رواية فصيلتي القوية بقلم ريناد يوسف - الفصل السادس والعشرون
رواية فصيلتي القوية بقلم ريناد يوسف - الفصل السادس والعشرون
تابع من هنا: روايات رومانسية جريئة
مهاب اتأسف لعمه شريف ومراته اللي اتخضو من الفرمله المفاجأه دي
احمد بصله من شباك العربيه بعد ماعدي جمبه :ايه الحركات دي عالصبح ياعم ..انك لسائق ماهر 😂وعمال تقطع عليا وقاطع عليا الطريق وعاملي فيها الخط ....وكنت هتموت عمو ومرات عمو وكمان كنت عاوز تركب البنات معاك ؟ دى كانت امريكا اعلنت الحرب لو الصاروخ جراله حاجه..... وسبقه وجري قدامه بالعربيه وهو بيضحك بصوت عالي
سمر :هزر انتا واخوك وناسيين العربيه اللي اتشلفطت دي؟
بيني : طلعت نوت صغيره وقلم ودونت فيها حاجه وبصت لسمر
يأني أيه شلفتت
سمر :إت مينز اتكسرت بروكن
بيني :اوووه ...اوكي
احمد :يالهوي علي الكلام وقلدها ....اووووه اوكي
سمر ضحكت عليه
احمد :هي بتكتب كل كلامنا في اجندتها ولا ايه ؟
سمر :لا دي بس بتكتب الكلمات المصريه الغريبه عليها واول مره تسمعها...
اصلها عاشقه للغه العربيه وكمان بتعرف كل تاريخ مصر وبتعرف كمان تقرا وتتكلم هيلوغريفي وكان حلم حياتها انها تزور مصر.. وبصراحه لما اتعرفت عليها عجبني شغفها بالحضاره المصريه وبعتلها كارت زياره عشان تحقق حلمها
احمد :اصيله يارحاب وخير ماعملتي والله ...اصل احنا لازم نحافظ علي العلاقات العالميه ونشجع تبادل الثقافات
بيني :اووووه كلام هلو اوي ..نايس
احمد ابتسم لها وبص لدنيا اللي كانت قاعده جمبه وباصه علي الطريق ومش معاهم خالص بص لسمر في المرايه وشاورلها عليها بتساؤل
لكن سمر عملتله حركه انها بعدين تحكيله
بيني :واو انتو اتكلمو علي دنيا بإشاره أشان مش يسمع؟ ...انا أوز اتألم إشاره زيكم ..
دنيا بصتلهم والاتنين بصو لبعض وضحكو ودنيا عقدت حواجبها وبصت بعيد تاني
احمد بص لسمر :احذر ياعم الحج الا معانا حد اهبل وهيودينا فداهيه 😂
سمر ضحكت هي كمان وكملو الطريق بعد كده ساكتين
اما مهاب فساق العربيه وابتسامته العريضه علي وشه بعد ماانتعش الامل جواه من اول وجديد مع انه كان مدايق جدا من حزنهادا ...
معقوله حبته للدرجه دي انها تزعل عليه كل الزعل ده وهما مالهمش كام شهر مخطوبين ..وكمان الخطوبه كانت عن طريق بباها وبباه ومكنتش تعرفه قبل كده !!!
معقوله حبته بسرعه كده؟
طب ياتري هتقدر تنساه؟ وبعد اد ايه ؟..كل دي اسئله بتضرب دماغ مهاب زي الاعصار لكن برضو مش مقلله من فرحته بأن دنيا خلاص مبقتش مخطوبه واتولدتله فرصه معاها ..
بعد فتره احمد ومهاب وصلو الارض وابتدو ينزلو ومهاب ورعد كانو في استقبالهم
الكل نزل وكل اللى جوا خرجوا لما سمعو صوت العربيات والكل ابتدا يرحب بيهم ...
بيني كانت اخر وحده تنزل من العربيه
الكل بصلها بذهول حتي الستات 😳😳😳😳😳😳
سمر:دي بيني صحبتي من امريكا وجايه عشان ...
مهاب :بااااااس اني عارف جايه ليه ...جايه تعمل التجربه الامريكانيه زي التجربه الدنماركيه اكده ...وسبحان الله نفس الشكل وصلتي مكانك ياحبيبتي
كل الرجاله ضحكو علي مهاب وابتدا الكل يسلم علي بيتي ولما جه الدور لحسن وربيع وسالم
مهاب زقهم بعيد عنها ومسك دراعها :
بعد ياد انتا وهو هي معتحبش العيال التوتو هي عتحب الرجاله الكبيره عشان خبره انا خابر زين ومزاكر
دوكها حبت عادل امام ودي هتحبني اني انا عارف بَعدددووو
الكل بيضحك علي مهاب وريناد جريت عليه وبالعافيه سلكت البت من ايده بعد ماعضته في دراعه لولا مارضي يسيبها
بيني :اوووه هاو سويت اند كاندي بيبول (اوه ناس لطاف وحلوين اوي )
قمر :😂ياحلاوه دي فرحت باخوى ياسنتك السوخه يارناد ..
مهاب :مش عقولكم انا عارف زين هي جايه لمين يابوم انتو ...
الكل سلم علي بيني وابتدو يدخلو الفيلا ومهاب كان ماشي ورا بيني بالظبط وعينه عليها وهي بتمشي وفاتح بوقه
ريناد زغدته بكوعها فجمبته
مهاب انتبه :
يبووووى ...تعرفي يابت يام حسن انا ايه اللي صبرني لغاية دلوكيت اني متجوزتش عليكي ...اني قاعد مدفون اهنه فالارض ومشايفش الانواع الجديده اللي نزلت في السوق دى ...مدفون انت يامهاب ياغلبان
ريناد بصتله بعتب:كده يامهاب طيب !!
مهاب :له تزعليش عهزر معاكي ...خلي الزعل لما اتجوز بيني 😂😂
وبص لبيني :بيني وبينك خطوه ونص ولا عتسلم ولا عتبص ان ان
ريناد بصت لقمر اللي سامعه اخوها وميته ومش مبطله ضحك :اضحكي اضحكي منتي جوزك مؤدب مش زي المراهق علي كبر ده ...
قمر :عيهزر معاكي يامرت اخوي ...وبعدين بت العشرين دي هتبصله علي ايه يعني سيبك منيه وخليه يهلفط في الكلام..
وهنا مره وحده بيني نطت قدامهم وطلعت النوت بتاعتها وكتبت حاجه وسالت سمر يأني ايه هلفط ؟..
سمر :لا كلام طنط قمر دا محدش اكتشفه لغاية دلوقتي اوعي تتوغلي في اللغه بتاعتها مش هتلاقيلها معاني... اشطبي اشطبي ومتكتبيش اي كلمه تقولها مش هتلاقي لاغلب الكلمات معني
بيني :هو مش اتكلم أربي ؟
سمر :يس هو اتكلم عربي بس لغه تانيه أنذر لانغوج هو بس يعرفها في آول ذا ورلد ...
بيني :اوووه انترستينج( مثير )
سمر :اوه يا ...
مهاب بص لريناد :شوفتي الاوووه دي يابت يارناد ؟!!!
ريناد مردتش عليه وكملت مع الضيوف والكل قعد في الريسيبشن مع بعضه بعد ماسلمو علي احمد ورهف الكبار وابتدت الاحاديث العائليه الودوده والشباب كل واحد في دنيته بيتأمل حبيبه
فجأه تليفون حسن رن
حسن :ايوه يامالك ...بتقول فين ؟ طب ادخل ياعم انتا ...
مالك :ادخل فين وفيه اسد علي الباب ؟
حسن :لا دا برومو كلب قمر متخافش
مالك :لا ياعم دا كبر ومنظره بقى صعب اوي تعالا خدني انت...
حسن :ماشي خليك مكانك جايلك
مالك :من غير ماتقول انا مش هقدر اتحرك اساسا ...
مهاب :ايه دكتور البهايم اوس٢ وصل؟
حسن :ايوه يابابا واقف بره خايف من برومو مش راضي يدخل
قمر الصغيرة بصت لرهف :ياما نفسي اطلقه علي حد يقطملي دراعه ...وبصت لربيع اللي برقلها وهي كملت :وحد يقطملي دماغه وغمضت علي شفتها التحتانيه بسنانها وبرقت وهي بتهز دماغها
رهف بصتلها وبصت بعيد بسرعه عشان كانت بتخاف منها اوي من كتر اللي بتعمله فيها كل ماتيجي عندهم 😂
ربيع بيشاورلها بصباعه علي بوقه عشان تسكت
قمر بصت لرهف وشاورتله بصباعها علي رقبتها يعني هدبحهالك 😂
ربيع برقلها وشاورلها وكرر نفس حركتها يعني انا هدبحك انتي لو لمستيها
حسن دخل ومعاه دكتور مالك اللي جاي بشنطته واول مادخل سلم علي الكل وطبعا لقي ترحيب حار كالعاده خلاه حس انه واحد من العيله زى مامتعود ..
واندمج بسرعه معاهم والكل اندمج معاه وعينه طول الوقت علي قمر ومتابع كل حركاتها وكلامها بشوق ومبتسم حتي وهو بيتكلم مع حد عينه عليها ..
بيني قاعده وسطهم بتبص وتحلل فالاشخاص حواليها :
اوووه الهوب هنا مالي مكان ....الأويون كله مليان هوب ...بس كل واهد هبيبه بيبص في مكان تاني هالص فيه رونج كبير
الكل بصلها واللي فهم اتنهد وبص لحبيبه وسكت
مالك :يلا يابو علي نبص بصه عالمزرعه ونشوف شغلنا
مهاب :له ياولدي اقعد اتغدي لاول والشغل قاعد هي الموزرعه هتطير يعني ؟...
ريناد كمان اكدت كلام مهاب انهم يتغدو الاول وبناء عليه قعدو
واتغدو
بعد الغدا
بدر وسليم وقمر وربيع كلهم خرجو كل واحد علي شغله في الارض
ومالك وحسن راحو المزرعه
احمد الجد بص لمهاب الصغير اللي مركذ بكل جوارحه مع دنيا :
مهاب متاخد دنيا وتقوم تفسحها في الارض هي جايه تقعد ولا ايه
شريف :اه يامهاب يبني ياريت يمكن ربنا يكرمها وتفك التكشيره وترمي الحزن ورا ضهرها
مهاب قام ودنيا وقامت معاه وخرجو في الارض وبيتمشو
مهاب :ربنا يجعله اخر الاحزان
دنيا ابتسمت ابتسامه صغيره :هو حد مات ولا ايه؟
مهاب :المفروض انه مات ....اللي ميقدرش قيمه الشخص اللي معاه ويخونه لازم نعتبره مات وانتهي من حياتنا ومنحزنش عليه ولا ثانيه ..
دنيا اتنهدت وسكتت ومهاب كمان سكت ...لكن بعد شويه اتكلمت :
انتو ليه كلكم فاكرين اني حزينه عليه او زعلانه عشانه ...؟
انا زعلانه من الخيانه يامهاب زعلانه من صحبتي اللي خانتني ... زعلانه من نفسي ومن ثقتي فالناس اللي دايما بتطلع غلط ومش فمحلها ...
تصور صاحبة عمري تخوني ببساطه كده ولما اواجها متنكرش وتقولي انتي اللي مش ماليه عينه ؟...هو مين اصلا عشان املا عينه انا كنت فاكره اني ماليه قلبك انتي بحبي وصداقتي
وعشرتي الطيبه ليكي ...
انا كنت مستعده اني اخسره عشانها لو قالتلي انه بيتقرب منها ...لكن هي سبقت وخسرتني عشانه باعت عشرتي فلمح البصر ...صحبة الطفوله وموضع ثقتي ومعاها كل اسراري وتفاصيل حياتي ...
الخيانه احساس وحش اوي يامهاب اوووي ...
مهاب :انا حاسس بيكي جدا يادنيا ...
لكن برضو الغلط مش غلطهم لوحدهم...
انتي مش بتعرفي تقري الناس كويس يادنيا.. مش بتفهميهم ...
فيه ناس بتكون لابسه اقنعه لكن مهما كان ذكائهم برضو ليهم هفوات وغلطات احيانا كفيله انها تكشف نواياهم قدامنا ....
لكن احنا عشان بنحبهم مش بنوقف عند تصرفاتهم دي وبنعديها تحت مسمي اكيد مكنش يقصد
دنيا :طب ولو مكانش له غلطات او هفوات
مهاب :يبقا بارع جدا في لبس القناع واخفاء حقيقته ...
دنيا :معقول ...يعني فيه حد ممكن يعيش بوش غير وشه طول عمره !!
مهاب :جايز جدا ...
وممكن كمان يكون من اصحاب النفوس الضعيفه لكن مجاتلهوش الفرصه اللي تخليه يتخلي عن مبادئه وقيمه طول عمره...
لكن لما جاتله اتخلي عنهم بسهوله وجري ورا الفرصه ..
وعلي حد علمي ان يارا صحبتك دي من اسره فقيره وخطيبك ابن لوا وعنده املاك وشركات يعني فرصه عمرها اللي باعتك عشانها وغير كده اراهنك انها ممكن تبيع وتضحي بأي حد يقف في طريقها وطريق فرصتها دى ...
دنيا :يااااه للدرجادي ؟
مهاب :يادنيا فيه ناس عايشه في الدنيا دي عشان تتغني فاقرب فرصه مش مهم ازاي وعلي حساب مين ..
وبالنسبه لحتة انك مكنتيش ماليه عينه دي لو هي اللي مزعلاكي كده
فيه ناس يادنيا عنيها مش بيملاها شخص واحد او حاجه وحده ..عنيهم بتبقا فارغه وهتفضل طول العمر فارغه ...وصدقيني كام يوم او كام شهر وهيرمي يارا ويدور علي غيرها وغيرها ....وبرضو مفيش وحده هتملي عينه ..
تعرفي يادنيا امتا الوحده تملا عين الواحد
دنيا بصتله وهزت دماغها بتساؤل
مهاب شاور علي قلبه :لما تملا ده ...
لو حبها ملا قلبه صورتها بتنطبع فعنيه ومش بيقدر يشوف غيرها مهما حاول ...بتكون الدنيا هي وبس هو دا الحب غير كده يبقا مش حب
وبص في عنيها جامد :
ولما تبص جوا عنيه متشوفش الا انعكاس صورتها جواهم بيدي عيونه لمعه وبريق من نوع خاص ...بريق الحب ...
لاول مره دنيا تبص في عيون مهاب قوي كده وتشوف صورتها جواهم وفضلو كده مسافه حست فيها بأنها تايهه فيهم ومش عارفه طريق الرجوع...
قمر الصغيره كانت قريبه منهم وجت جمبهم ومحدش حس بيها وفضلت تنقل عيونها مابينهم وهما فدنيا تانيه
شافتهم بدر هي كمان وجت جمب قمر وشاورتلها بأيدها لما محسوش بيها هي كمان
قمر الصغيره قربت منها ووشوشتها :اسكتي فيه حد فيهم بينوم التاني طغطاطيسي
بدر :طغطا ايه ؟
قمر :طغطاطيييسي ...وهيطلب منه حاجه دلوقتي وهينفذها علطول...
اصبري بس الظاهر البت دنيا دي طلعت ساحره شريره .... بس ياتري اتعلمت السحر دا فين وهل ياتري ترضي تعلمني ولالا 🤔
بدر :وانتي عاوزه تتعلمي ليه ياختي
قمر :هيكون ليه يعني .عشان انوم ربيع واتجوزه وهو نايم ولما يصحي يلاقي نفسه جوزي وقدام الامر الواقع واتنهدت بصوت عالي...
مهاب ودنيا اخيرا فاقو من سرحانهم في بعض وانتبهو للي واقفين جمبهم
دنيا اتنحنحت بخجل ومهاب بصلهم ورفع حاجبه :
انتو هنا من امته
قمر :من اول الجلسه
مهاب :جلسه ايه ؟
قمر :التنويم الطغطاطيسي اللي كان واحد فيكم بيعملها للتاني زي عبسلام النابلسي لما كان يقول للناس بصو فعنيا ركذو اكتر اكتررر اكترررررر وتروح الناس نايمه بس صاحيه لكن مش صاحيه وتنفذ كل الطلبات بتاعته ...
مهاب :بدر لو سمحتي خدي العاهه دي وامشي بيها من هنا ...
قمر : .عاهه😕 انا عاهه ؟..
مهاب قرب منها وكور ايده عشان يضربها بوكس ايوه عاهه عا ...ايييه
قمر بخوف مصطنع :عاهه عاهه عاهههههههههههههاااا
وابتدت تضحك بهستريا وهي باصه عليهم ومبرقه ومسكت بدر وجريت بيها في الارض ...
مهاب :ياعيني يابت خالي راحت منها خالص
دنيا بصالها وهي بتجري وتضحك :
قمر ...؟ طب دي قمر دي سكرة العيله دي كلها انتا متعرفش انا وسمر بنحبها اد ايه ...
مهاب :قمر بس ؟
دنيا :قمر بس ايه !!
مهاب :قمر بس اللي بتحبوها انتي وسمر مبتحبوش حد تاني ؟
دنيا ابتسمت : بنحبكم كلكم
مهاب :وانا مليش شويه حب زياده كده ولا حاجه؟
دنيا ابتسمت اكتر :اشمعنا يعني انت هنحبك اكتر ؟
مهاب :لا ابدا اصل انا كل اللي يعرفني يحبني ويقولي انا بحبك اكتر واحد في الدنيا عشان انت واد عسل ومز وتتحب وتدخل القلب ومفيش منك ومفيش زيك و...
دنيا :باااااااس يبني ايه كل ده
مهاب :دا ولا حاجه دنا بس مبحبش اتكلم عن نفسي ...
دنيا :لا فعرضك متتكلمش اذا كان كل ده ومبتحبش تتكلم امال لو بتحب هتقول اد ايه ...
وحطت ايديها فجيوبها واتمشت وهي مبتسمه وباصه للطبيعه والهواء بيداعب وشها ومهاب كمان مبتسم لابتسامتها اللي ابتدت تظهر علي وشها
عند حسن ابتدا شغل في المزرعه هو ودكتور مالك وراحت عليهم بدر وقمر وابتدو يلفو معاهم في المزرعه واكتشفو ان مالك بيعرف ايه عند البقره او العجل بمجرد البصه عليها..
ولا بيقيس حراره ولا بيفتح بوقها ويكشف
قمر :ولا ياحسن
حسن زغدها بايده فكتفها :ولا؟ ..دكتور اد الدنيا بعد سنين طب يتقالو ولا ؟
قمر :طب ولا يادكتور حسن ..دكتور مالك طلع اشطر منك اتاريك دكتور بليد😂 ...
الكل ضحك عليها
مالك :لا حسن دكتور شاطر وذكي جدا بس تعرفو مشكلته ايه..
انه مش بيحب مهنته ولا كان نفسه يبقي دكتور من اساسه ...لكن انا داخل طب بيطري وانا حابب الشغله دي حابب اني اخفف عن مخلوقات خرسه مش بتعرف تتكلم او تشتكي باللي تاعبها اصل انا قلبي حونين اوووي وبص لقمر اللي ابتسمت
حسن :طب يلا ياعم الحونين مد عشان نخلص قبل الليل ونروح البيت
مالك :انا اروح ليه مش فيه ملحق هنا انا هفضل فيه مش هروح البيت تاني
حسن :ماشي ناكل وابقي ارجع هنا تاني ...
مالك :لا برضو هعمل اكل واكل هنا مع عمال المزرعه
قمر :وليه دا كله يعني انتا عارف ان بابا بيعتبرك واحد من العيله
مالك :وانا والله بعتبر نفسي واحد منكم لكن برضو ياريت تسيبوني علي راحتي عشان اكون مرتاح
الكل بصله وسكت وكملو طريقهم
قمر :ولا ياحسن الا قولي انتا كان نفسك تطلع ايه قبل ماتدخل طب اكيد كان لك هدف ؟
حسن :رقاصه ...كان نفسي اطلع رقاصه ياقمر
الكل بصله وضحك وهو بص لقمر :تاني بتقولي ولا تاني ؟ بدر خدي البت دي روحيها من هنا
قمر سبتت في الارض :لا مش عاوزه اروح طول ماقرف(رهف ) في البيت مبحبش ادخله
حسن :والله انا كل مابتيجي رهف هنا بفرح فيكي وفحالتك دي
قمر :كده ياحسن ماشي ...لكن الحق عليك منت لو مكشملها ومفهمها ان مفيش امل هي مش هتيجي هنا تاني وتشوف حياتها وتبعد عننا بقا والناس الهبله تعقل وترجع لعقلها
بدر :وهو فيه حد ياقمر يلاقي حد بيحبه ويبعده عنه؟.. وبعدين يكشملها ليه تلاقيه هو كمان بيحبها هو فيه حد ميحبش رهف!!!
حسن ابتسم من كلامها وفهم هي عاوزاه يقول ايه :قوليلها والنبي يابدر يابت عمتي فيه حد ميحبش وحده بالرقه والاحساس واللطف دا ..دي علي رأي ربيع بسكوته !!
بدر بصتله وابتدا نفسها يعلي ويهبط ومن بين سنانها جاوبتع :معرفش ..ومسكت قمر من ايدها جرتها وبعدت وخرجت بيها من المزرعه وهي مجرجراها وحسن متابعها بأبتسامه عريضه ...
مالك متابع قمر لغايه ماغابت من قدام عنيه هي وبدر وسرحان
حسن :هييييه روحت فين ياجدع؟
مالك ياعم معاك اهو الا بقولك ياحسن برضو مش هتقولها انك بتحبها يبني دنت بتحبها ليك سنين
حسن طبعا يبنى ... بدر دي حب عمري كله ....لكن لا مش هقولها دلوقتي هسويها الاول واخليها تقولها وتعترف بيها... مش عامله نفسها تقيله ومش بتبين مشاعرها تشرب بقا لغاية متقول حقي برقابتي!!!
مالك :يبني احسن حد يسبقك ويخطبها وتضيع منك ...
حسن كان ماسك حقنه جاموس كبيره جدا وراح عاملها زي الرمح :
دنا كنت اخلص عليه مين دا اللي ياخد بدر مني؟
مالك ابتسم بخوف :يعم بقولك بنبهك ابعد السلاح يطول ياعم انت
حسن :لا متخافش محدش يقدر بدر دي بتاعتي انا وبس ..
قمر :يبت وقفي خليتي الحصا عور رجليا جاكي الغلب هما ناقصين تعاوير دا ربيع علي كده بيقول عليهم مشققين ومعفنين !!!
بدر سابتها ووقفت وبصت بعيد وحطت ايديها فوسطها وبتهز فرجلها وهي واقفه :
شفتي اخوكي طلع بيحب رهف!!
قمر :ومين اللي ميحبهاش الفقريه دي دا كل الرجاله بتحبها حبها برص ..
لا حبها حنش واخده كل الرجاله بسهوكتها ....
تؤبرني حياتي ..شو ...ياويلي ...ولا محصل عراقي ولا سورى ولا حد عارفلها لغه الجزمه دي ....
وكله كوم وشفايفها اللي دايما واخده بوز البطه دي زي متكون بتاخد سيلفي ...واتنهدت امال انا قربت اموت ناقصه عمر من شويه...
بدر :بس هي بتحب حسن مش بتحب ربيع يعني مش هتتجوزه وفي الاخر هيرجعلك انتي ...
قمر :موت ياحمار بقي ادينا قاعدين مستنيين ولفي بينا يادنيا... ودا بيحب دا.. ودا بيحب دا ..ومحدش متجوز حد فبيت العوانس دا.. خدي ايدي خدي خلينا نروح الا الزفت زمانه قاعد قدام رهف زي الاهبل يبص عليها ...اما اروح انكد عليه
تصوري يابدر يقولي الشق فرجلك يخبي عقرب ميبينش منها حاجه
بدر :😂
قمر :بتضحكي اسمالله عليه هو ابو رجلين عامله زي رجل ابو القردان ده
طيييب ياربيع ...ربيع ايه والله خساره فيه الاسم .
علي باب الفيلا الكل اتقابل ...
مهاب ودنيا وسمر وبيني وبدر وقمر
بيني :اووووه هلو كتير المكان زي هيفن (زي الجنه ) والبيبول هنا فيه اندهم دفا جميل ..تهسي انك اوز تأيش وسطهم الا تول مصر هلوه اووي...
الكل فصوت واحد :اوووووه وضحكو ودخلو البيت
مهاب وشريف ورعد واحمد ومحمود مجتمعين بيشجعو مباراه شطرنج ضاريه بين رعد وشريف
بيني اول مادخلت :اوووه لأبة الذكاء أنا اوز اشوف مين اذكي واهد ...
وبتبص حواليهم ملقتش مكان فاضي مهاب شاورلها علي رجله عشان تقعد عليها وبيني مكدبتش خبر ورايحه 😂 لكن ريناد جريت بكرسي وحطتهولها جمب رعد
مهاب بصلها بغيظ وكشرلها :قطاعة ارزاق قوقه ...
ريناد :خايفه عليك رجلك تنكسر وانت عندك هشاشه واكله عضمك
مهاب برقلها :هشاشه مين يبت المهشهشين انتي دنا ولا واد العشرين
الكل فجأه سقف لرعد اللي غلب شريف
بيني :اووووووه
مهاب مد بوقه بيقلدها وهي بتقول اووووه وبصلها وهو بيهز فرقابته بأعجاب
ريناد بصتله فوشه ورفعتله حواجبها وسابته ومشيت وهي بتخبط ايديها فبعض
بيني :اووووه رأد انتي هد ذكي كتير أنتي دمائك دي الماظات
رعد ضحك وهي ركزت قوي فضحكته وكملت :وضهكتك كمان فيها سحر أريب ...
الكل بص لرعد وغمزله
مهاب :له يابيني له ...رعد ديه مش بيحب التغيير ولا هيطاوعك فجنونك اللي هتتجننيه ولا هيروح معاكي ديسكو زي عادل امام ...انا اللي هروح معاكي وهعمل اسبايكي والبس سلاسل ....رعد لوا مهيرضاش
الكل ضحك علي مهاب
بيني :رئد هلو كتير بأستيل ده عنده هيبه ووقار وخصوصا الشأر الابيض
دا يجنن وملست علي شعره
مهاب ميلها دماغه : وانى وانى حداى شعر ابيض حتى شوفى ...
قمر بصالها من وراه وواخده وضع الصدمه 😨
بت يارناد الحقي البت المعصعصه دي بتشقط رعد
ريناد :احسن عشان كنتي بتضحكي وانا بقولك حوشي اخوكي المراهق
قمر :له وحيات امك وانتي فاكراني هسكتلها ولا ايه ؟...
وقربت منها وبحركه سريعه ميلت الكرسي ببيني لورا ووطت عليها خلت وشها فوش بيني والبنت اتخضت والكل قام وخاف عليها من قمر ...
قمر :ايه ياحبيبتي جو العذراء والشعر الابيض ديه ..؟ متشوفيلك حد علي كدك يابنيتي احسن رعد ديه كبير قوي عليكي ومتجوز ومرته مجنونه اللي هي اني... مجنونه ياحبيبتي
قمر لسه هتسيب الكرسي لكن رعد مسكه ولحق بيني قبل ماتوقع
بيني قامت مخضوضه وحضنت رعد : رأد مراتك أوز يموتني انتا ازاي آيش مأه دي واهد متوهش
رعد بيبص لقمر وكاتم ضحكته
قمر قربت منهم وشدت بيني من حضنه :يانهارك اسود ومطين بطين عتحضنيه ؟!!!...وقدامي ...دا طول فترة جوازنا الحضن الوحيد اللي حضنه غيري هو حضن المخده ...
وانتا ساكتلها وسايبها ملزوقه فيك زي برص الشتا وفاشخ ضبك على آخره ؟..طب والله عال ...عال والله وبتبص حواليها وهنا رعد زق بيني وبالخطوه السريعه طلع علي فوق
مهاب لقف بيني وهمسلها فودنها :قمر هتكتلك ياحزينه ...بس تخافيش انا هحميكي بدمي وعمري وحياتي...
ريناد كمان جريت وبعدت بيني من حضن مهاب وبصت لسمر :
يابنتي خدي صحبتك دي واطلعو فوق ايه دا دي هتبوظ الرجاله كلهم ...لأ وايه مش بتنشن غير علي الروس الكبيره !!
سمر ضحكت واخدت بيني وطلعت بيها فوق ومهاب وهي طالعه عالسلم عمال يرميلها بوسات فالهوا ...
قمر طلعت لرعد اللي اول ماشافها عمل نفسه نايم وبيشخر
قمر :لا ياراجل لحقت...؟ بتحضن يارعد عجباك قوي ؟...فيها ايه احسن مني هاه فيها ايه دي حتي معضمه وتقرف الكلب قوم اهنه وريني عاجبك فيها ايه؟
رعد عامل نفسه نايم ...لا لا عامل نفسه ميت ومفيش اي رد فعل وسايب قمر تهري وتنكت فنفسها وتلعن وتسب فبينى وكل شويه يفتح عينه يبص يلاقيها لسه قاعده يغمض تاني
😂😂😂
بعد شويه ريناد ندهتلهم عشان يتعشو وقمر نزلت وسابت رعد اللي كان جعان لكن ميقدرش يقوم
قمر وهي نازله صادفت سمر وبيني نازلين عالسلم بيني اول مشافتها جريت اخدت السلم جري لتحت
قمر مسكت سمر :بت انتي لمي صحبتك من جوزي احسن وكتاب الله اكتلها واقوم الحرب العالميه التالته
سمر :😂دي بتهزر يامرات عمو متقلقيش...
قمر :اقلقشي؟ اقلقشي كيف وجوزي عيتشقط قدام عيني ..انتي مش واعيه البت عامله كيف ياقزينه انتي
بيني كانت تحت علي اخر السلم وطلعت النوت :يأني أيه قزينه وات مين ؟
قمر نزلتلها جري تعالي انا هفهمهالك
سمر زعقت عليها :اجري يابيني واستخبي فعمو مهاب
بسرعه 😂
مهاب كان سامعهم وفتح ايديه الاتنين :تعا لعمو ياروحي تعا لعمو
الكل ضحك عليهم وقعدو يتعشو وقمر هتاكل بيني بعنيها والكل بيتكلم الا بيني وقمر الكبيره اللي وحده واخده وضع الهجوم وحده واخده وضع الهروب عند اقل حركه
بيني :ألا فكره انا مش غلتان انا بس قال انه عجبه ذكاء رأد وشأره الابيض عادي ...زي مااي هد يشوف هاجه هلوه يأول أليها هلوه
قمر اتنرفزت اووى وابتدت تخبط الطربيزه بأيدها وتدعك فوشها وبصت لولادها :عتقول علي ابوكم حلو تاني قدامي ..ومسكت السكينه غرزتها فطبق العيش وقامت
مهاب ميل علي احمد :هنخبي الجثه فين ؟
احمد :فأي حته احنا نخلص اكل ونقوم نحفر علطول عبال مأمك تخلص نكون احنا خلصنا 😂
وبصو لبيني وابتدو يغنو مع بعض :
يختي عليها يختي عليها مجت رجليها مجت رجليها وضحكو وضربو كفهم ببعض والكل بص لبيني اللي ماتت من الخوف وضحكو عليها ..
قمر بعد ماقامت راحت علي الاوضه بتاعت اخوها مهاب واخدت حاجه منها وطلعت لفوق عند رعد اللي كان نام بجد وابتدت تقرب منه وبحركه سريعه عدت المكنه فنص دماغه خلته قام مفزوع .. ومسك الشعر اللى نازل من شعره على هدومه بصدمه !!
رعد :ليه ياقمر عملتى كده انتى اتجننتى ولا ايه ؟
قمر :طول ماعاجب البنته وعتملسلك عليه مهخليهش ينبت نبيت..
مش كفايه اني متهورتش عليك وكتلتك بعد الحضن واكتفيت اني احلقلك شعرك ...
لكن الظاهر ان اللي زيك ميستحقش العفو اتشاهد علي روحك وطلعت علي صدره ومسكت مبرد ضوافر وحطته علي رقابته
رعد قلبها من فوقه بحركه سريعه واخد المبرد منها وثبتها هى بيه ..
انتى عقلك دا بسولك ايه وانتى بتثبتى لوا ياقمر وتعملى فيه كدا ؟
قمر : انى فالسعادى مفياش عقل واصل يارعد ...
رعد بعد عنها بغضب : الظاهر فعلا اخر شوية عقل عندك طارو خلاص وقام دخل الحمام وبص لشعره ونفخ بغلب وخرج اخد ماكينة الحلاقه وكمل حلاقةشعره زيرو ...
رعد :عملتي ايه ياقمر الله يخرب عقلك بقي دا منظر لوا في الجيش ياهبابه انتى ؟!
قمر :مالك منتا حلو وزي الفل اهو
رعد اخيرا خرج من الحمام وقعد علي السرير بعد مارمي الفوطه علي قمر اللي كانت الفرحه مش سايعاها بشكله الجديد واللى عملته فيه ..
رعد :كده ياقمر الغيره المرضيه بتاعتك تعمل كده؟ فيه وحده فسنك تتصرف التصرف ده !!!
قمر :نعم نعم ياسي رعد مالو سني خلاص بقيت عجوزه دلوكيت وسني مش عاجبك ؟
رعد :طب بلاش سنك انتي.... حد فسني انا يحصل فيه كده ؟
قمر :يعني لو ست بيني هي اللي عيملتك اكده كنت هتعترض
رعد :يقطع وسيرتها حتتة عيله تجننك ....تجننك ايه قصدي تصحي جنانك من تاني بعد ماقلت عقلتي وبص لنفسه فالمرايه وملس على دماغه ...
روحي ياقمر ربنا يسامحك روحي يابعيده .....يلا اتفضلي انزلى من قدام وشى غورى ..
قمر نزلت وقصرت الشر فعلا ورعد قعد علي السرير تاني وبص للمرايه ونام علي السرير ومثل العياط ....دا منظر لوا ...منظر لوا ياقمر الكللللب ؟
رعد طلع تليفونه واتصل بيها وكانت وصلت تحت :ممكن تجيبيلي اطفح عشان جعان ..
قمر :متنزل تاكل لحالك ولا مسكسوف من القرعه😂
رعد :مين دا اللي ينزل كده انا ؟...انسي ياماما دا كان شريف يصورني وينشرني علي النت ويضحك عليا الجيش والشعب المصري كله
منك للاه يابعيده غوري يلا هاتيلي طفح جاتك طفح جلدي تهرشي لما تقطعي جلدك
قمر :ربنا يسامح هنزل اجيبلك وكل من عيوني ..نزلت قمر وهي مبتسمه بانتصار وبتمشى بخيلاء ودخلت الموطبخ تغنى ..
مهاب وريناد بصولها وبصو لبعض بسرعه
ريناد :اخويااااا
مهاب :اقريله الفاتحه زمانه بيتحاسب دلوكيت... عمل صالح او ولد يدعو له هو ديه اللي هينفعه 😂
الكل كان سهران والكل قلق لما شاف ابتسامه قمر المميزه بتاعت المصايب اللي الكل عارفها والكل بلع ريقه وبص لفوق علي رعد
احمد ابن رعد :قوم يامهاب شوف ابوك
مهاب الصغير :متقوم انت مهو ابوك انتا كمان ..
احمد :لا اطلع انت ومتمسكش حاجه احسن البصمات والتهمه تلبسك 😂
مهاب :مش كان زمانا خلصنا الحفره دلوقتى وكانت نفعت ابوك ؟!!..دايما كده بتكسلني يعم انت ...
حسن :لا استنو دى مطلعاله اكل
قمر الصغيره :ياحبيبتي ياعمتو يبقا سألته نفسك فأيه قبل ماتموت ...حنينه اوي الست دي انا وارثه حنيتي منها...
ربيع :لا وانتي الصادقه انتي وارثه كل حاجه منها انتي نسخه مصغره ياماما ...المفروض واحد من عيال عمتك دول يتجوزك واهو يبقي متعود علي الجنان اللي من النوع ده ومتربي عليه ومش هتفرق معاه ..
مهاب واحمد الاتنين بصو للسقف في اتجاهات مختلفه وبينقلو عنيهم عالسقف ...
ربيع :شفتي جالهم توحد من الفكره بس ..من مجرد اقتراح ...عشان بس تتلمي ومتتعشميش فحد..
قمر كشرتله وتفت عليه من كدب وبصت للتلفزيون اللي كان بيعرض فيلم اجنبي الكل كان متابعه ..
وكل مايجي مشهد رومانسي ربيع يبص لرهف ويتنهد
بهيام وقمر اول مايعمل كده تضحك بصوت عالي وتسقف تفصله من اللحظه ..
مهاب الصغير :نفسي افهم انتي البعيده متبرمجه غلط !!؟ كل مايجي مشهد رومانس تضحكي وتسقفي ليه..؟
طب علي كده لما بتتفرجي علي مسرحيه بتعيطي؟ ....
لسه بيتكلم وجه مشهد رومانسي تاني وقمر ضحكت وسقفت اكتر😂
الكل قام وكان كل واحد معاه طبق فشار كل واحد كب طبقه علي دماغها ومشي ...
قمر ضحكت اكتر وابتدت تاكل في الفشار من حجرها وبدر فاهمه وميته عليها من الضحك
رهف الصغيرة كمان بتضحك من تصرفها وهمست :
يي قمر جنت عالاخير
قمر وهي بتضحك :جن يلبسك وميرضاش يطلع غير من عينك اليمين يابعيده عشان تتفقع
ربيع باصصلها ومكشر وفجاه بطل الفيلم مات في الاخر
قمر قامت وفضلت تصفر وتسقف جامد 😂 في اللحظه دى ربيع قام واخد كوبايتين عصير ورشهم فوشها
عشان تبلعي الفشار
قمر ضحكت اكتر وكل واحد راح اوضته عشان ينام وفضلت قمر وبدر اللي ميتين من الضحك
قمر : شفتي الولا المز البطل لما مات زعلت عليه والله 😂😂
بدر :😂ايوه حتي انا زعلت عليه يلا نقوم ننام وانتي تستحمي بكره ورانا شغل كتير
قمر : 😂يلا
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا