رواية فصيلتي القوية بقلم ريناد يوسف - الفصل التاسع والعشرون
رواية فصيلتي القوية بقلم ريناد يوسف - الفصل التاسع والعشرون
تابع من هنا: روايات رومانسية جريئة
الكل سهران البنات رهف وقمر وبدر سوا ...ودنيا راحت لبيني وسمر لما عرفت انهم فالاستراحه من ربيع
والشباب مع بعض والستات مع بعض والرجاله مع بعض
قمر :بت يارهوفه
رهف بصتلها بأستغراب ومردتش
قمر زغدتها :مش بكلمك يابومه انخرستي
بدر شاورتلها بأيدها يعني بالراحه
قمر ابتسمت لرهف :رهوف رهروف رهافيفو
رهف بصتلها بخوف وتوجس 😳
قمر قربت منها وحطت ايدها حوالين رقبة رهف وشدتها عليها
يبت ردي عليا دنا بحبك وداست علي دماغ رهف لتحت يبت ....يبت ...يبت ردي يابت وكل كلمه بدوسه لتحت
رهف فلتت من ايدها وبصتلها :شو بدك قمر انا ماسويتلك شي اتركيني لحالي
قمر :طب اقولك هسألك فسؤال ..انتي ممكن فيوم من الايام تحبي الواد ربيع المعفن دا اللي ريحته علطول منتنه ومش بيستحمي خالص وكل سنه بيقلع طبقه الجلد الخارجيه بالعفن بتاعها زي التعبان ؟؟
قمر كشرت :اووووع لا مافيني ولا راح افكر بيوم حبه حتي لو كان عم يستحمي كل دئيئه
قمر مسكتها من هدومها وباستها جامد ورمتها فوق السرير : انا كنت متأكده انك بت ناس ومش بترمرمي
طب حيث كده بقا عاوزه منك خدمه وهحبك بعدها والله وهبطل ادايقك تاني ...
رهف :عنجد ...؟ شو هيه راح اعمولها فورا
قمر :تفهمي المعفن اللي اسمه ربيع انك مش عاوزاه ولا طيقاه نهائي
وانه دمه تقيل علي قلبك
رهف :والله انا بعمول هيك لكن هو مابده يتركني لحالي شو بدى اعمول !!
قمر :عارفاه جبله وتنح ولوح تلج وبصت للارض وهزت دماغها
وفجأه هجمت علي رهف ومسكتها من هدومها وبتهز فيها لورا وقدام ورهف بتروح وتيجي معاها
بس انتي برضو لازم تنشفي قدامه شويه ...ايه دا صباع ملبن ..انتي طريه اوي كدا ليه يبت انتي هاه ؟ وكمان بوز البطه اللي علطول عاملاه دا فكيه
رهف :هاي شفافي!!
قمر :اشفطيهم لجوه ...اقولك البسي كمامه
رهف :شوووو
قمر :وشوووو دي كمان مسمعهاش منك تاني وطول منتي ماشيه تشفطي صدرك دا وتشفطي مؤخرتك
رهف :لكن كيف؟
قمر :مليش فيه ..تشفطي يعني تشفطي اشوفك ماشيه قدامه عود قصب ولا مرتفعات ولا منحنيات فهمتي ...وهدومك تكون طويله بتكر في الارض وواسعه وكمامك مدلدله وكل شويه تمسحي مراخينك فكمك
عاوزاكي هبله ماشيه فى البيت
بدر :😂😂
رهف :ياقمر ياخيتي ياحبيبتي اتركي تيابي بالاول وتعي بدي احكيكي شي...
ماانا يلي لازم تلبوس هيك ...انتي يلي لازم تغيري ستايللج انتي عم تملكي جسم ولا اروع من هيك لكن انتي مخبيته ورا هاي الهدوم الواسعه والي ماالها معالم ..
يعني شو راح يجري لو ..نقعتي رجولك هاي في ملح ليمون ومية نار شي يومين تلاته ؟
قمر سمعاها ومبرقه :مية ناااار ..لا دانتى تجيلى بقى ..وهجمت عليها مبعدتهاش عنها غير بدر ..
في مصر *****
زين في التليفون :يعني ادوس ياباشا ولا ايه
#: *********
زين : طب وبالنسبه لنسيبه اللوا وعيال اخته الظباط دول
#... .... ......
زين :ياجامد انتا طب انا هنفذ بكره ابعتلي الدعم بقا والمعدات
#..............
زين :خلاص لنا لقاء غدا في منتجع المستقبل ...سلام
***********
في الفيلا عند البنات
قمر : اوعى يابدر سيبينى عليها قليلة الربايه دى ...مية نار لما تاكل لسانك ياشيخه
فيهم ايه رجليا لمية النار هاه
رهف :حبيبتي شكلهم متل شكل الارض يلي الها سانتين ما وصلها نقطة مي وصار فيها تصحر وتشقق
قمر بصت لرجليها وشهقت وفلتت من بدر ونطت علي رهف تانى
بدر :😂 سيبيها هي بتنصحك يابومه
عاوزاكي تنضفي
قمر سابتها وبصتلها تاني وبرقت :
بس الاسلوب جارح وضربتها بضهر ايدها ...جارح.. وادتها ضربه تانيه ورهف استخبت فبدر
قمر قعدت ورجعت شعرها لورا
طيب خلاص سكت اهو كملي
رهف :بالاول تعي بدر راح نجيب الها ميه سخنه وننقع بيها رجولها اثناء مانحن بنحكي ولما نخلص تكون باشت وننضفها
بدر :خليكي انتي انا هجيب وراحت جابتلها قروانة ميه وجات وقمر حطت رجليها فيهم
رهف :وهلا بدنا ربيع يشوفك بلوك جديد ويكتشف جمالك راح ننضفك
بدر :وغير ده عندي خطه تانيه ..احنا هنخلي دكتور مالك يساعدنا كمان انه يخلي الغيره تشعلل فقلب ربيع
انا هطلب منه دا بصنعة لطافه
رهف بصت لبدر كتير ونزلت عينها :كتير صعب انك تطلبي من حبيب يقرب حبيبه بيده لحدا تاني
بدر حطت ايدها علي كتف رهف :انا اسفه يارهف بس ...
رهف قاطعتها :انا بتفهم بدر للقلوب احكام والحب هاد هبه من رب العالمين... شي مالنا يدا فيه فجأه بنلقاه متل البرعم لصغير نبت جوات قلوبنا وما فينا نشيله... ويوم بعد يوم يكبر جواتنا ويتغذي من روحنا ويتحكم بكل حواسنا وجوارحنا واتنهدت ...
لكن ماتقلقي اذا ماكان الحبيب يروي شجره حبه بقلوبنا بقربه واهتمامه صدقيني راح تدبول وتموت مع الايام
بدر حضنتها لما شافت الدموع لمعت فعنيها
رهف بعد شويه بعدت عنها ومسحت دموعها وابتسمت :شو بك.. راح انسي وراح حب وكمان حدا احسن من دكتور البهايم هاد ع رأي خالي 😂
قمر :تصدقي صعبتي عليا يامسدوحه
رهف :شنو مسدوحه
قمر مسكت بقها طبقت شفايفها ورهف بصت بعنيها لتحت علي شفايفها وايد قمر :
مش قولتلك بطلي الشو والشنو واي حركه فيها مد بوز يبت الجزمه انتي
رهف بتتكلم من بين ايدين قمر مش عارفه
بدر :سيبيها خلينا نشوف بتقول ايه
رهف :انتي تعلمي تمدي شفافك بغنج هيك متلي ...احكي شووو
قمر بتقلدها ومدت شفايفها قوي لدرجه ان الشفه اللي فوق لزقت فمناخيرها :شووووو
بدر 😂
رهف :يخروب بيت هالشووو تبعك دخيل الله .انا لو شب مابتطلعلك بعد هالشوووو بنوووب
رهف :شوي شوي ماما شوي شوي برقه
قمر برقه:شوووووو
رهف :تأبرني هالشوووو مااحلاها اي هيك الغنج وإلا بلا
وهلا لتس جو للتنضيف وراحت علي شنطتها وطلعت ادوات كتير جدا ومكينه تقشير الجلد وحجات بدر وقمر اول مره يشوفوها
قمر :بت انتي هتقطعي رجليا ولا ايه
انا عاوزاهم كده اهم بيمشو اوعي تتهوري
رهف :لا تخافي وابتدت تعلم بدر تتعامل ازاي بالجهاز وهي ابتدت تعمل لقمر ماسك تنضيف بشره لوشها سهرو طول الليل يسنفرو فقمر لغاية ماتعبو ونامو هما التلاته فوق بعض
اما الشباب فكانو قاعدين يلعبو بلاي ستيشن ومالك مش عارف ليه ربيع مش طايقه والكل مستغرب من تصرفات وكلام ربيع الجاف معاه..
حتي ربيع نفسه مستغرب اسلوبه مع مالك ومش لاقيله تفسير ومالك لما ادايق من ربيع جدا سابهم وراح لسكنه في المزرعه
حسن : مالك ياربيع فيك ايه النهارده
ربيع :مالي منا حلو اهو
حسن :حلو ايه وانتا كنت بتحرق الراجل بعنيك من شويه لغاية ماخليته مشي
ربيع :يعم هو اللي مشي لوحده انا كلمته يعني
مهاب :سيبه يبني انت عاوز ايه من واحد بيشرب لبن جاموس وياكل لحمة بهايم
احمد وحسن :اه صح علي قولك 😂
ربيع ادايق من قلشهم بس مقدرش يتكلم عشان دي الحقيقه 😂وهما بصو عليه وضربو اديهم فبعض وضحكو
ربيع اتعصب وهو بيلعب كوره وزعق :متلعب ياعم الزفت انت كمان
الكل : يه يه يه يه يه اتعصب 😂😂😂
ربيع رمالهم الدراع وراح علي اوضته عشان ينام وهو مش عارف ليه كلام مالك لقمر بيرن فودانه ...
وبعد كده نفض دماغه وطلع فونه وجاب صورة رهف وفضل يتأملها لغاية مانام
الصبح كله بيصحي
قمر قامت وبصت لنفسها في المرايه وملست علي شعرها ووشها وكعوب رجليها اللي بقو زي الحرير وابتسمت
والله شغلك عالي يابت يارهف
رهف كانت بتصحي وابتسمت :ولسه حياتي لمن تلبوسي الطقم يلي راح اختاره الك راح تشوفي قمر مختلفه وملكه جمال الكون
قمر قربت منها وحضنتها :انا اسفه يبت يارهف اني كنت بدايقك انتي طلعتي طيبه اوي والله انا لو راجل كنت حبيتك
رهف :😕 لا ماني يائسه لهادرجه 😂
قمر :مقبوله منك ياله ونطت مره وحده علي بدر اللي قامت مخضوضه
بدر :غوري ياقمر عبوشكلك عالصبح كسرتي ضلوعي جاكي كسر في الحوض يابعيده
قمر :مش هرد عليكي عشان انا بقيت مؤدبه وكيوت 😌
بدر :فيه وحده كيوت تصحي حد كده ياعالم فيه....؟ ابو الكياته يشيخه
وقامت دخلت الحمام
رهف قامت وطلعت سلوبته مورده ومكسمه وتحتها بضي
قمر :ايه الزماره دي تتلبس ازاي
رهف :ليكرا عمتمط
قمر لبستها بعد اصرار رهف وطلعت حاجه وهم ومفصله جسمها ولا بطلات السينما وجسمها المنحوت اللي كان متداري ورا الهدوم الواسعه طلع تحفه فنيه ولبست تربونه من لون الفستان ورهف عملتلها ميكب صباحي خفيف وركزت علي العيون ولبستها صندل بكعب مربع اسود عشان يبرز جمال رجليها
بدر خرجت من الحمام والفوطه علي وشها ولما شالتها نطت لورا : مين دي
الله اكبر ...الله اكبر ياسبحان الله
مهاب الاب من بره : ايه الايمان المنبعث من حدا البنات ديه عالصبح
ريناد :سيبهم مش احسن مايشغلو اغاني ربنا يقوي ايمانهم
البنات خرجو ومكنش لسه حد علي السفره غير مهاب الاب واول ماشاف قمر :
الله بتي انحرفت 👏👏 هيييه
هاه ياحبيبتي اتعاقدتي مع كباريه معين ولا اتفقلك انا يابنيتي؟ الا يضحكو عليكي عشان مبتدئه
قمر :😂😂 بس ايه رأيك
مهاب :عتاخدي رأيي وانتي عتنحرفي؟.. لا والله اصيله يارحاب 🤔
قمر كشرت وخبطت رجلها فالارض اذا كان ابويا اللي من لحمي ودمي بيقلش عليا كده امال الباقي هيعمل ايه ؟!!
مهاب :لا هيعملو حفله انا متوكد
قمر سابته ودخلت المطبخ
ريناد اول ماشافتها اتفاجأت :الله بنتي بقت بنت 😂
قمر : ايه بقت بنت دي !!هو انا مكنتش بنت قبل كده ولا ايه وبعدين اعمل ايه يعني جبت اخري قلت استخدم اسلحتي الفتاكه بقا يمكن تقدر تصطاد ابن الجزمه دا
ريناد :هتقدري بس انتي متزهقيش وحاولي وعافري ....فكرتيني بنفسي مع ابوكي ..هما مش بييجو غير بكده
حيوانات
قمر سمعت صوت ربيع وباقي الشباب ابتدو يجو وقمر عمتها وسلمي جم وناديه مرات شريف دخلو المطبخ والكل اجتمع علي السفره
قمر :الله يابت اخوي ايه الحلاوه دي
كنتي مخبياه فين ديه كله ياعفريته
قمر :ربنا يخليكي ياعمتو
سلمي :تجنني ياأموره
ناديه :ربنا يحرسك من العيون اللي هتحسدك النهارده
ريناد :الله اكبر عليهم
قمر ضحكت وطلعت الروج وزودت
ريناد :ايوه عمري السلاح 😂
قمر :بعمر اهو 😂
الكل خرج وقمر خرجت اخر وحده وماسكه فأيدها طبق مخلل زتون وصادف دخولها دخول مالك من الباب بعد ما مهاب الاب حلف عليه انه لازم ياكل معاهم جميع الوجبات
مالك اول ماشافها خارجه من المطبخ وقف مكانه وتنح والكل بصوله بأستغراب وشافو عنيه مركزه فمكان الكل لف بدماغه علي المكان ده وكلهم ظهر علي وشهم نفس التعبير
😨😨😨😨😨😨😨😨😨😨
سليم :الله مزه بيضه حلووووه 👉😰
احمد :ولا يامهاب الحق بنت خالك مش لسه داخله تنام امبارح وكانت معفنه ايه اللي حصلها يبني !!!
مهاب :انا عارف ياعم دي زي متكون اتحولت واتبدلت بوحده تانيه يلا
قمر مشيت بدلع وراحت علي مالك اللي كان فاق من صدمته وقعد علي السفره قعدت جمبه ومدتله طبق الزتون بدلع :تاكل زتون يامالك
مالك :هاه ...أاااه اكل زتون انا اصلا بموت في الزتون وخصوصا الزتون النهارده اكيد هيكون ليه مذاق خاص عشان انتي بنفسك اللي بتقدميه
وبياخد الطبق قدامه وربيع مد ايده جوا الطبق اخد كبشة زتون منه وحطهم قدامه فوق طبق الجبنه
مهاب الاب بص لرعد وشريف اللي باصين عليه وميل عليهم وهمس :
علفكره خدت رأيي قبل الانحراف وانا وافقت اوعو تفكرو ان فيه حاجه بتحصول من وراي انا مسسسيطررر 💪
رهف وبدر وقمر بصو لبعض وابتسمو لكن دارو ابتسامتهم والكل بياكل وعنيهم علي قمر اللي النهارده كتلة انوثه قاعده بتاكل بمنتهي الدلع وكل حاجه فيها النهارده مختلفه ..
ربيع بيبصلها ويرجع يبص لمالك وبيحرك فكه السفلي بغضب ويجز علي سنانه وحتي من غضبه نسي يبص لرهف لغاية ماقامو من علي السفره
حسن ومالك خارجين عالمزرعه
قمر :استنو جايه معاكم
حسن :لا حصلينا براحتك مستعجلين وابقي قولي لماما عاوز ملوخيه عالغدا النهارده نفسي فيها جدا
قمر :رهف قولي لماما حسن نفسه فملوخيه عالغدا النهارده وخارجه
لكن ربيع شدها من ايدها لفها عليه :مالك يابت انتي فيكي ايه ؟
قمر بتكلمه بدلع وبتتمايل يمين وشمال وماده بوزها بدلع ؛: مالي بس فيا ايه منا حلوه اهو ....ولا مش حلوه ؟
ربيع بصلها من فوق لتحت : هااه وبلع ريقه قلتي ايه
قمر:بقولك سيبني عاوزه الحق اروح المزرعه عشان من مده مرحتهاش
ربيع :مدة ايه يابت انتي دانتي امبارح كنتي فيها !!
قمر :طب وهو من امبارح مش مده يعني ...؟ اصلك مش فاهم المزرعه بقت توحشني اوي وبقيت بحبها اوووي مش عارفه ليه
ربيع :بس انا عارف ليه ..وفضل يهز فيها يمين وشمال وهي تروح وتيجي وكاتمه ضحكتها
رهف وبدر قربولهم
قمر :قولتي لماما تعمل ملوخيه خضره لحسن ؟
رهف :لا لساتني ماخبرتها راح خبرها هلا ....ولا اقولك انا راح اطبخله لحسن ملوخيه بيدي ياكل اصابيعه وراها ..
ربيع :بجد هتطبخي بأيدك يارهف ّ؟ هتبقي اجمل ملوخيه هدوقها فعمري كله ..
قمر :اه ياخاين ملوخية ماما ....طب انا هقولها ...بس لما ارجع من المزرعه
بس... ومشيت من قدامه وهو متابعها بعنيه وهي بتتمايل قدامه وزعق عليها :
بت ياقمر... بس نضيف مبلط المحاره اللي اشتغل فرجليكي ده يابت دا رجعهم جداد وضربهم لون زي الاصلي بتاع بلاده بالظبط 😂😂
قمر بصتله لورا وطلعتله لسانها وكملت طريقها وربيع برضو عينه عليها
قمر دخلت المزرعه ولقت مالك حاطط ايده فجيبه واول ما شافها ضحك ضحكه خفيفه هي اتكسفت واتلخبطت وبصت للارض
قمر قربتله :دكتور مالك انا ...انا
مالك :انا فاهم كل حاجه ياقمر علي فكره انا مش عيل صغير ...انتي بتغيظي بيا ربيع عشان يحس بحبك ويغير عليكي صح ؟
قمر ارتبكت :دكتور مالك انا ..انتا
مالك :انا بحبك وبتمنالك كل خير وسعاده ياقمر من قلب قلبي ومتقلقيش ياستي انا هساعدك كمان وهخليه يعترف بحبك اللي مخبيه فقلبه طول السنين دي
قمر بصت بعيد وضحكت بتهكم :
حبي ايه بس يادكتور دا بيحب رهف بنت عمته
مالك :لا بيحبك انتي وبيحبك اوي كمان وبيحبك حب هو زات نفسه ميعرفش انه جوا قلبه ....
انتي مش بتشوفيه لما بتكوني بتكلميني او بكلمك بيبقا وشه عامل ازاي... ولا عنيه بتبقا عاوزه تاكلني ... ولا النهارده عالفطار كان بيتابع عيون الكل ونفسه يخبيكي من كل العيون
قمر :حاسه انك بتتكلم عن حد تاني يادكتور
مالك لف قدامها وبص فعنيها وهمس وهو مبتسم :لا بتكلم عن ربيع نفسه ..اللي مقدرش يستحمل وجا وراكي وواقف يراقبنا من بعيد اهو
قمر هتلف
مالك :اتقللللي هتعملي ايه اضحكي
قمر :ايه
مالك :😉 اضحكي
قمر بضحكه رقيقه :هههههههههههه انتا مش ممكن يامالك دمك عسل
مالك :دانتي اللي عسل وسكر كمان وشاف ربيع بيتحرك نحيتهم
مالك :اجري لو عاوزه تعييييشي وسابها ومشي ومثل الثبات وهي اتجهت لبره وربيع اتراجع لما شافها خارجه وسبقها وعمل نفسه شغال في الارض بيشيل شوية حشايش منها
قمر ابتسمت ورجعت لطبيعتها تاني وجت قصاده وابتدت تتمايل وتغني
حسسسسن حوش صحبك عني
حسسسسن صحبك جنني
وفجأه لقت طوبه خبطت فضهرها خلتها برقت واتألمت وبصت لربيع بغيظ :
ايه دا يامتخلف انت؟
ربيع :هي جت فيكي! ...
قمر :بتضرب ليه يازفت
ربيع :ظالماني انتي دايما ...دي اسمها طوبه متعقبة المياصه زي الصاروخ متعقب الحراره كده اللي يفضل يلف ورا الطياره لغاية مايصيبها والطوبه دي زيه تفضل تدور علي الناس المايصه او بتتمايص وتصيبها
قمر :يه يه يه يه يه وكشرتله ومشيت وبعدت شويه وابتدت تغني تاني بس المره دي لقت وابل من الطوب بينضرب فرجليها ومش عارفه تتفادي لغاية مااتكومت وقعت علي الارض وبصت لربيع بغيظ
ربيع :طول ماهتتمايصي هتستهدفي انا مليش دعوه متبصليش
قمر قامت وبتبص لرجلها اللي اتعورت : وكلمته بدلع 😢 كده يعني ياربيع اخس عليك لو رهف كانت هانت عليك تعورها كده ؟
ربيع :دخلي يبت شلضيمك دي جوا خشمك تاني ومتمدهمش كده مره تانيه احسن ورب الكعبه اقطعهملك واخلي سنانك منها للهوا مفيه حاجه قافله عليهم ... مالك يبت الجزمه جرالك ايه من امبارح ؟!!
وبعدين تعالي هنا انتي بتقارني نفسك برهف!! بالبسبوسه؟.. وبعدين انتي عاوزاني اعور الرجلين اللي زي الملبن دوكهم ...وكمان بتشبهي رجليكي اللي عاملين زي رجلين جمل الحبشه دول برجلين رهف يخي هع ...
وبعدين استني يومين تلاته وورق الحائط اللي لازقاه فيهم ده يطلع ويرجعو زي الاول تاني
😂😂😂
قمر قامت وروحت علي البيت وهي فقمة غضبها قابلتها رهف
رهف :شو حصل
قمر رفعتلها هدومها وورتها رجلها المتعوره :الحيوان زقلني بالطوب ويقولي دي صوايخ متتبعه للمياصه قال
رهف ضحكت عليها
وبدر كمان كانت قريبه وسمعتهم وضحكت ..
رهف : سمعي حياتي طول ما فيه رد فعل اذا فيه حاجه فقلبه لالك لو مافيه ماكان انفعل هيك
بدر :وهان عليه الجاحد ده يعور الرجلين اللي بقت قشطه دي؟
قمر لوت بقها يمين وشمال :اسكتي والنبي دا بيقولي رجليكي شبه رجلين جمل الحبشه ولزقالهم ورق حائط ويومين ويطلع
بدر ورهف :بصو لبعض واتفتحو فالضحك ..
رهف :والله مشكله هالربيع هههههه
قمر :دا كل مشاكل العالم وانتي الصادقه يختي
رهف :انا راح اطبخ اليوم ملوخيه لحسن وبصت لبدر :لكن اذا بتتضايقي بدر بلاها
بدر :لا يارهف مش هدايق وبعدين دا ابن خالك قبل كل شيئ واحنا مش هنقطع العلاقات مابينا يعن ...
اطبخي ملوخيه وكلنا هناكل ياستي مش حسن بس كلنا نفسنا ندوق طبيخ الايدي الناعمه
فجأه قمر ابتسمت وبرقت عنيها وبتهز نفسها شمال ويمين وشابكه ايديها ورا ضهرها ومثبته عنيها في الفراغ
بدر اول ماشافتها بالحاله دي :
اسسسسسترررر ياصاحب السسستر
بتفكري فأيه
قمر :بفكر في مقلب هيطلع من نافوخ ربيع النهارده ...عشان يقولي جمل الحبشه تاني
رهف :شو راح تعمولي
قمر :لا دا مقلب لو اتعرف مش هيتنفذ اساسا لازم يبقي مفاجأه وبصت لرهف :
بت يارهف انتي هتطبخي الملوخيه ازاي
رهف :راح جيبها من النت مانها أصه ..لكن وين بلاقي ملوخيه
قمر :بس بقولك لازم طبخة الملوخيه دي تكون مفاجأه للكل عشان الكل يفرح بيكي ياحبيبتي ويعرفو انك ست بيت شاطره لكن لو عرفو دي هتقولك اعملي كذا ودي هتقولك اعملي كذا ومجهودك هيضيع مبينهم وتكون ملوخيه مشتركه
رهف :اي حكيك صح ميه بالميه ياقمر
قمر :طب يلا روحي هاتي الملوخيه وقرطفيها جوا الاوضه واخرطيها كمان وطلعيها جاهزه عالطبخ
رهف :اوكي
رهف :وين زارعين الملوخيه وكيف بيكون شكلها
قمر :في الحوض الغربي كله ملوخيه حشي شويه وهاتيهم
بدر :😨 بس دا ... وقبل ماتكمل قمر سدت بوقها بأيدها ...اوعي تقولي انه بعيد وهتروحي تجيبيلها انتي كده تبقي ساعدتيها في الطبيخ برضو وضيعتى تعبها ..
رهف اتحركت بسرعه :لا مابدى حدا يجي معي انا بعرف لحالي جيبن وخرجت
قمر سابت بق بدر
بدر :هتخليها تطبخ برسيم ياقمر هتأكليهم برسيم ؟
قمر :😂 لا الكل هيعرف انه برسيم مفيش حد هياكله غير واحد بس
بدر :😂😂 يخرب عقلك ياقمر هتكون قويه اوووى المرادي
قمر :علي اد الغيظ اللي غاظهوني ...خليه يشرب العجل بتاع رهف دا
بعد شويه رهف رجعت تنهج وجايبه حزمة برسيم ودخلت بيها الاوضه بسرعه
قمر وبدر :😂😂
بعد شويه رهف طلعت وفأيدها عودين برسيم :
قمر فيني اعرف ليش اوراق الملوخيه هاي مو متل الاوراق يلي بالنت؟!!
قمر :دي ملوخيه بٍكر صغيره لسه مكبرتش هتلاقي ورقها صغير بس مسكره واحلي من التانيه ام عروق الوحشه دي ...دول هيكونو حبة ملوخيه يابت يارهف ..👌👌
رهف بأبتسامه :اوكي ودخلت الاوضه جري وقفلت الباب وراها وكملت شغل وبعد شويه خرجت وهي مقرطفه البرسيم ومخرطاه وجاهز عالطبخ 😂
دخلت رهف المطبخ بالملوخيه وابتدت تطبخها وقمر فضلت واقفه جمبها ورافضه ان اي حد يدوقها بحجة انها لازم تكون مفاجأه ورد فعلهم يظهر قدام رهف عالسفره مع بعض..
بدر دخلتلهم المطبخ وكان وقت الطشه والشهقه
بدر :اشهقي علي الطشه عشان تطلع حلوه
رهف :شهقت عادي
قمر :لا دى تشهقيلها كده :ووطت عالحله وعملت صوت البقره عاااااااع
بدر :فطست ضحك ..
رهف :شهقه غريبه كتير هاي
قمر :لا دي شهقه الملوخيه دي 👇
😂😂😂
رهف هتدوق الملوخيه قمر منعتها وقالتلها هي كده مظبوطه شكلها بيقول كده ومانعه اي حد يشوف الملوخيه وواقفه عليها لغاية مالكل اجتمع وابتدو يجهزو الاكل ورهف بتصب الملوخيه في الاطباق بفرحه
وفخر
قمر الكبيره :الله الله بتي طابخه النهارده ياصلاة العيد ياولاد وقربت منها
هو لون الملوخيه دي غريب ليه تحسيه مدي علي لموني اكده !!!
قمر :ملوخية النت ياعمتي عاوزاها تطلع ازاي يعني ...بس هي حلوه انا متأكده ...
رهف طلعت الملوخيه وبترصها عالسفره وحطت السرفيس الكبير المليان بباقي الملوخيه فالنص ورفعت دماغها وبفخر :انا يلي طابختلكم ملوخيه ....اليوم راح تاكلون من عمايل ايدي ...وقعدت علي السفره
قمر وبدر 😂😂 خربانين ضحك
الكل بيبصلهم بتوجس
الكل رفع المعالق وهيدوق الملوخيه قمر وبدر ابتدو يهزو دماغهم بالرفض ويشاورو بأديهم الكل استغرب ودققو في الملوخيه وشافو ان لونها غريب فعلا
رهف بزعل :شو ماحدا راح يدوق طبخي ؟
ربيع :انا هدوق اول واحد وشرب معلقه وتنح شويه 🤔 طعمها غريب الملوخيه دي !!..وبص لرهف اللي كشرت ...وكمل لكن حلوه مسكره جدا ...ومسك الطبق وشربه مره وحده ورهف ابتسمتله صحتين ربيع اصبلك كمان ؟
ربيع كح وبيتكلم بصعوبه :صبي صبي دي احلي ملوخيه دوقتها فحياتي ...
الكل متابع وباصين لقمر اللي بتموت من الضحك هي وبدر ونفسهم يعرفو ايه اللي بيحصل
قمر الكبيره اتشجعت ومهما قمر وبدر شاورولها ملت الملعقه وداقتها
وكشرت بنص وشها :ايه الملوخيه الغريبه داي ؟!!
قمر قامت دخلت الاوضه وخرجت بحطب البرسيم وهي ميته من الضحك وبصت لرهف :
بت يارهف انتي جبتي برسيم وطبختيه بدال متطبخي ملوخيه؟ 😂
الكل :😨😨😨😨😨😨😨
رهف :☻ شنوووو
ربيع قلد صوت العجل :عاااااااااااااااع ووقع عالسفره ومثل انه مغمي عليه
قمر الكبيره :مااااااااااااء ووقعت هي كمان عالسفره زي ربيع
الكل :😂😂😂😂😂😂😂😂😂
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا