قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الحادى والعشرون من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة

رواية أعشق تمردك ولكن بقلم دودو محمد - الفصل الحادى والعشرون

اقرأ أيضا: رواية عشق الزين

رواية أعشق تمردك ولكن بقلم دودو محمد - الفصل الحادى والعشرون

 عند حازم وإيمان صحى من نومه ودخل الحمام اخد شاور واتوضه وطلع لبس هدومه واداه فرضه وخرج كانت إيمان صحيت وحضرت الفطار

حازم :_ صباح الخير

إيمان :_ صباح النور

حازم :_ ايه صحاكى بدرى كده

إيمان :_ مفيش بس معرفتش انام علشان مش فى اوضى

حازم :_ معلش بكره تتعودى

إيمان :_ انشالله اقعد يلا افطر

حازم :_ لا مش بحب افطر

إيمان :_ يبقى خلاص انا كمان مش فطره

حازم :_ يا بنتى كلى انتى انا مش متعود اكل حاجه على الصبح

إيمان :_ وانا الصراحه مش متعوده اكل لوحدى

حازم :_ طب اقعدى يا إيمان هاكل لقمه معاكى

إيمان :_ قعدة وقالت شكرآ ياحازم

حازم :_ على ايه مفيش حاجه مستحقيه الشكر وبعدين يعنى الطرحه اللى على راسك ملهاش لازمه اقعدى براحتك مش معقول هتقعدى من الصبح لبليل بيها ومش حرام يعنى انا جوزك عادى والله

إيمان :_ ها لا انا كده مرتاحه وقالت لنفسها شكل نوايه هتبان من دلوقتى بدء بالطرحه والله اعلم هتنتهى بأيه

حازم :_ شاف إيمان سرحانه فهم هى بتفكر فى ايه وقال كلى ياإيمان مش بتكلى ليه ومتخفيش انا لما طلبت منك تقلعى الطرحه مش قصدى حاجه وحشه انا لسه عندى كلمتى بس كنت عايزك براحتك فى حدود الادب وانا اسف لو فهمتينى غلط وقام من على الاكل

إيمان :_ لنفسها غبيه اهو زعل وعرف انك خايفه منه مع ان معملش حاجه وحشه معايه من ساعة ما جينا هو ده الشكر اللى بتقدميه على اللى عمله معاكى وقامت من على الاكل وراحت لحازم

إيمان :_ احم ح.ح.حازم ا.ا.انا اسفه والله انا مش خايفه منك ولا بشك فيك وعارفه انك راجل وقد كلمتك بس يعنى الوضع اللى انا فى جديد عليا ولسه مأخدش عليه

حازم :_ مفيش مشكله يا إيمان بس عايز اعرفك انك اختى مش اكتر من كده وانا استحاله افكر اعمل حاجه اخون بيها البنت اللى بحبها

إيمان :_ ربنا يخليكم لبعض

حازم :_ يارب

.....................................................

عند فريده فى المستشفى كانت هاجر بتساعدها تلبس هدومها وإيمان ورغد بيحضره حاجة فريده اللى كانت معاها فى شنطه وماريا قعده بعدى

فريده :_ لسه كتير يا ماما ولا خلاص انا زهقت وعايزه اروح بقى

هاجر :_ خلاص يا حبيبتى بابا بيدفع حساب المستشفى ويجى الدكتور يكتب ليكى على خروج

رغد :_ استحملى يا ديده دى كلها ساعه ونمشى

فريده :_ زهقت مش واخده انا على القعده

إيمان :_ معلش هو كان صعب عليكى شويه بس الحمدالله بقيتى كويسه

دخلت الممرضه وطلبت من الكل الخروج من الاوضه علشان تحضرها للدكتور يكشف عليها وخرج الكل واتبقى الممرضه وفريده

الممرضه :_ عامله ايه دلوقتى يا انسه

فريده :_ الحمدالله بس زهقت من القعده

الممرضه :_ معلش يجى الدكتور يكشف عليكى وهيكتب ليكى على خروج على طول

فريده :_ انشالله

الممرضه :_ امال استاذ حازم مش بيجى ليه

فريده :_ بغيره وانتى بتسالى عليه ليه

الممرضه :_ عادى والله اصل وانتى فى غيبوبه مكنش بيسيبك لحظه وكان علطول يعيط علشانك ده قعد الاسبوع كله ماينمش غير ساعه اواتنين بكتير وكان بينامها على الكرسى وهو ماسك ايدك وكان علطول يكلم فيكى ويقراه ليكى فى المصحف ده حتى صوته فى القرأن جميل اوووى كنا بنحب انا والبنات نسمعه وهو بيقراه ليكى ربنا يخليكم لبعض ده بيحبك اوى وقليل دلوقتى لما تلاقى راجل يحب بضمير زى استاذ حازم وفى الوقت ده دخل الدكتور وكشف عليها وكتب ليها خروج وطلع وقامت فريده وهى بتسندها الممرضه وخرجت ودخل سيف وادم اخده الشنطه والحاجه الخاصه بفريده فى الاوضه ونزل الكل ركب العربيات ووصله الفيلا

.....................................................

عند مراد وتالين مراد وصل تالين للجريده وقبل ما تنزل من العربيه

مراد :_ تالين

تالين :_ نعم

مراد :_ متنسيش اللى قولتلك عليه لو فى تحقيق فى حاجه خطر تبلغينى علطول

تالين :_ حاضر

مراد :_ ومتكلميش رجاله

تالين :_ وده ازاى انشالله اذا كان المدير راجل واكتر الموظفين رجاله

مراد :_ مطوليش فى الكلام معاهم وممتكلميش اصلا الا لو كان حاجه مهما

تالين :_ حاضر تأمر بحاجه تانى

مراد:_ اه ايه ده

تالين :_ ايه

مراد :_ قربها ليه وبسها من شفايفها

تالين :_ ايه اللى انت عملته ده احنا فى الشارع

مراد:_ محدش ليه عندنا حاجه انتى مراتى وبعدين احنا مش فى الشارع احنا فى العربيه

تالين :_ ماشى يا مراد ممكن انزل بقى انا متأخر على الشغل

مراد :_ انا لو عاليه مش عايزك تنزلى وتسبينى بس اعمل ايه لازم علشان شغلى وشغلك اتفضلى انزلى

تالين :_ هتوحشنى يا مارو ونزلت من العربيه وطلعت تجرى

مراد :_ ههههههههههههههه وقال لنفسه وانتى هتوحشينى اكتر

ومشى بعربيته على شغله

.....................................................

عند فهد فى مكان مهجور كان بيتكلم هو والشخص المجهول

الشخص :_ عرفت ليك يا باشا مكان اللى اسمها يارا

فهد :_ برافو عليك ولاقتها مستخبيه فين

الشخص :_ فى البيت اللى فى الظابط اللى ماسك القضيه بتاعتك فى اوضه على السطوح

فهد :_ وهتنفذ امته

الشخص :_ لا يا باشا دى عايزه شوية وقت دى سكنه جمب الحكومه

فهد :_ على اخر الاسبوع عايز اسمع خبرها

الشخص :_ من عنيه يا باشا بالاذن انا بقى

فهد :_ ماشى روح انت والمره الجايه لما تيجى تكون جاى بخبر موتها

الشخص :_ ماشى يا باشا سلام

.....................................................

عند فريده فى الفيلا طلعت على اوضتها وغيرت هدومها وقعدة على سريرها ومسكت تليفونها وجابت الرساله اللى بعتها ليها حازم وقراتها مره واتنين وعشره وحضنت التليفون وافتكرت كلام الممرضه وضحكت وقالت ياااااااا يا حازم بتحبينى كل ده ده انا كنت عبيطه لما قولتلك ان بحب واحد ضيعتك من ايدى بس اموت واعرف ايه خلا يطلع الحب اللى عنده دلوقتى اهو مفيش فايده الكلام بقى لواحده تانيه ياترى بتعمله ايه دلوقتى مع بعض اااااااااه ياربى صبرنى على فراقه وقرات الرساله اللى بعتها ليها حازم للمره الالف

.....................................................

عند تالين فى الشغل

كانت تقى قعده على مكتبها واول ماشافت تالين نطت من على مكتبها وجريت عليها وحضنتها

تقى :_ وهى حضنها توته يا معفنه واحشتينى اووووى وهو ايه من لاقه احبابه نسى اصحابه

تالين :_ يخربيتك راديو واتفتح سبينى اتكلم وارد عليكى

تقى :_ الله وانا حشتك ما تتكلمى سكته ليه ما تتكلمى شوفتى بقى ازاى ان انتى اللى مش بتت

تالين _:_ حطت ايديها على بق تقى وكتمتها وقالت اسكتى شويه وخلينى اتكلم وانتى كمان واحشنى وانتى اللى واطيه مهنش عليكى تتصلى وتسألى وشالت ايديها من على بق تقى

تقى :_ كح كح كح يخربيتك كنتى هتموتينى وبعدين اتصل بيكى ازاى افرضى اتصلت بيكى فى وقت غلط عايزه مراد يدعى عليه

تالين :_ لا يا حبيبتى هو مش هيدعى عليكى انا اللى داعيت عليكى وبشعر راسى يا تقى يا بنت ام تقى

تقى :_ وانا عملت ليكى ايه طه

تالين :_ وانتى بتعملى حاجه ده انتى نسمه ملكيش حس

تقى :_ ههههههه تشكرى يا زوق ده العشم برضه 😂😂😂

تالين :_ ايه يا بنتى هو احنا قعدين نشيش على القهوه

تقى :_ تصدقى فكره الواحد نفسه فيها

تالين :_ هى ايه

تقى :_ الشيشه التفاح الواحد صدره ملبش وعايز يفك 😂😂😂

تالين :_ اللهى يربطوكى فى حبل حمير ومتلاقى حد يفك يا بعيده

تقى :_ هههههههههههههههههههه كانت واحشانى دعواتك والله يا توته

تالين :_ وجتلك اهو وهزهق دعا

تقى :_ صح انتى نزلتى الشغل ازاى مش مراد كان منعك منه

تالين :_ بشوية دلع وافق

تقى :_ بغمزه ايوه انت يا واد يا منحرف 😉😉

تالين :_ الانحراف عندى هوايه هههههههههههههههه

تقى :_ ههههههههههههههههه

تالين :_ هروح اشوف المدير ده كمان كنت مرحومه من تسبيله

تقى :_ هو معاه التحقيق ورفض ينشره الا لما تنزلى انتى بنفسك

تالين :_ هروح عنده دعواتك بقى

تقى :_ ربنا يصبر الوحش على الجحش

تالين :_ ههههههههههههه حلوه الدعوه دى ربنا يصبرنى عليه

وراحت تالين عند حمزه فى مكتبه وخبطت عليه واذن ليها حمزه بالدخول

حمزه اول ما شافها قام وقف وقال

حمزه :_ انسه تالين عامله ايه والله كنتى قطعه بى قصدى بالجريده اليومين اللى فاتو

تالين :_ شكرآ يا افندم بس حضرتك عارف ان كان فرحى وكده مكنش ينفع اجى

حمزه:_ بزعل اه عرفت مبروك يا انسه تالين

تالين :_ لنفسها يالهوى على الغباء وقالت لحمزه بقول لحضرتك اتجوزت يعنى مدام مش انسه

حمزه :_ اه اسف ليكى يا مدام تالين

تالين :_ ولا يهم حضرتك المهم دلوقتى انا كنت بعت ليك ورق يدين فهد الدمنهورى علشان التحقيق

حمزه :_ اه موجود اهو اتفضلى

وطلعه من درج المكتب

تالين :_ شكرآ يا فندم هروح انا احضر التحقيق واسلمه للنشر

حمزه :_ ماشى ربنا معاكى

تالين :_ عن اذنك

حمزه :_ اه اتفضلى

وخرجت تالين من عند حمزه وراحت على مكتبها تشوف شغلها

.....................................................

عند حازم مسك التليفون واتصل على ابوه وانتظر الرد

مازن :_ الو اذيك يا عريس

حازم :_ الحمدالله بابابا انتو عاملين ايه

مازن :_ امك مياده عملها مناحه علشان انت مش موجود فى الشقه ودخلت اوضك وقعدة تعيط

حازم :_ طب هاتها

مازن :_ خد اهى معاك

مياده :_ اذيك يا حبيبى واحشتنى والله

حازم :_ وانتى اكتر يا ماما بس علشان خاطرى بطلى عياط

مياده :_ حاضر يا ابنى

حازم :_ يعنى انا يا ماما اول مره انام بره البيت طب ما انا كتير بنام فى المعسكرات لما تكون عندى مهمه

مياده :_ بس اول مره تنام فى حضن غير حضن امك

حازم :_ هههههههههه انتى غيرانه عليا بقى ده شغل الحموات ابتده من بدرى اوى

مياده :_ لا ياحبيبى ربنا يهنيك ويسعدك وإيمان بنت حلال وكويسه ومؤدبه اللهى ما تتحرمه من بعض ابدآ

حازم :_ ربنا يخليكى المهم ادينى بابا عايزه فى موضوع

مياده:_ معاك اهو

مازن :_ ايوه يا حبيبى خير

حازم :_ ابقى اسأل على الست يارا واطمن عليها ومعلش ابقى شوفها محتاجه حاجه ولا لا

مازن :_ متشغلش بالك انت بس وخليك مع عروستك واتهنا وربنا يسعدكم وانا هبقى اسال عليها

حازم :_ معلش علشان هى مسؤاله منى لحد يوم المحكمه

مازن :_ ماشى يا حبيبى وانا هسيبك دلوقتى مع عروستك سلام

حازم :_ مع السلامه

وقفل حازم السكه مع ابوه وجاب رقم عمته إيمان

.....................................................

عند إيمان وأحمد كان الكل متجمع فى ڤيلات عمرو

إيمان :_ ياااااااه كان الاسبوع اللى فات ده صعب اوى

هاجر :_ اه الحمدالله مر علينا وخلص

إيمان :_ اخدى الدواه بتاعك

هاجر :_ لا والنبى نسيت

عمرو :_ كده برضه يا هاجر انتى وعدينى انك هتوظبى على الداوه

هاجر :_ ما انت عارفنى يا عمرو مش بحب الادويه

أحمد :_ معلش يا هاجر علشان مصلحتك

هاجر :_ حاضر ابقى اظبط التليفون علشان ينبهنى لونسيت

إيمان :_ لا ملوش لازمه التليفون انا هبقى اجى ادهولك فى معاده

عمرو :_ معلش هنتعبوكى يا إيمان

إيمان :_ مفيش تعب ولا حاجه هاجر دى اختى ورفيقة عمرى كله ده لو طلبت عينى ادهلها

هاجر :_ ربنا يخليكى ليا يا ايمو

إيمان :_ ويخليكى ليا يا قلبى

أحمد:_ جتك وجعه فى قلبك انا بس اللى قلبك

إيمان :_ هههههههههه انت قلبى وعمرى ودنيتى وكل ماليا

عمرو :_ ليه ما تكملى وفشتك وكبدتك و كلوتك بمره ده ايه فقع المراره ده

أحمد :_ وانت متغاظ ليه ها علشان محدش بيدلعك

عمرو :_ ليه يا اخويه ربنا يخلى ليا مراتى مش حرمانى من حاجه وعلطول مدلعانى

إيمان :_ بس بس ربنا يخلينا احنا الاربعه لبعض وميحرمناش من بعض

هاجر :_ اللهم امين

وفى الوقت ده رن تليفون إيمان بتبص لاقته رقم حازم

إيمان :_ عن أذنكم هرد على التليفون ده واجى وخرجت فى الجنينه علشان ترد عليه وكان فى الوقت ده فريده قعده وراه الشجره

إيمان:_ السلام عليكم

حازم :_ وعليكم السلام

إيمان :_ ايه يا عريس عامل ايه

حازم :_ ما انتى عارفه اللى فيها

إيمان :_ محصلش حاجه بينكم

حازم :_ لا ولا هيحصل انتى عارفه قلبى مشغول بمين

إيمان :_ انسا فريده يا حازم علشان متظلمش إيمان معاك

حازم :_ مقدرش يا عمتو ده حبها بيجرى فى دمى مقدرش انسها

إيمان :_ هتتعب كتير يا حازم فى حياتك لو كنت مش هتقدر تعيش مع إيمان كنت صبرت لما نشوف حل تانى لمشكلتها لكن انت اتسرعت والكل دلوقتى بيدفع التمن

حازم :_ المهم دلوقتى فريده عامله ايه

إيمان :_ فريده كويسه وطلعت أنهارده وهى فى اوضتها

حازم :_ معلش يا عمتو كل فتره كده هطمن منك على فريده

إيمان : _ ماشى يا حازم لما نشوف أخرتها معاك ايه

حازم :_ ربنا يخليكى يا عمتو

إيمان :_ ويخليك ليا يا حبيبى سلملى على إيمان سلام

حازم :_ الله يسلمك مع السلامه

ودخلت إيمان تانى الفيلا

.....................................................

عند فريده وراه الشجره سمعت الكلام اللى اتقال واتصدمت منه

فريده :_ معقول يعنى حازم ملمسهاش امال اتجوزها ليه وهو بيحبينى انا وايه المشكله اللى خالتو إيمان قالت عليها فى حاجه غلط فى الموضوع ومش عارفه اوصلها بس احسن حاجه فى الموضوع ان زوما بيحبينى انا بس واتصل مخصوص علشان يطمن عليا ومرضاش يقرب لإيمان علشان بيحبينى انا انا فرحانه اوووووى بحبك يا زوما

...................................................................

اشرقت شمس صباح يوم جديد لتنير بيها سماء عروس البحر لتداعب بخيوطها الصفراء العيون الزرق لتستيقظ تالين من نومها وكان مراد مش نايم جمبها دورت بعنيها فى الاوضه ملاقتهوش قامت من على سريرها وخرجت من الاوضه وكان مراد بيتكلم فى التليفون

تالين:_ راحت حضنت مراد من ضهره

مراد :_ زى ما اتفقنا سلام وقفل التليفون ولف لتالين واخدها فى حضنه وقال صباح الخير يا قلبى

تالين :_صباح النور ياحبيبى كنت بتكلم مين كده الصبح بدرى

مراد :_ واحد صحبى

تالين :_ وهى مسكاه من رقبته اوعى تكون بتكلم مزه كده او كده

مراد :_ وهو حاطط ايديه فى وسط تالين قال وانا هبص ليه على النجوم وانا معايه القمر نفسه وبعدين عينى مش شايفه غيرك ياقلبى

تالين :_ لفت ايديها على رقبت مراد وقالت ربنا يخليك يا مارو يا قلبى وباسته فى خده وقالت بحبك اوووووووى

مراد :_ يابت بلاش كده

تالين :_ الله وانا عملت ايه

مراد :_ يابت مش قادر خلاص وجسمى نار

تالين :_ خش خدلك دش ساقع

مراد :_ وحياة امك

تالين :_ ههههههههههههههه اعملك ايه يعنى

مراد :_ بلاش الدلع ده الله يسترك

تالين :_ اول مره اشوف راجل مش عايز مراته تدلعه

مراد :_ خلى الدلع ده بعد المفاجئه وياريت كمان تزودى حبه

تالين :_ برضه مش ناوى تعرفنى ايه هى المفاجئه

مراد :_ طق طق مش هينفع اقولك

تالين :_ قربت منه اوووى وقالت طب علشان توته حبيبتك

مراد :_ يخربيت كده ياشيخه حرررررررام بقى

تالين :_ باسته بوسه على شفايفه

مراد :_ مسك تالين وبسها بوسه طووووويله وبعد عنها وهو بينهج وقال ارحمى امى يا شيخه والله اشيلك دلوقتى وادخلك اوضة النوم وتولع المفاجئه

تالين :_ لالالا خلاص

مراد :_ يبقى اتلمى وبلاش كده معايه انا ماسك نفسى بالعافيه بس يوم ما هتيجى تحت أيدى مش هرحمك وهطلع كل اللى بتعملى فيه على عنيكى

تالين :_ طب يلا بقى علشان نروح الشغل

مراد :_ امشى ياختى البسى

ودخلت تالين غيرت هدومها ونفس الحكايه مراد

ونزلو الاتنين وصلها مراد للجريده وراح هو على شغلها

.....................................................

عند حازم وإيمان

صحى حازم من نومه وجهز نفسه واداه فرضه وطلع من اوضه كانت إيمان صحيت وحضرت الفطار

حازم :_ صباح الخير

إيمان :_ صباح النور

حازم :_ ايه برضه معرفتيش تنامى النهارده كمان

إيمان :_ لا نمت شويه وصحيت

حازم :_ ماشى انا النهارده هنزل الشغل يضيقك فى حاجه

إيمان :_ لالالا انا كمان عندى محاضرات مهمه هروح الكليه

حازم :_ ماشى جهزى نفسك على ما اعمل فنجان قهوه

إيمان :_ لالا مش هتشرب قهوه على الريق كده انا حضرت الفطار

حازم :_ ما انا قولتلك مش بحب افطر

إيمان :_ وانا قولتلك مش بعرف اكل لوحدى

حازم :_ على فكره انتى عنيده اوى

إيمان :_ عنيده اووووى كمان يلا

حازم :_ قعد يفطر مع إيمان وقال بس انتى شاطره فى المطبخ

إيمان : _ اما ما هو ماما كانت بتنزل العياده وتتأخر هناك كنت بخش على مواقع الطبخ واتعلم منه واعمل الاكل لحد ما ماما تيجى

حازم :_ نفسك حلو اووى فى الاكل

إيمان :_ شكرآ

حازم :_ على فكره شعرك حلو اوى

إيمان :_ وهى بتحط اللقمه فى بقها احم شكرآ

حازم :_ علشان متفهمنيش غلط انا بكلمك زى اختى

إيمان :_ احم لا مفيش مشكله وانت زى اخويه الكبير

حازم :_ ماشى لو اكلتى يلا علشان منتأخرش

إيمان :_ هخش اغير بسرعه واطلع ننزل بسرعه

حازم :_ ماشى مستنيكى

ودخلت إيمان غيرت هدومها وخرجت من اوضتها ونزلت هى وحازم وركبو العربيه ووصلها للكليه

حازم :_ انتى هتخلصى على الساعه كام

إيمان:_ على الساعه اربعه

حازم :_ خلاص ماشى على الساعه اربعه هكون عندك

إيمان :_ لالا متتعبش نفسك وانالما اخلص هركب اى تاكسى

حازم :_ مفيش تعب ولا حاجه والساعه اربعه هكون عندك

إيمان :_ حازم ا.ا انا خايفه من عبدالرحمن

حازم :_ لا متخفيش منه ولو ضيقك اتصلى بى وانا هكون عندك علطول

إيمان :_ ماشى سلام

ودخلت إيمان كليتها ومشى حازم على شغله

.....................................................

فى فيلاة احمد

كانت قعده إيمان وماريا واحمد

أحمد :_ ماريا احنا هنروح نتبرع بدم للناس الفقره المحتاجه دم ومش معاها فلوس هتيجى معانا

ماريا :_ طبعآ يا عمو امته

أحمد :_ النهارده بعد العصر

ماريا :_ اوكى يا عمو هكون جهزه انشالله

أحمد :_ ربنا يجزيكى خير

ماريا :_ يارب عن اذنك هخش اوضى

أحمد :_ اتفضلى يا حبيبتى

ودخلت ماريا اوضتها

إيمان :_ تبرع ايه اللى انت ناوى عليه

أحمد :_ انا قولت كده علشان اعمل تحليل DNA ليها ولوعدى من غير ما تعرف

إيمان :_ طب لو طلع اخوها هتعمل ايه

أحمد :_ هعرفها طبعآ وهخلى هنا معانا فى الفيلا

إيمان :_ انا صعبان عليه مصطفى اوى متعلق بعدى وكمان بعد أميره عنه

أحمد :_ صعبه بعد ما كان مفكر ان هو ابنه وعايش معاه خمس سنين وفى الاخر يكتشف ان هو مش ابنه وان كمان هو مش بيخلف ربنا معاه صعبه على اى حد

فى دخلت عمرو

عمرو :_ ايه ياابو حميد قاعدين بترجعه الزكريات مع بعض ولا ايه

أحمد:_ ذكريات والضهر وفى الصاله ده انت ذكى اوى

عمرو :_ عادى يا ابو حميد العيال مش هنا وغمزره😉😉يعنى الجو خالى ليكم

أحمد:_ تعرف ايه اكبر غلطه غلطها فى حياتى

عمرو :_ ايه يا ابو حميد

أحمد:_ ان عرفتك ولا اللى اكتر ان جيت وسكنت جمبك

عمرو :_ ده يزيدك شرف يا اخى

أحمد :_ طب ايه مراتك بتنادى عليك

عمرو :_ قعد وقال مش سامع حاجه

أحمد :_ عليك برود يا اخى مشفتهوش على حد

عمرو :_ هههههههه ما انا عارف وده ميزه فيه

أحمد :_ يعنى عجباك القعده هنا

عمرو :_ اه اصل الصراحه الدكتور واصفلى القعده عندكم

أحمد :_ شد إيمان من ايديها وقام وقال خلاص خليك قاعد هنا واسمع كلام الدكتور ومشى وسابه

عمرو :_ طلع يجرى وراه وقال خد هنا يلا رايح فين انت يا ولا ومشى وراهم

.....................................................

عند إيمان فى الكليه كانت قعده فى الكافتريه وجه عليها عبدالرحمن

عبدالرحمن :_ صق صق ايه ده هو الجواز مش حلو ولا ايه وغمزلها 😉😉

إيمان :_ سابته ولسه هتمشى مسكها عبدالرحمن من أيديها وقال

عبدالرحمن :_ ايه حازم معرفش يظبطك ولا ايه لو معرفش 😉😉انا فى الخدمه

إيمان :_ لو سمحت احترم نفسك انا دلوقتى مرات اخوك

عبدالرحمن :_ وايه يمنع انتى عايزه تقنعينى انك كرهتينى

إيمان :_ اه كرهتك علشان انت ندل وجبان ومش راجل وكرهت قلبى علشان هو اللى ضعف ووصلنى للانا فى انا معرفش كانت فين عنيا قبل كده وازاى مشفتش حققتك

عبدالرحمن :_ كدابه انتى لسه بتحبينى وعنيكى فضحاكى

إيمان :_ انت ايه يا اخى معندكش دم

عبدالرحمن :_ احنا ممكن نبقى مع بعض ونروح نستمتع مع بعض فى الشقه من غير ما حد يعرف وهظبطك احسن تظبيط

إيمان :_ رفعت أيديها ونزلت بيها على وشه وقالت انت ايه يا اخى شيطان ماشى فى الارض ازاى عايز تخون أخوك مع مراته وفوق كل ده مراته دى تبقى بنت عمك انت ايه ها ايه

عبدالرحمن :_ حط ايديه على خده وقال انتى قد اللى عملتيه ده انتى كل ده ومشفتيش الوش التانى لعبدالرحمن بس ودينى وما اعبد لاخليكى تندمى على اللى عملتيه ده هكرهك فى نفسك هخليكى تتمنى الموت ومطلهوش وخليكى فكره انك انتى اللى خرجتى الوش التانى وسبها ومشى

إيمان :_ بعد ما مشى عبدالرحمن قالت ربنا على الظالم انت مش بنأدم ربنا يكفينا شرك

.....................................................

عند تالين فى الجريده كانت قعده مع تقى

تالين :_ انتى عارفه يا بت يا توتو انا بحس ان انا اتخلقت لمراد وهو اتخلق ليا يعنى مكنش ننفع لحد غير لبعضينا رغم اختلفنا فى الطباع انا عنديه وعصبيه وهو مبيحبش العناد ولا العصبيه بس برضه بنكمل بعض وتملى مغرقنى بحبه وحنانه

تقى :_ هيييييييح اوعدنا يارب

تالين :_ وحياة امك بلاش قر علينا

تقى :_ انا مش عارفه ليه محدش بيعبرنى ويبصلى هو انا وحشه ولا حوله ده انا قربت اتخلل والله ده انا بقى عندى تسلخات فى المشاعر والله يا اختشى معندكيش عريس يكون كريم لتسلخات مشاعرى دى

تالين :_ هههههههههههههه لا معنديش كريم لتسلخات دى

تقى :_ هعنس يا اخواتى عايزه عريس يلحقنى من العنوسه اوعدنى بعريس يارب عايزه عريس ياناس

فريد :_ طب انا انفع وانا والله بدور على عروسه

تقى :_ 😨😨😱😱😱😱 وطلعت تجرى من مكتب تالين على مكتبها

تالين :_ ههههههههههههههههههههههه😂😂😂 حرام عليك كسفتها هههههههههه

فريد :_ دى مجنونه رسمى دى هتتجوز على نفسها

تالين :_ هههههههههههه انتى كنت جاى ليه

فريد :_ جيت اخد نسخه من الاوراق بتاعة تحقيق فهد الدمنهورى

تالين :_ وانت غلس اوى ليه مخلتش مراد هو اللى يجى

فريد :_ لا والنبى بمزاجنا احنا ما جوزك عنده شغل مهم وطبعآ حازم عريس مفيش غيرى

تالين :_ ماشى يا اخويه اتفضل الورق اهو

فريد :_ ماشى شكرآ وابقى اكشفى على مخ صحبتك دى

تالين :_ ده لو لاقتها حيه تلاقى من الكسوف اغمى عليها ههههههههه

فريد :_ طب روحى شوفيه بسرعه سلام

تالين :_ سلام

ومشى فريد وراحت تالين لمكتب تقى

.....................................................

فى مكتب تقى دخلت وهى هتموت من الكسوف وبتقول

تقى :_ يا نصيبتى السوده يا انى يا اما اروح فين واجى منين الراجل يقول عليه ايه دلوقتى يا نهار اسود يا كسوفى لالالا كده كتير ده الواد مز يقول عليه ملهوفه على الجواز ليه لازم انسحب من لسانى لالا هيغمى عليه لالا انا اغمى عليه خلاص

تالين :_ اغمى عليكى ازاى يا مجنونه وانتى بتتكلمى

تقى :_ توته تعالى قولى قال عليه ايه

اكيد قال عليه مش متربيه صح علشان ملهوفه على الجواز قولى مش هزعل بجد قال

تالين :_ بااااااااااااااااس افصلى

تقى :_ ما انا ساكته هو انا فتحت بقى

ولا نطقت بكلمه واحده ما انا ساكته

اهو يالههههههههههههوى قلبى هيقف عليه والنعمه

تالين :_ اللهى يا شيخه يقف عليكى علشان ارتاح من لكك ده الراجل مقلش حاجه عنك وحشه

تقى :_ بجد ي.ي.يعنى مقلش عليه واحده مش متربيه

تالين :_ مقلش عليك حاجه واتكتمى بقى

تقى :_ بس يخربيت جمال امه هو فى كده مز اخر حاجه

تالين :_ يا بنتى ماانتى من دقيقه كنتى عملها مناحه فى ثانيه قلبتى

تقى :_ ههههههههههههههه بس قوليلى هو بجد عايز عروسه لو عايز قوليلو والنبى على اختك عايزه اتجوز يا ناس

تالين :_ هههههههههههههههههههههه مجنونه رسمى

وسبتها ومشيت على مكتبها

.....................................................

عند مراد فى المكتب كان قاعد بيفكر فى تالين وعن فرحتها لما تشوف المفاجئه اللى هو عملها ليها وفى الوقت ده دخل عليه حازم

حازم :_ السلام عليكم

مراد :_ وعليكم السلام ايه نزلك

حازم :_ مفيش هقعد اعمل ايه فى البيت وبعدين عندى شغل مهم فى قضية فهد الدمنهورى

مراد :_ طب وإيمان مزعلتش

حازم :_ لا ما هى نزلت برضه الكليه علشان عندها محاضرات مهمه

مراد :_ والله انتو الاتنين مجانين علشان تنزله فى الوقت ده

حازم : _ سيبك انت مننا توته عامله ايه

مراد :_ كويسه الحمدالله متزعلش منها على اللى قالته فى المستشفى بس هى كانت زعلانه على اختها

حازم :_ لا انا مزعلش من توته دى اختى وبعدين هى معاها حق تزعل على اختها

مراد :_ ومش ناوى برضه تحكى ايه سبب جوازك من إيمان

حازم :_ عادى يعنى هى كويسه وانا كنت بدور على واحده كويسه اتجوزها

مراد :_ انت بتكدب عليه ولا على نفسك وانا اكتر واحد عارف بتحب فريده قد ايه

حازم :_ خلاص بقى يا مراد فريده كانت صغيره اوى عليه وإيمان مناسبه ليا

مراد :_ براحتك متحكيش حاجه بس عنيك كشفه كذبك

حازم :_ علشان يغير الموضوع قال امال فين فريد

مراد:_ ماشى غير الموضوع براحتك فريد عند توته بيجيب نسخه من الورق

بتاع قضية فهد الدمنهورى

حازم :_ ماشى هروح انا مكتبى عايز حاجه

مراد:_ لا يا زوما ربنا يكرمك

ومشى حازم على مكتبه ومراد شاف شغله

.....................................................

عند يارا كانت بتتكلم فى التليفون

يارا :_ يعنى هتنفذ امته

ناصر :_ بكره وهو خارج من الشغل

يارا :_ بس اوعى تخيب انا عايزاك تخلصنى منه علشان لسه فى تانى عايزاك تخلص عليهم

ناصر :_ من عنيه انتى تأمرى وبكره هتسمعى اكيد خبر اللى اسمه حازم

يارا:_ هههههههههههه وهيبقى ليك مفاجئه حلوه اوى

ناصر :_ انا المهم عندى رضاكى يا ست الكل

*********************

إلي هنا ينتهي الفصل الحادى والعشرون من رواية أعشق تمردك ولكن بقلم دودو محمد

تابع من هنا : جميع فصول رواية أعشق تمردك ولكن بقلم دودو محمد
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد

تابع من هنا: جميع فصول رواية فى قلبى أنثى عبرية بقلم خولة حمدى

تابعوا صفحتنا على الفيس بوك للمزيد من روايات عربية
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية احببتها في انتقامي بقلم عليا حمدى