رواية فصيلتي القوية بقلم ريناد يوسف - الفصل التاسع والثلاثون
رواية فصيلتي القوية بقلم ريناد يوسف - الفصل التاسع والثلاثون
تابع من هنا: روايات رومانسية جريئة
في الارض عند مهاب
رعد ومهاب بيتصلو علي احمد اللي مش بيرد عليهم ودا مخلي الكل علي اعصابهم وحاسين ان فيه حاجه وحشه حصلت او بتحصل
رعد :ياشريف الولد مش بيرد خالص
شريف :مع ان المداهمه المفروض تكون خلصت من بدري دا لو اشتباك بين قبيلتين كان فض ...؟
رعد :انا قلقان
ريناد بالرغم من انها بعيد عنهم الا انها قادره تقرا حركة شفايفهم وبيقولو ايه ودا خلا الرعب دب فقلبها وخلاها تدخل في نوبة بكا هستيري خلت مهاب جوزها هو كمان يقلق اضعاف قلقها.. وتوترها اتنقل لكل اللي حواليها
ريناد خرجت بره الفيلا ورجليها اخدتها للمكان اللي فيه كلب قمر اكتر حاجه قمر كانت بتحبها بعد ربيع لكنها ملقتهوش في مكانه ...فضلت تنادي عليه وتدور يمين وشمال برومو ...برومو ..لكنها بردو ملقتهوش وقلبها انتفض وحست ان دا نذير شؤم وراحت علي الفيلا جري ودخلت الباب وهي بتتنفس بصعوبه والكل وقف لما شافها
ريناد :برومو مش موجود!! ..
حسن نكس دماغه للارض
ريناد :اطلع ياحسن دور عليه احسن يتوه وقمر ترجع متلاقيهوش مش هتغفرلنا اهمالنا فيه ياحسن
حسن ساكت ومابيردش عليها
ريناد بصت لباقي الولاد :طب حد فيكم انتو يطلع يدور عليه 😢 دا كلب قمر انتو ساكتين ليه!!
حسن :ماما برومو مات ...انضرب بالرصاص لما كانو بيخطفو قمر الظاهر هاجمهم وقتلوه
ريناد حطت ايدها علي قلبها وغمضت عنيها بألم لان الكلب دا ملازم قمر من سنين وكان بيحميها من اي حاجه وكانت دايما هي وربيع يلعبو معاه ومعتبرين انه صاحبهم مش كلبهم
سلمي راحت لريناد واخدتها فحضنها وطبطبت عليها ومسدت علي ضهرها
وهي اتفتحت في العياط مره تانيه ودفنت دماغها فحضن سلمي ومتحركتش غير لما حست بحركه غريبه من كل اللي حواليها بصت لقت الكل واقف وانظاره متوجهه لباب الفيلا اللي كان واقف فيه احمد وهدومه مبهدله ومنكس دماغه للارض
الكل ساكت والانفاس مكتومه ومحدش قادر حتي ينطق حرف واحد وكان منظر احمد شارح حجات كتير وخيالهم ابتدت تجول فيه كل حاجه وحشه
شريف بلع ريقه بصعوبه واتكلم بخوف : ايه يااحمد ايه اللي حصل ..؟
احمد اتقدم خطوتين وهو دماغه للارض برضو واتكلم كلام متقطع :
انا ياعمو طلعت المداهمه مع القوه ...ووصلنا المكان ...ودخلناه ...وهناك لقينا ربيع وقمر أاااا...محبوسين ...
الكل دقات قلبه ابتدت تتضاعف وصدرهم ابتدا يعلي ويهبط .
احمد كمل كلامه ...وكان فيه حارس عليهم ...كان هيطلع المسدس بتاعه ويضرب علينا نار ....لكن انا سبقته وضربت عليه رصاصه ...لكن الرصاصه جت ف....
مهاب وقع علي الكرسي وعنيه متعلقه بشفايف احمد وقلبه بيدعي انه ميقولش اللي خايف منه
احمد كمل :لكن الرصاصه جت في دراعه مماتش للأسف وطَلعت قمر وربيع وجبتهم اهم وبص للباب اللي دخلت منه قمر تجري وربيع وراها والكل جري عليهم
مهاب :اقسم بالله نفس رزالة ابوك الله يحرق ابوك ياكلب ياإبن الكلب ياواطي اقسم بالله اللي عيخلف معيموت الهي يموت نص ابوك التحتاني يابعيد زي ماوقعت قلبي وجبتلي شلل نصفي
الكل ضحك على مهاب ..
رعد :جبتلي الكلام يكلب
قمر راحت اول حاجه لابوها واترمت فحضنه :كنت خايفه عليك اوي من الزعل عليا لو جرالي حاجه ومغبتش لحظه عن بالي ياحبيبي ..
مهاب حضن قمر جامد وشدد عليها وكأنه عاوز يدخلها بين ضلوعه
ريناد جريت علي ربيع واخدته فحضنها وابتدت تمشي ايدها علي الدم اللي علي وشه وتفتش في دماغه عن المكان المتعور ودموعها خنقاها مش مخلياها تعرف تطلع جمله وحده غير كلمة ...ابني ...بنتي
ربيع فضل يبوس فأديها ودماغها وحضنها وفضل يطبطب عليها بحنيه ويطمنها ..
ريناد بصت لقمر وهي فحضن ابوها :تصدقي انك طلعتي بنت كلب
قمر :مالك ياريري بس.. منا جايه لحضنك اهو بس اصبري علي رزقك
ريناد :لا مش عاوزاكي خليكي فحضن ابوكي واشبعي بيه يابنت ابوكي انا ابني فحضني
مهاب :قومي سلمي عليها جبتيلنا الشتيمه وبقيتي بت كلب
قمر قامت من علي الارض وراحت لريناد اللي بصت الناحيه التانيه بزعل مصتنع وقمر لفت قدام وشها وريناد تودي وشها بعيد وقمر برضو تروح قدام وشها في الاخر ريناد ابتسمت واخدت قمر فحضنها وفضلت تشم فيها ودموعها نزلو
قمر الكبيره سحبت قمر الصغيره من حضن ريناد واخدتها فحضنها ودموعها هي كمان ابتدو ينزلو
قمر : ياعمتو متبكيش منا رجعت اهو..
قمر :له انا مش عبكيش عشان اكده انا عبكي عشان ريحتك صعبه قوي ومعفنه كأنك مخطوفه ليكي شهر وانا الصراحه ممتحملهاش 😭
قمر الصغيره تنحت :😳😨وابتدت تشم في هدومها
الكل :😂😂😂😂😂😂😂
الكل اتقدم واخد قمر وربيع بالحضن وسلمو عليهم وقمر وربيع ابتدو يحكولهم ايه اللي حصل معاهم بالتفصيل والكل قاعد منتبه بشده ليهم
ريناد :الحمد لله يارب انكم رجعتو لحضني تاني... يااربيع قلبي وقمره
مهاب :دا ايه الكلام الحلو ديه هتِشعري ولا ايه ..قومي يلا متاخديناش فدوكه وقومي حضريلنا لقمه الاالعيال تلاقيهم مكلوش حاجه من امبارح
قمر :لا ازاي داحنا ضاربين بيتزا بالبول عجب 😂
قمر :ايه ديه بيتزا بالبول كيف يعني
قمر الصغيره :عمو اللي كان خاطفنا بعد ماتبول علي طريقة الكلاب قام دافس ايده فقلب البيتزايه من غير غسيل واكلنا فبقنا انا وربيع هم ياجمل ..
ربيع :متفكرنيش يحرقك 😣
قمر الكبيره سدت مناخيرها وقامت قعدت بعيد عنهم :طب قومو اتسبحو وغيرو خلجاتكم دول وتاكلو لحالكم لمدة شهر لحين اثبات خلوكم من الامراض ..
ربيع وقمر استحمو وراحو علي السفره عشان ياكلو والكل مجتمع
قمر الكبيره وقفت ومسكت كاسة ميه وملعقه وخبطت بالملعقه علي الكاس :
اسمعو وعو سأزف اليكم اليوم هذا الخبر السعيد لقد خطبت انا قمر بت ام قمر من شريف ولد ام شريف بناته التنين لولادي التنين والشبكه يوم التنين ولسه مش عارفين انهي اتنين ولا هنعملوها فين ... طب والله انا شاعره وبصتلهم شاعره ولا مش شاعره ..
الكل ضحك عليها ودنيا وسمر اتكسفو وحطو دماغهم في الارض والكل ابتدا يهني ويبارك
ريناد هي كمان وقفت ومسكت الشوكه والكاس وقلدت قمر :
وانا كمان من موقعي هذا بعلن خطوبة ابني ربيع لبنتي قمر ..لو حد غريب سمع بنتي وابني دي هيودوني مستشفي الامراض العقليه 😂 وكمان خطوبة ابني حسن وبنتي بدر والخطوبه برضو يوم الاتنين
الكل ابتدا يهني ويبارك وقمر مبتسمه ابتسامه عريضه وبتبص لربيع بهيام وربيع رفعلها حاجبه ومال عليها :
يبت اعملي مكسوفه زي البنات الكيوت دي مثلي انك بنت وعندك حياء البنات !!
قمر :منا معنديش حياء والكل عارف امثل علي مين 😂
ربيع : بحبك ياقليلة الحياء😂
قمر :يخرب بيت رومانسيتك ياشيخ بالراحه عليا ..
ربيع :لا دنا في الرومانسيه مقولكش
قمر :لا متقوليش انا عارفه
مهاب بص لرعد وشريف :يلي مسامع صوط راجل يوحد ربنا والحريم عماله تخطب وتجوز لحالها ولا كأن ليهم ٣ بلاليص قاعدين قدامهم !!
رعد بص لشريف وضحك : يابلاص 😂
شريف ضحك هو كمان :منتا كمان بلاص 😂
مهاب :ياسنه سوخه ياولاد دول فرحانين انهم بلاليص 😳
مهاب قام وقف :طب بصي يارناد يابت رهف القاعده عتاكل دي ومنفضه للدنيا :فيش خطوبه ووروني انهي يوم تنين ديه اللي عتحدديه عشان تعملي خطوبة بتي وولدي .؟
ربيع وقمر وحسن وبدر بصوله بذهول :😨😨
مهاب :ايه عتبصولي ليه انا قولتها كلمه ومش هاتنيها مفيش خطوبه يعني مفيش ...
ريناد :مهاب
مهاب :ولا مهاب ولا هباب قلت فيش يعني فيش ...
الكل بصله بعدم تصديق
مهاب :قلت فيش خطوبه ...فيه جواز علطول الخميس اللي بعد اللي جاي ياكلاب ...وكلكم مع بعض ...فرح جماعي
الولاد كلهم فرحو وقامو حضنو مهاب
قمر الصغيره بتهمس فودنه :ليه الاستعجال دا يامهابي؟
مهاب همسلها هو كمان :بس يابت الكلب بلا استعجال وانتي قربتي تنشفي وتقددي من غير جواز جمبي وبعدين خايف ابن الكلب ديه يغير رأيه ولا حاجه
قمر :حبيبي اللي حاسس بيا 😂
ريناد كانت بتقرا حركة شفايفهم ومبتسمه وبتضحك معاهم
قمر قامت مره وحده لما افتكرت حاجه وجريت والكل لما شافها عرف هي رايحه فين .
الكل سكت وبطلو ضحك وريناد بتنادي بصوتها كله
:برومو ..بروووومو....انا جيت ياقلبي ...انتا نايم ولا ايه مش سامعه صوتك اللي مش بيسكت لما بتلمحني معديه من بعيد برووومووو وبتتلفت عليه ملقتهوش فأي مكان
قمر حست بأيد اتحطت علي كتفها وبصت لورا لقت حسن وربيع كان جاي وراه وبدر كمان
قمر :حسن برومو مش هنا انتو نقلتوه لمكان تاني ولا ايه؟!!
حسن مش بيرد
قمر :طب وديتوه فين عشان واحشني اووي وعاوزه اسلم عليه
ربيع :برومو مات لما كان بيهاجم الناس اللي خطفوكي ياقمر ..ضربوه بالرصاص
قمر هزت دماغها بعدم تصديق :😢لا انتو اكيد بتضحكو عليا اكيد عاملين فيا مقلب بس دا هزار رخم اوي علفكره وبصت لبدر اللي وطت دماغها للارض بحزن
بدر راحت علي قمر واخدتها فحضنها وقمر دموعها نزلو علي كلبها وصاحب عمرها اللي كانت بتحبه حب لا يوصف
قمر :طب وديتوه فين دفنتوه فين عاوزه اروحله
حسن اتقدم منها ومسك ايدها واخدها لمكان ماكلبها مدفون وهي قعدت في المكان وفضلت تبكي وهي بتفتكر كام مره برومو دافع عنها حتى من ربيع لما كان يضربها ولا حسن لما كان يرزل عليها وكام مره لعب معاها وضحكت بسبب حركاته ولعبه معاها
ربيع قعد جمبها وحط ايده حوالين رقبتها وهي سندت دماغها علي كتفه وابتدا يمسد علي شعرها بحنان وبدر وحسن مسكو ايدين بعض وبعدو وسابو قمر وربيع لوحدهم لغاية مايهدو ونوبة حزنهم علي برومو تقل
قمر بصت لربيع :مات وهو بيدافع عني ياربيع لاخر لحظه فعمره كان بيحميني
ربيع :خلاص عمره انتهي كده ياقمرياحبيبتي ..... بكره نتجوز انا وانتي ونخلف كلب غيره ..
قمر بصتله بغيظ وغل :بتهزر وبرومو ميت بتهزر ..؟ انتا ايه يابني ادم انتا
ربيع :بضحكك عاوز انسيكي الحزن شويه ياستي
قمر مسحت دموعها :طب علي فكره بقا اللي زيك فعلا لو جه يخلف هيخلف كلب ..لكن عمره برضو ماهيكون زي برومو لانه هيكون طالع لابوه
ربيع :😨طالع لابوه ازاي يعني ياجزمه ؟
قمر :عشان انتا اخرك تخلف كلب بلدي معفن زيك وسابته ومشيت من قدامه بالخطوه السريعه
ربيع جري وراها :بت خدي تعالي هنا هنيمك جمب برومو حبيبك يبت الجزمه خدي
قمر دخلت البيت وهي منهاره وشافت مامتها واترمت فحضنها وعيطت اوي
ربيع دخل وراها وبيزعق :بت انتي انا مش بنادي عليكي يبقا تقفي
مهاب :احترم حزنها شويه يابارد مش شايفها مقطعه نفسها من العياط
ربيع :تصور يابابا تقول عليا انا محصلتش كلب بلدي معفن
مهاب :هي الحقيقه اكده دايما تزعل معرفش ليه ؟
الكل ضحك وربيع وشه احمر ومعرفش يتكلم :كده يابابا
مهاب :خد ياد انتا تعالا اقعد اهنه جاري واتفق معاي هتدفعلي مهر كام لبتي ؟
ربيع :انتا عاوز فيها كام يابابا.. بس تحط في الحسبان اني اول مره هاخد بضاعه من عندك يعني تعملي خصم حلووو ..
مهاب :خصم ايه ديه هي بتي رخيصه ياك ..؟ مهر قمر ياسي ربيع ميقلش عن ..عشر نيقان حُمر من بلاد الملك النعمان
ربيع قام وقف وماشي
مهاب :ايه علي وين ؟
ربيع :رايح اشوف شيبوب فين وأتحضر للرحلة ولو مرجعتش جوز بنتك عشان هكون لقيت وحده ارخص واحسن منها وخرج لبره ..
الكل ضحك عليهم
قمر رفعت دماغها وبصت لمامتها :برومو مات ياماما
ريناد :معلش ياقمر عمره كده يابنتي وبعدين بكره هشتريلك كلب غيره وتربيه وينسيكي برومو
قمر :لا متجيبيش ربيع قالي هنتجوز ونخلف كلب غيره
ريناد ضحكت بصوتها كله :طب والله العظيم انتو مجانين!!
مهاب ساب الكل وطلع فوق وبص لمكان هو عارف ان ربيع هيكون قاعد فيه دلوقتي
ريناد طلعت وراه وبصت مكان مابيبص وحطت ايدها علي كتفه بتنبهه لوجودها
مهاب :كنت متأكد انه رايحله بس راح لحاله ...عشان معيحبش يبين حزنه قدام حد ..من صغره دمعته متنزلش غير بينه وبين نفسه ابن الكلب ديه ...مستعد يضحك ويهزر وهو جوا منه بركان بيغلي
ريناد :مش جايبه من بره علي فكره ...تعرف يامهاب ..انا بحس دايما ان ربيع دا نسخه منك ..واخد كل طبعك وطيبة قلبك..حبك للارض ...عفويتك ...هزارك ....حتي رزالتك ..وبستغرب من حسن اللي من صلبك ومش واخد منك اي حاجه خالص
مهاب :مهو عشان هو زيي ونسخه مني ربنا بعتهولي انا وبعده عن الناس اللي قلوبهم مش نضيفه .
ريناد :انا هنزل اروحله
مهاب :اوعك تروحي ناحيته سيبيه لحاله ..هيتقهر لو حد شاف دموعه اللي مخانتهوش ونزلت قدام الكل غير لما حسنه حرقت ارضه وقلبه ومقدرش يحكم عليهم مينزلوش ..عارفه يارناد كل دمعه كانت بتنزل من ربيع يومها كانت بتنزل بقهر ووجع لو نزلت علي حديد كان داب ..وكانت بتكوي فقلبي كوي ..منها للاه حسنه ..
ريناد حطت دماغها علي كتفه والاتنين مراقبين ربيع وهو قاعد علي ركبه فوق قبر برومو وبيتكلم معاه كأنه سامعه
*************
في القسم اللي فيه زين
زين في حجز انفرادي :ياعالم ياللي بره اللي بيحصل دا أن ليجل غير قانوني وانا هقلب الدنيا عليكم لما اخرج ....حد يجيبلي تليفون يابشر ...اقسم بالله لاقعد كل اللي في القسم دا فبيوتهم بس اخرج
في مكتب الظابط باب المكتب بيخبط :
الظابط ١ :ادخل
العسكري دخل وضرب التحيه :يافندم المسجون في السجن الانفرادي مش ساكت وبيقول عاوز يقابل سعادتك
الظابط :سيبك منه وفيه عسكري هيجيبلك اكل دلوقتي من بره دخلهوله
الظابط ٢ :وبعدين ...التحريات اثبتت ان المخزن اللي كانو فيه الاولاد مش بأسم زين يعني مفيش عليه شبهه وكمان الراجل بتاعه لو غير اقواله يبقي كده قضية الخطف فشنك
الظابط ١ :لا وكمان لو الشحنه طلعت مفهاش حاجه يبقا كده خرج منها زي الشعره من العجين!!!
الظابط ٢ :لا احنا متأكدين من الشحنه واللي فيها ولينا راجل علي المركب نفسها ومتابع كل حاجه وكمان المركب هتوصل بكره الصبح المينا هتوصل بدري يوم ورجالتنا هناك مستنينها علي نار
الظابط ١ :تفتكر هيعترف علي الراس الكبيره ؟
الظابط ٢ :معتقدش وبعدين حتي لو اتكلم اكيد التاني مأمن نفسه كويس اوي الناس دي مبتهزرش يبني
الظابط ١ :والله لكل حصان كبوه ومسيره هيوقع وإن طال الزمن .
************
في الارض :
قمر وبدر ورهف ودنيا وسمر دخلو اوضة قمر :
بدر :خطبك ياواطيه ومتقوليش ؟
قمر :هو انا لحقت دا كان طالع يقولي لقاني بتخطف!!
رهف :اتركيها اصلا هاي وحدة ندله
قمر :بت انتي انا لسه راجعه من خطف ومفرهده فرهدة السنين اتلمي لاطلع كل اللي حصلي عليكي ..عبوشكلك
رهف :يي وشو حكيت انا بالله ؟ طيب مابدك تخبرينا شو يلي حصل بينتاكم وانتو مخطوفين 😉
قمر ابتسمت لما افتكرت كلام ربيع الحلو معاها ولمل كانت معاه لوحدهم وحست بأمان محستهوش فعمرها كله واتكلمت بهيام
:محصلش حاجه خالص
دنيا :لا تصدقي صدقناكي وخصوصا بعد الابتسامه البلهاء دي !!
سمر نطت علي السرير جمبها وبرقتلها وكلمتها بصوت عالي : متنطقي يازفته احنا هنتمحلسلك عشان تحكي قولي اعترفي نونوتيلو ..نونوتيلو يابت ...باسك ولا حضنك ولا عمل ايه يامنيله ..
بدر :يلا قري واعترفي
رهف :أي بدنا نعرف التفاصيل الفضول قاتل ياقمر والله
قمر : ايييه هو دا حيلكم شويه وبعدين ايه باسك وحضنك دي انا وش ذلك برضو ياكلبوبات ؟
بدر :داانتي ذلك نفسه يامه 😂
قمر :طب اتلمو انتي وهي واصبرو هحكيلكم كل حاجه بس اسكتو شويه وابتدت تحكي علي الكلام اللي قالهولها ربيع والكل بيسمع وهايم معاها
سمر :امال انا احمد مقاليش كلام حلو ويدوخ كده ليه زيك وبصت لدنيا :مهاب قلك يابت ؟
دنيا :اعدمك يامعنمي مادوقته
سمر بصت لبدر :وانتي يابدر
قمر :لاااادي متقدرش تنكر اخويا في الرومانسيه مظبطها اخر تظبيط وكمان فوسط الارض وقدام الناس كلها وعلي عينك ياتاجر ..اسكتو دا اخويا دا طلع جاحد ياجدعان
سمر :بت يادنيا فيه حاجه غلط ..؟ احنا ليه خطاطيبنا مش رومانسيكيين زيهم ؟
دنيا :انا عارفه يختي ؟
رهف :هههههه لانكن مابتعرفو تشجعوهم ليحكو معكن كل يلي بقلبهم ...
سمر حطت ايدها حوالين رقبة رهف :الا هو ازاي دا يختي الهي يسترك الا انا اخر اغراء اعرفه بتاع اغريه ياسُكيننه وارفع حته من الجيبه وابين العرقوب 😂
رهف :ليكي راح قولك ..لمن تكونو قاعدين انتي وياه لحالكن حتي لو عم يحكي وعم يتطلع بعيد لمن يرجع يتطلعلك اتطلعي مباشرة لعيونه واتجولي بعيونك بملامحه ..هو راح يعمول متلك وعيونه راح تتجول بملامحك وراح ينسي حاله وتلاقي يلي بقلبه علي لسانه وراح تسمعي اجمل كلام
قمر سقفت بأديها :ايوه ...ايوه ياخبره ...احنا بنتنا خبرااااه .. قومي من قدامي يارهف طيب أحسن اخدك سوبلكس اقطم وسطك
رهف :يي شو سوبلكس ماسوبلكس ليش شو عمولت انا بالله
بدر :انتي غير حسن يارهف محبتيش ولا قلبك دق قبل منه لواحد كده ولا كده ؟
رهف :لا انا ما حبيت ...لكن انحبيت كتييير لكن من بين الكل فيه واحد كان اكتر حدا فيهم مجنون بيا تقدرو تقولو مجنون رهف هههه
قمر :عارفاه ابن العبيطه .
رهف :لا ماربيع ..حدا تاني ...من خارج الحدود ...من العراق يابعد قلبي
البنات فصوت واحد :ميييين هو انطقي واحكي تفاصيل التفاصيل بسرعه ...
رهف :تعرفو اسد ابن ابن خال البابا؟
قمر :من بعيد بنسمع عنه احكي التفاصيل بسرعه اخلصي
رهف :هديلي حالك شوي قمر لاعرف احكي ....اخوها لتيته اخد المشيخه من بعد ماتوفي ابوه وهو خلف ولد هالولد اسمه اسد وهو كمان اخد المشيخه من لما توفي ابوه لكن ياروحي اتحمل المسئوليه من سن صغيره كتير ...مشاكل عشاير ..وفصول وهواي اشيا مايتحملها الا رجال من ضهر رجال
مابكذبكم الحكي اسد ماكان رجال عادي ..اذا بوصفه مابوفيه حقه والله
سمر :اوصفي الملامح يامه بسرعه
رهف :شو احكي لاحكي سمر
..ياالله شو معضل وطويل وابيض وعيونه يشلعو القلب شلع ..يأالله شو حلو اذا بتطلعوله عيونكن ماتشبع شوف ..
دنيا :خشي عالمفيييد قصته ابتدت امته ؟
رهف :والله انا ماراح اكذب عليكن انا ما بحبه لأسد لكن هو من واحنا صغار لما تيته كانت تاخدنا للعراق اول واحد يكون بأستقبالي هواسد
...وهو كمان كان يستنا زيارتنا بفارغ الصبر وكان يستني شوفتي ع احر من الجمر اصلا كتير كان مبين عليه ..
بس اناولا مره شجعتو ع حبه لاإلي وكان شو مابيقول وشو مابيعمول مابتطلع عليه واصلا انا عنجد ما كنت مهتمه وهالشي كان بيطير عقلاته
بدر :اه يامستبده كملي
رهف :بس ياستي وبآخر زياره للعراق لقيت الوضع اوت اوف كنترول
خرج عن السيطره ..كل الصبايا حوله وعم يتوددوله ليختار منهم عروس تليق بالشيخ اسد وهو وكل ليله يقعد مع امه اثناء وجودي وهي تحكيه هاي بيضه وهاي سمره وهاي ابصر شو ..وهو يقولها اي راح شوفهن وهو عميطلع صوبي
وفيوم خرجت للحديقه لاتمشي وقمت عيني لقيته واقف مع بنيه وهي عم تتمايل قدامه وتتغنج هيك وهيك لفيت لارجع علي البيت لكن تفاجأت بيد من حديد مسكت دراعي ولفتني عشان اشوف حالي وجه لوجه مع اسد ..
سمر :كملي بسرعه مش قادره اخد نفسي حاسه اللحظه الحاسمه قربت 😂
رهف :بس ياستى هو عمول هيك ولقيته مأرب عليا كتير ...حكيته :اسد شوبك شو عمتساوي اتركني
اسد :لوين بدك تروحي ؟
رهف :بدي ارجع البيت
أسد :لساتك طالعه منه البيت ليش بدك ترجعيله ؟
رهف :هيك مابدي ضل هون وبعدين اتركني شو لو حدا شافك مساوي هيك وانت شيخ وألك وضعك ومابيصير تتقشمر مع الصبايه متل الشباب المراهق الما مسئول وبصيت للصبيه يلي كانت معه
اسد شاور للصبيه بدماغه وهي راحت
أسد :اممم ولهيك غضبانه كل هالغضب يلي غير ملامح وجهك
رهف :وليش لاغضب يابعد عمري انتا حر تساوي متل مابدك
أسد :يعني يلي شايفه بعيونك هالحين مانها غيره ؟
رهف :غيره .؟ وليش لاغير ومن شو
أسد :من الصبيه ..اتطلعي لعيوني واحكي انك ماغرتي ؟
رهف اتطلعت بعيونه وحكيتله :لا ماغرت
أسد :كذابه ...لا وماهره بالكذب بعد
رهف :اتركني أسد ولو تبي الصبيه راح ابعتها الك وساوي معها شو مابدك مابيهمني ..
اسد قرب من رقبتي وتكلم بهمس :وإذا ساويت هيك معها شو مابدى مابتغيري ؟
حكيته بهمس وقربت من اذنه :لا مابغير وبديت ادفع بيه بعيد عني بكل قوتي لكن ياويلي ايديا ما حركته انش من مكانه ولا اثر بيه دفعى لأله ..
سمر :دنا اللي اتأثرت وانا بسمع ..كملي يحرقك 😢
رهف :وقتها حكيت وانا عم اتطلع بعيونه :والله اذا سويت هيك مع الف صبيه مابغير
هو سمع هيك وضحك بكل صوته وحكي :
ولك بعشقك يابنت دخيل الله قديشك أويه ومكاره.. ولك حبك شالع قلبي شلع احترقو عشيرتك معذبه اهلي لكن ورب الكون ماراح تكوني لغيري لو شو ماصار وبعدها راح للديوان لان الرجال اجتمعو في فصل ودزو عليه طفل صغير يخبره
مابكذوب عليكن انا وئتها كملت اليوم وانا حاسه بأحساس غريب مابين ديئه كل ماصورة البنت يلى كانت مع اسد أبال عينى ومابين ديئه لاحساسى هاد وئتها لانى اعتبرته غباء منى وتخلف ..
رهف بعد ماخلصت بصت للبنات لقتهم كلهم بيقعو علي السرير وبيهزو فأديهم وعاوجين بقهم زي مايكون اتشلو 😂😂
رهف:😨يي شو فيه ؟
قمر اتكلمت وهي علي وضعها :اصلك
عرضتينا لصدمه رومانسيه هائله اول مره نتعرضلها فدا تأثير الصدمه وبصت لسمر اللي بتتهز اكتر من الكل
قمر :اهي دي الصدمه قضت عليها ..متحملتش 😂
دنيا قامت مره وحده :لا احنا فينا حاجه غلط ياسمر يختي ...
سمر برضو بتتهز وعاوجه بقها ومش بترد
قمر :يلهوي يامه لتكون اتشلت بجد ..وبصت لرهف ..والله البت لو جرالها حاجه لاحبسك وابلغ جنينة الحيوانات عن الاسد بتاعك 😂
رهف :😨 شو والله هي اتشلت لحالها مادخلني وقامت تجري لبره
البنات :😂😂😂😂😂😂
رعد قاعد بره مع مهاب وشريف واحمد الجد ومحمود والولاد وجاله اتصال
رعد :ايوه
*:....................
رعد قام وقف بعد ماقفل :شريف احنا والولاد لازم ننزل مصر دلوقتي حالا ...!
الكل قام وقف لما قال كده وعلي وشهم تساؤل
قمر :عارفاها انا البصه دي موراهاش خير وااااصل
ياتري ايه اللي حصل يارعد يافقري 😂
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا