رواية فصيلتي القوية بقلم ريناد يوسف - الفصل الثامن عشر
رواية فصيلتي القوية بقلم ريناد يوسف - الفصل الثامن عشر
تابع من هنا: روايات رومانسية جريئة
ريناد قاعده قدام الارض وبعد مالنار اكلت آخر شبر فى المحصول لفت عشان تقوم
وشافت مهاب من بعيد قاعد على ركبه والدموع متحجره فى عنيه قلبها وجعها عليه اكتر ماوجعها على الارض.. لانها متأكده اللى حاسه بيه دلوقتى ميجيش نقطه فى بحر اللى حاسس بيه مهاب
ريناد راحت عليه بخطى تقيله وقعدت جمبه وحطت ايدها على صدره وبصت على عيونه اللى متسمره على الارض والسواد اللى كسى الارض انعكس فيهم خلاهم انطفو وضلمو..
ريناد مسكت ايد مهاب وقومته وهو قام معاها بدون مقاومه ودخلته البيت
واتحرك على اوضة النوم وطلع على السرير ونام ودفن دماغه بين اديه
ريناد قلعته الجزمه وغطته لما حست ان جسمه بيتنفض مع انهم فى عز الحر ونامت جمبه وحضنته من ضهره
مهاب فضل كذا ساعه نايم كانه بيهرب من اللى حصل وكأن دماغه رافضه تصدق خسارته لحلمه وفرحته بالسهوله دي كأنه بيتمنى انه يكون جوا كابوس ويصحى منه
ريناد سابته بعد فتره وخرجت تطفي عن الاكل اللي اتحرق هو كمان عالنار وبقت كل شويه تدخل تطمن عليه ودموعها مش قادره تسيطر عليهم لدرجة انها حست بدوخه وتعب من كتر اللى شافته ومبقتش قادره تقف على رجلها...
دخلت اخيرا بالليل لقت مهاب صاحى وواقف فى شباك الاوضه وبيبص عالارض ومربع اديه
ريناد دخلت وحطت ايدها على ضهره وبعدين قربت وسندت دماغها على ضهره بتعب وضمته
مهاب وهو على وضعه ":ايه اللى حصل ياريناد
ريناد افتكرت وابتدت تحكى وتشهق من البكا من ساعة ماشافت دخان من شباك المطبخ لغاية لحظة لما شافته لكن مقالتلهوش انها شافت مروان بيعمل كده خافت احسن ميصدقهاش زى المره اللى فاتت... لكنها حلفت بحرقة قلبها وقلب مهاب لتاخد تارها منه بنفسها وتحرق قلبه زى ماحرق قلبهم...
مهاب اتنهد بكسره ولف لريناد واخد دماغها فحضنه وباسها وطبطب عليها وسابها وخرج برا البيت وفضل قاعد وباصص للارض ويطلب من ربنا انه يأجره فى مصيبته ويرزقه خير ا منها
ريناد راحتله واخدت معاها اكل وقعدت قصاده ومدتله ايدها بالاكل قدام بقه
وهو بص لحالها صعبت عليه وميل على الاكل واكل عشان هى كمان تاكل وهى ابتسمتله من بين دموعها وطبطبت على رجله
ريناد :هنرجع نزرعها من تانى هنتعب شويه بس مش مشكله طول محنا مع بعض هنقوى بعض وكل حاجه تهون
مهاب ميل عليها وطبع بوسه على جبينها ومسح دموعها واخد ايدها بالاكل ووداه على بقها هى عشان تاكل وفعلا اخدت قطمه وهو ادته قطمه وكل واحد فيهم قطمه لغاية ماخلصو السندوتش
مهاب بصلها بحب :على فكره حاجه تانيه وحده تحصول و انا هبتدى اصدق انك بومه ووشك فقر صوح 😂
ريناد بصتله بزهول :😞انا بومه ...انا ماشى ياهباب طب بقولك عشان الكلمه دى انا هخليك هباب بجد ونطت عليه مره وحده حضنته واخدته واتدحرجو على رماد القمح فى الارض وقامو هدومهم ووشوشهم وكل حاجه فيهم سوده ومش باين لهم اى ملامح
الاتنين بصو على بعض وبعدين بصو على نفسهم وابتدو يضحكو ضحك هستيرى وكل مادا صوتهم يعلى ويعلى
مهاب :هههههههه تصدقى احنا معندنا دم
ريناد :هههههههه ايوه كنت لسه هقولك
مهاب :طب متيجى وانتى شبه الجسه المحروقه اكده تجيبى بوسه بطعم المرار الطافح 😂
ريناد : طب هتعرف شفايفي فين ولا هتخمن؟
مهاب: له اضحكى وسنانك هتدلنى تعالى تعالى جاكى الغلب وقرب منها وباسها ولما بعد قالها :طعمك محروق
ريناد :حتى انتا طعمك ممرر 😂
مهاب :طب عقولك ايه بعدى عنى قبل مانتمادو واحنا بالمنظر ديه ونجيبو عيل محمص
ريناد :طب يلا قوم عشان نستحمي
مهاب :له هنام اكده مقادرش استحمى وانتى كمان تعالى نامى جمبى اكده افرشيلنا حصيره اهنه
ريناد :يبنى التعابين والحيوانان تاكلنا
مهاب :جاكى خيبه مين هيجيله نفس يقرب مننا بمنظرنا ده تعالى تعالى
الصبح بدرى محمود وسلمى والعمال راحو على الارض والكل اول ماوصل الارض اتصدم من اللى شافه وسلمى بقت تندب على دماغها وعلى خدودها من خسارة اخوها واللى حصله.. ومحمود كأنه حد ضرب قلبه بسكين على المنظر ومقدرش يتخيل مهاب حس بايه وجرالو ايه ساق بسرعه وهو واللى معاه
شايفين السواد على مدد الشوف
معقوله هى دى نفس الارض اللى كانت كيف العروسه امبارح
محمود وصل قصاد البيت والكل نزل وسلمى جريت على البيت والكل وراها لكن وقفت مكانها وحطت ايدها على خشمها وقعدت على ركبها وهى شايفه مهاب وريناد
الكل لما شافهم ضرب كف على كف
لاحول ولا قوة الا بالله اتحرقو وهما حاضنين بعض
تلاقيهم راحو يطفو مسكت فيهم النار راحو يطفو بعض مقدروش وماتو كيف ماهما اكده
الكل بيترحم عليهم وعلى مهاب اللى كان اطيب قلب فى البلد
محمود وسلمى قاعدين قصادهم على ركبهم
متسمرين والدموع متحجره جوا عنيهم
فجأه سلمى صرخت بأعلى صوتها :
اخووووووووووووووووووى مهاااااااااااااااب
مهاب قام فاطط على الصرخه هو وريناد وكل واحد جرى على ناحيه والناس اول ما شافوهم قامو وعيرمحو الكل جرى من قدامهم وهما بيصرخو حتى سلمى ومحمود 😂
الناس كلها بقت توقع فوق بعضها ومهاب يقرب عاوز يشيل الناس من فوق بعض وكل مايقرب الناس تصرخ وتجرى اكتر وتوقع فوق بعضها
محمود وسلمى كانو اسرع ناس وسابقو الكل
مهاب لف لريناد بتساؤل واول ماشاف منظرها فهم اللى بيحصل وهى كمان فهمت وابتدو يضحكو بهستريه ومهاب عجبته اللعبه وجرى ناحية اهل البلد وبقى ينط من
هنا ومن هنا بسرعه وهما يصرخو ويجرو
وقعد مره وحده لما تعب من الضحك وريناد كمان كانت قاعده على الارض وبتضح اكتر منه
الناس متابعاهم من بعيد وابتدو يهدو ويستوعبو اللى بيحصل هما كمان وابتدا محمود بالضحك ووراه سلمى والكل بعد كدا ابتدا يضحك ومره وحده بطلو لما سلمى جريت على مهاب واترمت فحضنه وفضلت تبكى بكا هستيرى ومهاب يسكت فيها ويطبطب عليها :ششش خلاص قدر الله وماشاء فعل
سلمى :انتا اللى عتصبرنى ياولد ابوى بدال منا اصبرك واخفف عنك ربنا يخلف عليك بالحلال ياخوي..
مهاب :صاحب الخلف موجود يابت ابوى
محمود قرب منه :ايه اللى حصل مين اللى عمل اكده
مهاب :تلاقيه سواق معدى رمى عقب سجاره ولا حاجه يلا الحمد لله على كل حال
مهاب بص للرجاله :تعالو يارجاله قربو بت ياريناد ادخلى هاتى واجب الضيافه للرجاله وحضرى وكل
واحد من الرجاله :له ياخوى احنا معاوزينش حاجه هيبقى موت وخربان ديار احنا هنروحو تانى وبعدين عيالك تعبانين سيبهم يرتاحو
مهاب بص لريناد وبعدين بصله :له هى محروقه صح بس شديده لسه قلبها اخضر من جوه النار محصلتوش دلوك تزرع من تانى 😂
الكل ضحك وريناد معاهم ودخلت هى وسلمى عملو شاى وحضرو وكل للرجاله
محمود :بص يامهاب الرجاله دى مش هتروح تانى الرجاله دى هتنزل فى الارض بالجرارات والصخاصيخ وتحرت وتساوى وتقسم ونجهزوها لزرع جديد
مهاب :علطول اكده
محمود :وفيها ايه هى تعبت ولا تكونش نَفَسه لسه؟ طب دى حتى خدت كميه سماد من الرماد ده يخلى زرعها يطلع يغنى غناوى
مهاب :انا عاوز اتمرها شجر المره دى وده هياخد فلوس كتير
واحد من الرجاله :انا اخوى عمل مشتل وبيبيع كل انواع الشجر المطعوم واقدر اخليه يجيبلك الشجر كله بالقسط وطبعا اول سنه الشجر هيكون صغير وتقدر تزرع وسط منيه اى محصول لانه مش هيمنع الشمس لانه مفرعش لسه وكمان تقدر تزرع كذا سنه تانين قبل الشجر مايكبر .
محمود :كلام جميل وتعرف ايه انسب حاجه تنزرع... الفاصوليه... معتاخدش وكت وعتنزرع مرتين فى السنه كمان ..وكل مره تقريبا ٣ شهور
مهاب :والله اللى تشوفوه يارجاله
محمود :خلاص يبقا الرجاله تفطر ونقومو
وانتا معانا
مهاب :له انا محروق جديد استنو لما انبت تانى
الكل ضحك ومهاب ضحك معاهم وهمس لنفسه (صحيح اللمه بتنسى الهم وتخفف الصدمات )
***********
فى البلد مروان روح وراح لحمد والفرحه باينه عليه
حمد :خير الضحكه شاقه خشمك وواصله لودانك
مروان :اسكت بردت نار قلبى من ولد شمس وحرقت ارضه وارض الغندوره
حمد:شاله تتحرق فنار جهنم يابعيد وقام وقف وفضل يروح وييجى وحاطط ايده على راسه
حضرت العفريت اللى هيموتك ويموتنى ومحدش هيعرف يصرفه ياواكل ناسك
وقرب منه ومسكه من صدر جلابيته وفضل يهز فيه :مرجعتليش ليه قبل ماتعمل حاجه زى دى وكمان جاى على سرايتى فرحان ياواكلهم عشان يكون جاى وراك ويفتكر
انى انا اللى مسلطك ويخلص عليا قبلك
مروان :متقلقش محدش شافنى ومهاب مكنش قاعد من اساسه
حمد اتنفس بصوت عالى وساب مروان
طب الغباوه دى مش هتفوتك ابدا طب بدال متحرق محصول بالشيئ الفلانى خليه يحصد ويفرح ويتعب ويعبى وانتا ابعت حد يسرقه اهو تبقا استفدت برضيك
مروان :له مخليتهوش يفرح بحصادها حرقت قلبه عليها
حمد :جاك قلبه تقلبك يابعيد.. واسمع زين..
الله فسماه لو مهاب عرف انك انتا وراها انا هسلمك ليه بيدى وياروح مابعدك روح ياحبيبي..
مروان نفخ بضيق :مهيعرفش ريح بالك وقام مشى
حمد :عتلعب فى عداد عمرنا جاك قطر يعدى على دماغك اللى مفيها مخ داى
*********
فى شرم الشيخ عند قمر ورعد
رعد مد ايده لقمر :يلا اطلعى
قمر :اطلع فين ياخوى اركب جوا قارب ارضيته كلها قزاز افرض طق واتكسر فى نص البحر اروح فين انا وانا مععرفش اعوم؟
رعد :يبنتى اطلعى فرجتى علينا الناس مكله ركبها اهو
قمر :وانا مالى بكلو حد رايح ينط من فوق بيت انط معاه عشان نبقو كله!!
رعد :انتى لابسه سترة نجاه وبعدين هوريكى الاسماك الملونه والشعب المرجانيه تعالى
قمر :ربنا يسترك انتا بسترة النجاه دى انا معوزاش اشوف سمك ملون عاوزه اشوفه اروح الحلقه بتاعت السمك فيها كل الانواع
رعد راح عليها مره وحده وشالها ورزعها جوا المركب
قمر صرخت ورفعت رجليها على الكرسى :يبوووى هتنكسر ونغرقو والسمك اللى فرحان بيه ده هياكلنا ياولد رهف
رعد :يابنتى دى العيال الصغيره مش خايفه اهى
قمر :عشان اجانب مفاهمينش ووبصت لولد كل مايشوف سمكه تعدى تحت المركب يجرى وينط فوقها قمر شدته من دراعه وقعدته على الكرسى :هتكسرها ياواكل اللى جابوك ونموتو والسمك اللى عتتنطط فوق دماغه ده هيعمل عليك حفله دلوكيت
قمر شويه شويه ابتدت تفك وتستمتع بالمنظر مع رعد ونسيت خوفها واندمجت مع السمك فعلا وبدات تتفرج عليه ورعد لما حس ان خوفها راح ابتدا هو كمان يستمتع..
خلصو فسحه وجعو عالفندق وبيقضو اسعد ايام حياتهم مع بعض وناسيين العالم باللى فيه ورعد كل يوم بيتعلق بقمر عن اليوم اللى قبله ويكتشف فى شخصيتها حاجه جميله... وهى كمان عشقته لدرجة الجنون فى الكام يوم دول
عند مهاب الرجاله ابتدو يفلحو فى الارض ومهاب اضطر انه يقبل ياخد فلوس من ريناد على سبيل السلف عشان يدى اجر العمال والبذور بشرط ان المحصول كله يكون ليها هى... وقدام اصراره على شرطه ريناد وافقت اهم حاجه الارض تنزرع...
حمد قرر انه يروح لمهاب يجس نبضه ويشوف موقفه ايه من اللى حصل ده وهل شك فى مروان وفيه ولا عداها على انها حادثه
حمد :يلا هنروحو للفقرى اكننا سمعنا باللى حصله من مرزوق اللى جا من عنده امبارح
مروان :ونروحو نعملو ايه هناك
حمد :ناخدو بخاطرو نبعدو الشبهه عن نفسينا نتجنبو شكه ياخى!
مروان :زى بعضه يلا لما نشوفو اخرت خوفك منه دا ايه
*****
عند مهاب فى الارض الكل شغال واحمد ورهف راحولهم زياره واتفاجئو باللى حصل وزعلو جدا،، لكنهم هديو لما شافو مهاب وريناد متقبلين اللى حصل وبيقولو قدر الله وماشاء فعل
الكل قاعد مع بعضه وفجأه عربيه وقفت ونزلو منها اتنين ريناد اول مالمحتها عرفتهم علطول لكن الباقيين عرفوهم لما قربو عليهم ومهاب كان اخر حد متخيل انه يجى ارضه الاتنين دول
حمد قرب منهم :السلام عليكم
الكل رد السلام
حمد فتح درعاته وراح على مهاب وحضنه :
ايه ياولد ابوى ايه اللى سمعته ده ربنا يعوض عليك يامهاب ربنا يصبرك على نصيبتك يااخوى
مهاب مستغرب من اللى بيحصل وباصصلهم بذهول.. قرب منه بعد كده مروان وكان تمثيله ميقلش عن حمد فى الاتقان
حمد :بص ياولد ابوى اى حاجه تعوزها انا سداد من قرش لمليون اهم حاجه ارضك ترجع تطرح وتنبت من تانى
سلمى :ومن ميته الحنيه دى ياولد ابوى امال
حمد :من هنا ورايح واذا كان الشيطان دخل ما بينا مره وخلانا نعضو فبعض فمش معنى اكده اننا منعرفوش غلطنا ونرجعو وربنا غفور رحيم ولا ايه ياولد ابوى
مهاب لاول مره حس ان اخواته رجعوله وانه فعلا بقى عنده اخوات بجد... الحاجه الوحيده اللى ياما حلم بيها ان الخلاف مع اخواته يزول وينتهى ويبقو فضهر بعض عزوه لبعض وسند وقت الشده
مهاب قرب لحمد وحضنه بحب :وانا مسامح ياولد ابوى فأى حاجه عميلتوها معاى ومن اليوم ورايح نفتحو صفحه جديده.. واللى جاى بعون الله هيكون احلى ...انا حاسس ان الارض دى وشها حلو قوى علي
مروان :له الارض حداك من زمان ومحصلش حاجه... اللى وشها حلو صوح مرتك وبص لريناد اللى واقفه مربعه اديها قدام صدرها وساكته وبتابع بأبتسامة سخريه على وشها ...
مهاب بصلها بحب : عندك حق هو فعلا وش ريناد اللى حلو علي حياتي كلها..
ريناد مرة وحده نزلت ايديها وابتدت تسقف وتهز فى دماغها بأعجاب :برافوووو والله انتو تاخدو جايزه اوسكار فى التمثيل.... صحيح تقتلو القتيل وتمشو فجنازته
مروان وحمد ومهاب بصولها بصدمه وحمد بلع ريقه مرتين ورا بعض وحس ان رجليه نملت وبص لمروان اللى كان حالته متقلش عنه
مهاب :انتى عتقولى ايه ياريناد
ريناد :اللى سمعته يامهاب بقول ان اخواتك حبايبك اللى جايين دلوقتى يتمحلسو هما اللى حرقولك ارضك
حمد بصلها وبصوت مخنوق :كلام ايه ده يامرت اخوى ارض ايه دى اللى حرقناها طب احنا اصلا اول مره نعرفو علوانها من مرزوق لما رجع من حداكم وبص لمروان وكمل...
وبعدين نحرقوها ليه الارض احنا لينا مصلحة ايه من حرقها
ريناد :والله معرفش قول لنفسك لما مروان يجى مره واتنين ويتسحب زى الحراميه واخر مره يوم حريق الارض يبقا ايه
مروان :انا مطلعتش من البلد من شهر ويوم حريق الارض مستعد اقولكم كنت فين ومع مين وعندى شهود على كلامى
حمد بص لمهاب :الظاهر اننا غلطنا ياولد ابوى... تصدق انا جاى وعارف ان النفوس مهتصفاش بسهوله.. لكن مكنتش اصدق ان مرتك تتهمنا الاتهام ده ولف عشان يمشى...
مهاب حس ان اخواته لو مشيو المره دى بعد ماجم مادين ايديهم بالسلام مش هيرجعو تانى ابدا
مهاب لف لريناد وبصوت عالى : ايه اللى عتقوليه ده اعتذري من اخواتى ياريناد
ريناد رفعت حواجبها وهمست بأستنكار
انتا بتقول ايه؟
مهاب :اللى سمعتيه
ريناد :دول هما اللى حرقو الارض!!!
حمد ومروان فى صوت واحد :
متصدقهاش دى عتكرهنا /كدابه
حمد :مش ناسيه اننا جبناها من بيت ابوها غصب عنها لكن الانتقام ميبقاش اكده يمرت اخوى... احنا جايين بعد سنين فراق وخصام مادين ايدنا لاخونا
ريناد :واشمعنا دلوقتى واشمعنا فى الوقت ده بالزات؟!!! ولا بتدارو على عملتكم،، ولا عارفين انه اهبل وهتضحكو عليه بكلمتين عشان ميشكش فيكم؟؟
ريناد اتفاجأت بقلم من مهاب خلاها رجعت لورا
مهاب :عتقولى على مين اهبل يابت انتى
حمد :يبوووى على جلع بنات بحرى الوحده تطول لسانها على رجلها قدام الناس كلها لاخجل ولا خشا له دى مشفنهاش قبل كده واصل
ريناد بصتلهم وبعدين بصتله :اللى ينسى اذية عمر بحاله وينسى المعامله اللى زى الزفت وينسى الناس اللى منعته انه يعيش معاهم فى نفس المكان ورموه هو واخواته فى ملحق زى الكلاب... واللى ضحكو عليه واخدو ارضه وخلوه يشتغل فى محطه وهو صاحب املاك... واللى لما بعد عنهم وزرع وابتدت الدنيا تضحكله حرقوله ارضه دا مش يبقا اهبل بس.... دا يبقى اهبل وغبى كمان... قالت اخر جمله بزعيق خلت مهاب ينزل عليها بقلم تانى وبصلها وبص لابوها اللى اخدها فحضنه
لكنه متكلمش لانه عارف ان بنته غلطت فى جوزها قدام الناس كلها ودا فى عرف الصعايده عار ومش مقبول
مهاب بصله قوى واخيرا نطق :خد بتك وروح ياعمى (بتك طالق) 🌾
بقلم /ريناد
ريناد بصت لمهاب بنظرة انكسار وسابته ومشيت هى وابوها وامها بسكوت تام وركبو عربيتهم ومشيو وريناد مبصتش وراها عشان متشوفش مهاب
سلمى صرخت فى مهاب بعد مافاقت من صدمتها :انتا عملت ايه ؟ بعت مين عشان خاطر مين ؟ نسيت دول عملو فينا وفيك ايه؟!!!
نسيت يامهاب نسيت ؟.. ياخساره بعت الغالى بالرخيص ياولد ابوى.. ياخساره يامهاب ياخساره ياولد شمس. وسابته ومشيت من قدامه
مهاب نزل راسه للارض راح عليه حمد وحط ايده على كتفه :ارفع راسك ياولد ابوى انتا راجل والراجل ميخليش حرمه تهينه حتى بينه وبينها مش قدام الناس.. وان كان على موضوع الارض اقسم
مهاب رفع ايده قدامه عشان ميكملش :ملوش داعى ياولد ابوى انا مصدقكم وعفا الله عماسلف واحنا ولاد النهارده
الكل كان متابع اللى بيحصل وحتى رجالة البلد معجبهمش اللى حصل ومشيو وهما زعلانين على مهاب وقلبه الطيب اللى خلى اخواته يعملو فيه كل ده وكمان زعلو على ريناد اللى حبوها زى متكون اختهم فى الكام يوم دول... الكل كان مصدق ان حمدومروان ورا اللى حصل الا مهاب الوحيد اللى عقله كان رافض يشوف الحقيقه قدام قرب اخواته منه
مروان وحمد قعدو مع مهاب وحتى نزلو معاه وفلحو فى الارض شويه مع مهاب اللى كان طاير من الفرحه بيهم ونسى ريناد واللى خلفوها
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا