مازن
يااااااااااه امته بقى
رغد :- مش لما تركزى فى المذكره الاول علشان تخشى الكليه ده انتى بالوضع ده مش نافعه السنه دى
فريده :- لالالا انا وعد زوما حبيبى ان اجيب مجموع حلو السنه دى
رغد :- ازاى وانتى اربعه وعشرين ساعه مش بتفكرى وتتكلمى غير على ابيه حازم
فريده :- غصب عنى يا رورو بحبه اووووووووى
رغد :- مبروك عليكى الجنان الرسمى
فريده :- لو حب حازم جنان يبقى احلا جنان بحبه يا نااااااااااااس
……………………………………………………
عند تالين فى الجريده
كانت قعده مع تقى
تقى :- اقولك على خبر يفرحك
تالين :- قولى
تقى :- احم فريد جاى يقابل بابا يوم الجمعه هيخطبنى منه
تالين :- بفرحه بجد
تقى :- هزت راسها بمعنى اه
تالين :- مبروك يا توتو والله فرحتلك من قلبى ربنا يسعدك يارب
تقى :- الله يبارك فيكى يا توته انا فرحانه اوووووى فريد كويس جدآ وبيحبينى
تالين :- ربنا يسعدك يا رب اخيرآ هتتجوزى وترحمينى من كل شويه عايزه اتجوز😂😂
تقى :- هههههههه اه 😂😂
.....................................................
وجه وقت مرواح تالين من الشغل وكان مراد وقف بعربيته مستنيها وقال
مراد :- واحشتنى اوى
تالين :- وهى بتبوسه فى خده وانت كمان واحشتنى اووووووووى
مراد :- هو ده اخرك بوسه فى خدى امال فين الاحضان والتفعيص وبوس الشفايف
تالين :- مراد ايه اللى انت بتقوله ده
مراد :- اعمل ايه تعبت واحد متجوز واخره بوسه فى خده حرااااااااام عايز ادوق الشهد بقى
تالين :- ههههههههههه طب امشى بقى
مراد :- اضحكى يا اختى
تالين :- ايه ده حازم واقف ورانا بعربيته
مراد.:- اه ده انا نسيته ده رايح معانا الفيلا
تالين :- مراد انا مش مرتاحه للرجوع حازم تانى لحياة فريده المرادى لو بعد عنها تانى مش هتستحمل وهتروح فيها
مراد :- يا توته حازم بيحب فريده بجد بس موضوع إيمان كان فى حاجه غمضه واهى ربنا رحمها وماتت وحازم هيبقى مع فريده علطول
تالين :- انا مش كرها ده والله بس انا خايفه على اختى
مراد :- لا متخفيش حازم راجل ومش هيخلا بوعده لفريده
تالين :- يارب
وفى الوقت ده حازم ضرب كلاكسات لمراد علشان يمشى
مراد :- يلا احسن حازم هيولع فينا
ومشى مراد وتالين بعربيته على الفيلا
وحازم وراهم بعربيته
……………………………………………………
وصل مراد.وتالين وحازم للفيلا
وكانت فريده قعده فى الجنينه واول ماشفتهم طلعت تجرى عليهم وحضنت تالين وقالت
فريده :- وهى حضنه تالين وبتبص لحازم وحشانى اوى يا ابله مكنتيش بتيجى ليه يا ابله كنت هتجن عليكى
تالين :- لا والله وده من ايه ما انا لسه شايفاكى الصبح
حازم ومراد :- بيكتمه فى ضحكتهم
مراد :- ايه يا فريده فقدى الذاكره ولا ايه ما احنا قعدين معاكم فى الفيلا
فريده :- ق.ق.قصدى يعنى واحشتنى الكام الساعه دول
حازم ومراد :- بصو لبعض واتفتحو فى الضحك هههههههههههههههههههههه😂😂
فريده :- بغيظ انتو بتضحكو ليه بقى
مراد :- عليكى واضح اوى ان الكلام مش لتوته الكلام لناس تانيه وبص على حازم
فريده :- اتكسفت ووشها احمر
مراد :- احم بقولك ايه يا توته تعالى عايزك واخد مراد تالين ومشى وساب حازم مع فريده
حازم :- وانتى كمان واحشتينى
فريده :- لو كنت واحشتك مكنتش غبت عليه كل ده
حازم :- غصب عنى والله يا ديده كان عندى شغل مهم وبعدين احنا خلاص الامتحانات على الابواب وعايزين نركزه شويه علشان نجيب مجموع حلو
فريده :- ما انا مش بعرف اركز يا زوما طول ما انت واحشنى لما بشوفك بركز اكتر
حازم :- عيون زوما هجى ابص عليكى كل يوم واطمن على مذكرتك وامشى حلو كده
فريده :- بفرحه طفوليه نطت وصفقت بأيديها وقالت هييييا والله انت احلى زوما فى الدنيا كلها
حازم :- ههههههههههه طفله بس بموت فيكى
……………………………………………………
ومر اليوم وانتهى وكل واحد طلع على اوضه علشان ينام
عند مراد وتالين فى الاوضه
دخلت تالين الحمام واخدت شاور ولبست البورنس وطلعت
مراد :- اول ما شاف تالين بلع ريقه بصعوبه وقام راح عند تالين وهى وقفه تسرح شعرها وحضنها من ضهرها وقال جمب ودنها ايه الجمال ده شكلك مثير اخر حاجه بشعرك المبلول ده والبورنس
تالين :- م.م.مراد بس بقى
حازم :- بس ايه حرام عليكى على اللى انتى عمله فيا يا شيخه
تالين :- لفت ليه وبقت قريبه منه جدآ وقالت وانا عملت فيك ايه بقى
مراد :- بص فى عنيها وقال ولعتينى نار حتى الميه مش قادره تطفى نارى وشوقى ليكى
تالين :- احم ه.ه.هواحنا مش هنتعشا
مراد :- حرام عليكى اقولك ايه وانتى تقولى ايه توته بجد خلاص مش قادر اصبر اكتر من كده ونزل على شفايفها وبسها بوسه طويله ونزل بالبوسه على رقبتها ومد ايده وفتح حزام البورنس
وشلها وحطها على السرير
تالين :- سلمت ليه واتشبثت فى مراد اكتر تطلبه
بالمزيد من الحب والحنان
مراد :- بص على تالين لاقها متغيبه عن الكون وقال استعنا على الشقا بالله وبسها و(وسكتت شهرزاد عن الكلام الغير مباح 😉😉)
……………………………………………………
فى مكان تانى مهجور كان قاعد ناصر ونسمه طليقت مصطفى و قال
ناصر :- انا ياما حظرته من الولا ده بس كان بيثق فيه بطريقه مجنونه
نسمه :- وانت هتعمل ايه
ناصر :- انا بس اشوف ايه هيحصل فى محكمة بكره وهنتقم ليكى للعايزه تنتقمى منه
نسمه :- هو واحد ومراته اللى مش هرتاح الا لما تخلص عليهم
ناصر:- من عنيه يا ست الكل
نسمه :- بس كنت ممثل قدير لما عرفت تلعب الدور على يارا وضحكت عليها وانك معاها هى ومش هتقول لفهد حاجه
ناصر :- هههههههههههه اصلها مفكره نفسها اذكى منى وهتضحك عليا بليله مع بعض بس انا من يوم ماجت ليا وانا بلغت فهد باشا
……………………………………………………
فلاش بااااااك
ناصر :- انا عرفت مكان يارا يا باشا
فهد :- عفارم عليك وهى موجوده فين
ناصر :- موجوده فى البيت اللى فى الظابط فى اوضه على السطوح
فهد :- انا عايزها هنا علشان اطلع روحها بأديه دول
ناصر :- اصبر على يا باشا دى سكنه جمب الحكومه
فهد :- على اخر الاسبوع ده مش عايز تكون يارا موجوده فى الدنيا
ناصر :- من عنيا يا باشا بالاذن
فهد :- سلام والمره الجايه تكون جى ومعاك خبر يارا
……………………………………………………
بااااااااك
ناصر :- بس وخلصت على يارا وعلى حازم فى نفس اليوم بس اللى اسمه حازم فلت منها ومحصلهوش حاجه
نسمه :- بس برافو عليك خلصت عليها قبل ما تقول لحد حاجه عنك وعن فهد باشا
ناصر :- لا والمفاجئه ان طلع الظابط ابنها يعنى كان لازم اخلص عليها قبل ما تسلمنى ليه
نسمه :- عقبال اللى فى بالى
ناصر :- قريب اوووووى
……………………………………………………
عند مراد وتالين
كانت تالين نايمه فى حضن مراد
مراد :- اخيرآ ده انا يأست من الدخله دى
تالين :- مكسوفه ومش بتتكلم
مراد :- لالالا ياتوته مفيش كسوف بقى انا دلوقتى جوزك على الورق وقدام ربنا يعنى انا وانتى بقينا روح واحده
تالين :- احم م.م.ماشى ولسه هتقوم
مراد :- رايحه فين
تالين :-ه.ه.هاخد شاور وانزل اجيب لينا اكل هنا
مراد :- لا مفيش قومه من حضنى وبعدين مستعجله ليه على الشاور ده لسه قدمنا مواضيع مهمه عايزه مناقشه
تالين :- مواضيع ايه دى
مراد :- قرب منها وقال مواضيع دى وبسها
تالين :- زقته وقالت تانى لالا
مراد :- تانى لا ليه ده انا هطلع عنيكى على اللى عملتى فيه وقرب منها وبسها
و(عيب بقى نسبهم على راحتهم مش كفايه علينا كبسين عليهم طول الروايه 😂😂😂)
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا