رواية فصيلتي القوية بقلم ريناد يوسف - الفصل السادس عشر
رواية فصيلتي القوية بقلم ريناد يوسف - الفصل السادس عشر
تابع من هنا: روايات رومانسية جريئة
مهاب فتح الباب وبص لقى تورته واكل على السفره ولقى شموع فى كل مكان والبيت ريحته تجنن!!!
مهاب بص يمين وشمال بخوف واتقدم بحذر على الشموع اللى مرصوصه فالارض على الصفين لغايه اوضة النوم ومسك الاوكره ولفها بشويش وهنا اخر زرة ثبات عند ريناد اتبخرت و انهارت
وغمضت عنيها بشوق ...اخيرا بعد طول انتظار هتشوفه وتشم ريحته هما اه كام يوم لكن بالنسبالها كانو عمر بحاله..
مهاب فتح الباب واتفاجئ باللى قدامه وفتح بوقه بذهول وسند على الباب وريناد قامت بدلع اتمشت عليه لغاية ماوقفت قدامه...
ريناد حطت ايدها على خد مهاب وهو اول ماعملت كده غمض عنيه قوى وفضل يحرك شفايفه بكلام مش مفهوم..
ريناد :مهاب حبيبى مالك؟!!
مهاب على صوته :قل اعوذ برب الفلق قل اعوذ برب الناس ابعدى انا مش هاجى معاكى.. فاهمه مش هاجى.. وجسمه ابتدى يترعش..
ريناد :😨اهدى حبيبى مش جاى معايا فين؟
مهاب :متقوليش حبيبى انا مش حبيبى امشى يلا امشى..
ريناد :استغفر الله العظيم مالك بس
مهاب :بتذكرى الله ازاى انتى مش القرآن بيحرقكم؟!!
ريناد ضحكت بصوتها كله ومسكت ايده بتجره عشان تقعده على السرير..
مهاب نتر ايده منها :اوعى واخدانى على فين عاوزه تاخدينى تحت الارض مش هاروح معاكى اوووووعى..
ريناد : مهاب انا ريناد
مهاب :عارفكم عتقلدو الاصوات وكمان عتتشكلو فأى صوره ابعدى عنى عقولك
ريناد :مهاب انا رينو صدقنى
مهاب :بلا رينو بلا عبقرينو عقولك انصرفى...
ريناد قعدت على السرير وبصتله وهى ساكته
مهاب قرب منها بحذر ووقف قدامها
بصى يااسمك ايه انتى اى حاجه طلب وقبول وانا معاوزش اكون معاكى
ريناد :ماشى يامهاب حاضر همشى ولعلمك كل الشو ده عشان انتا عاوزنى امشى.. عشان موحشتكش اصلا.. عموما انا مش همشى عاوز تمشى اتفضل انتا انما انا قاعده فبيتى وفأرضى..
مهاب بصلها وديق عنيه وشاولها بأيده لحظه
طلع موبايله يتصل برعد ملقاش شبكه
مهاب ابتسم :عارفه انها مقفله ...صوح ..
لئيمه انتى برضك..
ريناد بصتله بحب :وحشتنى على فكره
مهاب بص لعنيها :طب كنتى غيرى لون عنيكى حتى اهى تبقى حاجه وحده عندك اثبات انما مفكيش ولا حاجه من رناد وتقولى انك هيه طب كيف ادييينى عقلك؟
ريناد قلعت العدسات وبصت لمهاب المصدوم
مهاب قرب منها وبصلها فعنيها :رينااااد يخرب مطنك.. طب كملى يلا اقلعى الوش والبدله اللاصقه اللى لابساها دى كنتى هتلبسينى ياشيخه!!!
ريناد :وش ايه وجسم ايه يبنى؟
مهاب :طب متزعليش خليكى لابساهم دا حتى حلوين عليكى اللى يشوفهم يقول من صوح والله..
ريناد نفخت بغل :تصدق اتخيلتلك مليون سيناريو هتعمله لما تشوفنى لكن اللى بتعمله ده بصراحه ابعد من خيالى وبصت للناحيه التانيه...
مهاب بعدم تصديق.. ايه دى دا بينه صوح ولا ايه وقعد جمب ريناد..
مهاب :طب اعذرى عقلى البشرى المحدود واشرحيلى حصلك ايه؟ :
ضربك برق وانتى معديه ؟ له كنتى اتحرقتى...
طب قابلتى الساحره بتاعت سندريلا وحولتك لغاية نص الليل مثلا ؟ له ماظونش...
طب كلتك عربيه وروحك اتقمست جسم الغلبانه دى ؟ ايوه هو ده...
طب ياأيتها الروح الكامنه فى هذا الجسد الجميل آمرك ان تنصرفى...
ريناد لفت لمهاب ومسكت ايديه الاتنين بأديها طب لمستى دى كمان مش لمستى ؟
طيب بص فى عنيا هتشوف حبى ليك
اللى لايمكن انس ولا جن يحبك قده..
مهاب رفع ايده وحطها على خد ريناد اللى غمضت عنيها براحه
مهاب :طب فهمينى ايه اللى حوصول وكيف
ريناد :من اول ماسبتك دخلت مركذ تجميل ومخرجتش منه الا من شويه
مهاب :المكان اللى يقدر يعمل كل ده مسمهوش مركز تجميل ده المفروض يسموه مركز إعاده تأهيل..
مسك ايد ريناد وقومها ولفها حوالين نفسها
مهاب :وصغرو مناطق وكبرو مناطق عيملوها كيف دى؟؟
كانو بيخلوكى تاخدى نفس وتكتميه وهما يدوسو عليكى ويوزعو الهوا كيف النفاخه (البالونه ) اكده؟!!!
له وشعلقو حواجبك لفوق.. طب كيف ؟
بس بس اعرفتها حطو فكل حاجب مغنطيس تحت الجلد وحطو فى قورتك فوق كل حاجب مغناطيس تانى وبكده المغناطيسين عينجزبو وحواجبك اتشعلقت... يبووووى عالعلم اللى تطور قوى ده...
طب والعضلات راحت فين ؟ عرفو مكان البلف بتاعهم وفسوهم؟؟؟ ياريتنى كنت دورت عليه انا من زمان.. لكن يلا كلو فأوانه حلو برضيك...
ريناد :يعنى عجبتك؟
مهاب :ريناد انتى اكيد طبعا لايمكن هتصدقينى لو قلتلك انك كنتى عجبانى من لاول صوح ...هتقولى على كداب وجزمه.. وانا كمان هقول على حالى اكده برضو... فهوفر الكلام صعب التصديق واقولك انك بعد اللى عملتيه فحالك ده انا اكتشفت انى سطحى ومعفن....
ومدورتش على الجوهره اللى جواكى ونفضت عنها التراب.. لكن اُحييي اللى عمل اكده مكانى ونفضك من الجلخ وطلع الجوهره...
ريناد قربتله :طب ايه
مهاب مبتسم وهو بيبصلها :ايه فأيه
ريناد رفعت حواجبها :لا والله
مهاب :ايوه ايوه عشان ناكلو الطورطه يعنى ونتعشو؟؟ خلاص يلا بينا وخرج قدامها...
ريناد استغربت وخرجت وراه
مهاب بياكل ومش باصص لريناد وعمال ياكل ومستمتع بالاكل جدا وكل شويه يشكر فى الاكل..
ريناد فضلت بصاله بأستغراب وغيظ وبعد شويع شبع وقام غسل اديه وخرج من الحمام.. ريناد بصتله بأبتسامه وهو كمان رد عليها بأبتسامه واتكى على عنيه..
وريناد اتكسفت وبصت للأرض.. مهاب قرب منها ورفع وشها بأيده وقرب من ودنها وهمس :
ريناد انا ....انا .....انااااا....
ريناد هزتله دماغها عشان تشجعه
مهاب :انا عاوز من يدك كباية شاى وخايف تكسفينى
ريناد بصتله بأستغراب :شاى؟
مهاب :بلمون عشان الوكل كان حلو وكلت كاتير.. و سابها ودخل الاوضه.. وهى قامت دخلت المطبخ وهى هتطق من الغيظ وابتدت تكلم نفسها..
يخرب بيت البرود اللى انتا فيه ياشيخ؟؟ .
*وردت علي نفسها.. يبت اصبرى اكيد هيفاجئك انا عارفه...
ريناد عملت الشاى ودخلت على مهاب واول مافتحت بصت عليه لقته نايم قربت عليه واول مابصت فى وشه شخر شخيره عاليه ريناد اتخضت منها 😨
ريناد ندهت عليه :مهاب ...مهاب
لكن مهاب مردش عليها واتقلب الناحيه التانيه وشخر تانى..
ريناد ضربت رجلها فى الارض وخرجت وهى مش فاهمه فيه ايه؟ منين يقولها بيحبها حتى من قبل ماتتغير!!! ومنين سابها ونام بعد الغياب ده وحتى مقعدش معاها شويه عشان تشبع من قربه؟!!!
ريناد خرجت من الاوضه وفضلت تشيل فى الاطباق وترزع فيهم بصوت عالى ومع كل رزعه تبرطم وتشتم على مهاب وهو من جوه كان سامعها وكل ماترزع طبق يغمض عنيه....
ريناد دخلت اوضتها وفضلت رايحه جايه وصوت الكعب بتاعها مخلى مهاب ميت من الضحك...
مهاب بعد شويه حس بهدوء وصوت خطوات ريناد اختفي قام وخرج وشافها قاعده فى الصاله وحاطه رجل على رجل وبتهز فرجلها بعصبيه..
مهاب قرب منها وقعد عند رجلها
ريناد نزلت رجلها وبصتله اووى جوا عنيه وهو كمان بص جوا عنيها والعيون قالت كلام كتير جدا لكن الالسنه منطقتش
مهاب :ريناد انا راجع البلد فى موضوع مهم ومش هينفع اسيبك لحالك تعالى هوصلك عند اهلك..
ريناد بصت لعنيه اوى وقامت لبست عبايتها وقامت معاه من سكات ومن غير ولا كلمه...
مهاب وريناد وصلو عند اقرب محطة بنزين ومهاب نزل عشان يروح الحمام وبعد شويه رجعلها تانى...
وصلها عند باب الفيلا واول مااتطمن انها دخلت من باب الفيلا اتحرك بعد ما رفض يدخل معاها بحجة انه مستعجل...
ريناد دخلت الفيلا واول مادخلت لقت امها بتستقبلها وعلى وشها اجمل ابتسامه
ريناد راحتلها :متفرحيش اوى دا حتى مقليش كلمه حلوه يجاملنى بيها
رهف :فيه زلم ما بتقول كلام بتسوى افعال بنت قلبى...
ريناد :ولا قال كلام ولا افعال اطمنى
رهف ":راح يقول ويسمعك احلى كلام لكن هلا تعى بدى اشوفك شى...
ريناد راحت مع مامتها جوا اوضتها واتفاجئت بعلبه كبيره على السرير راحت عليها وبتبص عليها بفضول
رهف قربت منها وشاورتلها عشان تفتحها
ريناد فتحت العلبه وشافت فستان فرح ابيض مطرز بارق الرسومات
ريناد بصت لامها بعيون مدمعه الفستان ده بتاع مين
رهف :لأحلى رينو ع وجه الارض
ريناد :ومين اللى جابه
رهف :زوجك اتصل فينى لما كنتو بالمحطه
وطلب منى اسوى هيك لانه مارضى ياخزك بدون مايفرحك متل اى بنت وانا فورا نزلت جبته من الاتيليه يلي بأخر الشارع..
ريناد ابتسمت ومسكت الفستان وفضلت تلف بيه :امال فين مهاب
قمر :راح يجيب السيد ليعقد عليكى محكمه
وتصيرى مرته بالجد وألك عنده وعليه حقوق وابوكى راح معه ورعد راح ليجيب كم شغله ليفرحك يابنتي.. حقك تفرحى
ريناد بفرحه :انا مش عاوزه من الدنيا حق الا مهاب وبس...
رهف :ربى يسعدكم.. والله هالمهاب طلع خوش رجال وادمى الله يخليلنا ياه..
ريناد بفرحه :امين يارب
رهف :يلا راح اتركك تلبسى الفستان
ريناد وهى بتاخد الفستان وابتدت تغير وتلبسه بسعاده وبعد ماخلصت وقفت قدام المرايه كتير تتأمل الفستان عليها وتتأمل شكلها الجديد وتحفر فى دماغها زكريات لحظه كانت فاكره انها لايمكن تعيشها... لكن اهى جواها وبتعيشها بكل تفاصيلها....
سمعت صوت من وراها :اهو انا مرضيتش اقرب منك قبل مأشوف الفرحه واللمعه اللى جوا عنيكى دلوكيت دى...
ريناد لفت لمهاب اللى كان لابس بدله وكان فيها زى القمر وجريت عليه وحضنته وهو كمان حضنها ....حضنو بعض بكل الشوق والحب اللى جوا قلوبهم
سمعو صوت من وراهم :هاد فال مو زين لعلمكن كان لازم ماتطلع لهون هلا مهاب
مهاب وهو باصص لعيون ريناد :مقدرتش استنى اكتر،، انا اصلا صبرت لغاية دلوقتى بالعافيه...
ريناد بابتسامه :بحبك ياأحلى حاجه حصلت فى حياتى
مهاب بابتسامه :وانا ععشق التراب اللى عتمشى عليه يابت بحري.
رهف انسحبت من وسطهم
مهاب :الفستان حلو قوى عليكى تعرفى انى عحوش فى حقه بقالى كتير..
ريناد وهي بتلمس الفستان :دا اغلى واحلى حاجه فالدنيا عندى.. واجمل من اجمل فستان شفته او هشوفه فعمرى كله
مهاب :طب يلا ع المأذون تحت عشان انا مش قادر اصبر اكتر من اكده.. وغمزلها
ريناد حطت وشها فى الارض بكسوف وابتسامه منوره وشها ومسكت ايده ونزلت معاه
كتبو الكتاب وسط اهلها وكم حد بساط من الجيران والفرحه غمرت البيت والزغاريت والهلاهل بتاعت رهف جايبه اخر الشارع..
رعد بحماس :انا حجزتلكم اسبوع فى شرم هدية جوازكم والسفر بعد ساعه
مهاب بص لريناد وابتسم وهو عيرد عليه :له مهنسافروش لحته.. انا عاوز كل حاجه حلوه تحصل معاى تحصل جو ارضى، ونفسى فرحتى تكمل هناك
زى مابدأت هناك، وبص لريناد ولا ايه رأيك يارينو؟
ريناد :انا مفيش مكان فى العالم احلى من ارضنا عندى وانا كمان نفسى فرحتى تكمل فى جنتك يامهابي...
مهاب اخدها من ايدها وخرجو رايحين يركبو عربية رعد وقفهم احمد
استنو مش هتروحو غير فى العربيه بتاعتكم
وحدفلهم مفتاح وشاورلهم على عربيه سوده متزينه بباقات الورود.. دى هدية جوازكم..
ريناد بصت لمهاب فى ذهول وراحت على بباها وحضنته وباسته :
متشكره يااحلى بابا فى الدنيا
احمد :ربنا يسعدك يابنتى
مهاب مكنش راضى عن موضوع العربيه لكن مرضيش يعترض عشان ميبوظش اليوم على ريناد ويكسر الفرحه اللى ظهرت فى عيونها لما شافت العربيه..
الاتنين ركبو العربيه ومهاب ساق بريناد على جنتهم وطول الطريق ريناد حاضنه دراعه وهو كل شويه يمسك ايدها ويبوسها
بعد مسافه وصلو جنتهم وكان الليل دخل عليهم مهاب نزل ريناد وراح ركن العربيه
وطلب منها تستناه
رجع مهاب وفتح الباب وشال ريناد ودخل بيها البيت وهو شايلها
ريناد :دنتا طلعت رومانسى اهو!!!!
مهاب :له دنا هفاجأك.... ودخل بيها البيت وتم المراد...
الصبح بدرى مهاب قام ملقاش ريناد جمبه خرج بره وشافها بتجرى وتلف جوا الارض وسط الزرع وهى فارده دراعاتها وسنابل القمح الخضره بتتمايل مع الهوا حواليها كأنها بترقص معاها
مهاب راح عندها :محدش قالى ان الجواز عيهوس اكده؟؟؟ فيه عروسه تعمل اكده فصباحيتها يامجنونه!!!! بالك انتى لو فى البلد وشافوكى بتعملى اكده كانو قالو الوسواس خدك واتهوستى وطخوكى هههههههههه....
ريناد جات جاريه عليه :طب ومين قلك انى متجننتش... انا اتجننت بيك من اول يوم شفتك.. من اول لحظه بصيت جوا عنيك... من اول لمسه لمستهانى بدون قصد فى كل مره بناولك حاجه..
فى كل مره شلتنى او قربت منى...
واقولك امتا الجنان وصل عندى لاعلى
ليفل ؟ يوم ما بوستنى ساعتها حسيت انى مش عاوزه حاجه تانى من الدنيا..
اول كل حاجه حلوه حصلت فحياتى كانت هنا.. وعشان كده حبيت اشارك الزرع فرحتى.. انتا مش بتقولى انه بيحس بالحب انا جيت عشان اتشارك معاه سعادتى،، وهو كمان فرح معايا وبيرقص اهو... وادت ضهرها لمهاب وبصت للارض...
مهاب حضنها من ضهرها وحط دقنه على كتفها وفضل يتأمل الارض والزرع معاها
وابتسم ابتسامه عزبه معرفتش طريق
وشه من سنين كتير...
مهاب :تعرفى يارناد ...انا نفسى اول عيل لينا يتولد جوا الارض اهنه..
ريناد حضنت ايديه بأديها وابتسمت وغمضت :هتسميه ايه
مهاب :سمعت عيقولو لكل واحد نصيب من اسمه عشان اكده هسميه رماح
ريناد :😞 رماح
مهاب :ايوه عشان يطلع سريع اكده ومعيتعبش وميبطلش ون فى الارض
ريناد بعصبيه :يامهاب انتا هتخلف حصان ؟ سريع ايه ورماح ايه ويون ليه بقولك اوعى جنانك يكون هيطلع على عيالنا اقتلك
مهاب :طب خلاص نسميه دبور اهه ملكيش حجه مهتلقيش اجمل من اكده إسم يام دبور
ريناد بصتله ورفعت حاجبها :دبووور؟؟؟ انا ام دبور!!! ووطت مسكت حصى من الارض وفضلت تضرب فيه ومهاب يجرى قدامها ويضحك وبصوت عالى :😂
ام دبور اتهوست ...ام دبور اتهوست... الحقونا ياخلق.... الحق امك يادبور
بعد كام يوم من السعاده لمهاب وريناد رعد راح البلد جاب قمر واحمد ورهف راحولهم الارض وكان الكل مبسوط والسعاده ماليه الجو
قمر :اخص عليكم اكده تتجوزو وانا بعيد وحدش يعزمنى طب كلكم بربطة المعلم اكده محدش فيكم هخليه يحضر فرحى
بقلم /ريناد 🌾
رعد ورهف واحمد.🤔🤔🤔
رعد :ولا انا ياقمر ياحبيبتى
قمر :انته بالزات لايمكن تحضر فرحنا
رعد 😨
قمر نطت مره وحده وبصت لرعد :
طب بمناسبة الكلام عالجواز مناويش تشهل ونتجوزو الا الخطوبه طولت ومسخت...
رعد :طولت ايه يابنتى احنا مكملناش شهرين
قمر :وهما شهرين شويه دول ٦٠ يوم ب ٦٣٤٤ ساعه.. وزمان شحتو باقيله ٦ شهور ويشرف ويتنطط حوالينا...
مهاب : روحي يابعيده يكسفك كيف ماكاسفاني دايما ومخليه وشي فالتراب من الحيا قبال الناس...
رهف :شنو شحتو
رعد :لا متسأليش انتى عندك الضغط ولو فهمتى هتتعبى وبص لقمر
على فكره انا عندى شقه وبشطب فيها وكلها شهرين تلاته وتجهز
قمر :شهرين تلاته ليه وشقه ليه... ياجاحد عاوز تسيب امك وابوك اللى ربوك وتسكن لحالك ؟ له انا مهسمحلكش لازمن احفادهم تنولد وسط جدهم وجدتهم فى بيتهم الجاهز ومش محتاج تشطيب..
وبعدين انا عاوزه اخد بالى منهم فكبرهم يبقى خير البر عاجله ونعملو الفرح بعد يومين
رعد ومهاب :😨😨
رهف:ايي والله يابنيتى لازم جهالكم يخلقو ويربو وسطنا والله انتى طلعتى خوش بنيه واحلى كنه بالدنيا كلها
رعد :فرحانه انها هتسكن معاكى يارهف ومصدقه ان هى هتاخد بالها منك دنتى بعد شهر واحد هنلاقيكى خارجه الشارع ناكشه شعرك وماسكه زماره بتزمرى وتجرى ورا العيال
قمر :كداب فأصل وشك طب دى رهوفه دى حبيبتى وميلت عليها وحضنتها وباستها
رهف :ولك حياتى انتى احلى قمر بالكون
احمد :طب مدام كده يبقا خلاص الفرح بعد اسبوعين طالما ملكمش حجه
رعد بص لقمر بخوف
قمر :😁
رعد : ياااامرارك يارعد
قمر :والله متخاف انا مهأزيكش
الكل ضحك ورعد لف للارض وربع اديه واتنفس بقوه وطلع النفس بالراحه وابتسم بحب :
تعرفو انى حبيت الارض دى اوووى وبرتاح جدا هنا... طب تعرفو انا نفسى اجى اسكن معاكم فى الهدوء والنقاء ده
قمر ابتدت تهز فى دماغها شمال ويمين من غير ماتحرك رقبتها :
انا كنت عاااااارفه انا كااااااان قلبى حااااااسس من ساعه ماجيت اهنه وحسيت انى هموت واندفن فى الصحرا تحت الرمله دى
وابتدت تمسك فى الرمله وتحطها فوق دماغها
الكل بص عليها بذهول :😨😨😨😨
رهف:ولك بنيتى اهدى
قمر :سيبينى يارهف يختى سيبينى اغبر حالى سيبينى انا الظاهر مهعرفش اطلع من بيت الراعى والنساء ده طول عمرى... يااامرك ياقمر يابت شمس وقامت مره وحده :
لكن له والله فسماه لو صممت تقعد اهنه
لاهرب منكم واشتغل رقاصه واتجوز ظابط ايقاع احسن منك اهو يبقى فضهرى دايما وانتا خليك اهنه وشوفلك سفينة صحراء اتجوزها....
وسابتهم وهى بتولول وراحت على البيت
رعد بص لمهاب :اختك عاوزه تشتغل رقاصه
مهاب :البت طموحه متوقفش قدام طموحها يارعد وبدال متشوفلها ظابط ايقاع روح معاها انتا واديك اكده اكده هتفضل ظابط
ههههع ههههههع ههههههع
رعد طلع مسدسه وجررى وراها خدى يابت هنا تعالى بس عاوزك مش هعملك حاجه وهى جريت منه وفضلو يلفو حوالين بعض فى الارض وقمر تمسك رمل من الارض وترمى على رعد
وهو يتفادى مره ويجو فوشه مره تانيه لما بقا شكلهم هما الاتنين زى اللى طالعين من القبر
رهف :يمه قمر عم تحكى جد بدها تشتغل رقاصه؟
احمد :لو ابنك عاش هنا هتشتغل وبالنسبه للمنظر اللى شايفه قدامى ده اأكدلك انها
هتعمل كده... ولعلمكم هتبقى اشهر رقاصه فمصر عشان دافعها قوى ومش بعيد بعد ماتتشهر ترجع تنتقم منك انتي وابنك واخوها...
رهف :يمه انا خُفٍت لك شوف رعد شو سوتله
احمد ضمها :لا متخافيش انا جمبك وان كان على رعد شوية ميه يرجعوه جديد المهم ربنا يعينه عاللى جاى
مهاب وريناد بيتابعو كل حاجه وبيضحكو على ايام رعد اللى هتبقى سوده على ايد قمر بعون الله..
ريناد بصت للكل واتنحنت :احمم بصو انا قررت حاجه لمستقبلى وارجو انكم انتو كمان تحترمو قرارى ده وتوافقونى فيه :
انا قررت احول من طب لكلية زراعه وغمضت عنيها ولما محدش رد فتحت عين وحده وبصت للكل لقتهم باصينلها ومفيش اى رد فعل على كلامها...
ريناد :ايه هى الصدمه جامده ولا ايه
احمد :بصى ياريناد انا عن نفسى يوم ماسلمتك لمهاب سلمته كل مسؤليتك.. يعنى هو اللى تاخدى رايه فى حاجه زى دى وبعدين دى حياتك وانتى تشوفى الانسب ليها،، وانا شايف ان القرار اللى اخدتيه ده مناسب لوضعكم دلوقتى وكويس لمصلحة الارض...
ريناد بصت لمهاب اللى ابتسملها :
موافق بس بشرط
ريناد :ايه هو؟
مهاب :هقدم معاكى واى حاجه تاخديها تيجى تشرحيهالى عشان انا مش هكون فاضى اروح الجامعه.. انتى تقولى وانا اطبقلك عملى على الارض اهنه..
ريناد نطت عليه وحضنته بفرحه :مهاب انا بحبك اوووى
مهاب :انتى من يوم مادخلتى حياتى وانا احلامى كلها بتتحقق واحد ورا التانى
يعنى السعاده اللى انا حاسس بيها دلوكيت انتى السبب فيها وعشان اكده مهقدرش ارفضلك طلب...
قمر ورعد رجعو بعد ماتعبو من اللف ورا بعض وقعدو جمبهم وهما بينهجو..
رهف :قمر حياتى راح تيجى معى بعد اذن مهاب طبعا بدى اشتريلك كم شغله ع زوقى للزواج
قمر :هتشتري ايه؟ انا معاوزاش حاجه
رهف :كيف مابدك شي راح جيبلك ملابس جديده ومكياجات وعطور وهواى اشيا
قمر :له متكلفيش حالك
رعد :ياااااعاقله يارزينه
قمر :بصى يارهف انتى استايل لبسك مش عاجبنى اصلا.. فمش هسيبك انتى تختاريلى يعنى..
رهف :😨شنو
قمر :كيف ماعقولك اكده وانتى حداكى خلاجات كتير فبدل ما نشترو هلبس معاكيعشان اقطعهملك بسرعه وابتدى البسك على زوقى وتواكبى الموضه ..
بقلم /ريناد
رهف :كيف يعنى تيابى مبيعجبوكى!! انا عم البوس من تحت يد اكبر المصممين بالعالم انا هانى البحيرى مصمملى اخر قطعه!!!
قمر :ولا ليها عازه اصبرى بس انا هلبسك معاى دنا جايبه تشكيله جلاليب بالترتر والكرانيش داير مايدور هلبسك منهم واخليكى نجفه ملعلطه عتمشى فقلب
البيت اكده... ولما توقفى فى الشمس تبقى
كيف لمبة الديسكو تعكسى انوار من كل
مطرح...
رهف :شنو تورتوتررر
قمر :معلهش هعذر جهلك بالموضه وهعرفك كل حاجه وحده وحده
رهف :وين بتصممى تيابك حبيبتى
قمر :عند ام صبحى فاشون
رهف :🤔ماعمرى سمعت عنها ام الصبحى
قمر :يوووه وانتى عتطلعى فين ولا تروحى فين عشان تسمعى على العموم معلهش كله هيتصلح لما اجيلك
رهف :انشاله يمه
ريناد ومهاب واحمد فطسانين من الضحك
رعد لريناد :😁قمر هتلبس امك ترتر وتخليها زى لمبة الديسكو
ريناد :😂متخيله المنظر
رعد :طب مفيش فى الكولكشن بتاعك جلابيه وعمه للحج احمد ياست قمر عشان يواكب الموضه هو كمان.. الا الست رهف بعد ماتلبسيها تشوف نفسها عليه
قمر :كله موجود كل حاجه سهله اصبرو علي وانا هغير حياتكم كلكم
مهاب :انا متاكد من اكده
رعد :يامنجى من المهالك يارب
*************
عدو كام يوم ومهاب راح يجيب سلمى ومحمود عشان فرح قمر ورعد...
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا