رواية فصيلتي القوية بقلم ريناد يوسف - الفصل الثالث عشر
رواية فصيلتي القوية بقلم ريناد يوسف - الفصل الثالث عشر
تابع من هنا: روايات رومانسية جريئة
مهاب دفن ريناد مخلاش غير دماغها باينه
ريناد :😢 حرام عليك يامهاب خرجنى والله انا مكنت اعرفه هيعمل كده ورحمة بابا
مهاب :رحمة بابا 😳
ريناد :😢قصدى وحياة بابا
مهاب:على العموم انا هسيبك اكده للصبح وانتى وحظك عاد صبحتى عايشه هطلعك
لكن عاد حنش جالك وباسك بوسه مشبك فى خشمك عقربه لسعتك فعينك ديب جه خطف دماغك ورمح بيها يبقى سامحينى عاد
ريناد 😭لا يامهاب
مهاب :على العموم متخافيش ممكن ربنا يسترر معاكى وميجيكيش غير كلب يتبول على دماغك بس وعشان مياكلكش انا هحطله شوية عضم جمبك كنت داسسهم من ورا العساكر بدرى اهه عشان تشوفى انا قلبى طيب كيف
مهاب سابها ودخل وهى فضلت تصوت وتبكى 😭يامهاب حرام عليك يامهاب طب شيل العضم هيلم كل حاجه عليا يامهاب مهاااااااااااااب
مهاب اداها ضهره وعمل صوت كأنه ماشى لكن رجع بالراحه وقعد وراها وريناد بتلف رقبتها شمال ويمين بخوف ورعب
ريناد :اه ياهباب الكلب والله لاربيك اه بس لو مكنتش بحبك كنت موتك بأيدى من زمان...
فجأه سكتت لما سمعت مهاب بيعمل صوت خشوله بحاجه فأيده
ريناد بتحاول تبص وراها لكن رقبتها مش بتلف معاها
ريناد بصوت بيترعش :😢اااااه اهم حضرو
ياترى انت من انهى نوع ديب ولا كلب ولا تعبان ولا اييه الحقنى ياااارااااااعد اختك بتتقتل يبنى تعالا انتا فين عاااااااااااا😭
مهاب وراها بيضحك من غير صوت وكل مادا بيزود فى الصوت اللى بيعمله
ريناد :انتا ياعم المفترس المجهول بترقص من فرحتك بيا ولا ايه 😢وبعدين وربنا دماغى كلها عضم مافيها لحمه دى جمجمه ولو بتحب العضم اهو هناك اهو هتتعب نفسك وتشد وتقطع ليه؟
مهاب من وراها قرب لودنها وبيعمل صوت ححححححححححح وراح للودن التانيه ححححححححححح
ريناد برعب :😢طب الديب وعارفه صوته والاسد كمان وكل الحيوانات لكن الحححح دى صوت ايه ؟
يامرك ياريناد دى اخرتك تموتى على يد حيوان مجهول الهويه وكمان مش هتشوفيه قبل ماياكلك!!!
الهى يامهاب يقرصك تعبان وتحصلنى فى نفس اليوم ياشيخ وفجأه سكتت لما لاحظت السكوت
ريناد بتبص بعنيها يمين وشمال 👀 الظاهر انه مشى.. والنبى يارب متموتنى يارب انا كان نفسى اتجوز مهاب واخلف منه والنبى يارب...
مهاب من وراها ابتدا يعمل الصوت من تانى وابتدا يقلد كذا صوت مع بعض
ححححححح حيححححححح حووووووو
ححححح حححححح حححححح حححح
ريناد :انتا رحت جبت عيالك ياروحى مهنش عليك تاكل لوحدك طب وربنا انتا حنين عشان كده انتا تاكل اللسان ....يلا انجوى ياعم...
مهاب خربان عليها ضحك ومره وحده بيمشى صوابعه على دماغها بيتسلقها
ريناد :😢الله .. بتفلينى.. بتفلينى خايف اكون مقمله طب والله انا نفسى اشوفك... متلف ياعم ورينى عجائب المخلوقات... لف تعالا نتعرف قبل ماتكولنى اشوفك نظره وحده بس...
مهاب بيضحك والهوا قام وجاب رمله كتير على وش ريناد وهى غمضت عنيها وقفلت بوقها وبعد مالهوا هدى مهاب ابتدا ينضفلها دماغها من ورا وعامل ايده على شكل مخلب وبيمررها فى شعرها
ريناد :وربنا انتا حيوان نضيف بتنضف اكلك الاول طب تعرف والله انتا احسن من مهاب الكلب ..انا حبيتك ياجدع وهتاكلك وانا مبسوطه والله 😢
فى الاثناء دى رعد فى البيت رايح جاي قدام اوضة قمر وفالاخر خبط علي الباب بشويش..
رعد بهمس :قمر بت ياقمر قومى اقعدى معايا شويه عاوز اتكلم معاكى..
قمر بنوم :معتكلمش بالليل..
رعد :طب قومى هعملك اكل تتعشى
قمر :😴مهكلش بالليل..
رعد :طب انتى واحشانى
قمر :معتوحش بالليل 😴...
رعد اتلفت حواليه وفتح الباب ودخل الاوضه وبص لقمر لقاها فسابع نومه واستغرب كانت بتكلمه ازاي دلوقتي؟
رعد همسلها عشان تصحي مفيش قام قرصها فى دراعها وقمر نطت من الخضه ومسكت دراعها واتلفتت حواليها بخوف
فيه ايه مين ليه... انا لٍسعت التعبان قرصنى انا عموووت الحقونى ياخلق مهاب انتا فين ياخوى 😭
رعد :تعبان ايه يامجنونه انا اللى قرصتك عشان تصحى
قمر :الهى تقرصك عقربه ياشيخ عتقرصنى ليه يامقروص فقلبك
رعد :عاوز اتكلم معاكى
قمر :كلام ايه ياد انتا.. وبعدين ايه ده انتا جاى جمبى ولابسلى جلبيه قصيره وجاى تصحينى عاوز ايه هاه؟
رعد 😳 بتقولى ايه انتي هو مين بيودى على فين؟
قمر :كل الطرق تؤدى الى يثرب ولو ممشتش من قدامى دلوكيت متلومش غير نفسك بعد اكده واحب اقولك حاجه اخيره انا معتجوزش راجل سلمنى حاله قبل الجواز ادينى عقولك اهه.. كنت اقدر استغل ضعفك وجيتك لى برجليك لكن انا هديك فرصه تانيه ودلوك يلا اتحرك من قدامى عشان انا شيطانى واعر قوى وانا معخدش معاه وكت..
هى وسويسه وحده وبسمع كلامه علطول
رعد قام يخبط ايديه فى بعض ويبص لقمر بعيون مبرقه 😕 ايه الكائن ده؟
قمر ابتسمت وبصوت واطى الكائن دي اللى هتدخلك المورستان بمنحه.. وبعدها تجيبك على مسؤليتها الشخصيه يامز انتا ياواكل ناسك ...
رعد راح على باب البيت ووقف وحط اديه الاتنين على الباب :امال راحو فين دول
قمر خرجت وراه :عاوز منهم ايه سيبهم لحالهم متجوزين ياعقلى ملكش حاجه عنديهم
رعد لسه على وضعه وبص لقمر لقاها بتبص عليه بهيام وحاطه ايدها على خدها
رعد ابتسم وراح عليها :بتبصيلى كده ليه
قمر :هكون ببصلك ليه يعنى عاجبنى مثلا؟
وهزت دماغها بهيام وهى عنيها تايهه فى تفاصيله
رعد بص لقمر :انتى بنت ولا راجل ولا ايه بالظبط
قمر :انا كله فبعضه انا على قول شرين انا كتييير هههههههع هع
فى الاثناء دى ريناد لسه بتولول وتبكى ومهاب بيضحك عليها اووى وفجأه ابتدى يملس على شعرها من ورا
ريناد :😢ياقلبى حبيتى طب والله وانا كمان حبيتك
مهاب قرب من ودن ريناد وعضها مره وحده خلاها صرخت بعلو صوتها 😨وهو مقدرش يمسك نفسه بعدها ضحك عليها بصوت عالى...
ريناد 😭اه يامهاب الكلب والله لاربيك يابجم ياتور انتا...
مهاب ابتدا يحفر عليها ويطلعها وهى بتبكى بصوت عالى وهو كل ماتبكى اكتر يضحك اكتر واكتر...
مهاب طلعها وقعدت على الارض تبكى
مهاب :ياهبله انتى كنتى خايفه من ايه الحيوانات المفترسه معتاكولش بعضيها 😂
ريناد مسكت رمله وحدفته بيها ومهاب ضحك وميل عليها مره وحده شالها وجرى بيها على البيت وهى لسه بتبكى
مهاب اول مادخل بيها البيت قمر ورعد اتخضو من منظرها
رعد :مالها عملت فيها ايه
مهاب :😄دفنتها وهى حيه
قمر ضربت على صدرها :يمرى اسم الله ياحبيبتى... اكده ياهباب هتموت البت من الخوف؟؟ لا دنتا حالتك اتأخرت خالص..
رعد :معلش ... بس هو كل اللى بيحصل فى البيت ده بجد ولا تهيوئات انا عقلى مش مستوعب كل دا بصراحه؟
ريناد اول مانزلها مهاب راحت على رعد حضنته وبكت فى حضنه وهو بص على مهاب اللى عمال يضحك..
رعد :على فكره بقا انتا واختك عديتو الجنون العادى بمراحل
قمر :😄اصلنا عملنا درسات عليا واخدنا الشهاده من بلاد بره من عوكسفور
رعد كرمش نص وشه 😕عوكسفور ؟
قمر :ايوه 😄
ريناد :سيبهم ياحبيبى متركزش معاهم عشان متصيبكش اللعنه بتاعتهم المعاتيه دول.... علمتنى كل حاجه فى الدنيا لكن معلمتنيش اتعايش وسط الناس دى ازاى
رعد باس اخته واخدها دخلها الحمام وهى لسه بتبكى وسابها عشان تستحمى وراح وقف جمب قمر ومهاب وفضل مبرقلهم
قمر ومهاب :😄😄
ريناد خرجت ورعد اخدها ونيمها على السرير وباسها وغطاها :مش عارف بتحبى فيه ايه المجنون ده؟؟
ريناد :😢 مش بقولك عندهم لعنه الناس بتحبهم علطول وهما بيستغلو ده ويعزبوهم
رعد فضل يطبطب عليها بحب :نامى ياقلب اخوكى انتى تعبتى قوى فى الدفنه بتاعتك 😂😂😂
ريناد :اضحك اضحك منتا مشوفتش ابن المجانين عمل فيا ايه!!!!
رعد :معلش نصيبك كده وباسها و وسابها وخرج
مهاب بيتاوب :ايه يارعد مش هتدخل تنام
رعد :لا مش جايلى نوم هستنى شويه
مهاب :وانتى ياقمر ياحبيبتى مش هتنامى
قمر :له مجاينيش نوم النوم طار من عينى
مهاب :يااااااعينى ...بص لرعد طب انا داخل انام ولو حد يارعد باشا قربلك هاه اصرخ بس وقول يامهاب وانا هاجيلك طوالي..
مهاب بص لقمر اللى فهمت قصده
قمر :😁
مهاب عضلها شفته التحتنيه ومشى صباعه على رقابته بيهددها بالدبح وقرب منها وبصوت واطى
قمر ياخيتى قمر ياحبيبتى الواد امانه عندينا واحنا معنخونوش الامانه ياماما سامعه
عاوزين نرجعوه زى ماهو لاهله فهمانى يختى انا داخل امدد جوه بس هقعد صاحى هاه صااااحى
قمر :😁هحاول
مهاب طبطب على دماغها وسابهم ودخل بس ساب باب الاوضه مفتوح..
رعد نط قدام قمر على الكنبه واتربع
قمر :اهدى ياميمون ضرعتنى
رعد :ميمون فعينك قليلة الادب .... هاه احكيلى عن نفسك شويه...
قمر :عاوز تعرف ايه عنى
رعد :كل حاجه احيلى قصة حياتك كلها
قمر اتنهدت :بص ياسيدى انا يوم ماوعيت عالدنيا لقيت حداى ام مفيش فى حنيتها وطيبتها حد واصل واب طيب قوي قوي ....
كان لينا اخوات من ابوى من ام قبل امى لكن مكانوش عيحبونا ولا يحبو امنا واصل كانو يقولو ضحكت على ابونا وخدته من امنا اكمن ابوى كان سواق قاطره كبيره وبينقل بيها بضايع وحجات لمصر..
مرته القديمه كانت عيانه وهو شاف امى كانت شغاله فى كافتريا على طريق اكده مع ابوها.. وابوى كان كل مايسافر يعدى عليهم وينزل ياكل هناك امى عجبته وطلب يدها للجواز ...
رفضت لما عرفت انه متجوز ومخلف لكن لما سألو وعرفو ان مرته تعبانه ومش بتقدر على طلباته وافقت تتجوزه .
امى كانت عاوزه الستر وعاوزه اللى يصونها من عيون الناس ويستتها فبيته
ابوى عياله كانو كبار ومتقبلوش امى وسطهم
قالت انهم عملولها مشاكل كتير فى الاول وكانو كل شويه يسلطو فابوى عشان يطلقها لكن ابوى مكانش يسمعلهم...
كان يقول مريحانى
بعد اكده مرته الاولانيه ماتت قالو ماتت من قهرها من ضرتها مع ان امى كانت ترعاها فمرضها زى ماتكون اختها وبتعملها كل حاجه عن طيب خاطر.. وده اللى كبرها فنظر ابوى اكتر واكتر.. سلمى اختي من ابوي وكتها امها سابتها صغيره وامى خدتها فحضنها وعاملتها كأنها بتها بالظبط
سلمى خدت من طبع امى كتير،، خدت من حنيتها وطيبتها وحبها للناس وكل حاجه حلوه فى أمى اتنقلت لسلمى اختى..
وبعد اكده امى خلفت مهاب والنار شبت فيهم وخصوصا لما شافو فرحة ابوى بيه كأنه اول مره يخلف...
عملو كل حاجه تخطر فى بالك وحشه لامى وهى كانت بتقابلها بكل حب وتحطلهم الف عذر وعذر... وخلفتنى انا وبعد اكده خلفت حسن اخوي الله يرحمه..
ابوى بعد ماخلفته تعب قوى وخمد وخروان وكتها كانو فى العراق وجم لما سمعو بمرض ابوهم.. وياريتهم ماجم.. جو مديونين ومفلسين وابوى باع من ارضنا عشان يسد دينهم بعد اكده مقعدش كتير ومات...
مهاب كان لنا اب برغم صغر سنه ربى حسن على كتفه كان بيحبه قوى،، كان يقوله انتا سندى اللى طلعت بيه من الدنيا كان بيتكلم معاه كانه ولده اللى خلفه من صلبه..
اخواتى مكنوش يسيبو مهاب فى حاله كانو بيدايقوه ويزعلوه لكن هو مكانش يتكلم ولا حتى يرد عشان كل ماكان يجى يتكلم امى كانت تقلو اخواتك ياولدى والدم عمره مايبقى ميه ومسيركم لبعض وهييجى يوم يعرفو قيمتك وقيمة اخواتك فى حياتهم..
مهاب كان قلبه حنين قوى كيف امى بالظبط... كأن الحنيه والطيبه بتاعت الدنيا كلها اتقسمت على اتنين نصها اتحط فقلب امى ونصها اتحط فقلب مهاب.. وده اللى خلى اخواتى داسو عليه بالقوى..
طلعوه من التعليم وشغلوه فالارض مع انه كان شاطر قوى فى دراسته وجاب مجموع كبير يدخله كليه زينه
وبعد اكده ماتت امى بعد شوية تعب جولها كانت سلمى تراعيها فمرضها وتراعينا كلنا وبعد موتها بقت لينا ام واخت وكل حاجه....
خمد وخروان شافو انه معدش لينا حد بقو ييجو على مهاب قوى وهو كان يستحمل لكن لما كان حد فيهم يجى ناحيتى انا ولا حسن كان عيتقلب غول.. وحش كاسر ومحدش يقدر عليه واصل وميشوفش اللى قدامه وهما عرفوه وبقو يخافو منه عشان اكده مكانوش يكلمونا ولايجو ناحيتنا بحاجه وحشه واصل
لما شافو مهاب بيراعى الارض والارض تجيب خير كتير دهلسو عليه وبقو ياخدو الايراد كله بحجة انهم بيشيلوه معاهم وابتدو شغلهم الخاص فى المحاجر.. واشترو عربيه نص نقل وبقو يشتغلو بيها وردتين وبعد اكده جابو وحده تانى.. والبليه لعبت معاهم.. ووحده وحده بقو اصحاب محجر وليهم كلمه فى البلد، بفلوسهم طبعا، الناس كانت بتتلم حواليهم لكن مهاب اخوى الناس كانت حواليه لطيبة قلبه وحبه للكل ومساعدته للغريب والقريب وكانو اخواته حتى حب الناس ليه مستكترينه عليه...
مهاب فضل شغال سنين وسنين زى التور فالارض وكل فلوسها تروح اول باول لخمد وخروان وبرضو مديش خوانه لغاية مافى الاخر زورو ورق وباعو الارض وخدو فلوسها كلها وادو لمهاب الصابونه وانا وسلمى كمان معاه.. مع ان سلمى اختهم من امهم لكن عشان حبها لينا كانو بيتغاظو منها وبيحاولو يبعدوها عننا بأى طريقه لكن هى ماسبتناش واصل... واتنهدت :وبعد اكده جه موت حسن اللى كسر ضهرنا كلنا..
رعد نزل دماغه فى الارض :انا اسف ياقمر بس والله غصب عنى الرصاصه طلعت بالغلط و...
وقبل مايكمل قمر حطت قاطعته :وحد الله يارعد دا اجل ومكتوب ومهاب كمان عارف انك مش بقصدك وهو شاف ده بعينه..
رعد اتنهد :لا اله الا الله
مهاب كان جوا الاوضه لسه مانامش وكان سامع كلام قمر وكل زكرياته مرت قدامه زى شريط السينما ودموعه نزلت على كل زكرى مر بيها وكل حاجه حصلتله من اخواته اللى برغم كل اللى عملوه برضو مش عارف يكرههم... وعلى موت حسن قدام عنيه... وحتى على عجزه انه يعمر ارضه اللى لولا ريناد مكنتش هتتعمر.. وابتسم تلقائيا من بين دموعه اول ماصورة ريناد جات فى خياله واتنهد واستغفر ربنا ونفض صورتها من قدام عنيه..
قمر كملت كلامها نيجى بقا عندى انا ..انا ياسيدى معنديش حاجه فحياتى تتحكى
يعنى حياتى خاليه من اى مغامرات هو حزنى انا ومهاب وسلمى على نفس الحجات مع بعض
رعد :يعنى محبتيش ولد كده ولا اعجبتى بمز كده ولاااا كده
رعد :ياشيخ اتلهى مز ايه فى البلد الفقريه دى اللى زى ماتكون قنبله كيف بتاعت الهيوشيما اتفجرت فيها والكل نفس الشكل
العيون الديقه والخشم الكبير والمناخير اللى على شكل تفاحه فوسط الوش
رعد ضحك قوى
قمر :والله زى ماعقولك اكده طب دا حتى انا واخواتى كنا حاله شاذه فى البلد وعيمبربنا المثل فى الجمال،، ويقولو فاكر نفسك من ولاد شمس ولا ايه لما حد يفكر حاله حلو يعنى..
رعد :بصى هسيب كل اللى قولتيه لكن مش عديلك عمبربر برنا دي...
قمر :اسمها عيمبربنا المثل يعنى عيضربوه بينا
رعد :ابو ام اللغه اللى ضاعت على اديكى ياشيخه
قمر :ياخى سيبك الكلام المتفهمهوش عديه المهم قولى انتا عمرك محبيت وحده اكده ولا اكده
رعد :قبل كده عمرى بصراحه ولا جربت الاحساس ده لكن من كام يوم كده شكلى ابتديت اتجنن وهحب
قمر :وياترى مين حزينة الحظ دى واسمها ايه
رعد : اسمها قمر
قمر نطت من الفرحه :قول وكتاب الله اسمها قمر
رعد :وكتاب الله
قمر :اسمها كيف اسمى ياحلاوه ياولاد
رعد :😳
قمر :مالك بلمت ليه
رعد بضحكه :اسمها عين عبال عيييين عبعااااال
قمر :🤔
رعد :خشى نامى ياقمر الهى تنام عليكى حيطه خشى نامى
قمر :له هتحدت معك شويه
رعد :مهتحدتش باليل
قمر :متبقاش غتيت امال.. طب عقولك عملت اكده فأختك ليه؟
رعد :عملت ايه
قمر : حولتها للكائن الغريب ده
رعد :ريناد دى طيبه جدا جدا وقلبها طيب وهى كانت متعلقه بيا اووى ومعندهاش اى اصحاب غيرى انا بتقلدنى فكل حاجه
تقليد اعمى وعاوزه تبقى زييى فكل حاجه
كنت انا مثلها الاعلى..
قمر :مثل منيل بنيله
رعد :😄 بس تعرفى هى عملت كده عشان ملقتش الشخص اللى يوجهها فى طريق غير ده ويهتم انه يغيرها..
قمر :يغير ايه دى محتاجه تفكيك للجينات الوراثيه بتاعتها وتكوينها من اول وجديد
رعد :هههههههه لا مش للدرجادى هى بس عاوزه شوية حب وهتبقى احلى بنت فى الدنيا صدقينى
قمر :عارفه ومتأكده من ده.. وتعرف ريناد دى احلى حاجه حصلت فى حياتى وحياة مهاب كمان وهو مع الوكت هيكتشف ده بنفسه وهيعرف قيمتها زين قوى... بس هى تصبر عليه هبابه وتستحمله.
رعد :تستحمله ايه اكتر من كده دا بيدفنها حيه ومستحملاه طب بذمتك تستحملى انتى ادفنك حيه؟
قمر : اسكت وحياة ابوك الا الفكره لوحدها خلت اعصابى سابت وانا حداييش اعصاب من اساسه..
رعد :😄لا خلاص كله الا اعصابك البتبوظ الدنيا دى
قمر :🙁خش نام يارعد خش نام ولا اقولك هنام انا تصبح على خير ودخلت الاوضه عند ريناد ودخلت السرير واتغطت وحضنتها ونامت ورعد فضل على الكنبه ونام عليها للصبح...
مع ساعات الصبح الاولى العساكر وصلو الارض والكل قام بمنتهى الحماس والفرحه وابتدو يكملو شغلهم ومع نهاية اليوم كان الشغل كله كمل والعساكر روجعت على الكتيبه تانى...
مهاب :كده كله تمام مش فاضل غير حاجه وحده بس :مكن الرى وبص لرعد
رعد 😗 مصر بتقولك مع نفسك
مهاب :له اوعى تتخلى عنى دلوك يامصر
رعد :اصبر بس وربنا هيبعت
فضلو قاعدين مع بعض شويه وفجأه دخلت عليهم ناقلات عملاقه عليها كل معدات الزراعه وتعمير الصحرا ومكن رى وكل حاجه
مهاب بص لرعد بتساؤل
رعد :اصبر بس وانتا تفهم
فجأه شافو عربية احمد المصرى ومعاه رهف جايين عليهم ونزلو منها وريناد جريت عليهم
احمد وهو شايف اللى حصل فى الارض :
ايه ده عملتو دا كله امته وازاى
مهاب :كله بفضل مصر
احمد:ولو انى مش فاهم حاجه بس انا عندى مفاجأه عشانكم وطلع العقد واداه لريناد اللى صرخت من الفرحه اول ماقرته ونطت على بباها وفضلت تبوس فيه ومهاب وقمر مش فاهمين حاجه وبيبصو لبعض!!!
ريناد ادت الورقه لمهاب اللى استغرب لما قراها ايه ده دى جمب ارضى علطول
احمد :ايوه عشان تخلطوهم على بعض
مهاب :له انا ارضى مهخلطهاش على حد واصل
احمد :براحتك اهم حاجه تكونو مع بعض وانتو بتزرعو وخلاص..
ريناد بتبص حواليها على مدد الشوف وفضلت تتنطط بفرحه كبيره وابوها وامها فرحانين جدا لفرحتها...
احمد :يلا ابتدو فى زراعتها
مهاب :مش لما نزرع دول اللى اتصلحو لاول
احمد :انتو ناقصكم ايه تانى
مهاب :مكن رى
احمد :طيب منا جايب مكن اهو...
مهاب :جايب لبتك مليش دعوه بيه
احمد :بس انا جايبهم بضمان استرداد خلال ٣ شهور لو حصل فيهم اى عطل فنى من عيوب الصناعه عشان كده لازم نجربهم فأرجوك تشغلهم على ارضك عشان لو فيهم حاجه ارجعهم واخد فلوسهم
مهاب :🤔اذا كان اكده ماشى وميل على ريناد وقمر :شوفتونى وانا عامل مصدقه وهو عيضحك علي وضحكت عليه انا وهروى ارضى 😂
قمر وريناد :ايوه 😄😄
احمد :ودلوقتى هتنزلو الحجات دى فين
مهاب :على فكره لازم يتبنيلهم جراج عشان ميتسرقوش
احمد :ومالو من بكره نبنى جراج
مهاب :وبيت صغير كيف بيتى اكده لازم
احمد :ومالو نبنى
مهاب :وكمان لازم عماله للارض وبذور
ريناد :العماله على رعد
رعد :لا انسى انا مصدقت عدت على خير من غير قضية استغلال المنصب فى اعمال خاصه
ريناد :يعنى ايه
رعد :يعنى بابا يجيبلك عماله
مهاب :😄مصر اتخلت عنك
رعد :على فكره المفروض تبدأو علطول عشان الارض تنزرع مع بعضها
ريناد :طب عشان خاطرى طلعه كمان زى بتاعت امبارح والنهارده كمان والمرادى خلى شريف هو اللى يجيب كتيبته عشان الجرم يتقسم مابينكم
رعد :🤔فكره برضو
مهاب :المرادى عاوزين بيرين عشان الارض كبيره وبير واحد مهيغذيهاش كلها
احمد :نفحت حتى ٣ المهم رينو تنبسط
ريناد :رينو اسعد وحده فى العالم وفضلت تحضن فى بباها ومامتها...
الارض ابتدا الشغل فيها وبعد كام يوم انزرعت بالبذور اللى جابها احمد... ومهاب اتفق انه هيرجعهالهم من المحصول وابتدت الارض تنروى ومهاب متابع كأنه قلبه اللى بتنزل عليه الميه ترويه بعد عطش سنين..
عدو كام يوم والزرع ابتدا يشق الارض ويطلع يتنفس اول نفس فوق الارض
مهاب وريناد خارجين من البيت الصبح بدرى عشان يمرو فى الارض زى كل يوم واتفاجئو بالارض اللى نبتت مهاب وريناد بصو لبعض بزهول وفجأه حضنو بعض جامد ومهاب شال ريناد وفضل يلف بيها وهى تضحك وفارده دراعاتها وباصه لفوق ونزلها وهو بينهج والاتنين باصين فى عيون بعض وكأن الزرع ده ابنهم اللى خلفوه بعد سنين كتير من الانتظار
وفلحظه جنون مهاب قرب من ريناد وأخد شفايفها فى بوسه ممزوجه بفرحه على شوق على حجات كتير متلخبطه فبعض مهاب مقدرش يفسرها وقتها لكنه نقل كل الاحاسيس اللى حاسسها فى البوسه دى . وريناد كمان اتبادلت معاه بنفس القوه والشوق والحب والاتنين استمتعو لاقصي درجه باللي كانت اول واجمل مره لكل واحد فيهم...
مهاب بعد عن ريناد اللى كانت مغمضه عيونها ومستسلمه بين اديه و
و رجع يطبع شفايفه على شفايفها بكل
رقه ونعومه مره تانيه وكانه من سنين كان مستنى شفايفها دى وكانت ضايعه منه...
مهاب لاول مره يحس بجسم وحده وهى مستسلمه بين ايديه احساس ولد جواه جنون غريب وجميل وضم ريناد عليه بكل حنان وبعد فتره مهاب فاق وحس بنفسه وبعد عنها بقوه...
ريناد فتحت عنيها ولقت مهاب باصص للارض وباين عليه الضيق وفجأه رفع دماغه وهيتكلم..
اتفاجأ بريناد حطت ايديها على ودانها وغمضت عنيها جامد ودموعها نزلو
ريناد :عارفه هتقول ايه ومش هسمعه ومش هسمحلك تضيع حلاوه اجمل حاجه حصلتلى فعمرى كله.. وكمان مش طمعانه فأكتر من كده منك.. بس ارجوك سيبلى اللى حصل ده زكرى حلوه من غير ماتقضى على حلاوته...
وسابته وجريت وهى لسه ساده ودانها وابتسامه وفرحه كبيره على وشها ودخلت البيت وجريت على الاوضه وقفلت الباب واتسندت عليه وهى بتنهج وحطت ايدها على شفايفها اللى اتعورت بسبب عنف مهاب واتألمت لما حطت ايدها عليها لكن بالنسبالها كان اجمل الم تحس بيه من يوم ما اتولدت الم الحب...
ريناد فضلت طول اليوم كل شويه تحط ايدها على شفايفها وتغمض عنيها وتبتسم ومهاب شافها كام مره وهو كمان كان بيبتسم معاها لم يفتكر احساسه ساعتها
قمر كمان لاحظتهم وفهمت اللى حصل وفرحت عشان دى اول خطوه بين مهاب وريناد هتقربهم لبعض
قمر :هيييح اوعدنا يارب
ريناد وهى سرحانه :بأيه
قمر :بجرح قطعى فى الشفايف نتيجة عنف المشاعر
ريناد :بت انتى اتلمى عيب
قمر :منا ملمومه اهه يعنى شوفتينى بجرى ورا الناس فى الطريق ابوسهم
وقامت مره وحده وزعقت بصوتها كله :
لكن اسمعى وربنا مهستحمل الحال ده كتير 😢ولو مجاليش راجل فى القريب العاجل يحبني.. انا هعملى خيال مقاته فوسط الزرع واحب فيه.. فاهمه ولا له وسابت ريناد بتضحك عليها ودخلت جوا الاوضه ورزعت الباب وراها
********************
تقريبا بعد شهر
الامور كلها ماشيه طبيعيه وريناد سابت تمريناتها العنيفه وبطلت تدريبات القتال وجسمها ابتدا ينعم وابتدت الكتل اللى فيه تخف بطريقه ملحوظه
مهاب كان ملاحظ التغيير عليها لكن ولا مره بينلها انه واخد باله ومن بعد البوسه اللى حصلت بينهم محصلتش اى حاجه تانيه ودا كان معذب ريناد جدا
قمر ملاحظه كل حاجه لكن هى كمان ساكته
ومش راضيه تتكلم لكن الحكايه طولت قوىوقررت تتدخل
وراحت لمهاب فى الارض وهو قاعد وسطها وساند اديه لورا على الارض وبيتأمل فيها ...
قمر قربت منه :واد يامهاب ..بص انا سكت كتير لكن ده ظلم وربنا ميرضاش بالظلم على قول برايز....
مهاب :برايز؟؟؟... انتى سمعتى فيلم ثقافى يابت الجزمه؟؟
قمر :ايوه سمعته وكان نفسى اتفرج على الفديو معاهم بس المخرج ادانا كلنا ذمبه فى الاخر...
مهاب :🥴يامرك الطافح يامهاب ...
قمر :مش موضوعنا دا دلوك خلينا فى المهم...
وبعدهالك مع بت الناس دى يامهاب يعنى تطلعها فوق السما من السعاده وبعد اكده تقوم سايبها تقع على جدور رقبتها؟!!!
مهاب :انا معملتش حاجه ولا عشمت حد
قمر :كداب فأصل وشك عملت وعشمت وبوست وحضنت وانا شفت بعينى اللى هياكلها الدود...
مهاب :كانت غلطه... اندفاع وليد الموقف واللحظه...
قمر :واحنا بشر ومسؤلين عن تصرفاتنا مفيش غير الحيوانات بس هى اللى معتبقاش مسؤله وعتحركها غرايزها ومعتندمش على اى تصرف تعمله..
مهاب :انتى عاوزه ايه ياقمر ريناد عاوزاكى تقوليلى ايه؟؟
قمر :كنت فاكراك عرفت ريناد زين واتأكدت ان كرامتها لايمكن تسمحلها انها تزقنى عليك عشان استعطفك تشحتها شوية مشاعر...
مهاب سكت
قمر:سكوتك ده معرفاش افسره متقولى عتعمل اكده ليه.. تبقا مره حنين عليها وعشره قاسى.. تقولها كلمه،، حلوه وعشره زى الرصاص!!!!
متفهمنى ليه عتعمل اكده دا البت قايده صوابعها شمع عشان ترضيك !!!
مهاب :كنت فاكرك هتفهمينى لوحدك من غير مااتكلم زى مابتعملى دايما ..
ايوه انا حبيت رناد ياقمر.. حبيتها وشفت فيها اجدع بت فى الدنيا واقولك على حاجه كمان جسمها مبقاش فارق معاى حبيتها زى ماهى اكده لكن .....
قمر :كمل لكن ايه ...ايه اللى مانعك مرتك بين اديك وعتحبها وتحبك!!
مهاب :هتفهمنى غلط وخصوصا انى دايما كنت بصدها لانى فاكر انها مبهوره بحياه جديده عتجربها لاول مره،،، لكن فى الوقت اللى ابتديت احبها فيه ابتدت حياتى تتغير للاحسن،، وهى السبب فى ده.. يعنى اى قرب منى ليها ممكن تفهمه وتترجمه انه رد جميل مش اكتر وتفهم مشاعرى غلط...
ومتنسيش انها جاتنا وهى مغصوبه فى الاول..
ريناد كانت على مسافه منهم لكن مركزه جدا مع كل كلمه طالعه من شفايف مهاب وقرتها كويس اووى وحطت ايدها على شفايفها ودموعها نزلت :انا احساسى عمره ماخانى ..
واحساسى ببوستك انها طالعه من جوه قلبك كان صح..
لكن وحياة ليالى البعد اللى عشت وعيشتنى فيها يامهاب لهردلك كل اللي عملته فيا بس اصبر عليا ياقلب ريناد..
بعد كام يوم رعد جاب مامته وبباه وخطبو قمر من مهاب، وفى الوقت ده كانت امتحنت وكانت مستنيه النتيجه... وقبل مامهاب يرد عليهم خرجتلهم قمر واعلنت موافتها على رعد بنفسها، ومهاب اتكسف جدا من اندفاعها والموقف اللي حطته فيه واتحلفلها بعد ماتمشي الناس ليربيها ...
وكمان سلمى فرحها فاضله كام يوم وبتستعد لحياتها الجديده مع حبيبها وابن عمها محمود...
وريناد بعد ماضاعت عليها سنه دراسه اخدت قرار وبتقلبه فى دماغها...
الارض ابتدت تتحول لبساط اخضر يسر العين ويشرح القلب ومهاب وريناد علطول
فيها وفرحانين جدا لحلمهم اللى بتحول لحقيقه قدام عنيهم...
🌵لكن ياترى السعاده دى هتدوم لغاية امتا
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا