رواية فصيلتي القوية بقلم ريناد يوسف - الفصل الأربعون
رواية فصيلتي القوية بقلم ريناد يوسف - الفصل الأربعون
تابع من هنا: روايات رومانسية جريئة
رعد :خير ياجماعه اطمنو ..الشحنة بتاعت زين وصلت وهتكون في المينا علي بكره الصبح واحنا لازم نكون موجودين بنفسنا عشان ميحصلش اي تلاعب وزين يطلع منها
شريف :يلا بينا طبعا ودي فيها كلام
الكل وقف عشان يمشي
مهاب:والله العظيم انا مش عارف اقول ايه عشان اي كلام واي شكر هشكرهولكم مش هيوفي حقكم ولا حق وقفتكم معانا
شريف :وانت اصلا لو شكرتنا تبقا بتهينا لانك هتشكرنا علي اننا رجعنا ولادنا لحضننا الا اذا كنت معتبرنا غربا وولادك مش ولادنا يامهاب!!
مهاب :ياخبر ياشريف .؟ غربا طب دانتو اللي طلعت بيكم من الدنيا دي كلها ..انتو الاخوات والسند والعزوه اللي طول عمري عتمناها ..انتو متعرفوش غلاوتكم جوا قلبي عامله كيف
شريف :وانتا اياك تشك لحظه انك اكتر من اخ وولادك دول هما ولادنا
وأرضك دي مش جنتك لوحدك دي جنتنا كلنا
مهاب :دا شيئ اكيد طبعا ياشريف
رعد :قديم اوي جو الشكرنيات والعفونيات دا علي فكره
مهاب :بس ياد انتا
سلمي زغدت محمود اللي كان نايم وهو قاعد :متقوم تدخل في رابطة الاُخُوه دي بدال منتا عامل بيات شتوي اكده ونايم علي حالك ٢٤ ساعه
محمود صحي وبص يمين وشمال ورجع نام تاني
سلمي :ايوه صح كلام محمود مظبوط 😂
الكل ضحك علي محمود واستاذنو وسابو الستات ونزلو لوحدهم علي المينا علطول
في الاوضه عند البنات :
دنيا :بت ياسمر انا الادرينالين علي عندي وهخرج لمهاب دلوقتي واعمل اللي قالت عليه رهف 😂
سمر :وانا كمان هعمل كدا لاحمد وخرجو
بدر :😂احمد ومهاب ليلتهم فل الظاهر
رهف :لا ماأظن 😂
قمر :تعاليلي انتي هنا ومسكتها من شعرها وميلتها علي حجرها : بتضحكي ليه ها
رهف :مشان احمد ومهاب لساتهم مسافرين حالا انا شفتهم لما نزلت من شوي
قمر :يافرحه ماتمت ياعيني ومقولتلهمش ليه قبل مايخرجو دا الإحباط بعد الأمل وحش اوي ...الا قوليلي هو اسدك دا ناوي يجي يخطبك ويتجوزك وكدا ولا بيحب على روحه من بعيد وشكرا علي كده !
رهف :لا راح يجي حبيبتي عن قريب اصلا بدو يتعرف عليكم جميعا واولهم انتي حياتي
قمر :وانا يعرفني منين ياكذابه
رهف :انا حكيت اله عن كل فرد من افراد العيله من ساعة ما فئدت الامل فى حسن وسافرت من هون وتواصلت معه وحكيته انى ناطرته ليجى يخطبنى اذا كان بيحبنى عن جد ..
قمر :وياتري قيلاله ايه عليا 🤔
رهف :كل خير حياتي كل خير 😁
دنيا وسمر دخلو من باب الاوضه مكشرين 😣😣
قمر :ياعيني عاللي كان نفسه يرمسن ومااااطالشي
بدر :أاااااااه
سمر ودنيا بصو لبعض وهجمو علي قمر وبدر ضرب وعض ورهف ميته عليهم من الضحك
البنات قضو اليوم دا كله فأوضة قمر حتي الاكل اكلو في الاوضه واتكلمو فكل الموضوعات النسائيه وكانت قعدة بناتي مسليه جدا وعلي الليل كلهم نزلو في الصاله وربيع كان قاعد وحسن ومالك والكل موجود
قمر :بت يابدر تعالي نشوف كلام رهف بجد ولا ايه
بدر :لا يختي انا اتكسف اعمل كده اعملي انتي وبعدين انتي مش لسه كنتي معيطه وعامله مناحه علي برومو لحقتي تخرجي من حالتك وتفكري فغرايزك المعفنه
قمر :الحزن في القلب يابدر ياحبيبتي ثم ان الحزن لا يتعارض مع الحب والرومانسيه نهائيا يلا خشي علي حسن وانا هخش علي ربيع
بدر :لا ياعم
قمر :خلاص غوري انا هنفذ وراحت قعدت جمب ربيع
ربيع مركذ مع برنامج في التلفزيون جدا وكل مايبص لقمر يلاقيها بصاله
يبصلها بأستغراب ويبص تاني للتلفزيون ويرجع يبصلها
رهف قعدت جمب بدر :ولك اتطلعي قمر شو عمتساوي 😂
بدر :بتغريه 😂
رهف :ياويلي وسط كل الخلق 😂
بدر:اسكتي بس وتابعي عشان حاسه فيه حاجه جامده هتحصل 😂
سمر ودنيا هما كمان كانو متابعين قمر وعنيهم مليانه حقد وغل وغيره 😂
قمر لما ملقتش فايده مع ربيع حبت ترتجل
ربيع اول مابص لقمر غمزتله
ربيع :اتخض 😨 مالك ابت
قمر غمزت تاني
ربيع :يبت بتعملي كده ليه يحرقك !!
قمر بغمزه :هي الحركه دي محركتش جواك اي مشاعر ؟!
ربيع :لا حركت مشاعر الخوف وربنا
قمر :يلا بطل رخامه واتكلم حاسس بأيه وغمزتله تانى .
ربيع : حاسس انك بتتحولي او جالك مرض كلابي .
قمر غمزتله تاني لا انا سليمه وربونا
ربيع :وربنا ياقمر لو متلميتي وبطلتي قلة ادب لاقول لابوكي علي البتعمليه دا !!
قمر :😨يخرب بيتك خلاص بُص للتلفزيون بُص!!
بدر ورهف وسمر ودنيا شافو منظر قمر وهي مخضوضه وماتو عليها من الضحك
ربيع لسه بيبرطم علي قمر :بنات قليلة الادب ناقصه ربايه
قمر : يلا خلاص دنا كنت بختبرك ...مبروك نجحت في الامتحان 😁.... وكلمت نفسها بصوت واطي يحرقك يارهف وربنا لاكون ملطشالك وبصت لرهف ومشت صباعها علي رقبتها بتقولها هدبحك
رهف مسكت رقبتها وبصت لبدر وبلعت ريقها بخوف
بدربصت لرهف :😂 هتموتي ياسوسو
الوقت اتأخر والكل قام عشان ينام
ربيع شاور لقمر وهي ماشيه :
خشي اعمليلي كباية شاي
قمر :شاي ايه دلوقتي بعد نص الليل؟
ربيع :انتي هتعصي كلام جوزك يبت انتي ولا ايه ؟
قمر :جوزي !!
ربيع :ايوه بأعتبار ماسيكون بعد ايام معدوده ..
مهاب كان رايح علي اوضته :لما تجيب النيقان الحُمر ياد انتا فلاول
ربيع :بقولك ايه ببنتك الناشز دي اللي مش بتسمع كلام جوزها ؟ دي كترو عليها ٣ حمير عُمي خلاص خليهالك مش عاوزها
قمر سمعت كدا و جريت تعمل الشاي ...واثناء ما بتعمل في الشاي في المطبخ واتفاجأت بربيع بيهمس جمب ودنها :كنتي عاوزه ايه بره؟
قمر :اوعا كده مكنتش عاوزه حاجه ..
ربيع لفها عليه مره وحده :بس انا عارف انتي كنتي عاوزه ايه وقرب عليها جامد وفجأه مهاب عدي ايده من قدام وشهم واخد كبايه من علي الرخامه
الاتنين :😨😨
مهاب :معلهش اصلي قولت اجي اشرب شاي معاكم .اشوف شاي نص الليل ديه طعمة كيف ياجزم!
قمر لفت تكمل الشاي بأرتباك وربيع حط ايده علي دماغه من ورا وايده التانيه فوسطه
مهاب مسك ايدين ربيع وحطهم علي وسطه وفضل يتمايل :هاه ياحبيبي كنا عنقول ايه اعتبرني قمر وكمل معاي علي ماهي تصب الشاي..
قمر ماتت من الضحك
ربيع : ها.؟..انا مش عاوز اقول حاجه .ومش عاوز شاي .انا رايح انام ومشي بالخطوه السريعه
مهاب مسك ودن قمر :عارفه يابت رناد مأشوف مكان جامعك بربيع لحالكم لاكون قايم عليكم الحد وجالدكم ١٠٠ جلده حتي لو معميلتو حاجه ..وبعت علي كورباج سوداني وحاسس انك هتدوقيه هتدوقيه
قمر: 😣 لا دا ظلم بقا .حرام كده يعني ايه مفيش مكان يجمعنا احنا الاتنين ؟
مهاب :لحالكمممم..قلت لحالكم .يعني كيف ماكنتو دلوكيت ياجزمه ودلوك يلا اطلعي علي اوضتك ونامي
قمر ميلت علي بباها باسته وطلعت علي اوضتها عشان تنام واول مافتحت باب الاوضه البنات كانو مستنينها ورا الباب وشدوها لجوه رموها علي السرير :
هاه حصل ايه احكي
قمر حكت عاللي ابوها عمله
الكل :😂😂😂
بدر :ملحوقه الايام جايه بكره ابقي عوضي
قمر :لا بكره انا عندي مشوار مهم اوي لازم اعمله قبل اي حاجه وبصت لبعيد
***********
الصبح ابتدا يبدد ضلمة الليل وقمر صحيت الصبح بدري وراحت اتسحبت عشان تصحي بباها لكنها ملقتهوش وعرفت انه خرج يصبح علي الارض والزرع قبل اي حد مايسبقه ويشم اول نسايم الصبح الجميله
قمر خرجتله وهو لما شافها جايه عليه وكانت لابسه ومستعده للخروج
قمر :صباح الحب علي احلي مهاب في الدنيا كلها
مهاب :ياصباح الورد والفل والياسمين وكل حاجه حلوه في الدنيا كلها علي عيون قمري ..هاه ايه اللي مصحيكي دلوكيت ولابسه اكده
قمر :بص هقولك ...انا ياسيدي نويت اروح .......................................
ايه رأيك بقا
مهاب:بصي ياقمر انا اهم حاجه عندي سعادتكم فلو اللي هتعمليه دا هيسعدكم انا محداييش اي مانع روحي يابنيتي
قمر :بس هعملها مفاجأه
مهاب : وانا 🙈🙉🙊
قمر :هو ده سلام ياميهو وادتله بوسه في الهوا وجريت علي عربيتها ركبتها وطلعت بيها
الكل اجتمع علي السفره للفطار الا قمر
ربيع بص للبنات امال قمر منزلتش ليه
بدر :قمر مش فوق اصلا
ربيع قطب حواجبه :امال راحت فين .؟ معقول نزلت الارض بدري كده
مهاب :له قمر مش فالارض هي راحت مشوار اكده وهترجع علي آخر النهار
رربيع بعصبيه :نعم .؟مشوار ؟ مشوار ايه اللي عالصبح بدري دا ؟ وكمان لوحدها ؟ وايه ترجع علي اخر النهار دي ؟ وانتا ازاي ياعمي تسمح بكده ؟ طيب مخوفتش عليها يكون حد من رجالة زين مستنيها فحته ويخلص عليها عشان يحرق قلبك زي ماهو مرمي في السجن ومحروق
مهاب لنفسه :😨 يامرك يامهاب انا كيف مفكرتش اكده ؟ ومسك تليفونه واتصل علي قمر لقي تليفونها مقفول
مهاب بص لربيع والقلق باين علي وشه
ربيع :مش عارف ليه سعات مش بتحسبها صح خالص ياعمي
مهاب :اصلا لما عتقولي ياعمي ععرف ان الدنيا مطينه واني عيملت حاجه انتا ممتحملهاش يافقري ...
دبيت الرعب فقلبي منك للاه
ريناد كانت خارجه من المطبخ هي وقمر وسلمي بباقي اطباق الفطار وحطوهم وقعدو
قمر :يباي مال وشوشكم تقطع الخميره من البيض اكده علي الصبح انتا وولد اخوك
ريناد :فيه ايه ياربيع مالك انتا وباباك
ربيع بصله بعنف :اسألي جوزك
ريناد :جوزك ..؟ وبصت لمهاب ..فيه ايه يامهاب ..؟ وبعدين بصت للبنات .قمر منزلتش ليه يابنات
ربيع لسه هيتكلم لكن تليفون مهاب رن
مهاب مسكه بلهفه ورد عليه :ايوه ياقمر يابتي تلفونك مقفول ليه قلقتيني عليكي ....عقولك ارجعي ياقمر دلوكيت ...ارجعي وابقي روحي وكت تاني مع ربيع ولا حسن
قمر :يابابا انا قربت اوصل خلاص وتليفوني فصل شحن وحطيته علي شاحن العربيه لسه فاتحاه دلوقتي اهو لسه مكملش شرطتين شحن وبعدين اوعا تكون قولت قدام حد اي حاجه
مهاب :له متخافيش ...طب خلي بالك من نفسك وارجعي علطول
قمر :متقلقش ياقلبي والله هجيب اللي قولتلك عليه واجي علطول
مهاب :ربنا معاكي يابتي ويحفظك يارب
قمر :ويخليك ليا يااحلي اب في الدنيا كلها
مهاب قفل التليفون وربيع مسك تليفونه واتصل علي قمر
قمر :ايوه ياربيعي
ربيع :بلا ربيعك بلا زفتك ...خرجتي ليه من غير ماتقولي ياست هانم ..؟ ورايحه فين سيادتك .؟ هتمشي علي حل شعرك يابت ريناد ولا ايه ..؟ ايه ملكيش راجل تاخدي رأيه قبل ماتتسرمحي ..؟
قمر :انا قولت لبابا قبل ماخرج
ربيع :قولتي لابوكي ها ..؟ طب ابقي خلي ابوكي ينفعك بقا ولا يطلعك حيه من تحت ايدي لما ترجعي وضم ايده وضرب السفره خلي كل اللي عليها اتهز والكل اتخض وقفل الفون في وش قمر وبص لعمه بغضب
مهاب :😁تاكل زتون ...؟بلاش زتون تاكل جبنه ؟ طب اصبلك شاي طا
ربيع بصله وساب السفره وقام وهو خارج بص لورا تاني :
النهارده هشيل الشجر بتاع الموالح اللي في الحوض البحري كله عشان اكشف الارض وازرع مكانه خضروات
بدر :ليه يابشمهندس كده
ربيع :عشان يابشمهندسه اليوسفي والبرتقان محصولهم رخيص جدا واحنا ليه ناخد من الفدان ٥ الاف لما ممكن الفدان ينزرع حاجه تجيب عشره
ريناد:بس الشجر ياربيع مش خساره
ربيع :منا هزرع شجر تاني مكانه ياأمي لكن شجر مرتفع ينفع ينزرع تحت منه محاصيل وميمنعش دخول الشمس ليها زي اشجار المانجا او الزيتون مثلا
ريناد :طب دا شيئ هايل يبني والله هاه يامهاب قولت ايه
مهاب :يعني وهو في الحاله دي ينفع اقول اي حاجه يارناد ؟ دا لو قرر يهد البيت مش يوقع الشجر مهقدرش اتكلم ...
ريناد :بس انتا بتحب اليوسفي والبرتقان جدا 😂
مهاب :بطلت ..بيجيبولي املاح ويوجعو جنابي خليه يوقعهم 😢
ربيع بص لعمه ومشي
ريناد :هاه بقي قولي قمر راحت فين انا مرضتش اسألك قدام ربيع عشان حسيت انكم مخبيين عليه هو بالزات
مهاب : بت يارناد عارفه احلي حاجه فيكي ايه
ريناد :ايه
مهاب :عتحلي اي طبيخ عتطبخيه 😂
ريناد :لا ياراجل ؟ طب اتكلم بقا احسن مااغوزك ومسكت سكينه ووجهتهاله
مهاب :هتكلم خلاص ياعنيف انته :وميل عليها واتكلم بهمس قمر راحت البلد عشان تودي فلوس لحسنه ولاهل البلد
ريناد بصوت عالي :يادهوتاااااااي .وديتها لحسنه عشان تقتلها عشان تحرق قلبنا عليها يامهاب
مهاب :😨ياسنه سوخه .هو انا ليه معفكرش في الحجات اللي عتفكرو فيها انتو دي .انا كيف صوح ابعتها لحسنه لحالها 😭ومسك التليفون واتصل علي قمر تاني
قمر شافت التليفون بيرن وكانت علي مشارف البلد بصت عليه وابتسمت وهزت دماغها :مش هتبطل قلق ورن يامهابي ومسكت الفون وقفلته
مهاب بص لريناد :التليفون اتقفل
ريناد :تلاقي حسنه بعد بتقتل فيها و قفلت التليفون عشان ميزعجهاس
حسن :😂افلام ابيض واسود دي جدا يعني
ريناد ضربته بضهر ايدها :دا بدال ماتروح ورا اختك وتجيبها ؟
حسن :علي فكره حسنه مش هتعمل فيها حاجه ..متقدرش
دنيا :اه تصدق بأمارة الدمار الشامل اللي كانت عاملاه هنا والمحرقه الضخمه اللي قومتها لوحدها
مهاب حط ايديه علي دماغه واتنهد وبص لقدام لقي رهف بتأكل احمد جوزها فبوقه
مهاب :اقسم بالله ناس هايصه وناس لايصه صوح ..يعم الروميو انتا وجولييت عيشو معانا فأرض الواقع شويه وانزلو من فوق السحاب اللي علطول طايرين فوقه ديه وعاملين حالكم فأرض العشاق
رهف :شو بدك مهاب
احمد كمان انتبهله :فيه أيه يبني انتا مالك؟
مهاب :له ولا حاجه كملو كملو شغلكم بعد ماتوكليه ابقي سبحيه وفليه
***********
رعد وشريف واحمد ومهاب وقوه كبيره في في المينا من بدري والراجل اللي علي مركب زين كلمهم واكدلهم انهم خلاص داخلين عالمينا ولما السفينه وصلت القوات انتشرت علي متنها وابتدو التفتيش وطلعو كميات رهيبه من الاسلحه والمخدرات مدسوسه بأحتراف وسط اجهزه كهربائيه مستورده
الشحنه كانت فعلا بأسم زين والكل اطمن ان زين خلاص لبسها لبسها ومفيش منها خروج وخصوصا انه مسجون ومش هيعرف يتصرف وهو جوا السجن ولا يلاقيلها حل
شريف :كدا خلصنا من حاجه اسمها زين الدين نهائي
رعد :اللي لقيناه ده كفيل يسجن قبيله بحالها مش شخص واحد
احمد :يارب بقا تكون دي اخر المهام الصعبه والشحوره عشان نتجوز بقا ونشوف حياتنا
مهاب :اه والله ياأحمد الا الواحد حاسس انه حد باصصله في الجوازه دي كل مانيجي نعمل حاجه تتعقد وتتأخر
شريف :خلاص خلصنا كل حاجه سافرو انتو واحنا هناخدلكم اجازه هاتو البنات وامهم وافرشو شققكم وكل ماتفرشو بسرعه هتتجوزو بسرعه
مهاب :انا اعتبروها اتفرشت هننزل نجيب كل حاجه فيوم واحد ونفرشها فيوم يعني هتجوز بعد يومين 🤗
رعد :دا كلام الفعل غير كده يبني .دا مش انتا اللي هتنقي دي ستات اللي هتنقي يعني تتفرج وتشتري وتدفع وتروح وانتا فنص الطريق تقولك يلا نرجعها مش عجباني التانيه كانت احلي
مهاب :دنا اضربها طلقه بين عنيها لو عملت كده
شريف :😨بنتي
رعد :😂متخافش مش هيقدر كنت انا قتلت امه من زمان لو بنقدر
مهاب واحمد ركبو العربيه وساقو باقصي سرعه عشان يجيبو البنات وامهم وهما فمنتهي السعاده والفرحه
في الوقت دا قمر كانت وصلت قدام بيت حسنه ولقت الباب موارب ودخلت منه بهدوء وهي بتتلفت يمين وشمال وخايفه جدا من حسنه ورد فعلها
قمر لقت وحده ست قاعده علي الارض ومدياها ضهرها وحاطه طبق واحد علي الطبليه وبتاكل منه
قمر لفت للست دي واتفاجأت لما لقتها حسنه لكن كانت كأنها واحده تانيه ضعيفه منكسره
حسنه رفعت دماغها وشافت قمر :انتي مين ودخلتي اهنه كيف؟
قمر :انا قمر بنت مهاب
حسنه :ايوه افتكرتك انتي اللي كنتي مع ولدي ربيع ونكست دماغها ..فآخر مره جه فيها اهنه
قمر قربت منها وقعدت جمبها :طب انا مفطرتش ممكن افطر معاكي
حسنه :بس يابتي انتي ماوعياش عاكل ايه ..؟ انا عاكل مش محداييش غيره 😣
قمر :طب ومالو هاكل معاكي ولا انتي مش عاوزاني آكل بقا
حسنه :ياخبر كيف ديه خدي يابنيتي وقسمت العيش اللي كان معاها وادت لقمر
قمر غمست لقمه واحطتها فبقها وبصت لحسنه لقتها بصالها ومبتسمه
قمر ابتسمتلها :بتبصيلي كده ليه
حسنه :واخده من طيبة ابوكي وقلبه الابيض وسماحة وشه ووطت وشها للارض بأسف: عاملين ايه يابتي كلكم
قمر :احنا كلنا بخير ..وربيع كمان بخير ياأمي
حسنه والدموع فعنيها :امك 😢
قمر :ايوه امي عشان ام ربيع تبقي امي ..علفكره ربيع خطبني وهنتجوز قريب اوي
حسنه بفرحه :ربيع ولدي هيتجوز ..ومهاب هيجوزه بته ؟ بعد اللي عيملته فيه ؟ انا كنت فاكره انه طرده من ارضه بعد عملتي اللي عميلتها فيه وحرقت ارضه
قمر :بابا ميقدرش يعمل كده فربيع دا بيحبه اكتر مني انا وحسن اخويا وبيقول عليه ابنه البكري
حسنه :وانا شكرته علي حبه لولدي ورديتله حبه ليه قهر وحسره 😢
اني مش عارفه كيف وليه عميلت اكده ؟ خدت ايه ؟ بعدت ولدي عني واتحرمت منه هو وكبير زي ماحرمته مني وحرمت نفسي منه وهو صغير
آااااه من نار الحقد والغيره عتقضي علي كل شي حتي علي الحبايب معتخليش عتاخد كل اللي يقابلها فوشها
قمر قربت منها ومسكت ايدها وحضنتها وسط ايديها وبصتلها بحنان :
أيه رأيك ياأمي تيجي تعيشي معانا
حسنه بأستغراب :أني ؟ اعيش معاكم ؟ وبصت للارض بحزن ،طب ومين هيرضهالي دي يابنيتي ،ابوكي ؟ ولا امك ؟ ولا ...ربيع اللي كان عاوز يموتني بيده
قمر :لكن مقدرش .مهونتيش عليه وهانت عليه روحه وكان هيموت نفسه بدالك
حسنه :له ربيع عيكرهني معيحبنيش
قمر :ربيع عمره ماحب حد ادك ولا زيك ،ربيع طول عمره حضنك كان اقسي امنياته ..كان كل مايجيلك زياره يكون جواه امل تتغيري ولما كان يرجع حزين ومكسور كنت بتأكد انك خزلتيه للمرة المليون
حسنه :وابوكي
قمر :هو اللي باعتني
حسنه :له مصدقهاش دي هو طيب بس مش للدرجادي يعني
قمر :والله بابا اطيب من الطيبه نفسها وعمره ماعرف يكره حد او يشيل فقلبه لاي حد
حسنه سرحت بعيد :يعني ايه ؟ يعني هعيش انا وربيع فمكان واحد ؟ هشوفه كل يوم قصاد عيني ؟
قمر :وتفرحي بيه وهو بيتجوز وتشيلي عياله وتديهم الحنان اللي حرمتي منه ابوهم
حسنه حطت ايدها علي خد قمر بحنان :انتي احن واجدع واحلي بت في الدنيا دي كلها ،ومن حظ ولدي انه هيتجوزك يابتي والله ،اكيد حد قلبه نضيف دعاله دعوه من قلبه ،او هو عامل اللي مخلي ربنا يحبه الحب ديه ويعطيه ملاك كيفك اكده
قمر قربت ايد حسنه من بقها وطبعت عليها بوسه :انتي من النهارده بقيتي امي التانيه وانا بقيت بنتك ،ومش هقولك غير ياأمي
حسنه :والله احلي كلمه سمعتها ودني من سنين طويله يابتي
قمر قامت ومدت لحسنه ايدها :
طب يلا بقا عشان نلحق نسافر قبل الليل
حسنه :طب استني هلم خلجاتي
قمر :لا انا هجيبلك هدوم وهجيبلك كل حاجه ياأم الغالي
حسنه قربت من قمر وأخدتها فحضنها وطبطبت عليها :انتي مش بس دعوه حلوه اتدعت لولدي فساعت قبول .انتي دعوه اتدعتلي انا كمان ،
قمر اخدت حسنه وقفلو باب حسنه وهي ماشيه ادت مبلغ معلوم لناس معينه مهاب اداهولها توصله وهما خارجين من البلد
قمر :غريبه ياماما انتي معرفتيش حد انك مسافره عشان لو حد قلق عليكي
حسنه :له ملهوش عازه انا اصلا لاحد بيقلق ولا بيدور علي ولا حد عيحبني من اساسه 😂
قمر :معلش انا بحبك وربيع كمان بيحبك ولا احنا مش كفايه
حسنه طبطبت علي رجل قمر :دانتو حداي الدنيا ومافيها يابنيتي
قمر بصت لحسنه بقلق وبصت قدامها تاني
حسنه :مالك يابتي
قمر :بصي ياماما حسنه عاوزه اقولك حاجه بس ...ربيع ميعرفش اني جايه اخدك ،انا عملهاله مفاجئه ،لكن هو في الاول يعني ....
حسنه اومأت بدماغها بتفهم :ليه كل الحق لو رفض وجودي يابنيتي ..مش هزعل منه .. وهرجع البلد تاني عادي ..انا اصلا ممصدقاش اني هعيش جار ولدي وحاسه اني عحلم
قمر :لا مفيش رجوع تاني ولا حاجه هو بس انتي تستحملي غضبه وزعله وعتابه ولما هتكوني قدامه يوم بعد يوم هيدوب التلج ويظهر المرج وهترجعو ام وابنها تاني وربيع هيرجع لحضنك اللي انحرم منه كل السنين دي ...وحطت ايدها علي ايد حسنه ..هتصبري ؟
حسنه :هصبر يابنيتي هصبر اللي باقي من العمر كله بس اشوف في الاخر نظرة رضا من عيون ولدي
***********
عند مهاب في الارض
الكل مجتمع ومهاب واحمد وصلو وبلغو خالهم باللي حصل في المينا وطمنوه وطمنو الكل وهما واقفين واخدو سمر ودنيا وامهم فلمح البصر خطفوهم خطف وبتهديد السلاح 🔫وحطوهم في العربيه وجريو بيهم علي مصر وسط ضحكات الكل 😂
قمر لبنتها :مش كنتي رحتي معاهم ياهبابة الطين انتي كنتي اتعلمتيلك حاجه فحياتك حتي تعرفي بعد اكده تختاري جهازك بنفسك
رهف كانت نايمه علي صدر جدتها رهف اللي بتمسد علي شعرها بحب وبصت لمامتها :راح اعرف اختار جهازي لا تخافي
قمر :علي قولك هخاف ليه يعني 🤔 وبعدين نسيت صوح انك مترهبنه وعامله اضراب عن الجواز .جهاز ايه ياشيخه وقرف ايه ؟ اه ياقهرتي منك يابت رعد
مهاب :مالك بيها ياقمر متسيبيها لحالها
قمر :ياخوي فاتت العشرين ومتجوزتش بارت بااااارت .طب تعرف انتا لو عفشه كنت جبت واحد ودفعتله فلوس ورشيته وخليته يتجوزها ويبيع نفسه ،لكن النصيبه السوده انها حلوه ،حلوه وباااايره
رهف الجده :شو بايره مابايره لساتها زغيره وزعطوطه قمر
قمر بعنف :النبي ياشيخه تسكتي انتي عشان البت طلعالك انتي وجمالها مقوي قلبها ..فلي فيها بس فلي وانتي ساكته
رهف الجده برقت عنيها بخوف وبصت لرهف الصغيره :أمك راح تتحول هلا طلعيني لبره البيت رهف
رهف :متخافيش ياتيته احنا وسط ناس كتير متقدرش تعملنا حاجه
قمر :بطلو ودوده انتو التنين عشان عارفه بتتحدتو علي
رهف بصتلها وكتمت ضحكتها
قمر :عتضحكي علي ايه يابايره
رهف :لا تناديني بايره من هون ورايح .بدك اتزوج ؟ تكرم عينك راح جيبلك عريس وراح اتجوز ،ومسكت التليفون وداخله لجوه
قمر :ابقي اطلبيه من النوع الحديث وبفيونكه وحيات ابوكي واوعي يبعتولك واحد مستعمل وغاسلينه 😂
رهف بصت لمامتها ودخلت الاوضه اللي تحت واتصلت علي اسد وطلبت منه انه يجي يخطبها بأسرع وقت
وهو وافق بالرغم من انه كان معاه شوية مشاكل بين عشاير ولسه محلهاش لكن عشان عشان عيون رهف يترك العالم
وهما قاعدين قمر الصغيره دخلت من الباب لوحدها
ريناد :اهلا اهلا بصاحبة الاسرار العسكريه هي وابوها ؟ ياتري كنتي فين وبتهببي ايه
قمر الكبيره :يمرت اخوي استني لما البنيه تدخل وتاخد نفسها فلاول
متخشي ياقمر واقفه عالباب اكده ليه
مهاب هز دماغه لقمر باستفسار وهي هزتله دماغها بتأكيد وفهم انها جابت حسنه معاها
ريناد :متدخلي يابتي مالك
قمر :منا هدخل بس انا مش جايه لوحدي جايبه معايه حد
الكل بيبص لبعض
ريناد :حد مين ديه
قمر خرجت ورجعت وهي ماسكه ايد حسنه وبتدخلها من باب الفيلا
ريناد وقمر :😨😨
قمر :ماما حسنه جايه عشان تعيش معانا هنا
قمر هبت من علي الكرسي وكان فيه سكينة وسط طبق الفلكهه خطفتها وجريت علي حسنه وهي بتصرخ :
حلال الله اكبررررر وعملت السكينه فوضع الدبح وعينها علي رقبة حسنه
😂😂😂
ياتري ياربيع مفاجأة قمر هيكون وقعها ايه عليك ؟🤔
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا