مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية كاملة جديدة للكاتبة دنيا صابر والمليئة بالعديد من الأجداث المثيرة والمتشابكة فى إطار إجتماعى , وموعدنا اليوم علي موقع قصص 26 مع الفصل السادس عشر من رواية غيث بقلم دنيا صابر .
رواية غيث بقلم دنيا صابر - الفصل السادس عشر
رواية غيث بقلم دنيا صابر - الفصل السادس عشر
تبدا عاصفه القلوب عندما تشعر انها علي وشك الفقد، التغير الاهمال.
مراد بعصبيه وهو قلق : ممكن تهدي لاني مش فاهم حاجه اهدي وقوليلي انتي فين وانا جاي ليكي حالااا
منه وهي منهاره : ف.........
مراد وهو يركب سيارته : جاي لك حالا متتحركيش من مكانك
ما هي الا دقائق ووصل الي مكانها وجدها تجلس علي احد الكراسي بجانب كليتها تبكي بشده اقترب منها بسرعه وتحدث بقلق : في اي مالك يا منه اي الي حصل ؟!
منه ببكاء : الزفته.... خليتهم.......
مراد بقلق وعدم فهم : ممكن تهدي الاول تعالي معايا العربيه واهدي ...... ها قوليلي بقا اي الي حصل
منه وهي تمسح دموعها : الزفته الي متحدياني وعاملين المسرحيه دي كلها عشان متتكبرش عليا وتطلعني كدابه في الاخر سلطت شباب يرخموا عليا وانا مروحه وكانو بيتطاولوا عليااا دول كانوا بيقولوا كلام قليل الادب اوي
مراد وهو يقبض علي يده وبحزن : مسرحيه ؟!!!! هو انتي لسه معتبراها مسرحيه علي العموم انا هشوف شغلي مع الكلبه دي كويس متقلقيش اهدي وانا هنزل اشتريلك عصير يهديكي شويه
هزت راسها بالايجاب وهي تمسح دموعها وتنظر له وهو يخرج من السياره ابتسمت بخبث علي تفكيرها الشيطاني محدثه نفسها : هو دا الكلام ما هو انا مش هحبك لوحدي لازم تعترف لي وتقولي بحبك يا منوشة قلبي ويا انا يا انت ما انا مقراش كل الروايات دي وميحصليش اكشن ولاف لاااافااا زي الناس الي في الروايات ولا اي ......
بدات بالتمثيل انها تبكي مره اخرى عندما رأته مقبل عليها ومعه العصير
مراد : خدي اشربي واهدي كدا وانا هنا متقلقيش
منه وهي تمسك العصير بهدوء : شكرا
مراد : منه مفيش بينا الشكر داا متقوليهاش تاني لو سمحتي
منه : ازاي لازم اشكرك عشان خاطر جيت رغم ان الي بينا ما هو الا مسرحيه ومع ذلك جيت
مراد بنرفزه وعصبيه : برضوا هتقولي مسرحيه
منه بغباء : ايوا مش هي مسرحيه برضوا
مراد وهو ينفخ بضيق : اسكتي يا منه اسكتي احسن
نظرت للنافذه وهي تخفي ابتسامتها الماكره عنه حتي لا يراها ويكتشف كذبتها (وهنا نستطيع قول احذرو من مكر النساء)
___________________
الجد بغضب وهو يصفعها علي وجهها : مهااااااا انا قلت اقعدي اعملي احترام ليااا
اقترب يحيى بسرعه ببعدها عن جدها ويجعلها تقف خلفه متحدث بهدوء : مينفعش كدا حضرتك
مها وهي تنظر لجدها بضيق والم وهي واضعه يدها علي خدها : علي جثتي يا جدو انا مستحيل اتجوز الحشره دااا
وسقطت مغشيًا عليها
الجد بقلق : الحق يا ابني اصل تروح فيها دي مريضه و...
يحيى وهو يحملها ويخرج بها الي سيارته : عارف عارف هي مالها هوديها المستشفي واطمنك عليهاا
الجد بخوف : استر يارب
دقائق ووصل الي المستشفي يصرخ بغضب : دكتور بسرعه يا اغبيه
ما هي الا ثواني وخرج الطبيب
يحيى وهو يتقدم منه بسرعه : ها يا دكتور طمني
الطبيب بعمليه : المريضه في حاله سيئه جدا ومحتاجه تتحجز هنا كام يوم
عقد يحيى حاجبيه : ليه
الطبيب : احنا عملنا اشعه ووضح انها مريضه كانسر ودا واضح جدا فهنحتاج اننا نحجزها عشان تستعيد حيويتها وصحتها شويه هي اهملت نفسها جدا الفتره الي فاتت ودا واضح من الانيميا بتاعتها
يحيى بهدوء : تمام ممكن ادخل اطمن عليها
الطبيب : اوي اوي اتفضل
دخل يحي بهدوء وهي نظرت له وبسرعه بدات بهندمت ملابسها ومسح دموعها : داخل ليه عشان تشمت فياا عشان تشوفني وانا ضعيفه ليه كل مره اشوفك مشوفكش الا وانا في اشد ضعفي !؟
يحيى بهدوء وجديه : انا مش داخل اشمت فيكي خالص والله يعلم الله اني مش بكن ليكي اي حقد او اي نيه سيئه
،انا طالب اساعدك وبس
مها باستهزاء : والمفروض اني اصدقك ؟!
يحيى : ومتصدقنيش ليه !!
مها بنرفزه : عشان انت واحد نصاب وطماع جاي تضحك علي جدو بكلمتين عشان يوافق اتجوزك وقال اي جاي تساعدني مستغل اني تعبانه وبتعمل دور الطيب الحنين عشان انا زي البنات الهبله اشوفك الهيرو الي مفيش زيه الي دايما واقف جمبي وبينقذ حياتي لا للاسف مش انا الساذجه الي يتضحك عليها انا اكبر منك علي فكره مش عبيطه وبعدين انت بالنسبالي مجرد موظف غبي وبس
يحيى وهو يحاول ان يتحكم باعصابه : ممكن تتكلمي معايا بدون غلط
مها بغيظ : انت ليه مستفز كدا
يحيى بهدوء : انا بحاول اوصلك ان مش هدفي الفلوس او اني طمعان فيكوا زي ما انتي مفكره
مها بضيق : كذاب، مش هصدقك مهما حصل
يحيى وهو ينظر لعينيها بهدوء : انا هخليكي تصدقيني
اشاحت بنظرها عنه غير مباليه لكلامه، تنهد هو بضيق وحزن علي وضعها
________________
تقف امامه وهو جالس علي السفره ينظر لما وضعته من طعام ويعقد حاجبيه : اي دا
جوهره ببلاهه : اكل
غيث بنرفزه : ما انا عارف انه اكل اقصد فين الفطار في واحد يوم صباحيته يفطر توست وجبنه وخيار !!!
جوهره باستعباط : ومالها الجبنه دا جميله حتي دوقها
غيث بنرفزه : انتي هتستعبطي
جوهره بابتسامه غبيه : لا
غيث بضيق : بقالك ساعه واقفه في المطبخ عشان تعملي في الاخر جبنه وخيار
جوهره بضحك : انا مش فاهمه انت متعصب ليه مالها الجبنه حلوه وطعمها حلو دي باين عليها من الغاليه اصلا
غيث وهو ينظر لها والشرار يتطاير من عينيه وقف من مكانه وابتعد متجه الي غرفته وهو يتكلم بغضب : انا نازل مش عايز اكل
جوهره وهي تضحك بخبث : الخطه رقم واحد تمت يا انا يا انت يا ابن العطار
_______________________
بالشركه تحديدا مكتب غيث دخل عليه صديقه مروان وهو يضحك _ اي ي عريس حد بردو يجي الشغل يوم صباحيته
غيث وهو يرفع عينه من الاوراق تحدث بنرفزه : مروان انا مش فايقلك
مروان بتنهيده : انت كدا بتظلم نفسك وتظلمها معاك يا صاحبي فوق لنفسك عشان متندمش
غيث بعصبيه وصوت عالي: مروان بلاش نتكلم في الحوار دا عشان انت عارف اني مش هتراجع عن الي في دماغي مهما حصل
مروان : طيب اهدي خلاص تعال يلا اعزمك علي الغدا لان حازم بيقولي كل شويه عمو غيث وحشني
غيث بابتسامه : وهو وحشني اكتر القرد دا
مروان بشهقه : قرد في عينك ابني قرد
غيث وهو يخرج من مكتبه : مش ابنك يلا يا عم لحسن اليوم كان بدايته غم وماكلتش
___________________
بعد يومين تقف امام اخيها وعيناها ممتلئه بالدموع : ازاي مقولتليش يا ادهم علي حوار زي دا
ادهم وهو ينظر لسمر لعلها تنقذه ولكن هزت راسها بلا فهي ليس بوسعها فعل شي تنهد ونظر لاخته متحدث بحزن : اسامه حلفني مقولش لحد وخصوصا انتي بس ضميري واحساسي بالذنب اني معرفتش اقنعه انه يعمل العمليه عذبني فعشان كدا قررت اقولك.
ريهام وهي تبكي : وليه رافض طالما في امل ليه مش عايز يعملها ؟!
ادهم بحزن : مدانيش اي سبب انا اتصدمت منه لما لقيته رفض
ريهام وهي تقف وتمسح دموعها : خدني عنده وديني هناك يا ادهم
ادهم وهو ينظر لسمر : مش هيرضي يدخلك هو رافض اي حد يروح عنده
ريهام باصرار : ارجوك يا ادهم انا هقنعه
ادهم تنهد بيأس وهو ينظر لسمر
سمر برقه : وديها يا ادهم ممكن هي تقدر تقنعه فعلا
ادهم بيأس : طيب هستناكي في العربيه
بعد دقايق امام العماره
ادهم وهو ينظر لريهام : اي رايك نجيله بكرا بلاش النهارده انتي اعصابك تعبانه وعماله تعيطي
ريهام باصرار : لا انا هنطلع له
ادهم بهدوء : طيب
رن جرس الشقه وبعد ثواني فتح اسامه
ادهم : اي يا عم فينك من يوم المستشفي وانت مبتردش عليا ليه ومنفضلي
اسامه بهدوء وهو يدخل : عامل الفون صامت وملاحظتش
دخلت بهدوء دون اصدار اي صوت تحبس دموعها تنظر له بشوق ولهفه، تنظر لكل تفصيله به واضح جدا عليه علامات التعب والحزن ظلت تنظر له بدون صوت مستمتعه بصوته وهو بتحدث مع اخيها شعرت بانها ستبكي فقررت الرحيل بهدوء وصمت لا تستطيع المقاومه اكثر ستبكي بالتاكيد ولكن قاطع خطواتها صوته وهو يتحدث بهدوء : راحه فين
وقفت بصدمه كيف عرف بوجودها هي لم تصدر اي صوت واخيها لم يقل انها معه التفت له وتحدثت وهي تنظر لادهم : سمعت خطواتي !؟!!!!
اسامه : لا سمعت قلبي يا ريهام
ريهام بدموع وعتاب : ليه مش عايز تعمل العمليه
اسامه : اهااا جيتي عشان كدا
ريهام وهي مكمله بنفس النبره : مش عايز تشوفتي من تاني!؟
اسامه بهدوء : مش عايز اشوف اي حاجه
ريهام ببكاء : لييييييه
اسامه ببساطه : عاجبني الضلمه والسواد
ريهام : انت كدا بتموتني بالبطيئ
اسامه : روحي يلا يا ريهام ادهم خد اختك وارجعوا
ريهام : مش هروح
اسامه وهو يتحرك ممسك بعصاته : براحتك انا هدخل انام
بدات يتحرك متجه لغرفته شعر بها تمسك يده وتضغط عليها وهي تبكي : لامتي هتفضل تعذبني ببعدك عني كدا ؟! لسه لحد الوقتي مصعبتش عليك ؟! انت عايز تثبت لي انك مرتاح بعد ما بعدنا عن بعض؟! موحشتكش؟!
اسامه وهو يشعر بقلبه يتفتت لاشلاء سحب يده بعيد عنها والتفت لها وتحدث بحده : ريهام امتي هتفهمي اني مش شايفك انت قدامي الوقتي ومش عارف انتي فين ولا في اي اتجاه حالك ازاي ؟!
ريهام بسرعه امسكت يده : انا اهو قدامك متحركتش
اسامه وقد احس انه فقد السيطره في مشاعره تحدث بحزن : ريهام خلاص احنا بعدنا وافترقنا واتعودنا وعدينا الفتره الي فاتت ونقدر نصبر ونكمل
ريهام ببكاء : لا لا مقدرش مين قالك اني قدرت ولا اني ممكن اقدر اصلا
كان ادهم يتابع حديثهم بصمت ولكن قرر الانسحاب عندما شعر بان صديقه سيلين عن قراره خرج ووقف امام الشقه منتظر اخته لعلها تعرف كيف تقنعه
اسامه بحزن : انتي ليه مش حاسه بيا
ريهام بحزن وحده وهي تبتعد خطوتين عنه : صح انت صح كل الي بتقوله صح انا مش حاسه بيك لاني ما مريتش بالي انت فيه الوقتي لو انا اتعميت وقتها هحس بيك واسيبك انا
اسامه بصدمه : تقصدي اي !!؟
ريهام بهدوء وهي تبتعد عنه : اقصد الي انت فهمتوا بالضبط
اسامه وهو يحرك يديه امامه ليعثر علي ريهام : انا مفهمتش تقصدي اي
ريهام بحده : اقصد اني كمان هعمي نفسي عشان احس بيك واسيبك واهتم بنفسي
اسامه وقد اقترب منها : انتي اتجننتي!؟؟؟
ريهام ببكاء : ايوا انا اتجننت انت جننتني مبقيتش قادره افهمك فين وعودك ليا انك هتفضل معايا علي طول وانك مش هتتخلى عني !؟
اسامه بحزن : الضلمه الي انا عايشها مش عايز حد يعيشها ازاي تقولي كدا انتي عايزاني اموت عشاني بطلي تفكري كدا
ريهام وهي تبتعد عنه : انت سيبتني واتخليت عني هيهمك في اي بقا لو حصلي حاجه
اسامه وهو يبحث عنها ويحرك يديه امامه : ريهاام انتي فين ريهااام ...
ريهام وهي تتحدث وهي قريبه من باب الشقه : انا اسفه علي اني جيت وازعجتك ابقي خد بالك من نفسك
اسامه وهو يقترب من صوتها : ريهام
ريهام بهدوء : بعد اذنك مضطره امشي
اسامه بحب : حبيبتي
ريهام بعدما سمعت كلمته بكت بقوه واقتربت منه وامسكت بيده : اسامه
اسامه بحب : يا قلب وروح ونبض اسامه انتي
ريهام وهي تمسح دموعها : ليه عملت كدا ليه اتخليت عني وبعدتني عنك
اسامه ..........
______________
عمر وهو يغمز لها : ها ابوكي قال اي يا جميل
اسراء وهي تنظر للملفات امامها: عمر اسمها باباكي اي ابوكي دي
عمر بضحك : مالك زهقانه كدا ليه
اسراء وهي ترفع له الملفات الكثيره : كل دي ملفات لازم اخلصها وانا تعبت
عمر بضحك : كان نفسي يا حبيبتي اقولك اشتغلهم مكانك بس الحال من بعضه
اسراء بضحك : بقول لك اي اشتغل بسرعه عشان هتعزمني علي كشري عشان جعانه موووت
عمر : اي دا انتي هتبتديها طمع من اولها ولا اي
اسراء : مش عاجبك ولا اي
عمر : لا عاجبني جدا يا قمر انت يا حلو
اسراء بخجل : اتلم
عمر : اتلم اصبري عليا بس لما نكتب الكتاب
__________________
جوهره وهي تتحدث في هاتفها : عامله اي يا منوش
منه : زي الفل وانتي قوليلي اي اخبارك مع جوزك
جوهره بضحك : مجنناه مخلياه يتخانق مع دبان وشه
منه بضحك : تربيتي
جوهره : وانتي عامله اي
منه بمكر : شغاله معاه خطة دال
جوهره بعدم فهم : اي خطه دال دي
منه بضحكه : هحكيلك .........
تابع من هنا: جميع فصول رواية أرض زيكولا بقلم عمرو عبدالحميد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا