رواية فصيلتي القوية بقلم ريناد يوسف - الفصل الثالث والعشرون
رواية فصيلتي القوية بقلم ريناد يوسف - الفصل الثالث والعشرون
تابع من هنا: روايات رومانسية جريئة
ريناد كانت واقفه ورا مهاب وشايله بنتها قمر وسمعت كل حاجه وشافت الموقف كله وكانت واقفه جامده ومستنيه اي رد فعل من مهاب علي الموقف ده لكن مهاب اكتفي بالسكوت
مهاب فاق من سرحانه علي ايد اتحطت علي كتفه التفت لقاها ريناد
مهاب بص لريناد و بص لربيع ورجع بصلها تاني ...
بصته ليها كانت سؤال ريناد فهمته وفضل مركذ عنيه عليها مستني يشوف رد فعلها ورأيها في الموقف
ريناد فهمت ان مهاب ربط مصير الولد ده علي كلمه منها وطبعا ريناد كانت عارفه كويس هي لازم تقول ايه ...
بصت لمهاب ولسه هتتكلم وتقوله ان قعاد ابن حمد معاهم مستحيل وانهم ممكن يساعدوه هو ومامته بفلوس ويعتبروها صدقه لكن اتفاجأت بقمر اللي مدت ايدها علي ربيع وبتشابي عليه وتضحك
ربيع رفع وشه عشان يشوف قمر اللي صوتها الصغير خلاه ابتسم من وسط دموعه
ريناد بصتله وشافت الدموع فعنيه ومغرقه وشه ومتعرفش ليه في اللحظه دي اتخيلت ابنها حسن مكانه وان مصيره مربوط بكلمه زي اللي هتنطقها هي دلوقتي... فضلت بصاله كتير ومهاب متابعها بعنيه ومتابع تعابير وشها
ريناد بصت لمهاب فعنيه ولسه هتتكلم لكن خافت علي مشاعر الولد وندهت علي حسن عشان ياخد ربيع ويدخله جوا الفيلا
مهاب بص لريناد ومنتظر
ريناد ":القرار ده لازم تاخده انت يامهاب
مهاب :اخده لحالي يعني وانتي ملكيش رأي فيه القرار ديه ولا ايه؟
ريناد :لا يامهاب وتأكد ان اي قرار هتاخده انا موافقه عليه بس اتمني ان اي قرار هناخده منندمش عليه فيوم من الايام سواء بوجوده وسطنا او بعده عننا ...
مهاب اتنهد :علي العموم خليه يفضل معانا كام يوم ونشوف هنقدر نتحمل المسؤليه دي ولا لأ
***************
في فيلا احمد المصري
احمد :يلا ياقمر النهارده اول يوم ليكي في الشركه ومينفعش تتأخري كده الموظفين هياخدو انطباع مش حلو عنك انتي لازم تكوني قدوه
قمر :قدوة ايه بس ونيلة ايه انا مش عارفه كيف هروح اتحكم فرجاله بشنبات وهما يسمعو كلام حرمه طب والله انا مكسوفالهم
احمد :ياقمر الستات بتحكم بلاد يابنتي وبقو رؤساء جمهوريه انتي بتتكلمي فأيه اخلصي عشان السكر ابتدي يعلي والضغط كمان
رهف :يي خلصينا قمر راح تجلطيه للرجال من اول يوم يلا ماما
قمر :خلاص خلصت اهه ...يعني ينفع ولدك بايت في الكتيبه من امبارح؟ طيب بس لما يرجع ...طب حتي يجي يشوفني وانا مديره ويعملي باي باي وانا ماشيه ويقولي ابقي هاتيلي حاجه حلوه وانتي راجعه من الشغل 😂😂
رهف :راح يعملها بكره لا تخافي
قمر :بس حلو الطقم ده يارهوفه تحسيني اكده وحده مهمه اول متشوفيني بيه 😂
رهف :اييه هاد زي سيدات اعمال ياعمري منشان يليق بصاحبه شركات المصري للاستيراد والتصدير
احمد :قمر عاوزك تتصرفي وتعملي زي منا هعمل بالظبط وتتعلمي مني ماشي ...
قمر :متقلقش اعتبرني بغبغان بيسمع ويردد ويقلد
احمد :طب قدامي يابغبغان
خرجت قمر واحمد وراحو للعربيه
قمر مشيت وكانت رافعه دماغها لفوق وماشيه بثقه شديده مش عارفه جيباها منين واللي يشوفها يقول سيده اعمال من الطراز الاول 😂😂
وصلو الشركه وجه حارس عليهم كبير في السن شويه فتح باب العربيه لقمر
قمر :شاله يخليك يابا الحج ويكرمك يارب
احمد زغدها بكوعه وهي بصتله وبرقت عنيها من الزغده
احمد :دا شغال عندك
قمر :وايه يعني بس كد ابوي واحترامه واجب حتي لو شغال عندي
احمد :يااهلااا.. دا بينها هتبقي ليله انزلي انزلي ياعملي وعمل ابني الاسود ..
قمر :اكده يبا الحج ربنا يسامحك
احمد :يبنتي متزعليش بس لازم المقامات تكون محفوظه ولازم يكون فيه حزم منك فالاول مع الموظفين وبعدين تليني معاهم وحده وحده
قمر :يعني انت عاوز حزم
احمد :ايوه
قمر :طب اتفرج عالحزم عاد
قمر نزلت من العربيه لبست نضاره شمس ودخلت الشركه وهي رافعه راسها لفوق بمنتهي الخيلاء
احمد المصري مراقبها :يييس زيس ماي جيرل 👏👏
قمر بصتله وكملت طريقها لجوا وهو لحقها والكل بيوقفلهم وهما داخلين وبيتسألو علي الصاروخ اللي معاه دي تطلع مين ؟
احمد للسكرتيره :اجتماع لرؤساء مجلس الاداره بعد ربع ساعه من دلوقتي بلغي الكل
السكرتيره :حاضر يافندم اوامر تانيه
احمد :اه فنجان قهوه مظبوط وشوفي مدام قمر تشرب ايه
السكرتيره بصت لقمر
قمر :قهوه مظبوط
السكرتيره :حاضر يافندم ومشيت وقفلت الباب وراها
احمد :من امته بتشربي قهوه ؟
قمر :مش هشرب
احمد :امال طلبتي ليه ؟
قمر :مش قولتلي تعملي كيف مهعمل بالظبط !!
احمد ضحك وهز دماغه :ماشي ياستي
بعد ربع ساعه الكل اجتمع في غرفة الاجتماعات والكل متوتر من الاجتماع المفاجئ ده ودخل احمد وقمر اخر اتنين
احمد قعد علي راس الطربيزه وقمر راحت قعدت علي راس الطربيزه الناحيه التانيه
احمد :احم
قمر :احم
الكل بصلها وبص لاحمد بتسأؤل مين هيتكلم فيهم الاول 😂
احمد :طبعا انتو مستغربين من الاجتماع المفاجئ ده لكن اولا احب اعرفكم بمدام قمر مرات ابني ومديرة الشركه الجديده
الكل بصلها وهي هزت رقبتها ورفعت حواجبها وبتهز دماغها بغرور 😂
احمد كمل كلامه :من النهارده هي اللي هتبقي مسئوله عن كل كبيره وصغيره في الشركه وعاوز الكل يكون معاها وكل واحد يعرفها الصغيره قبل الكبيره في شغلنا
الكل :تحت امرك يافندم
احمد بص لقمر وشاورلها بعنيه عشان تقول اي حاجه للعمال
قمر هزت دماغها وعملت حركه بأيدها يعني اقول ايه
احمد :ودلوقتي مدام قمر تحبي تقولي حاجه لموظفينك وشاورلها بأيده علشان تقف
قمر قامت وبتبص شمال ويمين بعنيها وفجأه ضربت علي الطربيزه بأديها الاتنين بقوه خلت الكل اتخض وزعقت بصوتها كله :
اسمعوني زين وطرطقولي ودانكم داى ... عهد احمد المصري وزمن التسيب والاهمال خلاص انتهي ومن اليوم وطالع كل شي هيتغير
الكل :😳😳😨😨😨
احمد :😤😤😢 ياقمر ياحبيبتي تسيب واهمال ايه احنا شركتنا احسن وانجح شركه في الشرق الاوسط !!!
قمر :اسكت انت ياعمي انت اكيد نايم علي ودانك ومديش خوانه اصلا كل شركه فيها تسيب وسرقه وبلا ازرق ..
وحاجه تانيه كمان ....انا هجيب الحسابات واحسبهم بالقرش والسحتوت واي حد اختلس ايوتها فلوس من الشركه هرجعهم من حباب اعنيه وارميه في السجن لغاية مايعفن وفضلت تنقل عيونها بينهم بسرعه وترقب
الكل :🤔🤔🤔🤔
احمد مد اديه على الطربيزه وخبط بكفوف اديه كذا مره عليها بغلب وبعد كده قام عدل كارفتته واتنحنح :احم طب كل واحد علي مكتبه ومتنسوش اللي قولتهولكم وبالنسبه لكلام مدام قمر تنسوه هي بتحب الهزار ...
الكل رد علي احمد بأيمائه من دماغه وابتدو يخرجو وكلهم عنيهم علي قمر بنفس النظره 😕😕😕😕😕
قمر كمان بتبصلهم ومبرقه عنيها عالاخر
اخر واحد خرج وبعده احمد المصري فجأه قام بسرعه وجري علي قمر وبيحاول يمسكها وهي بتلف حوالين الكراسي
قمر :مالك يبا الحج جرالك ايه ؟
احمد وهو بينهج :تعالي هنا بس هقولك حاجه مش هعملك حاجه تعالي
قمر :له انت عتوزغرلي من اول الاجتماع ومتوجسه منك وحاسه انك هتوضربني مش عارفه ليه !!!
احمد مره وحده نط بقي جمبها ومسكها من هدومها من قفاها وبيهز فيها جامد بيخليها تروح وتيجي
تعالي هنااا... تسيب ايه اللي جايه تقضي عليه انتي واهمال ايه هاه؟؟
لا وايه انا انا نايم علي وداني... انا ...بتطلعيني مغفل فأول يوم شغل ليكي قدام الموظفين ياقمر ؟
وكمان خدي هنا حسابات ايه اللي هتراجعيها انتي اللي يوم مابتحلي مسأله لعيالك بتطلع غلط والعيال بيتعاقبو ... يافاشله ..يافاشله
قمر :ربنا يسامحك مهردش عليك 😌
احمد :وايه حكاية الاختلاس دي كمان وبيهز فيها
قمر :بص يبا الحج اي شركه بيكون فيها اختلاس وسرقه ويستغفلو المدير لغاية مايجي مدير جديد ويكشف السرقه ويحبس الموظفين...
اصلا لازم انت مش متابع التفزون وفايتك كاتير والله بس خلاص متقلقش انا جيت ياعمي خلااااص
احمد حدفها علي الكرسي وقعد علي كرسي هو كمان وبيفك في الكرفته بتاعته ونده للسكرتيره وطلب منها كباية عصير لمون عشان يهدي اعصابه واخد حبايه مهدئه وفضل ياخد شهيق وزفير عشان يهدى ...
قمر قربت منه ومسكت ملف وقربت منه وفضلت تهويله بيه وهو يبصلها كل شويه ويتنفس بصوت عالي وهى تهوي اكتر وف الاخر احمد زق من ايدها الملف وقعه ع الارض ومسكها من هدومها وقربها من وشه
بصي ياقمر الشركه دي من اكبر واضخم الشركات في الشرق الاوسط ان مكانتش الاضخم بينهم.... عشان كده استعباط استخفاف قلة عقل هجيب شنيور وافتح دماغك فتحه من هنا واطلع دماغك دي واكلها للكلاب وشاور علي قورتها
قمر حطت ايدها علي قورتها :😢😢
هتفتح بالشنيور
احمد :اييييوه
قمر :اهنه فقورتي
احمد :اييييوه
قمر :له والنبي يبا الحج لو هتفتح افتح فدماغي من ورا الله يخليك
احمد "😕 اشمعنا
قمر :عشان لما اخر دم مينزلش علي عنيه ويوسخ وشي وينزل فخشمى وبعدين طعم الدم زفر قوى ..
احمد زقها وقعها علي الكرسي ورن الجرس بقوه وعنف السكرتيره جت جري
احمد :خلي مدراء الاقسام يجو واحد واحد هنا وكل واحد ميمشيش الا لما يتأكد ان المدام فهمت كل حاجه في القسم بتاعه فاهمه
السكرتيره :تحت امر حضرتك
احمد بص لقمر وقام عشان يخرج وبصلها لقاها بتفتح شنطتها وتطلع اكياس صغيره قرب منها وبص للاكياس وبرق
احمد :ايه دا ياست قمر ؟
قمر :دا لب وسداني وشوية تسالي اكده عشان نقزقز واحنا بنشتغلو
احمد :رربي لا اسألك رد القضاء لكني اسألك اللطف فيه ... قرده جايه تشتغل ..؟لطفك يارب ...وخرج ورزع الباب وراه
قمر :😕 ماله ديه زعل ليه دا لب وسداني امال لو حشيش كان عيمل ايه واتنهدت ...يلا استحملي جنانهم ياقمر وخلاص امرك لله ربنا رازقك بالناس اللي عقلها صغير وبتزعل من اقل حاجه مش عارفه ليه ..🤔
*************
في الارض عند مهاب
ريناد بتبص علي ربيع اللي ابتدا يلعب ويندمج مع حسن وكمان قمر اللي كانت بتتعلم المشي جديد كانت بتمشي ورا ربيع في كل مكان وتضحكله وتلاغي فيه وهو يضحكها وريناد تضحك عليها وعلي صوتها العالي وكلامها المش مفهوم
ربيع كان شكله جميل وملامحه مريحه حاجه كده غير ابوه وامه خالص ...وكان طبعه هادي اوي وابتدا يدخل قلب ريناد وخصوصا انه بيسمع الكلام من اول مره واي حاجه بتعملها بيساعدها فيها وحتي قمر كان بيشيلها ويلاعبها بالساعات لما ريناد تكون مشغوله في المطبخ
غير حسن اللي كان مغلبها جدا
ريناد بتبص لربيع وسرحانه فاللي عمله ابوه زمان وضمت حواجبها لما افتكرت لما كان عاوز يرمي مهاب في البير وفاقت علي صوت ايد بتتحط علي كتفها التفتت لقتها سلمي
ريناد :سلمي وحشتيني جيتي امته؟
سلمي :لسه واصله اهه حالا وادتها بنتها تشيلها
قمر : بدر البدور حبيبتي وحشتيني ...انبسطتي في الفرح ياسلمي؟
سلمي :قوي والله والكل سأل عليكي انتي ومهاب والعيال وزعلو قوي انكم مرحتوش وفضلو يقولو كيف ميحضرش فرح بت عمه هو ومرته
ريناد :مانتي عارفه الظروف والشغل المتلتل ...وبعدين مش كفايه انتي ومحمود سبتونا طب والله مهاب كان محتاس بين شغل الكافتريا والبنزيما وشغل الارض والمزرعه وبصت للبنت :
وحشتيني يابدر انتي وماما اوي ووحشتي قمر وباستها ...اممم وهما تفهمو وعذرونا ولا تربسو
سلمي :له انا فهمتهم الظروف..المهم
ريناد :ايه المهم ؟
سلمي شاورت بدماغها علي ربيع اللي كانت عارفاه بس هو مكنش يعرفها عشان امه كانت منعاه من اهل ابوه
ريناد هزتلها دماغها بحيره
سلمي :بصي يارناد انتي طبعا لو رفضتي يعيش معاكي الحق معاكي ومحدش يقدر يلومك لانتي ولا مهاب عشان اللي شفتوه علي يد ابوه مش قليل... انا سمعت في البلد ان حسنه جابته اهنه وهتتجوز جاها جنازه حاره يارب
ريناد اتنهدت :طب وهو زنبه ايه بس فعمايل اهله ...وبعدين اهو نكسب فيه ثواب بدال مايتمرمط ويتشرد في الشوارع ويطلع مجرم ولا قتال قتله...
وبعدين بيني وبينك الولد كيوت اوي وهادي كده وبصراحه دخل قلبي... انا مش عارفه حمد وحسنه خلفو ده ازاي سبحان الله ولا شكله بصيله كده قمر اوي
سلمي :طالع علي عمه مهاب وعمته قمر حتي شوفي عنيه شبه عنين الملكومه قمر كيف
ريناد :تصدقي اه اول مره الاحظ ياأروبه
سلمي قربت من ربيع وقعدت جمبه :
انتا تعرفني
ربيع هز دماغه بلا
سلمي :انا عمتك سلمي اخت ابوك يعني تقولي ياعمتي وكمان عندي واد اصغر منك بسنه يبقي واد عمتك اسمه سليم وبتي دي اللي شيلاها مرات عمك اسمها بدر ومن اهنه ورايح هتبقو اخوات وحبايب
ربيع ابتسم وراح علي بدر وحاول يشيلها لكنها بكت وبعدت عنه وهو كشر لكن لقي قمر جايه عليه ومسكت رجله وبتضحك وطي عليها وباسها وفضل يلاعب فيها
مهاب دخل مع محمود بعد مالفو في الارض ومحمود بص بصه علي كل حاجه وسليم كان معاه ودخل سلم علي ريناد والولاد وقعدو هما الاتنين والولاد قدامهم بيلعبو وريناد وسلمي دخلو يحضرو الاكل
محمود :ايه النظام وشاور برقابته علي ربيع ...ايه اللي وصل ولد حمد اهنه ؟
مهاب اتنهد :امه جابته ياسيدي قال ايه هتتجنز وهو هيعطلها جابته اهنه وقالت لحمك وربيه ولو مش عاوزه ارميه فالشارع!!
ربيع كان بيلعب لكن سمع الكلام وافتكر امه وهي بتقوله كده ودموعه نزلت ومسحها بصمت وهو مديهم ضهره
محمود :ياساتر يارب ايه الناس دي يابوي... ايه القلوب دي هي القطه كلت عيالها ؟
مهاب :له وانت الصادق رمت عيالها
ربيع دموعه بتنزل بسكوت وهو بيحرك العربيه علي الارض وقمر راحت فوشه وقربت منه ولمست دموعه بصباعها وحطته فبوقها وداقته وكشرت 😝
ربيع ضحك عليها وشالها ومسح دموعه وفضل يزغزغ فيها وهما الاتنين يضحكو
مهاب بصلهم واتنهد :خايف الزمن يعيد نفسه يامحمود لو خليته اهنه وخايف العرق الدساس يورثه طبع ابوه وخيانته وقساوة قلبه وعيالي بعدين يدفعو تمن طيبة قلبي معاه
لكن سمع صوت ريناد من وراه :علي فكره بقا العامل الاكبر في سلوك الانسان بيكون من التربيه والبيئه اللي اتربي فيها يامهاب...
عشان كده انا بقولك متخافش هنربيه وسط عيالنا وزي تربيتهم وهنحبه زيهم وبعدين كفايه انه هيكون سبب لدخولنا الجنه لكفالة اليتيم
مهاب اتنهد بأرتياح وابتسم لانه بالرغم من ان ربيع ابن حمد الا انه الولد دخل قلبه وحس انه بيشوف فيه حب اخوه اللي عمره ماشافه منه
وحب انه يربيه وسط اولاده يمكن يقدر يكونلهم سند وعزوه وربنا يخلف ظنه
************
في مصر في شركة المصري 😂
علي اخر اليوم قمر كانت استوت من كميه الكلام والشغل والحجات اللي اتقالت لها وبقت عامله زي الفار المبلول ومش قادره تفلفص من احمد اللي حتي الاكل خلاها تاكله وهي بتتعلم وتشتغل
قمر :كان مستخبيلك فين ديه ياقمر ياختي ياصغيره عالهم يالوزه 😢😭
احمد :هتنوحي من اولها دااحنا لسه اول يوم بنقول ياهادي!!
قمر :مهو ديه اللي قاااهرني اول يوم ليا المفروض بالراحه علي... لكن له انت عامل دماغي دي كارت ميموري وقلت اخزن عليه كل حاجه مره واحده ....عملتلي زي اللمبي ٨ جيجا 😭
طب مخوفتش من كتر المعلومات اللى بتخزنهالي داى انسي ولدك وعياله 😢 انت قاسي قوي يبا الحج
لكن ارجع واقوووول انا استاهل انا بومه وفقريه ومعسمعش الكلام ولازمن ديه يوحصول معاي مالي لو خلفت مااااالي ؟؟
احمد :طب يلا بطلي نواح ويلا بينا نروح
قمر :اخيرا هناخدو افراج ياما انت كريم يارب
احمد وقمر وصلو الفيلا واول مادخلت كان رعد ورهف قاعدين مع الولاد اللي اول ماشافو قمر جريو عليها وهي حضنتهم واحد واحد وسلمت عليهم وراحت علي الكنبه ورزعت نفسها عليها
رعد كاتم ضحكته وبيبص عليها من تحت لتحت ..قمر بصتله بنص عين :
متكتمهاش الا تطلع من حته تانيه
رعد :😂😂هي ايه
قمر :الضحكه اللي كاتمها دي ..معارفش تداري فرحتك فيا انت واصل
رعد :😂 اخص عليكي انا برضو افرح فيكي ولا احس ان ربنا بيخلصلي حقي منك لا ياقلبي ابدا
قمر : إيهييه طيب
احمد :سيبكم من النقار بقا ونتكلم جد شويه :قمر انتي طبعا اخدتي فكره عن الشغل وعرفتي ان قدامنا ٣ صفقات كبار واحنا مش هنقدر ناخد الا واحده بس منهم عشان الفلوس اللي معانا مش هتكفي...
وال٣ مربحين ايه رأيك نستورد قطع غيار السيارات ولا اجهزه طبيه حديثه ولا اجهزه رياضيه ايه رأيك نجيب انهي فيهم ؟
قمر اتعدلت في قعدتها :عاوز رأيي
احمد :اكيد
قمر :طب اسمعني زين
الكل انتبهلها
قمر :احنا مش هنجيب ولا حاجه من دول احنا هنستورد حاجه تانيه خالص ....هنستورد شخاليل
الكل فصوت واحد :شخاليل
قمر :ايوه اللي هي بتاعت العيال الصغيره دي اللي بتعمل شخلللللللل
الكل بيبص علي بعضه
قمر :متستغربوش قوي احنا نجيب صفقه الشخاليل نبيعو منها اللي نبيعوه واللي يفضل هنخلوه للعيال اللي هخلفهم في السريع العاجل بعون الله
رعد :😂😂اسكتي مش انا مش عاوز عيال تاني 😂
قمر :له ورحمة امك متنطوقها انا اتمرمطت مرمطه النهارده تخليني اخلف كل يومين عيل وانا ساكته وحاطه بلغه فخشمي
رهف :شو رحمة امه؟!!
قمر :انبي اسكتي انتي دلوكيت يارهف يختي الا انا مش مستحمله وبعدين الرحمه عتجوز عالحي والميت ربنا يرحمنا جميعا
رعد :يلا ياقمر يلا ياماما عشان تاخديلك شاور الا شكلك صعب اوي
قمر :مهخدش شورات ولا زفت وهنام اكده ومحدش ليه صالح بيا وقامت طلعت لفوق
رعد بيضحك عليها وعلي نرفزتها وبص لباباه اللي كانت رهف حضناه وبتطبطب عليه عشان كان باين عليه انه متغاظ وكاتم اوي
رعد :شايف نفسك وانت بتبيع شخاليل ياحج 😂😂
احمد :بص انا النهارده استويت من المورستان اللي متجوزها دي اخرس واطلع لفوق عشان انا علي اخري
شخاليل ..؟ هبقي احمد المصري شخاليل !!!🤔😞
رهف بضحك :والله كتير حلوه شغلة الشخاليل هههههههه هالقمر مصيبه والله ...بس والله حبابه وطيبه كتير
احمد بصلها ورفع حاجبه :شخاليل يارهف ؟😕
في الاثناء دي رعد كان طلع عند قمر الجناح بتاعهم لقاها نايمه علي السرير بالعرض وفارده ايديها بصلها وهي بصتله بالمقلوب سابها ودخل الحمام وخرج بعد شويه وراح قعد جمبها علي السرير وابتدا يمشي صوابعه علي دراعها بخفه
قمر اتعدلت وبصتله ولسه هتتكلم شدها عليه مره وحده وحط صباعه علي بوقها عشان يسكتها وابتدا يقلعها هدوم الشغل
قمر بصوت ناعس :هتعمل ايه ياولد رهف
رعد : حضرتلك حمام دافي يضيع تعب الشغل ..ادخلى خدى شاور وتعاليلى قوام ...قالها وابتدا يعملها مساج بأديه الاتنين حوالين رقابتها..
قمر ابتسمت وديقت عنيها وهي مستمتعه جدا بحنية رعد عليها اللي نستها تعب اليوم : تعرف يارعودى انت سعات بتكون حنين ورومانسي لدرجة اني مش بتخيل ان يكون فيه حد احن منيك في الدينيا دي كلها ...
وسعات بتكون غلس وغتيت ومكار وتكون عاوزلك طلقه فمنتصف جبينك بالظبط ..
رعد ضحك وهمسلها جمب ودنها ..بس فالحالتين بحبك وبموووت فيكى ..وختم كلامه بتأكيد ...
*******************
في الارض عند مهاب الكل عيله وحده وربيع اتأقلم علي العيشه هناك وحب الارض قوي وبقي كل يوم ينزل الارض مع عمه ويتعلم شغل وفلاحة الارض وكان ذكي جدا وشاطر ...
وكان عمه مهاب فرحان بيه جدا بعكس حسن اللي مكنش بيحب الشغل في الارض خالص
ريناد ومهاب باصين من بلكونه الفيلا اللي بتبص علي الارض وشايفين ربيع وهو شغال في الارض مع العمال
مهاب اتنهد :سبحان الله
ريناد فهمته وضحكت وبصت لحسن اللي كان قاعد علي المرجيحه فجنينة الفيلا وبيتمرجح
مهاب : شفتي خلفتك وقال انا اصمم ان لو جبت عيل ينولد في الارض عشان يحبها... وانتي تقفلي عليه وتقمطى وتيجي على ملا وشك عشان تولديه جوا الارض....
وفالاخر طلع ولااا ليه اي علاقه بالارض !!!
ريناد :ههههههه والله احنا عملنا اللي علينا ودي ميول بقا ...وبعدين الولد ده مش بيحب الشغل والتعب زي عمته قمر بالظبط
مهاب :ايوه والله شكله ورث طبعها المهبب ديه ههههه...الا علي سيرتها والله وحشتني قوي الجزمه دي بقالها مده هي ورعد مجوش والعيال كمان وحشوني
ريناد اتنهدت :اه والله وماما وبابا كمان وحشوني جدا بقولك بعد بكره الخميس ايه رأيك لو تطب عليهم وتجيبهم كلهم يقضو هنا خميس وجمعه معانا؟
مهاب :لولا اني عارف انك مش بتحبي تسيبي البيت والارض كنت قولتلك نروحو احنا بدال ماروح واجي لكن عارفك زي ميكون دفنولك صررتك اهنه يافقريه.... دنتي بقيتي متعلقه بالارض اكتر مني انا شخصيا
ريناد :انا فعلا الارض دي كل حياتي وبقت بالنسبالي زي الميه للسمك مقدرش ابعد عنها ...
وبعدين حبي اتولد هنا واول سعادتي عشتها هنا ...واولادي اتولدو هنا دي مش سره وحده المدفونه هنا دي سرر كل حاجه حلوه اتولدت في الارض مدفونه فيها هنا وربطاني بيها
مهاب بصلها بحب وابتسملها واخدها فحضنه وشالها مره وحده وبرقلها
ريناد :فيه ايه يامهاب مالك ؟
مهاب :كلامك الحلو ديه خلاني مبسوط وطاير من الفرحه لدرجه اني مش عاوز لسانك ديه ينطق اي كلام بعديه واصل... وعشان اكده هرميكي من فوق عشان الكلام الحلو ديه يكون اخر حاجه نطقتيها ...حلال الله اكبر ورفعها جامد
ريناد صرخت ومسكت فرقابته جامد وهو ضحك عليها وضمها ليه اوي ومشي بيها لغاية اوضتهم ونزلها بالراحه وابتدا يقرب منها وابتدت انفاسه الحاره تدي تأثيرها علي ريناد اللي دابت بين ايديه وراحو مع بعض لعالم تاني عالم مش بيروحه الا العشاق وبس ...
*************
مرت الايام ومرت الشهور وابتدت تمر السنين كمان
قمر بقت اشطر سيدة اعمال وقدرت بعد تعب من احمد وصبر تتعلم كل حاجه في الشغل وقدرت تخلي الشركه مجموعة شركات وكلهم انجح من بعض واحمد ورعد كانو فخورين بيها جدااااااا...
وحتي هي كانت فرحانه بنفسها واتحولت ١٨٠ درجه وابتدت تعقل وترسي وتحسب الف حساب لكلامها بس في الشركه ....لكن في البيت عايشه بنفس الطبع والاسلوب 😂😂
رعد بقي لواء في الجيش وليه هيبه وكلمته مسموعه وبقا حاجه جامده جدا والشعر الابيض كان مديله وقار وشخصيته اصبحت اكتر جاذبيه وكل مايكبر بيحلو وقمر بتغير عليه وتتجنن زياده
مهاب وريناد في الارض اللي ابتدا العمران يزحف عليها من كل ناحيه ومفيش غيرها هي بس في المنطقه دي ارض زراعيه لكن موقعها كان ممتاز في المنطقه وكانت كل العيون عليها واتعرض علي مهاب ملايين كتير جدا عشان يبيعها وهو وريناد رفضين البيع ومش راضين يتخلو عن جنتهم بكنوز الدنيا كلها
العيال الصغيره كبرت وعودها شد وبقت في عنفوان الشباب وقلوب البعض منهم اتعلقت ببعضها وقلوب مش حاسه بحب اللي حواليها ليها او مش مقدره الحب ده ...
احداث كتيره ....ابطال جديده هتاخد الادوار في روايتنا هنعيش معاهم هنعاني معاهم ونفرح معاهم ونضحك معاهم ونزعل معاهم ...
جيل جديد بفكر جديد بمغامرات جديده
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا