رواية فصيلتي القوية بقلم ريناد يوسف - الفصل التاسع
رواية فصيلتي القوية بقلم ريناد يوسف - الفصل التاسع
تابع من هنا: روايات رومانسية جريئة
مهاب صحى الصبح وبص حواليه لقى ريناد بتعمل تمارين ضغط جه يحرك رقابته وجعته
مهاب بيدلك فى رقابته بألم
ريناد :تستاهل ايه نومك ع الكنبه
مهاب :طب انا ونمت على الكنبه شيلينى انتى دخلينى جوه
ريناد وقفت تمرين وبصتله : نعممم
مهاب :ايه مهتقدريش ولا تقيل عليكى؟ كنتى لفحتينى على كتفك ودخلتينى على السرير
ريناد كملت تمرين :لفحتك عقربه ياشيخ وانا كنت خلفتك ونسيتك
مهاب : طب داناحتى يتيم والحنيه عليا صدقه..
ريناد :وانا احن عليك ليه ؟
مهاب :امال فالحه بس تبوسى فيا بعد ماانام؟ عتستغلى نومى يامتحرشه؟
ريناد وقفت عن الحركه واتسمرت من الصدمه ورفعت وشها وبصت قدامها بعيون مبرقه
مهاب ابتسم على منظرها وقام نط قعد قدامها ومثل البكا :رناد احب على يدك قوليلى الصراحه عتبوسينى بس بعد ماانام ولا الشيطان سولك تعملى فيا حاجه تانيه؟ قوليلى متخبيش عليا
عشان الحق اصلح اللى اتكسر..
قوليلى يارناد انا زى منا ولا مش زى منا ولا ايييه
قولى اللهى يسترك ياشيخه
ريناد لسه على وضعها باصه قدامها وعنيها مبرقه وبوقها مفتوح وواخده وضع تمرين الضغط ومحمله على اديها وثابته زى الصنم
قمر كانت متابعه اللى اتقال كله وخربانه من الضحك بس بصوت واطى،، ومهاب شاور قدام وش ريناد اللى معملتش اى رد فعل،، وسابها وقام على الحمام وهو بيضحك لقمر وبيهز كتافه بتمثيل من كتر الضحك وشاورلها على ريناد، وقمر ضربته على كتفه وقربت على ريناد وقعدت قدامها ووطت بصت فوشها :
يادى الكسفه اللى انتا فيها ياحازم.. وزقت ريناد بصباعها السبابه ريناد وقعت على جمبها بنفس وضع التمرين
قمر لمهاب :😂البت اتحجرت من الكسفه يافقرى
مهاب :قليل عليها المتحرشه دى هى فاكره ولاد الناس لعبه.. واقولها كنتى شلتينى تقولى خلفتك ونسيتك فالحه بس تيجى بالليل اموووواه وباس ضهر ايده بصوت عالى..
ريناد اتهزت زى الانسان الالى وهى متخشبه
قمر بصتلها ووقعت على الارض من الضحك ورفعت رجليها لفوق وفضلت تفرفط من كتر الضحك
مهاب بص لريناد :انا خارج رايح الشغل ومش هفطور عشان مليش نفس بعد مااكتشفت اللى بيحصلى بعد ماانام وانا ممديش خوانه.. وقام عشان يمشى وبص لقمر
اوعى المتحرشه دى تتحركش بحد غريب وانا مقاعدش احرسيها وفهميها ان البيت ده طاهر وهيفضل طول عمره طاهر..
قمر وهى بترقص :ويام المطاهر رشى الملح سبع مرات ومهاب خارج وبيهز فى اكتافه زيها تمن مرات
قمر :عشر مرات
مهاب بنفس النغمه :اقفيلو الباب... انا ماشى خلاص..
وريناد فى اللحظه دى قعدت وهى مبلمه
قمر :دايما بيبقى منظركم اكده بعد ماتعملو عملتكم فى ولاد الناس وتضيعو مستقبلهم،، عتندمو وتفوقو حيث لا ينفع الندم.. طب ضميركم عيبقى وين قبليها 😄
ريناد بصتلها بغضب:هتعملى زى اخوكى ياجزمه انتى كمان؟ والله معملت حاجه انا بوسته على خده بوسه اخويه وهو اللئيم كان عامل نفسه نايم!!!
قمر :متظلميهوش تلاقيه كان نايم صوح بس تلاقى شنبك شوكه صحاه 🥴
ريناد بصتلها وابتدت تتنفس بصوت عالى مسموع
قمر وهى بتقوم بسرعه :ايه هتتحولى ولا ايه؟ اهدى احنا بالنهار المفروض الحاله دى تجيلك فنص الليل مع اكتمال القمر... انا كنت حاسه انك مستذئبه من لاول بس كنت عكدب احساسي.. وجريت على الحمام وقفلت الباب وريناد فضلت تخبط عليها بقوه..
قمر :اهدى هتزعجيهم وتخليهم يلبسونى جاكى المرار.. وفجأه الكوز وقع فى الحمام قمر صرخت وفتحت الباب وطلعت جري.. ومسكتها ريناد وشالتها على كتفها وجريت بيها لبره..
قمر :هتعملى فيا ايه حرام عليكى اوعى تموتينى وانا نفسى اتجوز اطلع عفريته متحرشه زيك
ريناد رزعتها على الارض ونامت فوقها :اعمل فيكم ايه انتى واخوكى يامناخوليا،، انتو هتجننونى خلاص قربت مش فاضل عندى غير برج واحد وقرب يطير،،،
قمر :على يدى بعون الله
ريناد فضلت تضرب فيها فكل حته بهزار وقمر تضحك
ريناد بنهجان :يلا عشان تخبزى
قمر :اقولك ايه يارناد ياختى ان كان حبيبك عسل على كد لحافك مد رجليك انا عقلك اهه
ريناد :نعم؟؟؟
قمر: ايوه كيف ماعقولك اكده هلا هلا عالجد والجد يامرحب بيه
ريناد :اتكلمى وسيبى الامثال فحالها يخرب بيتك
قمر :بصى من هنا ورايح انتى اللى هتخبزى وهتطبخى ومتقوليش معرفش هعلمك واللى يخرب نوكلوه لمهاب اهو منها تتعلمى ومنها مهاب يتربى ويتأدب
ريناد 😂موافقه
قمر : قشطه.. ودلوك قدامى عالخبيز دنا على مابخلص عجين دراعاتى بيتخدلو وانتى عندك دراعات تنزل فى اردب عجين متقولش آخ
ريناد :طيب خلاص هاتى هعجنلك بلاش غلبه
قمر جابتلها العجين وريناد ابتدت تعجن وتضرب فى العجين بوكسيات وضربتين من فوق وضربه من تحت وهى بتصرخ يااااع هى هو يااااه هى
قمر مكرمشه نص وشها وباصه لريناد اللى مندمجه مع العجين وعماله تضرب فيه
ريناد :قمر كفايه كده
قمر :له لسه مترباش متعلمش من غلطه شدى عليه شويه عشان ميكررهاش تانى عملته السوده الوقعته بين اديكى دى
ريناد :طيب ممكن انزل فيه برجليا
قمر :ايوه ياحبيبتى وكمان متخلعيش الشبشب انزلى بيه عشان مخمرة طين هو
والنبى مهاب ميشوف عجينك ميدوق الزاد من تحت يدك جاكى المرار.. اعجنى خلصى مش عضلات عالفاضى
ريناد بعد مده وهى بتنهج :بس كده ولا ايه
قمر :كفايه اكده زين قوى يستحمده
ريناد :يالهوووى دا العجين ده صعب اووى كانى عملت ١٠٠ ضغطه
قمر :امال انتى فاكره ايه تعالى تعالى اقعدى قدام الفرن وولعيها تسخن على مالعيش يرتاح فى الماجور وتعالى هعلمك تعملى طاجن باميه باللحمه الضانى فى الفرن
ريناد دخلت المطبخ وابتدت هى تعمل كل حاجه وقمر توصفلها وبس وخبزت العيش وخلصت وهى فخوره بنفسها وسعيده انها خبزت وطبخت لمهاب وهياكل من عيشها لاول مره وطبيخها هى
ريناد لقمر :قمر بقولك ايه متيجى نساوى حته صغيره من الارض ونحاول نزرعها انا وانتى حتى من توابل البيت يعنى كسبره حلبه كمون كده يعنى
قمر :عاوزه تزرعى ازرعى لوحدك انا مبحبش الزرع وقبل ماتزرعى تعالى اشرحيلى شويه امتحانى قرب عاوزه اجيب مجموع حلو حتى ٥٥ %
ريناد :كل ده يامفتريه
قمر :الطموح حلو برضيك
ريناد :طب تعالى يامجنونه وهاتى كتبك
قمر وريناد خلصو مزاكره وريناد خرجت جابت فاس وساوت حوض صغير وروته بالميه ورشت فيه كسبره ناشفه وقعدت قصاده بعد ماخلصت وهى وقاعده جه عليها مهاب
مهاب :عتعملى ايه ياخيتى وقاعده اكده ليه
ريناد بفرحه :زرعت كسبره
مهاب :وهتقعدى قصادها لغاية ماتخضر ؟
ريناد :لا طبعا هو انا هبله انا كل شويه هخرج ابص عليها بس
مهاب :صدق اللى قال عليكم فى نعيم يلا قومى خلينا ناكلو
ريناد افتكرت انها هى اللى طابخه وخابزه وقامت تجرى بحماس وحضرت السفره
حطت عيش كتير قدام مهاب مهاب مسك وحده من العيش لقاها ليها زوايا كتير ومش متساويه
بقلم /ريناد
مهاب :ايه ده انتو لعبتو حرب الصحون الطايره بالعيش ولا ايه؟ وبص لقمر وريناد:
لعبتو الغزو الفضائى انتى وهى ومسك وحده تانيه مخرومه من النص وايه ده جاتها طلقه فى المنتصف من وين دى عملتو ايه فى العيش ياظلمه عتلعبو بنعمه ربنا؟؟؟
قمر غمزتله وعضتله على شفايفها :اسكت مش ريناد اللى خبزت النهارده شوف عيشها طالع عيضحك ضحك ازاى
مهابباستغراب... عيضحك؟؟!! ومسك وحده زى ماتكون وش مكشر من الكلاكيع اللى فيها 😣ورفعهالهم قدامهم
بصو انا مش هتكلم هخلى دى ترد عليكم..
قمر وريناد بصو لبعض وريناد برغم زعلها ضحكت اوووى وقمر كمان زيها
قمر :الكدب خيبه
مهاب :ملوش رجلين
قمر :بس طعمه حلو غمض عينك وكل هتلاقى طعمه حلو والله
مهاب :طب شكل العيش اللى شايفه بعينى بتقولو عليه عيضحك اءامن اكل وانا مغمض عينى كيف عاد؟
له لايمكن، مهغمضش مش هسمحلكم تستعمونى
قمر :طب دوق اكده طاجن الباميه ده وقولى رأيك مهاب بص لقى البااميه عايمه فى التسبيكه الخفيفه والتسبيكه كتيره وصايصه
مهاب هز الطاجن والباميه اتحركت : يامرارك يامهاب الباميه عتمشى وبص لقمر اللى بتغمزله
مهاب :بطلى غمز هاكل .. هاكل ياحزنى 😭 بس اصبرى وقام قلع التيشرت وقعد تانى
يلا تعالو كل وحده فيكم تحلقلى على الباميه من ناحيتها وانا هنشن واصيد ماشى
ريناد وقمر :😂😂
مهاب اكل بالعافيه وقام وراح على الحمام يغسل اديه ولف وبص لريناد وقمر اللى كاتمه ضحكتها
مهاب :رناد
ريناد بصتله
مهاب :المعلم عيقولك الوكل ميه ميه وشغلك زى الفل ومتجيش بكره قصدى متطبخيش بكره
ريناد :والله محد هيطبخ غيرى من هنا ورايح وهتاكل غصب عنك
مهاب :له ارجوكى يارناد وراح مسك اديها :ايا كان اللى عملتو معاكى ميستاهلش العقاب ده ارجوكى سامحينى وخلي قلبك كبير
ريناد :لاء
مهاب :ارجوكى
ريناد :لاء
مهاب بصوت مهزوز بتمثيل رفع اديه لفوق وبيتكلم وهو ماشى :يمهل ولا يهمل يمهل ولا يهمل..
قمر وريناد بصو لبعض وضحكو وضربو اديهم فبعض
قمر :مش قلتلك هيتربى
ريناد :وانا هربيه ماشى يامهاب الكلب انا متحرشه طايييب
***،****************
عدى اسبوع على ابطالنا وريناد كل يوم تطبخ وتخبز بنفسها ومهاب كل ماتحط الاكل قدامه فى كل وجبه ميرضاش ياكل وريناد تجيبه بالعافيه وتقعده على الكرسى وتكتفه من ورا بأديها وهو يفضل يصرخ : وقمر تأكله بالعافيه لغاية مايبطل يبلع والاكل يوقع من بوقه تانى وبعد مايسيبوه يقع على السفره بتمثيل
وقمر وريناد يضربو اديهم فى بعض
وهو يقوم بعدها ويرفع اديه لفوق ويزعق :
منكم للاه يابعده يمهل ولا يهمل يمهل ولا يهمل
وريناد وقمر يموتو من الضحك عليه
ريناد خرجت الصبح بدرى تبص على زرعتها زى كل يوم وبرقت ونزلت لتحت وقربت من الارض وصرخت لما لقت الزرع نبت وقامت فضلت تتنطط وتصرخ
قمر ومهاب صحيو مخضوضين على صوتها وراحو على الباب يبصو عليها واتفاجئو بيها جايه بتجرى عليهم وتصرخ
مهاب وقمر بصو لبعض وصرخو مع بعض
مهاب :جوووووودزييييلاااا وزق قمر انفدى بجلدك يابت ابوى انا هفديكى
ريناد جت مره وحده نطت عليه واخدته ووقعو على الارض وهى فوقيه وبتصرخ
مهاب بصوت مخنوق :أحدُ احد أحدُ احد شيليها ياقمر كوريها من رجليها يابت ابوى همممووووت
قمر بتجر فيها وهى بتضحك قومى ياحزينه هتموتى الواد لسه مدخلش دنيا
ريناد وهى لسه بتصرخ وتزعق :الزرعه نبتت يامهاب نبتت نبتت زرعتى نبتت وفضلت تبوس فى خدود مهاب
مهاب :شاهده ياقمر شاهده يختى اهو كل يوم اكده،، طب بالزمه المبوسه دى كلها على ربطة كسبره زرعتها؟؟ عتتلككلى يابت ابوى انا لايمكن اعيش مع المتحرشه دى فمكان واحد من النهارده...
ريناد زغرتله بعنيها
مهاب :ايه عتوزغريلى ليه هتعملى فيا ايه وخبى صدره بأديه انتى حداكيش اخوات ولاد... حرام عليكى ياشيخه
ريناد اخدت نفس عالى وكورت ايدها ورفعت رقابتها وادت مهاب بوكس على وشه مثل بعده انه اغمى عليه وفرد اديه، وهى مسكته من رجليه وجرته على بره وهو طول ماهى جاراه يمسك العفش بتاع البيت وريناد تسلكه وتشده علي بره،، ومسك فى الباب وهو باصص لقمر :قمر الحقينى هتسبيها تضيعنى قدام عنيكى؟ فين شهامتك ومروئتك وبص لها وهو بيصرخ هتعملى فى ايه يامستبده على ريق الصبح؟
ريناد فضلت تجر فيه وهو غارز صوابعه فى الرمل ويصرخ وريناد تشده وقمر خربانه من الضحك... ريناد وصلت بيه عند زرعتها ورمت رجليه بعنف
ريناد :بص قدامك شايف ايه
مهاب :شايف جودزلا
ريناد ضربته برجلها فرجله وشاورتله بدماغها على زرعتها بص هنا شايف ايه
مهاب :الكسبرات بتوعك اللى هوسوكى
ريناد :شايف الزرع نبت ازاى شايف الرمله اتكست باللون الاخضر ازاى
مهاب اتعدل نص عدله وبص للزرع وابتسم ايوه شايف
ريناد :طب ايه
مهاب وهو باصص للزرع ومبتسم :ايه
ريناد :نزرعها حته حته ايدى فأيدك فأيد قم.... وقبل ماتكمل ردت عليها قمر :
مقطوعه يد قمر مقطوعه مفيش متحسبوهاش
ريناد :خلاص ايدى فأيدك على اد مانقدر هنزرع قلت ايه
مهاب وهو باصص للزرع ومبتسم مد ايده لمس الزرع :
موافق بس هتتعبى
ريناد :ملكش دعوه بتعبى ومدتله ايدها ومهاب مد ايده مسك ايدها وريناد قومته ووقفو الاتنين بصو للارض قدامهم وكل واحد فيهم بيحلم شكلها هيكون ازاى بكره
مهاب راح الشغل وريناد ابتدت اول خطوه لوحدها وابتدت تساوى فى الارض وتقسمها احواض متساويه وفضلت على الحال ده بحماس طول النهار من غير استراحه ولو شربت تشرب وهى ماشيه وبتشتغل
مهاب رجع من الشغل واتفاجئ بالمساحه اللى ريناد صلحتها وبص لقمر بزهول
قمر :مخدتش نَفسها من الصبح
مهاب :مجنونه وجرى عليها وهو بينده بصوت عااالى ريناااااااد انتى فييييين ياااريناد
ريناد بصتله وشاورتله :انا هنا ياسلاااااامه
سلاااااامه
مهاب ضحك وجرى عليها وشالها مره وحده وجرى بيها على البيت وهى بتضحك وتزعق
سيبنى عاوزه ازرع سييييبنى
مهاب :هناكل ونزرع سوا تعالى
مهاب وريناد اكلو وخرجو بحماس جريو على الارض وكل واحد قلع الجاكت بتاعه وربطه فوسطه ولبس الكاب ومسك الفاس ووطو مع بعض بيتسابقو بنفس القوه ونفس السرعه ونفس الحماس والشغف..
🌵🌵🌵🌵🌵🌵🌵🌵🌵
فى مصر :
احمد :رهف رعد مجاش من الكتيبه
رهف اتنهدت :لا
احمد :طب وبعدين
رهف :خلاص تنيناتهم ضاعو وصفينا لحالنا
احمد :هيرجعو هما الاتنين
رهف : اى علمنى شلون راح ترجعهم؟ احمد عليك الله اسكت.. راح سويلك ريوك وقامت
احمد :لا خليكى مش هاكل وسابها وخرج وهى دفنت وشها بين اديها وابتدت وصلتها المعتاده من البكى والدعوات لاولادها بالستر والسعاده وانهم يرجعو لحضنها من تانى
******************
عند ريناد ومهاب الليل ليل عليهم وهما لسه شغالين لكن قوتهم قلت كتير
مهاب وهو باصص لريناد وشاف نفس الابتسامه اللى ابتدت بيها لسه مرسومه على وشها
مهاب وهو بينهج :بقولك ايه يارناد انا شايف انك تعبتى ورمى الفاس وقعد .. نكمل بكره عشان متتعبيش اكتر من اكده ونام فى الارض وفرد اديه ورجليه وعمل مغمى عليه وريناد ضحكت وقربت منه وفضلت تردم عليه رمله بالفاس وهو جرها وقعها وقام هو وفضل يردم عليها بالفاس وصوت ضحكهم صداه بيتردد فى الافق وقمر متابعاهم من بعيد وبتضحك معاهم.
ريناد دخلت نفسها فى تحدى صعب ياترى هتكون قده وهتكمل مع مهاب ولا هتحصل حاجه تخليها تسيبه فى نص الطريق
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا