رواية فصيلتي القوية بقلم ريناد يوسف - الفصل الثامن والثلاثون
رواية فصيلتي القوية بقلم ريناد يوسف - الفصل الثامن والثلاثون
تابع من هنا: روايات رومانسية جريئة
عند قمر وربيع واليوم ابتدا يخلص والدنيا هتعتم عليهم
قمر :ربيع انا ابتديت اخاف 😢
ربيع :عارفك بتخافي من الضلمه ..استني هحاول ازحف عليكي بالكرسي ...انا مش عارف ايه التكتيفه السوده اللي مكتفهالنا دي دا رابط كل رجل من رجلينا فرجل كرسي عشان منقدرش حتي نتحرك
قمر :عنده ضمير فشغله بيراعي اكل عيشه كويس
ربيع ابتدا يزحف ببطئ بالكرسي
قمر هتزحف ناحيته هي كمان
ربيع :لا استني احسن تتقلبي بالكرسي وتفضلي طول الليل مقلوبه 😂
قمر :هار اسوخ ..لا خلاص مش متحركه
ربيع:ايوه اثبتي انتي انا قربت اوصلك اهو اتحركت ٢ سم اوعدك من دلوقتي للصبح هكون وصلت عندك 😂
قمر ابتدت تبكي :عاااااااااا😭
ربيع :مالك يافقر بتقوقي ليه دلوقت
قمر :عاوزه اروح الحمام وهخاف اروح مع مازنجر اللي بره دا لوحدي
ربيع :احيه ..دنا كنت خايف وانا معاه لوحدي ...طب متعمليها علي نفسك يابنت عمي وما علي المخطوف حرج
قمر :ياسلام ....ولا انتا معفن علي فكره
ربيع :معفن معفن مهو مش هتروحي مع الجثه اللي بره دي يعني مش هتروحي
قمر :عااااااااا😭 همووووت
ربيع :طب بس يحرقك يابعيده ...وابتدا ينادي علي الراجل ...انتا ياعم يلي بره ...انتا يابرنس ....ياعم المزنجر رد علينا
جاله صوت الراجل من بره :عاوز ايه يبن الكلب دلوقتي
ربيع بصوت واطي كلب لما يهبر مصارينك وعلا صوته :
الحمام يابرنس عاوزين الحمام
الراجل :مين اللي عاوزه فيكم
ربيع :احنا الاتنين
الراجل :ازاي يعني ؟
ربيع :زي الناس ياعم انتا
الراجل زام بغضب
قمر :يامه
ربيع :اعملي نفسك مزنوقه اوي
الراجل دخل وقمر فضلت تتلوي شمال ويمين وربيع زيها
الراجل :طب مين فيكم هيروح الاول
ربيع :انا
قمر :لا انا
الراجل :اخلصو افك مين
ربيع :انا عندي فكره انتا فكني انا وانا افكها وانا وانتا نروح الحمام وهي نقفل عليها الباب وتتصرف هنا ورا الكراكيب دي وبص لقمر وغمزلها وهي ابتسمت لخوفه وغيرته عليها
الراجل حك بالمسدس في دماغه
قمر :يعم انت لسه هتفكر هنزروط الدنيا !!
الراجل راح لربيع وفكه وهو موجهله المسدس وبعد عنه وربيع فك قمر وسابها وراح هو والراجل الحمام والراجل قفل الباب علي قمر من بره واتعمد ربيع انه يطول في الحمام علي قد مايقدر عشان قمر تستهوي من الربطه شويه
الراجل خبط عليه بالمسدس بعد مازهق من الوقفه :ايه انتا جاي تصيف هنا ولا ايه متخلص ياض
ربيع :ايوه خارج اهو معلش ياعم تعبان
الراجل :طب اخلص بدال مديك طلقه فنافوخك واريحك من تعبك
ربيع فتح الباب وخرج بسرعه :😨خرجت اهو اوعي تتعصب 😁
زقه قدامه ودخله المكان ورايح يربطهم
قمر:بقولك ايه ياعمو شوف المكان مفهوش خرم ابره وانتا بتقفل علينا من بره والباب حديد وانتا قاعد بره
الراجل :ايوه والمطلوب
قمر :سيبنا من غير تكتيف والنبي ..اصل احنا هنعمل ايه يعني ولا هنروح فين ادينا مرزوعين
الراجل بصلها وبص لربيع وابتسم بخبث وبعدها ضحك هههههههه
طيب هسيبك سايبه.. ياسايبه بس ابقي علي صوتك عشان اسمع ...وانتا لو عوزت مساعده انده ...للاسف معنديش اوامر اني اتعامل معاها انا لكن لو هي عايزه يبقا عادي
ربيع : بصله بغضب وغيظ وبرقله
الراجل "خلاص متزعلش شكلها تخصك ...سلام وقفل الباب عليهم وهو بيضحك
قمر :هو الراجل دا ماله ايه مضحكه ؟
ربيع : افتكرك قليلة ادب 😂مش سمعتيه وهو بيقولك ياسايبه
قمر :😨😳 مخدتش بالي
ربيع بيبص حواليه : طيب هاننام فين ياقدري ومكتوبي
قمر بصت حواليها :استني هعملك سرير .وراحت جابت اربع كاوتشات عجل حطتهم قصاد بعض وجابت كرتون فردته وحطته فوقهم وبقا زي السرير
ربيع:الله عليكي يافنانه
قمر :امال زيك خايب ..وطلعت علي السرير وحطت ايديها تحت راسها ونامت
ربيع راح هو كمان وطلع نام جمبها وبص للسقف وربع ايديه علي صدره
قمر :ياتري هيعملو فينا ايه يلا ياربع
ربيع :الله اعلم
قمر :طب مايمكن يموتونا
ربيع :والله هما ومزاجهم بقا والسبب اللي خاطفينا عشانه
قمر لفت عليه واتسندت علي ايدها :طب لو كانو هيموتونا بكره مثلا ..مش عاوز تقولي حاجه قبل ماتموت
ربيع ابتسم واخد نفس وطلعه بشويش ومتكلمش لكن لف علي قمر وحط ايديه تحت خده وهو بيتأمل عيون قمر اللي بتلمع وملامحها اللي يادوب شايفها من العتمه اللي هما فيها وقرب علي وشها جامد لدرجة انها بقت تتنفس انفاسه
وابتدا يهمسلها :قمر لو النهارده اخر يوم هنعيشه ايه اخر امنيه ليكي
هتتمنيها او اخر حاجه تطلبيها
قمر بهمس :اخر امنيه وطلب هطلبه متحقق قدامي اهو
ربيع بهمس اكتر :اللي هو
قمر وعنيها بتتجول فملامح ربيع :
انك تكون اخر حد تشوفه عيوني وصورتك تنطبع فيهم ..انتا اقصي امنياتي ياربيعي
ربيع اخد نفس براحه وهمس :بحبك يابنت عمي ..بحبك يامجنونة قلبي
قمر غمضت عنيها جامد وابتسمت
ربيع بصلها بأستغراب :مغمضه ليه
قمر :عشان عارفه اني بحلم فبحاول احفظ تفاصيل الحلم وبعيدها وهمست :ربيع
ربيع :ياقلب وروح وعقل وعمر ربيع
قمر :انا مش مصدقه اللي بيحصل ده
انتا فايق للي بتقوله وتعمله ولا الخبطه اللي فدماغك دي مأثره عليك؟
ربيع ضحك بخفه : انا عمري ماكنت فايق وواعي زي اللحظه دي ..بحبك ياقمري ..بحبك حب انا نفسي مكنتش متخيل انه جوايا ليكي....
بحبك حب محدش قبلنا حبه ولاعرفه ..بحبك حب ومش قادر علي وصفه ... حب عرفته واتأكدت منه لما مالك كان بيقربلك وانا النار تقيد بين ضلوعي ...ولما بقيتي بتلبسي لبس ديق ومقسم وبيبين تفاصيل جسمك واحس ان اي عين بتيجي عليكي كأنها رصاصه بتدخل جوا قلبي
بحبك بعدد خناقاتنا سوا ...وضربنا لبعض ..وشقاوتك ...بحبك ياقمري
قمر متنحه وفجأه هزت دماغها وضحكت بصوت ياسمين عبد العزيز : فهمتك ياخلبوص ..عارف اننا هنموت فبتضحك عليا عشان اموت مبسوطه وانتا تاخد ثواب جبر الخواطر ...مش ساهل انتا برضو
ربيع :قمر ..قمر ..قمر ..انا خطبتك من امك وابوكي قبل مانتخطف بدقايق وكنت خارج اقولك الخبر
قمر نطت من مكانها وقعدت ومسكت ربيع من هدومه :احلف
ربيع :وحيات قمر
قمر : لا احلف بحاجه تانيه
ربيع :طب وحيات ة ريناد
قمر :😨يلهوي عمرك مابتحلف بيها كدب دي.. تبقا صادق ..طب استني كده يمكن ميغماش عليا وبرقت عنيها ووقعت مغمي عليها
ربيع بيهز فقمر : بت ياقمر فوقي يخرب بيتك ايه دا البت باينها ماتت من الصدمه
**************
عند احمد في مصر :
احمد :مفيش جديد ياحضرة الظابط
الظابط :احمد باشا انت معانا لحظه بلحظه اهو لو احنا قصرنا اتكلم
احمد :لا طبعا حضراتكم مش مخليين من جهدكم ..بس يعني
الظابط قام وحط ايده علي كتف احمد :انا فاهم ومقدر قلقك كويس لكن اهو انتا شايف احنا مقعدناش من ساعة ماتلقينا بلاغ الاختطاف
الظابط ٢ دخل من الباب :حضرة الظابط احمد كويس اني لقيتك ..فيه طريقه نقدر نوصل بيها لمكان تليفون ربيع
احمد :ازاي وهو مقفول
الظابط :برقم موجود علي كرتونة عدة التليفون لو موجوده نقدر نوصل للتليفون ونتعقبه بسهوله جدا حتي بدون خط
احمد :طب والله دا شيئ رائع انا هكلمهم في البيت يشوفو لو الكرتونه موجوده
احمد اتصل بعمته
ريناد ردت بلهفه :ايوه يامهاب ايوه يبني فيه اخبار جديده لقتوهم
احمد :هنلاقيهم ياعمتو وهيرجعو لحضنك متخافيش احنا مش هنهدا لغاية مايرجعو
ريناد ابتدت تبكي
احمد :عمتو بقولك كارتونة التليفون بتاع ربيع موجوده ..؟ لو موجوده هتساعدنا في تحديد مكانهم
ريناد جريت علي اوضة ربيع وسط استغراب الكل ومهاب حصلها هو وقمر وابتدت تدور فكل مكان في الاوضه
قمر:عتدوري علي ايه يامرت اخوي ادور معاكي قلك ايه احمد
ريناد "كرتونة تليفون ربيع ممكن يحددو مكانهم لو لقوها ...
قمر ومهاب ودنيا وسمر وامهم وسلمي وبدر اللي حصلوهم علي الاوضه الكل ابتدا يدور فكل مكان وقلبو الاوضه قلب
بدر بفرحه مسكت العلبه ورفعتها بعد مالقتها فدرج الكوميدينو
ريناد ومهاب جريو عليها
ريناد :لقيناها يااحمد العلبه اهي
احمد بفرحة :طب حلو ياعمتو وبص للظابط :لقو العلبه
الظابط :طب فيه رقم جمب علامه مائيه علي العلبه خليها تمليهوني
احمد :مليني الرقم اللي عندك علي العلبه جمب العلامه المائيه ياعمتو
ريناد ملته الرقم والظابط سجله واخد الورقه وخرج بسرعه علي اوضة العمليات بتاعت جهاز المباحث
الظابط ١ :اطمن بأذن الله خير
احمد :يارب ياحضرة الظابط
بعد مده بسيطه الظابط رجع من اوضة العمليات ودخل دماغه من الباب وشاور للظابط التاني
بسرعه حددنا مكان التليفون
احمد قام بسرعه والظابط قام وخرجو بالخطوه السريعه والظباط امرو بأحضار القوة عشان المهاجمه
احمد :المكان فين بالظبط ياباشا
الظابط :في المرج
احمد :هاجي معاكم بعد اذنكم
الظابط :اكيد يااحمد باشا هتيجي معانا يلا بينا
التلاته والقوه اتحركو بسرعه فائقه لغاية ماوصلو مكان اشارة التليفون ولقوه بيت مكون من ٤ طوابق و٨ شقق حاصرو البيت من تحت وبعض القوه طلعت علي السطح وقامو بتأمين المنافذ وابتدو يدخلو كل الشقق ومعاهم الجهاز اللي بيدي اشاره لقرب التليفون لكنهم مكنوش بيلاقو حاجه لغايه ماوصلو لاخر شقه فأخر دور والجهاز ابتدا ينور ويطفي بشكل جنوني ...
اقتحمو الشقه ولقو ٣ قاعدين بيلعبو قمار اول ماشافو البوليص حاولو الهرب
احمد :اي حد هيخطي خطوه هتكون خطوه بتقربه من موته .
الظابط :متتعبوش نفسكم المكان كله محاصر ..وشاور للعساكر يفتشو المكان
العساكر انتشرو في الشقه وفتشوها وبعد شويه كل واحد خرج من مكان
تمام يافندم ملقناش اي حاجه سعاتك
الظابط شاور علي الرجاله :فتشوهم
العساكر ابتدت تفتشهم وبيطلعو كل محتويات جيوبهم لغاية ماطلعو تليفون ربيع من جيب واحد فيهم
احمد برق عنيه وبسرعه جري اخد التليفون من ايد العسكري :تليفون ربيع
الظابط :فين يلا وديتو صاحب التليفون دا والبنت اللي معاه
الراجل :انا معرفش حضرتك بتتكلم عن ايه والتليفون دا انا مشتريه امبارح من سوق المستعمل ب٥٠٠ جنيه سيادتك .
الظابط :لا صايع يلا ..ومسك بطاقته :شرف حسين محمود هههههه الحق دا اسمك طلع شرف ؟
شرف :ايوه سعادتك اسمي شرف
الظابط :طب انطق بقا الا وشرف امك اضربك طلقه واقول هاجم عسكري بالسلاح الابيض
شرف :يبيه معرفش حاجه يابيه ولا بتتكلم عن ايه !!
احمد بيبص يمين وشمال وفجأه عينه لمحت سلسلة قمر علي الطربيزه واضح انهم كانو بيلعبو عليها
احمد جري ومسكها ورفعها قدامه :طب والسلسله دي اشتريتها من سوق المستعمل برضو ؟ وجري عليه وابتدا يضربه بطريقه وحشيه
الظابط :سيبه يااحمد باشا احنا هنستضيفه عندنا وهنعرف نطلع الكلام منه بطريقتنا وشاور للعساكر
هاتوهم
العساكر حطو الكلابشات فأديهم ونزلو بيهم علي البوكس وطلعو عالقسم ...
في القسم الظباط امرو العساكر يقومو بواجب الضيافه مع شرف واللي معاه والعساكر من كرمهم زودو من عندهم كمان لما التلاته خلصو خالص
الاتنين اللي مع شرف :قولهم اللي عاوزين يعرفوه هنموت الله يخرب بيتك
شرف وهو بيلقف فأنفاسه :انا ..ههتكلم ...هقول علي كل حاجه ...وَديني للظابط ...بسرعه ..كفايه ...
العساكر بلغو الظابط وامرهم انهم يجيبوه وشرف اعترف بكل حاجه ودلهم علي مكان قمر وربيع
الظابط ١ للظابط ٢:حضرة الظابط انا هاخد معايا قوه واروح اقبض علي زين بتهمة الخطف وسيادتك تاخد قوه وتروح للمخطوفين وبكده نضمن ان بضاعة زين هتوصل ونمسكها وهو جوا السجن
**********
في الارض
الكل بيصلي ويدعي برجوع قمر وربيع بعد مامهاب وصل عندهم وفهم خاله وابوه وعمه شريف علي اللي عرفه من الظابط وطلب منهم كتمان الموضوع
رعد جاله اتصال من احمد وبلغه انهم قدرو يحددو مكان ربيع وقمر وانهم في طريقهم ليهم وقال الكلام دا لاهل البيت والكل طاقه امل ونور اتفتحت جواه وابتدا يدعي من ربنا يردهم سالمين
*******
عند ربيع وقمر
قمر بعد ماربيع فوقها
قمر :يارب يارب ميطلع حلم في الاخر واصحي الاقيك ربيع المعفن القديم
ربيع :طب والله محد معفن غيرك ..فيه وحده حبيبها لسه معترفلها بحبه وبأنه طلب ايدها تقول عليه معفن ؟
قمر :معلش من الصدمه ياحبيبي ومدت ايدها تتحسس ملامح وشه
لكن ربيع مسك ايدها من عند المعصم لما قربت و هتلمس شفايفه
قمر باستغراب :مسكت ايدي ليه ؟ عاوزه امشي ايدي علي ملامح وشك
ربيع :بت انتي ولا تمشيها علي ملامح وشي ولا علي ملامح ....رجلي 😕 واحترمي نفسك وبعدين افرض صباعك جه فعيني فقعهالي فأم العتمه اللي احنا فيها دي اعمل ايه انا ..؟ وكمان سيبك من اي حاجه ....
ايدك دي ناسيه انك كنتي لسه من شويه بتفكي زنقه من غير اي وجود للمياه هنا ؟ يعني بقيتي زيك زي الراجل اللي بره دا بالظبط !!!
قمر :اخص عليك بتقرف مني ؟
ربيع :لا انا في الحالات دي بقرف من نفسي مش منك انتي بس فاتخمدي يلا من سكات لما نشوف في ليلتك السوده دي ايه اللي مستنينا الصبح
قمر :لا خليك اتكلم معايه شويه
ربيع :نامي ياقمر خلينا نقوم نندبح الصبح واحنا فايقين
قمر :ربيع تفتكر هيدبحوني انا ولا انتا الاول
ربيع :هخليهم يدبحوكي انتي عشان اساعدهم وادوس علي رجليكي معاهم عشان مترفصيش كتير ..
قمر :😨😨
ربيع :مع اني بفكر فحاجه تانيه هتحرق دمهم اوي
قمر :ايه هي
ربيع :اخنقك ولما يجو عشان يدبحو ويشفو يلاقوكي ميته وبكده يبقو خسرو ويتغاظو بقا
قمر :حطت ايدها علي رقبتها وبلعت ريقها 😨
ربيع : اخلصي يلا نامي ومسمعش صوتك والا هقوم انفذ
قمر حطت دماغها علي دراعها وباصه لربيع وربيع باصصلها واخيرا استسلمو للنوم ...
معداش كتير وسمعو دربكه بره وضرب نار
القوه كانت وصلت المكان وابتدو ينتشرو فكل مكان واحمد الظابط ابتدو بالهجوم لكن لحسن الحظ ملقوش غير حارس واحد بس هناك واتصاب بطلقه في دراعه من مسدس احمد لما حاول انه يطلع مسدسه ويضرب عليهم نار
ربيع من جوا :شكلنا مش هنقعد للصبح قومي يابومه واتشاهدي علي روحك
قمر :استني اسمع بس دا ضرب نار باين افراد العصابه بيخلصو علي بعض اللهم اضرب الظالمين بالظالمين واخرجنا منهم سالمين
فجأه الباب بيتفتح بشويش والنور ابتدا يدخل من الباب وربيع اخد قمر فحضنه وهي كلبشت فيه جامد والاتنين بيفتحو ويغمضو من النور بعد الضلمه اللي كانو فيها وشافو ٢ خيالات علي الباب مش باين منهم ملامح وموجهين مسدسين عليهم
ربيع لف بقمر وخلاها من جوه واداهم ضهره وشدد علي حضنه ليها
لكن قمر لفت تاني وبقت هي قدام ربيع وبرضو ماسكه فيه جامد
احمد ضحك عليهم وهما لما سمعو الضحكه اللي مش غريبه عليهم ابتدو يفتحو عيونهم ببطئ وابتدو يشوفو بوضوح
قمر صرخت بفرحه :احمد وجريت عليه وهو فرد درعاته عشان ياخدها فحضنه لكن ربيع جري قبلها ودخل هو فحضن احمد ولما قمر قربت رفسها برجله بعدها والكل ضحك
ربيع بعد ماخلص حضنه مع احمد شكر الظابط ولف ومسك قمر من ايدها وجرها وداس علي شفته التحتانيه بسنانه وملس علي دقنه يعني هربيكي عاللي كنتي هتعمليه
قمر بهمس :😁 رد فعل نتيجة الفرحه عادي
ربيع بهمس برضو :لا والله يعني معني كده ان سيادتك فيوم فرحك وانتي فرحانه اوي هتمشي تحضني كل المعازيم بقا ؟
قمر :بس اعملي فرح انتا بس وانا هغير اسلوب فرحتي خالص 😂
ربيع :والله ونفدتي منها وهتعيشي وتقرفي فيا طول عمري يابت عمي
قمر :هي دي كلمة حمداله علي سلامتك ؟ وانا مبسوط اني هعيش معاكي باقي عمري ؟ وبأذن الله هنكون اسعد اتنين علي وش الارض
وهسعدك طول عمري ؟ معفن اوي انتا اقسم بالله
ربيع :بس غوري بس بلسانك اللي بينقط كاكا دا
قمر :لساني انا ؟ لساني انا ياجزمه ...مهو اه بقا منتا لقيت نفسك خرجت بقاااا... وعلت صوتها
عرفت انك كنت بتضحك علياواحنا جوا عشان كنت متأكد اننا هنموت ؟
الكل بص عليهم وهما عند العربيه واللي كان هيركب العربيه وقف لما سمع كلام قمر
قمر :طب واللي عملته معايا جوا واحنا محبوسين 😢
ربيع :😨عملت ايه يبت المجنونه معاكي
قمر :😢دلوقتي عملت ايه ؟ هتنكر دلوقتي بعد ماعملت عملتك ؟ طب وابنك اللي فبطني دا هتتخلي عنه ؟ هتسيبه يتربي من غير أب ..؟
انتا ايه يأخي ايه ..منك للاه حسبي الله ونعم الوكيل فيك ..
ربيع :😨
العساكر كلهم :😢😢😢😢😢
احمد :😂
قمر حطت ايدها علي بطنها وهتركب العربيه مع احمد لكن ربيع شدها من قفاها خرجها تاني وقام مديها قفا
لكن ايه
قمر لفت وادتله بوكس فوشه 👊خلته رجع لورا وبقه جاب دم
ربيع مسح الدم وراح عليها شالها وقام رميها عالارض ونزل بركبه وثبت ايديها وابتدا يضرب فيها بالاقلام 👋ورا بعض بتضربيني ..بتمدي ايدك عليا تاني ...مبتحرميش وكمان قدام الداخليه والخلق كلها ...
الظابط :ايه اللي بيحصل دا
احمد :لا سيبهم دا العادي بتاعهم هما كدا في قمة الرومانسيه والحب
فجأه سمعو صوت عسكري بيزعق وكان صعيدي بيتكلم زي محمد رمضان في واحد صعيدي : قوم يابن الكلب هتمواتها وتموات الواد اللي فبطنيهي ...ضناك يافاجر ...قوم ياقليل الرجوله يامعدوم النخوٍه
...حد يضروب حورمٍه ضرب موت اكده وقام ضاربه علي دماغه بضهر السلاح بتاعه خلاه وقع مغمي عليه فوق قمر وشده وقعه بعيد عنها
قوم هتكسر عضم الواد جوا بطنيهي الهي يتكسر عضم اللي خليفوك
وبص لقمر ومدلها ايده :قومي يختي معلهش انا فشفشتلك نفوخه
قمر :جدع يابلدينا يابو الرجوله كلها
الظابط بيبص لاحمد بأستفسار وسأله :
انتو كل ده كنتو عاملينو وقالبين الداخليه كلها عشان اختفاء الاتنين المعاتيه دول ؟
احمد :اه محنا معاتيهنا غاليين علينايباشا 😂
الظابط هز دماغه بغلب واتنهد وركب العربيه بتاعته واتحرك بيها بعد مااحمد شكره كتير
الكل مشي واحمد وقمر حطو ربيع جوا عربية احمد وطلعو علي البلد
قمر وهما في الطريق :مين الناس اللي كانو خاطفينا دول يااحمد وكانو عايزين ايه مننا وعرفتو مكانا ازاي؟
احمد :دا زين اللي عاوز الارض من خالي
قمر :ابن الكلب الواطي ...وقبضتو عليه ؟
احمد :زمانهم قبضو عليه
قمر :طب انا عاوزه اكلم ماما وبابا زمانهم هيموتو من القلق والخوف
احمد :هما ماما وبابا بس اللي كانو هيموتو من القلق عليكي كلنا كنا هنموت ياقمر انتي متعرفيش انتي ايه عندنا ولا ايه؟ وبعدين خليهالهم مفاجئه ...
ربيع في الوقت دا كان بيفوق :هاه البوسه دلوقتي ولا كمان شويه ؟ خدو راحتكم خالص اكني مش موجود ..وايه كميه انتي انتي اللي كنت سامعها من شويه دي ؟ دنتا مجبتش سيرتي ياراجل ؟ محسسني اني داخل عملية الخطف دي متطوع .. بمزاجي
احمد :ياربعه دانتا الخير والبركه واحنا موتنا عليك من الخوف لما لقينا عربيتك متخرشمه وفيها دم
ربيع :لا ياشيخ مت عليا ؟ ودا عفريتك بقا ..؟ طب بمناسبة دمي اللي لقيتوه في العربيه مجالكش فضول تعرفه خر منين ؟ يلي مقولتلي سلامتك فيك ايه ولا متعور فين ؟!!
احمد :😂 يبني منا لما دخلت عليكم كنت زي القرد حاضن البنت وبتتنطط
شمال ويمين ...
وبعدين بقولك ايه انتو طلعتو بالسلامه والحمد لله خلينا فدلوقتي بقا عشان فيه حاجه مهمه كنت عاوز اعملها من زمان ومأجلها لكن دلوقتي مش هينفع اأجلها تاني وبص لقمر :
قمر يابنت خالي ...انا قررت اني اكمل نص ديني واتجوز ...هتجوز وحده عيني كانت عليها من زمان بس كنت مستني الوقت المناسب واظن مفيش انسب من الوقت دا عشان اخطبها فيه ...
احمد كان متابع وش ربيع في المرايه اللي كان بيتحول زي المستذئبين وكاتم ضحكته 😂
قمر بصت لأحمد وفهمته وبصت لربيع وكتمت ضحكتها هي كمان :
قمر :وياتري مين سعيدة الحظ اللي امها دعيالها وهتاخد مز العيله دي
احمد وهو باصص لربيع في المرايه :
اللي بحبها ياقمر تبقا .....تبقا....تبقا....
ربيع :بالراحه يبو حميد في المطبات عشان قمر حامل انتا مش سمعتها من شويه ؟
قمر واحمد :😂😂
أحمد :حاضر ياحبيبي هديت السرعه ومتقلقيش ياروحي هنربيه احسن تربيه ياحبيبتي :😂
ربيع :وتربيه انتا ليه دا ابني انا انا اللي اربيه!!
أحمد :انا وانتا واحد ياربع وابنك هو ابني
قمر :صحيح يااحمد معندكش مشاكل في الحته دي 😂
احمد :نيفر ياقمري
قمر :يعني هتربي ابن ربيع 😂
أحمد :طب وايه يعني وهو ربيع غريب ..؟😂
ربيع خبطه علي دماغه بقبضة ايده
أحمد :😂أاااااه بتضرب ليه ياعم
ربيع :لا دا قرن كان بينبت كسرتهولك
احمد وقمر :😂😂
أحمد :طب خلاص ياعم هسيبهالك هي وابنك ...وبجد بقا انا خطبت ..
خطبت سمر ومهاب خطب دنيا تتتتا
قمر بفرحه :مبروك يابن خالي احلي خبر في الدنيا ...وانا كمان اتخطبت ..ربيع خطبني تتتتا
أحمد :لا
قمر بتشاور بدماغها :اه
احمد بص لربيع اللي هو كمان شاورله بدماغه
أحمد :ايوه بقا
**********
في مصر
في فيلا زين الدين في اوضة نومه وفجأه الباب خبط بعنف
زين :ايه دا مين الحيوان اللي بيخبط كدا وقام بيلبس الروب بتاعه ومسك الفون اللي كان عامله صامت ولقي كمية مكالمات رهيبه من الرجاله بتوعه ...رمي الفون علي السرير وراح فتح الباب واتفاجأ بالخدامه ووراها رجالة البوليص والظابط
موجهين عليه السلاح
زين :فيه ايه
الظابط :مطلوب القبض عليك يازين
زين :القبض عليا انا ..؟ ليه وبأي تهمه
الظابط :بتهمة الخطف والتهديد ..رجالتك اعترفو عليك
زين :رجالة مين انا معنديش رجاله وبعدين خطف مين انا معرفش سعادتك بتتكلم عن ايه
الظابط :معلش هتيجي معانا وهنفهمك بالتفصيل عندنا في القسم
زين :طب بعد اذنك هكلم المحامي بتاعي
الظابط :معلش في القسم هنخليك تعمل اللي انتا عاوزه ودلوقتي اتفضل معانا
زين نفخ بغل :طب بعد اذن جنابك هغير هدومي
الظابط :لا مينفعش انتا هتيجي معانا كده
زين :ياحضرة الظابط كده غلط
الظابط :هاتوه
العساكر كلبشوه وماشيين بيه
زين :ياحضرة الظابط اللي بتعمله دا غلط جدا وهتدفه تمنه غالي اوي
الظابط :متقلقش معايا ادفع واسيبلك بقشيش كمان ....وبص للعساكر ..يلا خدوه عالقسم
الظابط نبه علي الخدامين فبيت زين ان محدش يبلغ اي حد بخبر القبض علي زين حتي المحامي بتاعه والا هيتعرض لمسائله قانونيه وطبعا كل الشغالين سمعو الكلام وخافو من المسائله والظابط اخد تليفون زين واحتفظ بيه عشان يضمن انه محدش يقدر يخرجه من السجن لحين وصول الشحنه واثبات التهمه الكبيره عليه
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا