مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثامن من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة
رواية أعشق تمردك ولكن بقلم دودو محمد - الفصل الثامن
اقرأ أيضا: رواية عشق الزين
رواية أعشق تمردك ولكن بقلم دودو محمد - الفصل الثامن
فى اوضة مراد كان قاعد وهو متعصب
مراد :- بقى عامله فيها واحده شريفه وانتى مغفلانه ومقضيها فى الكباريهات
ودينى ياتالين على قد الحب اللى حبتهولك لعيشك فى جحيم على قد الوجع اللى فى قلبى هخليكى تتمنى الموت مية مره ومطلهوش
أحمد :- دخل اوضة مراد بس مراد محسش بى وسمع كلام مراد قال
متظلمهاش يابنى توته مستحيل تعمل كده
مراد :- دى واحده خاينه ومخادعه خدعتنا كلنا
أحمد :- تالين دى انا اللى مربيها اول ما اتولدت انا اللى شلتها واخدها فى حضنى وكنت بشم ريحة امك فيها من اول مااتولدت وانا بحس فيها كتير من امك
مراد :- بعصبيه لو سمحت يابابا متقولش على الخاينه دى شبه امى انا امى اشرف منها الف مره
أحمد :- ياأبنى متظلمهاش زى ماانا جى على يوم وظلمت امك وظلمت نفسى لما انت عيشت بعيد عنى خمس سنين من عمرك
مراد :- فى فرق لما انت تشك فيها ولما تشوف بعنيك
أحمد :- غلط ياحبيبى ممكن انت تشوف حاجه الشيطان يزينها ليك بشكل غلط مش كل اللى عنينا بتشوفه حقيقه ولو ظلمت تالين هيجى عليك يوم مش هينفع فى الندم
مراد :- ودينى ومااعبد يابابا هعيشها اسود ايام حياتها حتى الموت مش خليها تطوله
أحمد :- بعصبيه وانا مش هسمحل لحد يجرح تالين وانا جمبها ضدك ورينى هتقدر تعمل ايه
مراد :- انت بتقف جمبها ضد ابنك
أحمد :- انت زى ماأبنى هى برضه بنتى وانا اللى مربيها ومش هسمح ليك تجرحها
مراد :- وانا بقى ابوها موافق والجوازه دى هتم يعنى هتم وورينى هتوقفها ازاى
أحمد :- ضرب مراد بالقلم وقله اخرس انت باين عليك نسيت ان انا ابوك ومينفعش تتكلم معايه بالاسلوب ده ولا تعلى صوتك عليا
مراد :- وهو حاطط ايده على خده انت بتمد ايدك عليه عشانها
أحمد:- لا مش عشانها علشان افوقك من اللى انت فى
مراد :- بص لابوه وقال بغل بس خليك عارف ان اللى انت عملته ده اللى هتدفع تمنه تالين علشان هى السبب فى اللى حصل ده وسابه ومشى
أحمد :- لنفسه السكه اللى انت ماشى فيها دى اخرتها وحشه وسعتها ندمك مش هيفيدك
……………………………………………………
عند حازم كان قاعد وماسك ملف قضية فهد الدمنهورى وبيقراه فيه دخل عليه منير ومعاه واحده
حازم :- وقف واده التحيه العسكريه وقال تمام يافندم
منير :- اقعد ياحازم
حازم :- قعد على كرسى المكتب وقعد قصاده منير والست اللى معاه
منير :- الله ينور عليكم اديته مهمتكم الاتنين بنجاح
حازم :- لسه فى اتنين فى القضيه هربنين وهما اساس القضيه الدراع التانى لفهد وفهد
منير :- انشالله هنقدر نجيبهم قريب وهو ده اللى جايبنى هنا انا والست دى
حازم :- اوامرنى سياتك
منير :- الست دى هى الطرف التانى اللى كان بينقل لينا اخبار فهد وانا وعدها ان احنا هنآمنها بعد انتهاء القضيه وبعد هروب فهد مننا بقى فى خطوره عليها
حازم :- وحضرتك طالب منى اامنها لحين انتهاء القضيه والقبض على فهد ورجاله
منير :- تمام كده
حازم :- طب حضرتك هى معلهاش اى قضيه
منير :- لا هى كانت شغاله مع فهد فى الدعاره تحت تهديته ومفيش اى حاجه تثبت عليها تورطها فى القضيه وهى يعتبر الشاهد الوحيد على جرايم فهد وهنحتاج شهدتها فى المحكمه
حازم :- طب حضرتك هى دلوقتى هتقعد فين
منير :- هنحاول نوفر ليها سكن بس تكون تحت حرستك الشخصيه
حازم :- طب لو كده فى عندنا اوضه فوق السطوح انا ممكن اخدها هناك واقعدها فيها امان وتبقى تحت حراستى علطول
منير :- ماشى ياحازم مش هوصيك عليها دى هى الشاهد الوحيد فى القضيه
حازم :- متخفش يافندم انا هخلى عينى عليها علطول
منير :- بص للست وقال الرائد حازم من اكفأ الظباط اللى عندى فمتخفيش انتى هتبقى معاه فى امان
الست :- سكته وبتبص على حازم
منير :- انتى معايه
الست :- ها ا.ا.اه يافندم
منير :- طب انا هقوم اتابع التطورات فى القضيه وانتى خليكى هنا مع الرائد حازم
حازم :- وقف واداه التحيه العسكريه ومشى منير
حازم :- تحبى اوديكى دلوقتى الاوضه
الست :- لالا خلينى لو ده مش هيزعجك
حازم :- لا مفيش ازعاج ولا حاجه تحبى تشربى حاجه ولا اجبلك اكل
الست :- لا شكرآ ياأبنى كتر خيرك انا هقعد هنا وشورت على الكنبه ومش هعمل اى صوت وانت اتفضل شوف شغلك
حازم :- زى ماتحبى
وقعدت الست على الكنبه تتابع حازم فى صمت وحازم كمل متابعة قراية ملف القضيه
……………………………………………………
عند تالين فى اوضتها كانت عامله تعيط وقاعد معاها هاجر وإيمان
هاجر :- يابنتى فهمينى بس ايه اللى حصل وايه خلاكى تروحى مكان زى ده
تالين :- 😢😢😢😢
إيمان :- ياتوته مش هينفع كده احنا واثقين فيكى بس عايزين نفهم ايه اللى حصل
تالين :- وهى بتعيط ويعنى لو عرفته الحقيقه ده هيغير قرار بابا بجوازى ولا هيرجع قلبى المكسور ده زى مكان لا طبعآ شك مراد فى كسرنى وتصديق بابا ليه دبحنى من جوه يبقى الكلام مفيش منه فايده
إيمان :- ايوه ياحبيبتى هيغر كل حاجه هنقدر نعرف الحقيقه ونوصلها لمراد ولابوكى وسعتها هما هيحسه بى غلطهم ويقفه عن اللى عايزين يعملوه ده
تالين :- حتى لو حسه بغلطهم مستحيل قلبى يرجع زى ماكان مراد كسرنى ياخالتى وجعنى من جوه لما شك فيه
فى دخلت أحمد
أحمد :- بص لهاجر ولايمان وقلهم ياريت تطلعو بره وتسيبونى معها لوحدى
خرجت إيمان وهاجر من الاوضه وقفلو الباب وراهم
احمد :- قعد جمب تالين على السرير
تالين :- اترمت فى حضنه وقعدت تعيط
أحمد :- طبطب عليه لحد ماهدت وقال
ها يا توته احكيلى اللى حصل بس ماتقولى ولا كلمه انا معاكى فى اى حاجه ووقف جمبك فى اى قرار
تالين :- بعيط عمو احمد انت تصدق عمرى اعمل حاجه وحشه
أحمد :- لا طبعآ وواثق فيكى اوى كمان
تالين :- طب ليه هما صدقه ليه كسرونى وعملو فيه كده
أحمد :- بصى ياحبيبتى انا مش بدافع عن مراد بس انا فى يوم من الايام عملت زيه كده فى خالتك إيمان وظلمتها ويمكن هو سترك بالجاكت بتاعه انا بقى مشتها فى الشارع وهى عريانه
تالين :- بصدمه استحاله انك تعمل كده
أحمد :- لا ياحبيبتى الشك والغيره يخليكى تعملى اكتر من كده
تالين :- وسمحتك بعد كل ده
أحمد :- اه بس بعد ماعقبتى اصعب عقاب بعد مابعدت عنى مراد خمس سنين وانا معرفش ان ليه ولد
تالين :- بس جرحك كان اكبر بالنسبه ليها
أحمد :- بصى ياحبيبتى اللى انا عايز اوصلوه ليكى ان الحب كل مابيزيد كل ما المشاكل بتزيد والغيره بتزيد اكتر واكتر
تالين :- بس الغيره حاجه والشك ده حاجه تانيه ده قلة ثقه
أحمد :- طب هسألك سؤال
تالين :- اتفضل
أحمد :- انتى بتحبى مراد ووثقه فى ولا لا
تالين :- بزعل اه طبعآ بحبه وبثق فيه
أحمد :- انتى مش بتغيرى عليه من جيرمين من وانتو صغيرين
تالين :- اه طبعآ بس دى غيره مش قلة ثقه
أحمد :- لو انتى شوفتى مراد وجيرمين فى شقه واحده هل انتى هتكونى وثقه فى ان هو ملمسهاش ولا هتشكى فى وتقولى حصل مابنهم حاجه
تالين :- لا طبعآ اكيد هيكون حصل مابنهم حاجه وده معروف مااجتمع رجل ومراه والا كان ثالثهم الشيطان
أحمد :- شوفتى بقى ياحبيبتى ازاى شكيتى فى رغم حبك وثقتك فيه
تالين :- بس ده كان معاها فى شقه واحده
أحمد :- على فكره الراجل لما بيكون بيحب واحده وماليه عينه لو قدامه مليون واحده ومن غير لبس كمان مش هيبصلها علشان اللى بيحبها ماليه عينه
تالين :- طب ده ايه علقته بموضوعى
أحمد :- يعنى ياحبيبتى زى ماانتى شكيتى فى ان ممكن يعمل حاجه مع واحده غيرك رغم انتى عارفه ومتأكده ان هو بيحبك هو نفس الحكايه بيحبك بس اتصدم لما شافك فى الوضع اللى انتى فى صدمته صورت ليه حجات كتير واللى هو عمله معاكى ده من كتر حبه ليكى
تالين :- كان سألنى الاول قبل مايقول حكمه على بالاعدام
أحمد :- طب انتى كنتى بتعملى ايه هناك
تالين :- والله ياعمو كنت بعمل تحقيق صحفى على نفس القضيه اللى هو ماسكها بس مكنتش اعرف ان هو اللى ماسك القضيه دى وطلع قرار بحظر النشر فى القضيه وانا حبيت يكون لينا السبق الصحفى للقضيه نزلت الكباريه وعملت نفسى ان انا من بنات الليل علشان احصل على اوراق تدين صاحب الكباريه واقدر اعمل بى تحقيق صحفى وانت عارف ياعمو ان شغلى بيعنى ليا ايه بس والله مخلتش حد يلمسنى
أحمد :- انتى غلطانه ياتوته اول حاجه علشان بتعملى اللى يجى على دماغك من غير ماتفكرى فى حد
تانى حاجه علشان اتعديت على حقوق غيرك واللى هى حق حظر النشر واللى هو اكيد لسبب امنى
تالت حاجه انك خبيتى عن مراد وده كان سبب اساسى فى الشك فيكى
رابع حاجه ودى الاهم ان تدينك وايمانك بربنا هى دى اللى رقم واحد وانتى بلبسك ده اللى كنتى بى غضبتى ربنا ومع كل نظره اتبصلك بيها من راجل فى الكباريه انتى بتحملى ذنب يعنى انتى غضبتى ربنا علشان شغلك وده اكبر حرام انتى ترضى ربنا يرضه عنك ويسهلك شغلك وينجحك فى
تالين :- سكتت وعيطت
أحمد :- طبطب على تالين وقال استغفرى ربك وتوبى إليه وربك غفور رحيم ومراد انشالله هيعرف الحقيقه هو وابوكى بس طبعآ لما يهدو مش دلوقتى خالص ومتفتكريش ان لما مراد وابوكى هيعرفه الحقيقه هيسمحوكى لا برضه علشان اللى انتى عملتيه غلط برضه بس اهون من الخيانه وده بقى فى ايديك انتى تخلى مراد يسمحك وهو بيحبك مهما هيكون قاسى معاكى فهو هيكون لسه بيحبك بس بينتقم لكرامته
تالين :- طب ازاى وهما خلاص اتفقه على كتب الكتاب يوم الخميس
أحمد :- مش انتى قولتى بتحبى مراد يبقى جوازك منه مش حاجه وحشه يعنى ده هيخليكى جمبه علطول
تالين :- ايوه ياعمو بحبه بس مكنتش مستعده لحكاية الجواز دلوقتى
أحمد :- وانا بقولك متخفيش من مراد مفيش احن منه وبيحبك ومهما هيكون قاسى معاكى هتلاقيه راجل وهيقدر يحميكى ويخاف عليكى وانتى بآيديك تخليه يسمحك
تالين :- ازاى
أحمد :- خليكى توته القويه متسلميش ليه بسهولا طلعى عينه خلى يحس انك هتروحى من أيديه هو بيحبك وبيعشق تمردك خليكى علطول متمرده معاه وهو هيجى عليه يوم
مش هيستحمل بعدك وهتلاقيه جى ليكى بشوقه وحنانه سعتها بس تقدرى تخرجى ليه مشاعرك وحبك ليه
تالين :- يعنى انت ياعمو بتنصحنى انى اوفق على جوازى منه بالطريقه دى
أحمد :- بغمزه يابت يعنى مش هتموتى على الولا
تالين :- وهى مكسوفه ايوه بس خايفه منه
آحمد :- لالالا انا كده هغير رائى فى مرات ابنى فين توته العنيده المتمرده يابت ده انا ابوه وبطلب منك تطلعى عنيه
تالين :- ههههههه ده انا هطلع عين اللى جابوه
آحمد :- نعم ياأختى
تالين :- اسفه يا عمو مش قصدى قصدى يعنى هجننه وهطلع عينه
أحمد :- ايوه كده اتعدلى هههههه
تالين :- اترمت فى حضن أحمد وقالت انا بحبك اوى ياعمو
أحمد :- ضمها جامد وقال وانا بموت فيكى ياروح عمو
……………………………………………………
عند فريده فى المدرسه اتصلت على حازم
حازم :- اول ماشاف اسم فريده طار من الفرحه وفتح التليفون وقال
حازم :- السلام عليكم
فريده :- وعليكم السلام انا فريده ياأبيه
حازم :- اتغاظ منها وقال ايوه يافريده عارف خير فى حاجه
فريده :- ايوه ياأبيه كنت عايزه اشوفك بعد المدرسه
حازم :- بستغراب ليه فى حاجه.
فريده :- بتمثيل اه ياأبيه مخنوقه من موضوع كده لما اشوفك هحكيه ليك
حازم :- بقلق فى حد ضيقك
فريده :- بدلع لالا ربنا يخليك ليا يارب
حازم :- قلبه كان هينط من الفرحه وقال انا تحت امرك فى اى وقت بس ايه الموضوع ده
فريده :- مش هينفع فى التليفون لما اشوفك هقولك
حازم :- خلاص بعد المدرسه هتلاقينى وقف ليكى بالعربيه
فريده :- اوكى سلام بقى علشان اتاخرت
حازم :- ماشى سلام وقفل مع فريده وكان قلبه بيرقص من الفرحه وكل ده والست متابعه
حازم :- اخد باله ان هو مش لوحده بص لست وقال احم انا خلصت شغل يلا اوصلك الاوضه اللى هتقعدى فيها معلش هى قديمه شويه والعفش اللى فيها قديم بس حاجه مؤقته كده
الست :- لا مش مشكله اى حاجه اقعد فيها احسن من المكان المقرف اللى كنت فيه
حازم :- طب ماشى يلا بينا
ومشى حازم والست على العربيه علشان يوصلها الاوضه
……………………………………………………
عند فريده فى المدرسه
فريده :- رورو انا مش هروح معاكى البيت بعد المدرسه
رغد :- ليه بقى انشالله
فريده :- بهيام اصل هقابل زوما حبيبى
رغد :- يانهارك اسود ده لو عرفو فى البيت هيطين عشتك وعشته
فريده :- ماانتى يارورو مش هتقولى ان انا معاه
رغد :- طب انا هقولهم ايه لما يسألونى عليكى
فريده:- طب ايه رايك لو تروحى عند عمتك جودى
رغد :- ايه لالا طبعآ
فريده :- بغمزه ليه بس دانتى هتشوفى جو هناك
رغد :- اتلمى يافريده انا مفيش مابينى وبينه حاجه وبعدين ده صاحب سيف اخويه وادم اخوكى
فريده :- يابت مش عليه ده انا بشوفك عينك هتنط عليه لما بيبقى عندنا وبعدين فيها ايه ده ابن عمتك
رغد :- اهو انتى قولتى ابن عمتى يعنى هو كده وبس ومفيش حاجه اكتر من كده
فريده :- بعدم تصديق براحتك خليكى كده لحد ماتيجى وحده من بنات الكليه وتلهف منك
رغد :- فررررريده قفلى بقى على الموضوع وانا هروح البيت ومليش دعوه بيكى ولما حد يسألنى هقول معرفش ومشيت وسابتها
فريده :- دى مالها دى حد كلمها وانا مالى ان كان هى بتحبه وهو مش معبرها هى حره
……………………………………………………
عند مراد كان ماشى فى الشارع وهو حزين على اللى وصل ليه وقال
مراد :- كل ده بسببك ياتالين لو مكنتش ادفعك التمن غالى مبقاش انا مراد عزمى
وهو ماشى متعصب بالعربيه فرمل على واحده كان هيخبطها
نزل بسرعه من العربيه
مراد :- انا اسف ياأنسه فيكى حاجه
البنت :- No I'm fine (لا انا كويسه)
مراد :- لنفسه اوبه دى شكلها اجنبيه
وقال l m sorry(انا اسف)
البنت :- NO problem(مفيش مشكله)
مراد :- لنفسه ده انا بوظت السياح فى مصر ولسه هيكمل كلامه
البنت :- على فكره انت مبوظتهاش اوى يعنى
مراد :- انتى مصريه
البنت:- هو داد مصرى بس مامى من امريكا وانا كنت عايشه هناك بس لما داد مات جيت ادور على اهل داد
مراد :- وانتى عارفه هما فين اوصلك ليهم
البنت :- No
مراد :- طب وانتى جاى ازاى تدورى عليهم وانتى متعرفيش ليهم عنوان
البنت :- هو انا اعرف ان هما عايشين فى اسكندريه ومن اشهر العائلات هنا
مراد :- طب قولى اسمهم يمكن اعرفهم
البنت :- انا داد اسمه اياد محمود عزمى
مراد :- بصدمه عمى انتى بنت عمى
البنت :- عمك انت ابن انكل أحمد
مراد :- ايوه صح بس هو عمى مات امته
البنت :- من اسبوعين
مراد :- مد ايده يسلم عليها وقال انا اسمى مراد
البنت :- وانا اسمى ماريا
مراد :- بس انتى بتتكلمى عربي حلو اوى
ماريا :- ايوه داد علطول كان بيعلمنى اتكلم مصرى ومش انا بس وعلم مامى هى كمان تتكلم مصرى
مراد :- وهى مجدش معاكى ليه
ماريا :- لا ماما بتحب امريكا واستحاله تسيبها وتنزل مصر
مراد :- وانتى عندك كام سنه ياماريا
ماريا :- انا عندى 18 سنه
مراد :- انا عندى اخواتى سيف 19 ورغد 16سنه
ماريا :- واو يعنى انا عندى ولاد عم فى سنى تقريبآ
مراد :- ايوه وفى كمان ناس تانى هتحبيهم اوى معاهم تالين وادم وفريده يعتبر عايشين مع بعض
ماريا :- واو طب يلا بسرعه نروح هناك وركبت العربيه جمب مراد وراحو على الفيلا
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا