رواية فصيلتي القوية بقلم ريناد يوسف - الفصل الرابع عشر
رواية فصيلتي القوية بقلم ريناد يوسف - الفصل الرابع عشر
تابع من هنا: روايات رومانسية جريئة
عند مهاب فى الارض الكل مجتمع ريناد ومهاب وقمر ورعد ورهف واحمد
رهف :ياالله مش معقول الجو يخبل شايف الهوا شو نقى حمودى
احمد :فعلا الهوا نقى ومنعش انا اعصابى بقت ترتاح كل مااجى المكان ده
اه صحيح يامهاب انتا من بكره هتسيب شغلك فى البنزيما
مهاب :واكل انا والظنايا دول من وين؟
احمد :انا هعملكم بنزيما هنا وهبنى فوقها استراحه للسواقين وكمان جمبها هيبقى فيه مطعم وكافتريا عشان السواقين والعائلات المسافره ترتاح فيه
مهاب :طب انا دخلى ايه باللى هتعمله دا كله
احمد :امال يبنى مين اللى هيمسكهم محدش فاضى واهو تبقى جوا ارضك بدال مشوار كل يوم ده والايراد تقسمه انتا وريناد ورعد بالتساوى وانا مش عاوز حاجه ..
مهاب :له يفتح الله
الكل بصله بأستغراب
احمد :يعنى ايه
مهاب :يعنى انا مقسمش فحاجه مش بتاعتى اذا كان ولا بد يبقى اشتغل بمرتبى واللى انتا تحدده لكن اخد نصيب فى حاجه مش بتاعتى له والف له ..
احمد اتنهد :والله يبنى اللى تشوفه ويريحك انا موافق عليه اهم حاجه تفضل جمب بنتى ومتسيبهاش لوحدها انا مطمن عليها وهى معاك ...
مهاب بص لريناد وسكت وهى منطقتش ولا كلمه والسكوت ساد المكان مقطعتهوش غير ريناد لما استأذنت وقامت تتمشى وسط الارض شويه ومهاب متابعها بعنيه وبعد شويه قام وراها لما لقاها وقفت وبتبص للمجهول
مهاب قرب منها :ممكن تقعدونى معاكم؟
ريناد بصتله وديقت حواجبها :احنا مين انا لوحدى!!
مهاب :منا عارف انك لوحدك بس قاعده مع بنات افكارك، وانا عحب قعدت البنات قعدونى معاكم والنبى وياريت لو البنات طلعو ملعبين اكده ومايصين يبقى قشطه..
ريناد ابتسمت نص ابتسامه :انتا مجنون يبنى على فكره..
مهاب :يوووه هو انتى لسه بتسألى ان كنت مجنون ولا ايه (بلحن هانى شاكر )
ريناد ضحكت بخفه وبصت للارض واتنهدت...
مهاب : مالك هتحرقي الدنيا اكده ليه؟
ريناد.. شايف ارضى محاوطه ارضك من ٣ جهات ازاى زى ماتكون واخداها فحضنها!!!
مهاب بضحكه :متحرشه زى صاحبتها 😄
ريناد :لم نفسك.. اساسا ارضك طرحت وخضرت لما ارضى حضنتها كده.. انا اسمع ان الحضن بيدفى ويقوى اوووى ويخلى الواحد يطمن... ولفت ايديها حوالين نفسها ومسكت دراعاتها
مهاب هنا لف من وراها وحاوطها بأديه
من وسطها وسند دماغه علي كتفهاوريناد غمضت عنيها واخدت نفس جامد وطلعته على فترات
مهاب :ياااااه كل ده
ريناد :دا حاجه بسيطه من اللى جوايا على فكره...
مهاب :دانتى لو طلعتى اللى جواكى كله هتنفثى نار زى التنين على اكده
ريناد:تقريبا كده ايوه
مهاب :طب هبعد انا عشان الكل بيبصلنا
ريناد :وحضنتنى ليه من الاول
مهاب :عشان اشوف الحضن عيعمل زى ماقولتى ولا له.. وطلعتى كدابه معيعملش حاجه زيه زى حضن المخده بالظبط 😂
ريناد :دا بالنسبالك عشان انت مبتحسش
مهاب بغمزه :طب وبالنسبالك حسيتى باللى قولتى عليه؟؟
ريناد بعدت عنه :ملكش دعوه انا حسيت بأيه.. ولو سمحت اخرج برا وسيبنى لوحدى..
مهاب بص حواليه اخرج برا فين يابت المجانين انتى محنا بره!!!
ريناد :اه صح يبقى روح عندهم
مهاب :له انا قاعد فأرضى 😌
ريناد :طيب اتاخٍر كده شويه بعيد عنى وزقته ومهاب زقها متتاخرى انتى طيب وانتى مكسحه وفضلو يزقو فبعض...
رهف من بعيد متابعاهم وابتسمت على شرارة الحب اللى ابتدت مابينهم
قمر ورعد شايفينهم
قمر :رع قوم نتمشى
رعد:رع مين
قمر :اول حرفين من اسمك عدلعك
رعد :تدلعينى بأسم فرعون ميت..؟ رع فعينك
قمر :طب خلاص هقولك يارعودى بس عقولك قوم نتمشو شويه..
رعد :قومى يختى وقام هو وهي وبيتمشو فى الارض
قمر :عقولك ايه يارعد انت بعد ماهنتجوز هتشيلني وتلف بيا وكده يعني؟
رعد :ودا ليه يعنى
قمر :ايوه اني دايما اشوف البطل فالفيلم من دول يفضل يشيل البطله ويلف بيها كده ويدوخو سوا.
رعد : لا قالولى متعودهاش على الشيل وحطها فى الارض دايما...
قمر باعتراض :ايه دى وانا حديثة الولاده ولا ايه؟؟
رعد :مش عاوزه تتشالى تبقى نونو
قمر :خلاص سديت نفسى وانا اللى قولت هاخد واحد من بحرى هيدلعنى!!
رعد :لا انتى واخده فكره غلط عن بتوع بحرى على فكره..
قمر :ايوه منا عكتشف اهه
وصلو عند مهاب وريناد
رعد :ازيكم ياكتاكيت
مهاب :كويسين يا عصافير
قمر :ايه عالم الطيور ديه
رعد :بس يابت انتى اخرسى
قمر :شوفى اخوكى يارناد علطول كابسنى اكده 😢 ومعيرضاش يرمسن معاى
مهاب :يرمسن ايه والنعمه لو رمسنت يارعد معاها اطخكم بالنار
رعد :انا اصلا معرفش ارمسن ازاى اول مره اسمع عن كلمه بالشكل ده ومش عارف معناها اساسا !!!
ريناد :ولا انا والله
مهاب :ولا انا بس واضح معناها يعنى
قمر :عشان انتو جهله يرمسن يعنى يبقى رومانسى جايه من الرومانسيه
مهاب :ايوه ايوه يعنى زى يعفن جايه من معفن والاتنين جايين من العفن اكده.. وانا اللى كنت هظلمك يابت ابوي صوح ان بعض الظن اثم...
رعد بيبص لريناد :انا هبقى مرمسن؟
ريناد :هوانتا لسه شفت حاجه اصبر بس على رزقك...
رعد :ربنا يصبرنا جميعا وطلع الميداليه بيلف فيها وسرح فى الارض وابتسم وفجأه مسك صباعه بالم..
قمر جريت عليه :مالك ياحبة قلبى ايه ده دم..
وفتحت بوقها وحطت صباع رعد فبوقها وشفطت الدم هاه بقا احسن دلوكيت
مهاب وريناد 😳😳
مهاب :اتعلمى لو انتى كنتى قطمتيهولى بخشمك وقلتيلى هيخَضر تانى متخافش
رعد 😢:ياحبيبتى ياقمر انا مكنتش اعرف انك بتحبينى اوى كده..
قمر :دنتا روحى وقلبى وافديك بعمرى لو تطلب واديك عينى لو تعوز
رعد :لا منا اتاكدت من ده دلوقتى حالا
قمر :كيف يعنى
رعد :لما شربتى دمى وخلتيه يجرى فدمك وانتى اكيد ريناد حكيالك عندى ايه
قمر مسكت بطنها وبتتكلم بصوت يدوب طالع :له ورب الكعبه معرف ولا ريناد قالتلى... الا انتا عندك ايه؟؟
مهاب :عندى فيرس سى وكذا مرض كدا بيتنقلو عن طريق الدم
قمر :😁قول وكتاب الله؟؟؟
رعد :وحياة حبنا اللى اكدتهولى دلوقتى بأنك تحملى مرضى جوا منك
قمر قعدت على الارض :😁الحق يامهاب بيقولك كذا مرض وفيرس سى هديه مجانيه فوقهم..
مهاب وريناد كاتمين ضحكتهم :اه منا سمعت
قمر :ومفيش اى ريأكشن اكده واخد الموضوع عادى؟!!!
مهاب : هيوبقي جوزك ياخيتى ولازمن تتشاركو فكل حاجه...
قمر :مش فى دى ياولد ابوى دنا لساتنى صغار... لكن انا اللى استاهل وجبته لحالى شفت الفيلم امبارح البطله يجى شربت لتر دم من صباع البطل قلت اعمل زيها..
مهاب :اهو الفيلم ضيعك ياخيتى
قمر :طب حد يقومنى قدراش اقوم شيلونى عاوزه اموت فى فرشتى 😭
وحطت ايدها على قورتها :يبوووى سخنت ولعت عموت يابوى حد يلحقنى
رعد وهو كاتم الضحكه بالعافيه :منا تعبان يابنتى وعايش اهو
قمر :فيه اختلاف فى السرعات ياولد رهف انا عنديش مناعه واصل معتحملش
جيالك يامه جيالك يابوى جيالك ياحسن اتلقونى هموت شهيدت التلفازيون والافلام
وقامت تمشى تطوح كأنها مريضه ليها سنين وكل شويه تحط ايدها على قورتها
مهاب وريناد ورعد ضحكو عليها
ريناد :ليه كده حرام عليك
رعد :اسكتى عشان تحرم تقلد الافلام تانى
مهاب:بس والله فرحتنى فيها ....
بس للأمانه يارعد انا ضميرى بيوجب على انى احذرك من قمر الرسول عليه الصلاة والسلام قال اظهرو عيوب بضاعتكم عشان الغش حرام
اختى عبيطه ومجنونه ولسانها الفرامل بتاعته بايظه معيقفش عند اى حاجه ادينى عقولك اهه
رعدحط ايده على كتف مهاب :بص يامهاب لا انا اقل منك تضحيه ولا انتا اكتر منى وطنيه وزى ماضحيت ورضيت تتجوز اختى
انا كمان هحط روحى على كفى واتجوز اختك..
ريناد قلدت صوت نبيل الحلفاوى فى الطريق الى ايلات :
عملوها الوحوش ....عملوها الوحوش
مهاب ورعد مسكو ايدين بعض ورفعوهم وفضلو يهزو فيهم وهما مبتسمين ابتسامة نصر...
رعد :ريناد ابشرك احنا اتجننا زيهم
مهاب حضنه :يامرحب بيكم فى السرايا بتعتنا يامرحب...
قمر وصلت بصعوبه عند رهف واحمد ووقعت تحت رجليهم :😷دسيتى منى ليه يارهف ان ولدك عيان؟؟؟
رهف :يمه اسم الله شو به وليدى
قمر :يسلام يعنى متعرفيش انه حداه فيرس سى وشوية امراض دم اكده على ماقسم
رهف :لا يمعوده ماكو شيى عنده ابنى معافى مااحلاه
قمر :😢متدسيش مخلاص بلعت دمه والانكار معادش هيفيد
احمد :يابنتى بس اهدى وفهمينا حصل ايه
قمر :ولدك اتعور حبيت اقلد الافلام وحطيت صباعه جوا بقى وشفطت الدم وهو قلى ياحبيبتى ضحيتى بحياتك وخدتى كل امراضى حداكى وانا مكنتش اعرف ودلوك عموت 😭 جسمى ولللللع ناااار اعملولى كمداااات
احمد ورهف بصو لبعض واتفتحو فى الضحك
قمر :عتضحكو وانا عموت فرحانين بولدكم عشان عدانى
احمد :يابنتى اهدى مفيش حاجه كده
يعنى انتى من كل عقلك ظابط فى الجيش يكون عنده كل الامراض دى طب ازاى
قمر :يعنى ايه يعنى!! ولدكم عيضحك؟؟ عليا عيشتغلنى!! وقامت بسرعه بصت لرعد شافته عمال يضحك هو ومهاب وريناد
قمر قعدت وربعت اديها وبتهز فرجليها بغيظ
رعد عرف ان امه وابوه قالولها الحقيقه وانها زعلت منه وجالها من عند مهاب وريناد
رعد :قمرى ... ...امووورره
قمر :مهكلمكش تانى واصل وبعد عنى
رعد ؛:بهزر معاكى والله خلاص متزعليش
رهف :حرام عليك رعد خوفت البنيه على حالها كتير..
قمر :معلهش اصله معيفهمش يعنى ايه معاملة الجنس الرقيق
:رعد :هو فين الجنس الرقيق ده
رهف :ررررعد بيكفى
قمر :😢سيبيه اصلا انا مش عارفه انتى مخلفه ده ازاى ياريتك كنتى قعدتى عليه بططتيه وانتى بتولديه
رهف :يي حرام
قمر :لا مش حرام ولا حاجه وبعدين تعاليلى اهنه كنتى عتتوحمى على ايه وانتى حبله فيه
رهف :بوظه (ايس كريم )
قمر : اهو طلع بايظ عاجبك اكده
رعد رفع حاجبه وشاور على نفسه
قمر :ايوه انتا وسابتهم وقامت تجرى بالخطوه السريعه
رعد قام وراها :بت خدى هنا يابت اقفى عندك بقولك هضربك بالنار والمكان كله محاصر بت اقفى بقولك...
من بعيد ريناد ومهاب متابعين
ريناد :ياخسارتك يامهاب كنت ظابط جيش اد الدنيا مش هتستحمل فأيد قمر حاجه وتتجنن ربنا معاك..
مهاب :سيبيه خليه يشيل عنى شويه كفايه عليا وحده بس
ريناد 😏
مهاب 😙
*****************
فى البلد عند سلمى
سلمى :الووو ايوه ياحبة القلب
محمود :يابوووى يارب عدى السبوع ديه بسرعه واغمض وافتح الاقيكى جوا بيتى
سلمى :هانت ياولد عمى فات الكتير .. واتنهدت
محمود :مال القلب ودقاته عيتنهد ليه؟
سلمى :كان نفسى مهاب يكون جمبى هو وقمر فى اليومين دول.. متوحشاهم قوى وهما كل اللى باقيلى من ريحة الحبايب..
محمود :انا هدلى بكره واجيبهم واجيلك ولا يكون عندك شاغل
سلمى :هتجيبهم فين بس وهما مهيدخلوش اهنه
محمود :هجيبهم فى بيتنا انتى ناسيه انه بيت عمهم ولا ايه ايوه عمهم مات لكن عيالولسه على وش الدنيا.. وماعاش ولا كان اللى يقدر يقطع ولاد عمى من بلد ابوهم وجدودهم...
سلمى :اصيل ياولد عمى ربنا يحرسك لشبابك ويخليك ليا يارب
تانى يوم محمود عرف العنوان من سلمى واخد عربيه وراح عشان يجيب مهاب ومراته وقمر
محمود وصل عند مهاب اللى استقبله بمنتهى الحب وعلى قد الشوق للبلد واهلها...
محمود اتعرف على مرات مهاب ومهاب حكاله عن موضوع جوازهم واكتشف ان سلمى حكياله كل حاجه وانه تقريبا عارف ريناد وبيكنلها كل احترام وتقدير على مواقفها مع اهلها وجوزها...
محمود طلب من مهاب انه يروح معاه البلد ومهاب وافق عشان يقف جمب اخته لكن
ريناد موافقتش انها تروح معاهم وفضلت انها الكام يوم دول تروح تقعدهم عند اهلها وخصوصا ان مروان مشغول فى فرح اخته
مهاب وقمر قفلو البيت ورعد جه زياره واخد ريناد معاه الفيلا
مهاب وقمر روحو البلد مع محمود
وسلمى كانت هتطير من السعاده عشان اخواتها حواليها...
نتيجة قمر ظهرت ورعد راح جبهالها وكلمها فى تليفون مهاب عشان يبلغها النتيجه
رعد :بصى ياقمر اهم حاجه الواحد يعمل اللى يقدره عليه ربنا وبعد كده مهما كانت النتيجه يتقبلها
قمر :اخلص يارعد هعيد ولا ايه
رعد بأسف :ياقمر معلش ياقلبى مجموعك
٥٧%
قمر : صوح...!!! عتتكلم صوح!!! قول وكتاب الله انا جبت كل ديه وبمجهودى الخاص،،، براوه عليكى يابت ياقمر والله...
رعد شال السماعه من ودنه وبصلها 😳
على فكره انتى سمعتى غلط بقولك ٥٧ مش ٧٥
قمر :نعمه فضل وعدل من ربنا هو انا كنت قايله اجيبهم...؟
رعد :😕 طب ودول هيدخلوكى ايه دول حتي ميدخلوكيش كلية تربيه!!
قمر :له مهدخلش كليات تربيه ولا حاجه انا مربايه لحالى..
وان كان على الدخول انا هدخل دنيا معاك مهروحش حته.. انا لو كنت فكرت قبل سابق اكمل كنت هكمل عشان انفد بجلدى من الصحرا اللى عايشه فيها دى واروح سكن الطالبات...
لكن طالما هتجوز خلاص بلاها تعليم اديك اتعلمت خدت ايه يعنى عتاكل وتشرب وتلبى نداء الطبيعه ودى اهم حاجه...
رعد :🤔 تصدقى عندك حق اقنعتينى.. كنتى فين يابنتى انتى قبل ماافنى صحتى وشبابى فى التعليم
قمر :كنت فبلدنا والله
رعد :اه معلش نسيت المعلومه سلام ياقدرى سلام ياحظى الاسود
قمر :ربنا يكرمك احلى انهاء مكالمه ديه ولا ايه 😄
ريناد راحت عند مامتها وبعد السلامات والاشواق ريناد اخدت جوله فى الفيلا
اللى كانت وحشاها جدا وبعد كده راحت على اكتر مكان بتحبه ...مخزن الاسلحه
بتاع رعد وفضلت تنضف فى الاسلحه وتفك وتركب فيها
بعد ماخلصت راحت على رهف اللى لقتها مستنياها ولابسه وجاهزه للخروج
رهف:يلا امشى
ريناد :على فين
رهف:لنحولك لصبيه
ريناد لاول مره متعارضش امها وراحت معاها اكبر صالون تجميل فى البلد
رهف جويل هاى ريناد اللى حكيتك مشانها
رهف : رينو اقدملك جويل طبعا غنيه عن التعريف
ريناد :جويل مين
جويل :😨معقول فيه صبيه مابتعرفنى انا مصدومه عن جد!!!
رهف :معلش جويل انا مفهمتك اخر علاقتها بشغلات الصبايا شعراتها اللى فوق راسها بدى ياكى تسلخى جلدها وتطلعى من تحته صبيه تانيه اللى بيشوفها مابيعرفها..
جويل :جيتى بملعبى رهوفه اتركيها الى وطبعا اقامه كامله بالمركز واكيد انا معها لانى جايه مخصوص لألها..
جويل اخدت ريناد (واوعو وحده فيكم تقول جويل مين جويل تزعل وانا ازعل ونجيب ناس تزعل كفايه ريناد صدمتها ومعرفتهاش 😂)
جويل وهى بتفحص ريناد
بالبدايه سنانك حلوات ماراح نسوى الهم غير تبييض وراح يظبطو لانهم مشاء الله شكلهم بيجنن
وبعدين بدنا نحقن الخدود ليبرزو شوى وباقى الوجه مشاء الله مابيحتاج نحت لانه منحوت طبيعى راح نعمل تقشير بالليزر ونتخلص من طبقة الجلد الخارجيه
ولفت حواليها وبتتفحصها واما بالنسبه للجسم راح نعمول ليزر لكل الجسم بس لازم كذا جلسه لنحصل على النتائج المرجوه
واما الكتله العضليه فراح نحاول نتخلص منها عن طريق مساجات بزيون ومنتجات
راح تنعم الجسم كتير
واما بالنسبه للشعر بدى اجربلك عليه اللون الاحمر النارى مع اكستنشن راح يدى لجمالك جرأه واطلاله متميزه..
واما بالنسبه للعيون راح نعمول عدسات طبيه ملونه وراح نحقن الحواجب لنرفعهم من هون شوووي.. يعنى الحمد لله كلها شغلات خارجيه وما راح نحتاج لتدخل جراحى وهلا لتس جو ...
جويل اخدت ريناد وابتدت تلف بيها على كل اقسام المركز ورهف سابتهم بعد مادفعت مبلغ طائل لجويل وسابت ريناد هناك وجويل طمنتها وقالتلها اول ماتجهز هتكلمها تيجى تاخدها
عند مهاب بالرغم من انه وسط اهل البلد ووسط كل الناس اللى بيحبوه الا انه حاسس بفراغ وان فيه حاجه غايبه منه وصورة ريناد دايما قدام عنيه...
*ريناد كانت سعيده جدا بالتغيير اللى بيحصلها ومع كل حاجه بتعملها كانت بتشوف انسانه تانيه خالص بملامح لايمكن كانت تصدق انها بتملكها
*احمد المصرى بعت عمال عشان تبتدى تجهز المبانى المطلوبه لارض بنته ريناد ومعداتها
*رعد كل يومين يروح الارض ويطمن عليها ويفضل يلف فيها وبيشم فيها ريحة قمره اللى وحشته جدا فى اليومين دول ووحشته المناقره بتاعتها..
الكل مستنى بكره وحاسس انه جايب معاه كل حاجه حلوه
واحنا كمان هنستنى بكره نشوف هيحصل مع ابطالنا
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا