رواية فصيلتي القوية بقلم ريناد يوسف - الفصل السابع والثلاثون
رواية فصيلتي القوية بقلم ريناد يوسف - الفصل السابع والثلاثون
تابع من هنا: روايات رومانسية جريئة
ربيع جري في الاتجاه اللي شاور عليه جدو احمد بكل سرعته لقي اتنين بيشيلو قمر وهي متخدره وبيحطوها جوا عربيه سوده ولما كلب قمر وصل عندهم وابتدا يهاجم واحد فيهم طلع مسدسه وضربه رصاصه في دماغه موته فالحال واتحركو بسرعه بالعربيه
ربيع بص علي كلب قمر اللي وقع قصاد عينه والدم غلي فعروقه وركب عربيته وجري وراهم بأقصي سرعه وهما لما لاحظو وجوده وراهم ابتدو يضربو عليه بالرصاص
في الارض ريناد ومهاب والكل خرجو علي صوت احمد وهو بيزعق ولقو رهف واقعه علي الارض
جريو عليهم
ريناد :ماما.. فيه ايه يابابا ماما مالها ؟
احمد بصلهم :الحقو قمر اتخطفت
الكل :ايه
احمد :كانت ناحية المدخل وفجأه اتنين ملثمين نزلو من عربيه سوده مره وحده هجمو عليها وخطفوها وانا ملحقتش الحقها ودموعه نزلت
ريناد بصوتها كله :بنتي ..ومسكت فمهاب وهي بتصرخ قبل مايغمي عليها ...بنتي يامهاااااب
مهاب واقف ومش مستوعب من الصدمه اي كلام بيتقال
حسن ومالك وسليم وكل شباب المزرعه بصو لبعض وجريو كل واحد معاه عربيه او موتوسيكل ركبه ومعاه واحد او اتنين واتفرقو في طريقين مختلفين لكن مفيش اي عربيات قدامهم سوده مفيش غير كلب قمر اللي لقوه مقتول ومرمي عالارض
اخدوه اتنين من الشباب بناء علي امر حسن عشان يدفنوه من غير ماحد يشوفه من اهل اللبيت
مهاب في قاعد علي الارض ودموعه مغرقه وشه :يارب متأذنيش فيها يارب ...يارب لو بتعاقبني علي ذنب عملته فحياتي ميكونش عقابي فأولادي يارب
....يارب بتي لا يارب
ريناد ابتدت ستات المزرعه تفوقها ورهف مامتها كمان فاقت والاتنين حضنو بعض وابتدو في نوبة عياط هستيري وكل العمال وستاتهم دموعهم متقلش عن دموع ريناد ولا حرقه قلبها علي قمرهم اللي كلهم بيحبوها ومتربيه وسطهم وعلي اديهم
بدر واقفه مش قادره تستوعب كل اللي بيحصل دا ولا عقلها قادر يصدق ان قمر اختها وصاحبة عمرها ممكن تضيع منها :لا قمر متخطفتش اكيد هي بتهزر معانا اكيد دا مقلب من مقالبها المعفنه زيها ..قمر متخطفتش
سلمي قربت منها وحضنتها لكن بدر قامت مره وحده ورايحه علي عربيتها
سلمي :علي فين يابتي
بدر :هدور علي قمر ياماما
مهاب :ارجعي يابدر مش بدال ماوحده يبقو تنين ارجعي متزوديش وجع قلبنا
سلمي :تعالي يابدر والشباب بتدور وبأذن الله هيرجعو بيها
بدر رجعت لمامتها واترمت فحضنها ودخلت في نوبة بكي ..
الشباب رجعو علي البيت بعد ماملقوش حاجه واول ماوصلو الكل قام جري نحيتهم لكنهم نكسو روسهم للارض
ريناد :يعني ايه ..؟ بنتي ضاعت ؟ قمر بنتي ضاعت مني ؟
...بنتي ...هاتولي بنتي
احمد الجد :كلمو ربيع يمكن لحقها عشان هو خرج وراها علطول
الكل في لمح البصر طلع تليفوناته والكل ابتدا يتصل علي ربيع ويديهم رنين ومفيش رد
في الاثناء دي .
ربيع ماشي ورا العربيه بأقصي سرعته وبينضرب نار علي عربيته من شباكين العربيه اللي قدامه والطلقات تيجي في جسم العربيه وفجأه بعد مده ضرب النار وقف وربيع فهم ان الطلقات خلصت منهم
الخاطف ١: الطلقات اللي معايا خلصت
الخاطف ٢ :واللي معايا انا كمان
السواق :احنا عموما قربنا نوصل للمخزن انا هتوه منه وندخل الامانه المخزن ونركن العربيه جواه ومهمتنا خلطت كده
الكل :اشطا
ربيع جري بالعربيه وبقا قصادهم وابتدا يزنق عليهم بعربيته ويضرب عربيتهم بعربيته وعربيتهم تتطوح وترجع تتوازن تاني
قمر من الرج ابتدت تفوق ومسكت دماغها :اه ...ماما ....ربيع ...بابا
الخاطف ١ :الواد دا باينه مش هيجي بالزوق وبص لقمر اللي بتتأوه :يييه ودي كمان ابتدت تفوق ..الحكايه اتعقدت كدا ليه ؟
الخاطف ٢ :اركن علي جمب ...الواد دا مش هيجي بالزوق ههننزل نكسر عضمه وناخده معاها هو كمان واهو يبقي هديه مجانيه للباشا فوق البيعه
وفعلا السواق فرمل مره وحده وكانت عربية ربيع وراه بمسافه صغيره ولبست في عربيتهم من ورا وربيع اتخبط في الدركسيون ووقع فوقه والاتنين خرجو بحذر وراحو ناحيته وعرفو انه مغمي عليه وخصوصا انه واقع علي التلكس الي فضل شغال مش بيفصل
واحد منهم فتح الباب وشد ربيع اللي كان الدم نازل من دماغه مغرق وشه وقعه علي الارض والتاني شاله وراح بيه علي العربيه ودخله جمب قمر اللي اول مافتحت عنيها شافت ربيع بالمنظر دا اتخضت واخدته فحضنها وصرخت :
انتو مين وعملتو فيه ايه وعاوزين مننا أاا...وقبل ماتكمل كان الخاطف حط المنديل علي بقها خدرها مره تانيه :نامي ياشيخه بلاش قرف ..دا ايه المصلحه المتعقده دي
السواق :ولا متعقده ولا حاجه اهي قضيت والحمد لله وادينا قربنا علي المخزن
فجأه سمعو صوت رنة تليفون ربيع :
الخاطف اللي راكب جمبه ورا طلعه من جيبه وبصله بأعجاب : عده نضيفه اووي
السواق :تلزمني يبو الصحاب
الخاطف ٢ :لا انت ولا هو انا هاخدها
الخاطف ١ :طب شوفو مين هيطولهالكم انت ولا هو.!! يعني هي فأيدي وانتو تتعاركو عليها .؟ مسمعش نفس واحد منكم ..مات الكلام
الاتنين بصو لبعض وكشرو
السواق :طب متقلبلي البت ليا انا يمكن معاها تليفون تاني ليا
الخاطف ١ فتش قمر ملقاش معاها حاجه لكنه لقي سلسله دهب فرقبتها قطعها وحطها فجيبه :معهاش حاجه
السواق :خلاص ياعم ...بس اي حاجه الطلعه الجايه ملكش فيها انت وانت اللي هتسوق فاهم
الخاطف ١ بصله وسكت والعربيه وقفت في مكان واسع فيه عده بنايات شكلها مهجور زي مايكون كان مصنع واتقفل والتلاته نزلو وابتدو ينزلو قمر وربيع ودخلوهم المكان وكتفو كل واحد في كرسي وربطوهم كويس اوووي
الخاطف ٢ :اللوزه المقشره دي مش كنا واجبنا معاها ...طيب تقول علينا ايه مش رجاله ؟
الخاطف ١ :مش هينفع عشان دي شكلها مساومه يابأف لو كان حرق قلب كان قالنا زي كل مره تاووها وكنا عملنا معاها الصح لكن مش هينفع المرادي
الخاطف ٢ :طب لو غير رأيه وقال تاووها وكلم حد فيكم يديني رنه عشان انا عاوز اكون اول واحد في حياتها ...الحبيب الاولي
الاتنين :😂😂 ماشي يابرنس لك ذلك
الخاطف ١ :طب يلا عشان اتفرهدنا النهارده وبص للسواق :ابقا ابعت دحروج يجي يخدم عليهم ويحرسهم لحين اشعار آخر
السواق :اوك
والتلاته قفلو الباب عليهم وسابوهم متكتفين وربيع مغمي عليه وقمر متخدره
*********
في الارض عند مهاب
مهاب اتصل برعد : رعد بتي قمر خطفوها
رعد كان قاعد وسط اولاده ومراته وقام وقف مره وحده :نعم ...؟هما مين دول وليه وازاي ؟
ريناد خطفت منه السماعه :ياسيادة اللوا بنت اختك مش عارفين عنها حاجه تكون هنا فلمح البصر وتقلب الدنيا لغايه ماتلاقيها وترجعهالي انا بموت يارعد ...
رعد :طيب اهدي ياريناد انا مسافة الطريق وهكون عندك وقفل السكه
الكل :فيه ايه
رعد :قمر بنت عمتكم اتخطفت ومحدش عارف مكانها وطلع لفوق جري يغير هدومه
الكل بص لبعض بذهول
قمر خبطت علي صدرها :ياحبيبتي يابتي ...ياقلب عمتك ياقمر وقعدت علي الكنبه ودموعها نزلو
الكل جري ولبس بسرعه وسبقو ابوهم علي العربيه وقمر ورهف كمان
رعد نزل وراح على عربيته
واول ماشافهم :لا انتو هتفضلو هنا محتاجكم تتابعو الموضوع من هنا وبلغو شريف وانا هقولكم علي كل حاجه هعرفها هناك
احمد :طب اسافر انا معاك ومهاب يفضل
رعد بزعيق :قلت انتو الاتنين يعني انتو الاتنين
مهاب :طب نبلغ المباحث ؟
رعد :شوف حد حبيبنا من هناك وكلمه بسرعه وانا هكلمك وابلغك بالتفاصيل وركب العربيه بعد مااحمد ومهاب نزلو وانطلق بأقصي سرعته
*********
ريناد :انا هبلغ البوليص
مهاب :رعد زمانه جاي وهيتصرف
ريناد :بقولك ايه انا مش هصبر وانا مش عارفه بنتي بيحصلها ايه انا هبلغ
حسن :فعلا ياماما لازم نبلغ البوليص
سليم جري لبره مره وحده لما افتكر حاجه
حسن ومالك بصو لبعض وجريو وراه
سليم وصل عند البنزيما ودخل المكتب وابتدا يعيد شريط الكاميرا المتركبه هناك
حسن حط ايده علي كتف سليم وتابع معاه بتركيز
مالك :بس يارب تكون العربيه عدت من الطريق دي
حسن :يارب
بعد مده شافو في التسجيل عربيه سوده مفيمه ماشيه بسرعه ووراها بشويه عدت عربية ربيع.. سليم وقف اللقطه علي العربيه :
سليم :ياولاد الكلب ملهاش نمر
حسن طلع تليفونه وحاول يتصل تاني علي ربيع اللي مش بيرد علي اي حد لكنه لقي التلفون اتقفل ...شال التلفون من علي ودنه ....ربيع تليفونه اتقفل
سليم :كده المصيبه بقم اتنين ...
مالك :ربنا يحفظهم يارب من كل سوء
حسن :سليم هات الشريط دا عشان البوليص هيحتاجه
سليم :اكيد من غير ماتقول
*********
في مصر مهاب واحمد بلغو شريف اللي الخبر كان صدمه بالنسباله و قرر انه يسافر لمهاب فورا وبناته ومراته اصروا انهم يسافرو معاه ويكونو جمب ريناد في المصيبه دي
احمد كلم لوا في المباحث معرفه وشرحله الوضع واللوا كلف اكفأ ظباط عنده بمتابعة الموضوع مع اللوا رعد ...
رعد وصل الارض وريناد اول ماشافته جريت عليه ومسكته من هدومه وهي منهاره : رجعلي بنتي يارعد انتا لوا وبمنصبك تقدر تقلب البلد رجعلي بنتي وربيع رجعهملي
رعد :اطمني ياحبيبتي هتبات فحضنك هي وربيع بأذن الله تعالي بس اهدي شويه عشان تفهموني اللي حصل بالتفصيل
احمد الجد حكي لابنه اللي حصل واللي شافه ورعد فورا اتصل بأولاده وبلغهم بكل اللي عرفه والاولاد تواصلو مع الظباط المكلفين بالبحث وزودوهم بالمعلومات
حسن جاي هو ومالك وسليم واول مالقو رعد موجود جريو عليه
حسن :خالو اتصرف ورجع قمر وربيع ياخالو
رعد :اطمن ياحسن انا واولاد خالك مش ساكتين
سليم :اتفضل الشريط دا فرغناه من كاميرا المراقبه بتاعت البنزيما يا خالو مع انه مفهوش حاجه العربيه وهى معديه بس
رعد :بالنسبالك انتا مش مهم ومفهوش حاجه لكن المباحث بتعرف تطلع تفاصيل من لا شيئ واخد الشريط واداه لرهف بنته
رهف انسخي الشريط دا علي لاب توب وابعتيه لاخواتك عشان يوروه للظباط المكلفين بالبحث
رهف :اي بابا تكرم عينك واخدت الشريط وجريت بيه
قمر بصت لريناد وشافت انهيارها وبصت لرهف الجده لقتها هي كمان نفس الانهيار ومهاب حاله يصعب عالكافر واحمد الجد واحتارت تروح لمين وتواسي مين وهي اصلا محتاجه اللي يواسيها ويصبرها زيهم بالظبط مهاب بصلها بعتاب :
تعالي ياقمر صبريني علي مصيبتي وقوليلي ان قمر بخير وهترجعلك سليمه هي وربيع ...تعالي ياقمر انا محتاجك جمبي ساكته وواقفه بعيد ليه يابت ابوي ؟
قمر راحتله واخدته فحضنها :بصراحه احترت اروح لمين واحضن مين وكلكم حالكم يحزن
مهاب :انا يبت ابوي الاولي بحضنك
قمر حضنته جامد وطبطبت عليه وهو اتفتح في البكي وقمر كمان معاه والكل دموعه نزلت معاهم
رهف جات من جوه :بابا بعت الفيديو لاحمد ومهاب وهما عميقولولكم ماتعتلو هم بأذن الله راح ترجع قمر بأقرب وقت الداخليه كلها مقلوبه ع غيابها
ريناد :يارب يارب يارب
مهاب بص لفوق بيطلب من ربنا الرحمه بيه وبعيلته وانه يرجعلهم قمر وربيع لكن بدون صوت بيطلب بقلبه
شريف بعد مده وصل هو وعيلته ودخل الفيلا واتكلم بكل حزم :ايه اللي حصل بالظبط ؟
رعد ابتدا يحكيله وناديه مراته راحت لريناد حضنتها وفضلت تواسي فيها
شريف :واكيد طبعا الكل عارف مين الوحيد اللي له مصلحه في الخطف
رعد :لو هو المفروض يتصل ويهدد دلوقتي
مهاب :عتتحدتو عن مين
رعد :عن زين الدين موسي ...مين غيره له مصلحه يعني!!
مهاب :ياخد الارض بس بتي وولدي ربيع يرجو انا معاوزش غير عيالي
ريناد :ايوه يارعد اتصل بيه وقله لو قمر عنده هي وربيع يسيبهم واحنا هنبيعله الارض او حتي نديهالو من غير فلوس خالص ..😢المهم بنتي وابني يرجعو لحضني
شريف :ياجماعه استنو بس الامور متتاخدش كده مش لازم نبين ضعفنا للخصم بسهوله كده
مهاب :هو عارف نقطة ضعفنا زين ياشريف ...عارفها وخطفها وياعالم ربيع هو كمان عيملو فيه ايه
رعد :الداخليه بتمسح في المنطقه والمناطق المجاوره متخافش بأذن الله كله هيبقا تمام
بعد مده رعد جاله اتصال من ابنه مهاب خلي وشه اتغير بعد ماسمع
الكل كان متابع تعبيرات وش رعد ودب فقلبهم الرعب
ريناد ومهاب جريو عليه :فيه ايه انطق اتكلم
ريناد مسكته من هدومه :ولادي جرالهم ايه يارعد انطق قلبي هيقف
رعد اتكلم وهو موطي للارض :الشرطه قدرت تلاقي عربية ربيع لكن .....
مهاب بصله وجسمه ابتدا يترعش وعيونه كلها خوف من اللي هيسمعه
قمر :لكن ايه ماتنطوق يارعد
شريف راحله وحط ايده علي كتفه وشاورله بدماغه عشان يتكلم
رعد :العربيه كانت فاضيه ومضروب عليها رصاص كتير ولقيو دم فكرسي السواق وعلي الدريكسيون وغالبا دا دم ربيع والعربيه متخرشمه من قدام شكلها خبطت في حاجه
ريناد وقعت من طولها بعد ماصرخت بصوتها كله :لاااااااااااء ولادي
رهف:ياويلي احفادي
مهاب هو كمان رجليه مشالتهوش وقعد علي الارض وهو حاسس ان الدنيا بتلف بيه وكل الموجودين انتفضو من الخوف علي قمر وربيع
شريف :ياجماعه تفائلو الخير تجدوه يمكن عمل حادثه وحد ابن حلال نقله مستشفي انا هكلف ناس تلف عليه كل المستشفيات القريبه من موقع الحادث بس ياريت صوره ليه
مهاب : عتضحك على مين انت حادثه كيف والرصاص اللى عيقول لقوه مضروب عليها ..ولدى موتوه ولاد الكلب الكفره ..
حسن بعتله صوره لربيع علي البلوتوس وشريف بعتها للظباط المكلفين بالبحث عشان يقدرو يتعرفو عليه
***********
في المكان اللي فيه قمر وربيع
قمر ابتدت تفوق وتفتح عنيها وحده وحده ولقت نفسها متكتفه وبصت لقت ربيع في الكرسي اللي قدامها مربوط ومغمي عليه وسايح فدمه
قمر ابتدت تبكي بصوت عالي وتنادي علي ربيع وبتحاول تفك نفسها لكن بدون فايده
قمر وطت دماغها للارض وبتبكي بحرقه :اه ياربيع اه ياحبيبي موتوك ياقلبي ...ياخسارة شبابك ياربيع
اه ياولاد الكلب ياقتالين القتله انا هشرب من دمكم واحد واحد بس وروني وشكم ياكلاب ...ياكلاااااب
ربيع ابتدا يفتح عنيه وحده وحده بضعف :يخرب بيت امك ياقمر
قمر بفرحه :حبيبي ياربيع انتا عايش مموتش ياقلبي
ربيع بضحكه:لا كنت ميت بس رجعت علي صواتك وعديدك يحرقك ياشيخه
قمر :وليك نفس تضحك بذمتك وانت دماغك مفتوحه ومتشلوح كده !!
ربيع :منا هبكي دلوقتي بس اصبري عليا شويه وانا هعمل كل التعبيرات بس دماغي تبطل لف وتختفي النجوم اللي قدام عنيا دي
قمر :الا هو مين اللي خطفنا وعمل فينا كده ياربيع ؟
ربيع ابتدا يتكلم بضعف وبين كل جمله وجمله ياخد نفس :علمي علمك ...انا سمعت من جدي احمد... انك اتخطفتي... جريت عليكي... لقيتهم بيحطوكي فعربيه سوده...
ركبت عربيتي وجريت وراكي.... ضربو عليا رصاص ومجاش فيا... الحمد لله ...ولما لقوني مصمم اني مسبكيش ليهم... فرملو مره وحده... وانا عربيتي لبست فعربيتهم.... وبعد كده مفقتش غير هنا ولا اعرف ايه اللي حصل بعد كده... ولا اعرف اكتر من كده
قمر :طب تفتكر تجارة اعضاء دي ولا طلب فديه ..؟ يارب تكون فديه واغتصاب ويسيبونا نروح
ربيع :😨😳 اغتصاب ؟ عتقولي ايه يابت الجزمه انتي اغتصاب ازاى ؟
قمر :يسلام ياخويا يعني هما مش لما بيخطفو وحده حلوه في الافلام بتدخل افراد العصابه اللي هما بيبقو عضلات وطالعلها دماغ دول ويفضلو يتخانقو عليها ودا يقول ...انا الاول ..والتاني يقول لا انا الاول ويتخانقو عليها وفي الاثناء دي البطل اللي هو انت تقوم فاكك نفسك وتمسكهم ضرب طاخ طيخ طوخ وتبهدلهم ضرب وتقوم واخدني ونروح والبوليص يجي يقبض علي العصابه !!
الا قولي ياربيع هتعمل كده بجد؟
ربيع :...........
قمر :ربيع رد عليا بكلمك انا
رربيع :ردت الميه فزورك يابعيده سيبيني دلوقتي احسن انا مزنوق ومش عارف هتصرف ازاي
قمر :بتدعي عليا ياربيع ؟ طب الهي ماحد ينجدك ولا يلحقك وتعملها علي روحك
ربيع بيحاول يفك نفسه
قمر :ربيع هتدافع عني وتضربلي العصابه
ربيع بصوته كله :اسكتتتتي ادافع عنك ازاي وانا متنيل متكتف وهعمل حمام علي روحي وحالتي بالبلا
قمر :😩ايه دا يعني هتسيبهم يغتصبوني وانتا قاعد كده تتفرج عليا ؟
مهاب :اسكتي ياحبيبتى لهو انتي مدريتيش بالجديد ..؟ دلوقتي بيغتصبو كلو رجاله وستات بس انتي اللي عايشه ففيلم ابيض واسود يعني ممكن يغتصبوني انا قبلك يختي
قمر :😨😨وهتسكت وتسيبهم يعملو فيك كده ؟
ربيع :لا بعد مايخلصو هتف عليهم واقولهم مخاصمكم ياوحشين ياقللات الادب 😤
قمر :يلهوي طب والله لو حد جه ناحيتك لاصوت واشتم والم عليهم الدنيا هي فوضي ...وانت بقا هتعمل ايه لو خدوني انا الاول
ربيع :هعمل ميت لغاية مايخلصو
قمر :😳😨 ايه دا دانتا طلعت مش فريد شوقي فنفسك خالص 😩 ولا حصلت المليجي حتي طب حتي ابقا اشتم من بعيد طا!!
ربيع :ياربي يعني هو هيبقي خطف وتخلف ؟ لا بصراحه كده كتير
قمر غمزتله :بس سيبك دنا طلعت غاليه عليك وبتعرض نفسك للخطر علشاني وبتتضرب وتتخطف معايا وهتُغتصب معايا
ربيع :طبعا يابنتي انتي بتشككي فشهامتي ورجولتي ولا ايه ولعلمك اللي عملته معاكي دا انا ممكن اعمله مع اي حد طب تعرفي انه لو عم عبدالله هو اللي اتخطف كنت هضحي بحياتي برضو عشان انقذه
ريناد كشرتله بنص وشها :عمك عبدالله ..وشهامتك ورجولتك .؟ طب والكلام اللي اتقال من شويه دا ؟ مترسيلك علي شخصيه يبني!!!
ربيع لسه هيتكلم سمعو صوت الباب بيتفتح وخيال ضخم جدا جه عالحيطه وسطهم
قمر وربيع :😨😨 وبصو لبعض وكل واحد بسرعه عمل مغمي عليه علي الكرسي بتاعه
كل واحد فيهم مفتح نص عين وشايفين الخيال وهو بيقرب منهم وفجأه صوت الرجلين وقف مابينهم وبص لقمر وبص لربيع وراح علي ربيع ورفع ايده مره وحده ونزل بقلم علي وش ربيع خلاه صرخ من الالم
الراجل :فوق ياحيلتها وراح علي قمر ولسه هيرفع ايده
قمر عدلت رقبتها بسرعه وصرخت :
فايقه انا فايقه لوحدي 😨
الراجل :انتي شاطره
قمر :😁 لا دنا مؤدبه وبسمع الكلام اوي ياعمو
الراجل ضحك بصوته كله وسابهم وخارج
ربيع :خد ياعم.. انت مين ..وليه جايبنا هنا ...وعاوز مننا ايه
الراجل :بس ياض
ربيع :حاضر ..طب ممكن طلب
الراجل :ارغي
ربيع :مزنوق وعاوز افك زنقه
الراجل :فك علي نفسك لو الخفيفه
ربيع :لا التقيله
الراجل :😠 الله يقرفك ياشيخ وفكه وزقه قدامه بعنف علي حمام في أخر الطرقه وهو مصوب عليه مسدس لغاية مادخل ربيع الحمام اللي كان عباره عن ٤ حيطان مفهمش خرم ابره
ربيع :ايه دا فين الشباك بتاع فريد شوقي ابو حديد مخلوع لوحده ؟
الراجل :اخلص وبطل برطمه
ربيع :حاضر خلصت اهو وخرج وهو رافع اديه ومشي قدام الراجل لغاية الكرسي والراجل ربطه تاني وسابهم ومشي
قمر ؛:مهربتش ليه يازفت انت؟
ربيع :سدو الشباك بتاع الهروب
قمر :طب ملفتش ليه وضربت المسدس برجلك واخدته وهددته وخليته فكني وانا كتفته وهربنا؟
ربيع :ابقي قومي انتي المره الجايه روحي الحمام وابقي اعملي كده ...اصل الواقع اصعب من الافلام ياقمر يابنت عمي
قمر :بس اجري دانتا اللي طلعت خايب
ربيع :معلش ربنا يسامحك انا هعذرك عشان هول الموقف اللي انتي فيه وخوفك بس
قمر :خوف ايه 😏انا مش خايفه
ربيع : انتي حلوفة الحلاليف
قمر :لا مطمنه عشان معاك وحتي لو مت هموت وانا مبسوطه عشان هموت معاك
ربيع :ياشيخه غوري
قمر :يلعن ابو ردك ردك رد فصدري قتلني
ربيع :مستعجله اوي عالقتل والموت انتي ....بومه بومه اقسم بالله
الاتنين سكتو شويه وكل واحد بيعافر عشان يفك نفسه لكن من غير فايده شويتين وسمعو صوت خطوات بره المكان اللي هما فيه وبتقرب لكن وقفت مره وحده قدام الباب وسمعو صوت سحاب بنطلون بيتفتح
قمر :😨انتا الاول
ربيع :😨 لا والله ميحصل ليدز فيرست
الاتنين سكتو لما سمعو صوت ميه نازله علي الارض وبعد كده السحاب اتقفل والباب اتفتح ولقو الراجل اللي كان عندهم من شويه وجايب معاه علبه فيها بيتزا
الراجل فتح العلبه وراح لقمر وقطع لقمه بأيده ووداها علي بوقها
قمر بقرف :لا شكرا شعبانه
الراجل بصوته كله رج المكان :كللللي
ربيع :متاكلي يابت الجزمه متعصبيهوش دا ايده طرشه
قمر :انتا مسمعتش عمل ايه دلوقتي ومغسلش ايديه؟
الراجل طلع مسدسه وعمره وحطه علي قورة قمر وبرق عنيه
قمر :😨انا كنت بهزر علي فكره وهاكل علطول وبوقي اهو ..وفتحته عالاخر ...
الراجل شال المسدس وقطع حتته بيتزا وحطهالها فبوقها وهي اكلتها بسرعه جدا :الله احلي بيتزا دوقتها فحياتي
الراجل برقلها وكشر
ربيع :ياقمر اقفلي بوقك الله يحرقك
الراجل لفله وقطع حتته بيتزا كبيره وحطهاله فبوقه وربيع ابتدا ياكلها من غير اي اعتراض
الراجل بعد مااكلهم خرج بره وقفل الباب عليهم وراه
ربيع وقمر بصو لبعض بقرف
قمر :هرجع
ربيع :لو جه ولاقاكي مرجعه هيأكلك ترجيعك اكتمى
قمر :يع الله يقرفك انتا كمان ...بس والله دا كتير 😢 امتا هيموتونا بقا خلينا نخلص
في الارض عند مهاب :
شريف شاور لرعد عشان يخرجله بره
مهاب واخد باله منهم وقام :اتكلمو قدام الكل ولو فيه اي حاجه لازمن اعرفها انا لاول سواء زينه ولا لاقدر الله عفشه
شريف :اهدا يامهاب والله مافيه اي حاجه احنا بس كنا عاوزين نقعد لوحدنا نحلل الموقف شويه
مهاب :احلل معاكم برضيك
رعد جاله تليفون من مهاب :
رعد :خليهم يراقبو زين الدين ...طيب تمام .... يلا ربنا معاكم
مهاب قرب منه :قلك ايه
رعد :ملقوش حد في المستشفيات بمواصفات ربيع او قمر ...يعني اطمن اكيد بخير
شريف بصله بأستفهام وهو بادله النظر وشاورله بدماغه يعني مفيش جديد
تليفون سلمي رن برقم غريب
سلمي :الو مين
زين :زين ...
سلمي :زين مين .....الكل انتبه للاسم ورعد جري اخد منها التليفون وفتح الاسبيكر
زين قولي لاخوكي ان بنته وابن اخوه معايا ولو عاوزهم يرجعو حيين يبيعلي الارض وبنص السعر اللي عرضته عليه قبل كده عشان يتربي ...اه وقوليله كمان جوز اختك وصاحبه واللمه الكدابه اللي حواليه دلوقتى دي مش هتفيده فحاجه ...قدامه يومين ..الارض .
اودماغ الاتنين يوصلوله فطرد هدية عيد ميلاده اللي فاضل عليه ٢٠ يوم ده ...وقوليلو سنه حلوه ياجميل بيقولك زين ...وقفل
رعد :يبن الكلب
شريف :كده عرفنا هندور فين واطمنا انهم بخير
ريناد جريت علي مهاب :بيعها يامهاب بيعهالو او اتنازلو عنها احنا مش عاوزين ارض احنا عاوزين عيالنا وبس
مهاب قعد علي الكنبه :هديهالو يارناد ..اصلا كنوز الدنيا كلها فدا ضافر عيالي
قمر :انشاله يتشل وهو قاعد مكانه دلوكيت يارب وينزل عليه دم حامي يقلبه قليب
رعد اتصل بأحمد وبلغه باللي حصل واحمد بلغ الظباط المختصين بالبحث
الظابط١ :زين الدين موسي قلتلي ....طب حلو ده ..
مهاب :حلو فأيه سيادتك
الظابط ٢:اللي متعرفهوش ان زين الدين موسي فيه تحريات بتتعمل عنه من شهور عشان فيه بلاغات وصلتنا انه بيتاجر في السلاح وبيستورد ادويه مخدره وحاطينه تحت المراقبه من فتره ..
واتأكدنا من نشاطه المشبوه وقدرنا نعرف مين الراس الكبيره اللي ممشياه هو وغيره ومسنودين عليها وفيه شحنه كبيره بأسمه ملغمه جايه في الطريق عن طريق البحر وهتوصل كمان ٣ ايام وهي دي اللي هتوديه في ستين داهيه وضيف عليهم خطف بنت خالك وابن خالك .....انا المفروض ماعرفكش الموضوع ده لكن انتا ظابط وهاتقدر سرية الموضوع
مهاب :اكيد سيادتك وهشارك معاكم بنفسي كمان في القبض عليه ....بس فيه مشكله هو ادا مهله لخالي يومين بس لكن انتا بتقول الشحنه هتوصل المينا بعد ٣ ايام كده هياخد الارض من خالي والا ممكن يعمل حاجه فقمر وربيع !!
الظابط ١:خالك يتحجج بأي حجه ويأجل البيع يوم حتي لو اضطر يعمل نفسه تعبان وتنقلوه المستشفي عشان زين ميشكش فحاجه واحنا مراقبين زين كويس وهنقدر نعرف مكان الولاد
مهاب قام وسلم علي الظباط :طيب انا هسافر عشان ابلغهم المعلومات دي واشوف هنعمل ايه واحمد اخويا معاكم وانا هكون هناك
الظابط ٢:مش هقولك تاني السريه مهمه في الموضوع اد ايه ياحضرة الظابط والا شغل وتعب شهور يروح فشربة ميه ..
مهاب :متقلقش سيادتك ...بعد اذنك
الظابط :اتفضل ...في رعاية الله
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا