رواية فصيلتي القوية بقلم ريناد يوسف - الفصل السابع والأربعون (الأخير)
رواية فصيلتي القوية بقلم ريناد يوسف - الفصل السابع والأربعون (الأخير)
تابع من هنا: روايات رومانسية جريئة
اوعي تهاب م الدنيا بحالها
و لو مالت بأديك إعدلها ✊
طول مالحب مدفي قلوبنا ❤
طول مابنبذر خير بأدينا 🖐
راح يكبر وهيملا دروبنا 🌾
اوعي فوسط السكه تخاف 😔
اوعي يهزك اي خلاف ✋
اوعي تعيش انسان خواف 🤐
اوعاك تستسلم وتطاطي 😔
ولو ضاقت كل عيشك حاف ✋
اكرملك والله يواد خالي
وخليلك لو عازك يوم
متفوتهوش فالشده وتمشي
علشان لما الدنيا تدور
وفي الشده يوافيك الدور
تلاقيه اول واحد جمبك
مش يبعد ويقول وانا مالي 🙄
بقلم /ريناد 🌾❤رينووو
الكل عايش فسعاده ومهاب الكبير فرحان اوي بالولاد وحبهم لبعض ولمتهم حواليه لكن كان للبعض رأي آخر
ربيع اخد قمر مراته بعد مااستاذن من ابوه مهاب واخد قرار
قمر مع مهاب في العربيه وماشيين
قمر :احنا رايحين فين ياربيعي
ربيع ابتدا يطبل عالدريكسيون
ويغني :رايحين ع البلد اللي تجمع شمل العشااااق نفرح ونغني ونودع عهد الاشواق
قمر :يازيدي يازيدي عالروقان ....لا بجد رايحين فين
ربيع :مفاجأه
قمر :امممم مفاجأه قولتلي ووطت صوتها استر يارب
بعد فتره وصلو مكان صحرا علي مدد الشوف ووقف ربيع بالعربيه ونزل منها وفتح الباب لقمر ونزلها بالراحه وفرد درعاته وبيلف حوالين نفسه بفرحه :
هاه ايه رأيك
قمر :حاجه زي الفل الصراحه ..بس قولتليش رأيي فأيه
ربيع :فجنتنا ...انا اشتريت الارض دي بالمليون اللي ادتهوني جدتي رهف وهنعمره انا وانتي وهتبقا جنتنا الخاصه ...ايه رأيك في المفاجأه دي ؟
قمر :😁احلي مفاجئه فالدنيا
ربيع بيجري فالارض ويصرخ :كنت عاااارف انها عتعجببببااااااك وبعد عنها كتير
قمر :اه يبن المجنونه 😢هتعيشني فالصراء الجرداء فاكر نفسك عمك مهاب ..؟ طب هو كانت معاه امي ايام مكانت سفينة صحراء .طب انا هعمل ايه فالمكان المقطوع ولا ميه ولا نور ده ولا فيه ابسط سُبل الحياه وحطت ايدها علي بطنها بشويش :
ترفص مترفصش بقا عنعيش هنا غصب عننا ... واسكت عشان دا باينه هيوبقي مرار طاااافح 😭
**********
اسد اخد رهف علي العراق وهناك اتعلمت كل العادات والتقاليد وبقت الشيخه رهف مرت الشيخ اسد شيخ العشيره والكل بيعملها الف حساب وحامل في ابنها شبل واسد وعيلته هيطيرو بيها من الفرحه
قمر امها كل شهرين تروحلها زياره والزياره متخلاش من مشكله مع اسد تفش فيه غيظها من بعد بنتها عنها واسد بيستحملها عشان خاطر رهف وعيون رهف وابنه اللي فبطن رهف
رعد وشريف طلعو معاش وعملو جيم كبير وبيقضو فيه معظم وقتهم وبيتسلو فيه مع بعض جدااا
قمر الكبيره باعت الشركات وحطت فلوسها فالبنك واتفرغت لرعد عشان تعيشلها يومين قبل ماتموت ورعد بيشد فشعره منها ومن غيرتها عليه 😂
ريناد ومهاب هما كمان قررو يسافرو اجازه لوحدهم في اي جزيره هاديه يقضولهم كام يوم سوا لوحدهم من غير الاولاد كل شهرين تلاته
سلمي ومحمود عايشين حياتهم ع الاخر ومريحين دماغهم من كل حاجه 😌
سليم اخيرا اتعرف علي بنت في الفرح وطلعت بنت عم مرات مالك وعجبته جدا وقرر بعد التحري عنها ومعرفة كل المعلومات انه يخطبها وخاله مهاب خلاها جواز علطول عشان مبيحبش فترة الخطوبه دي خااالص والكل رحب بالفكره وخصوصا ان البنت متتعيبش واتجوزو وعملو فرح ولا الف ليله
حسن وبدر شغالين في الارض والمزرعه وخصوصا ان قمر وربيع هيسيبوهم ومهاب وريناد فلسعو
حسن كان كل مايحب يدلع بدر ويندهلها بصوت عالي عشان تجيله يقولها يابدري .وفيه عامل فالمزرعه اسمه بدري يرد عليه ويجيله جري 😂 وبدر كرهت الاسم دا ونبهت علي حسن ميندهلهاش بيه تاني حتي وهما لوحدهم لكن حسن برضو كان بيندهلها بيه علشان يغيظها 😂 ومبطلهوش غير لما بدر حملت وسلمي قالتله ان الغيظ يخلي العيل يطلع عصبي
سليم قرر يفتح مكتب محاسبه في مصر عشان مراته مش هينفع تسيب شغلها اللي هناك واخد شقه واستقر هناك وكل شهر بينزل اجازه هو ومراته خميس وجمعه يزور فيها الارض وعيلته
رهف الجده واحمد الجد سافرو عند رعد وقمر واستقرو ففيلتهم وخصوصا انهم مبقوش قادرين علي السفر للارض نظرا لسنهم لكن ريناد ومهاب وكل الاولاد بيزوروهم بأستمرار
ودنيا وسمر عايشين اسعد ايام حياتهم مع ان مسألة شغل مهاب واحمد وانشغالهم الدايم عنهم مدايقهم وخصوصا بعد الترقيه الاخيره اللي اترقوها لكن حملهم مخفف عنهم ومخليهم مشغولين عنهم شويه وحتي ناديه وقمر مشغولين معاهم فحملهم وبيخططو لحياة البيبيهات وطبعا قمر المسيطره فكل القرارات 😌
دكتور مالك اشتري مزرعه صغيره هو وواحد صاحبه وابتدا مشروعه الخاص الصغنون اللي هيكبر مع الزمن وكان سعيد جدا هو ومراته بالخطوه دي ومراته قررت انها تروح تعيش معاه في المزرعه وتشاركه رحلة صعوده ونجاحه ووالدته كمان اخدها معاه
حسنه عايشه مع عبد الله ومطلعه عينه وهو بينفذلها كل طلباتها ومن حبه فيها زرعلها بانجو في قصاري فوق سطح اوضته لكن مهاب مسكهم وحرقلهم البانجو وعلق الاتنين من قفاهم 😂
ربيع قرر انه ياخد امه حسنه معاه فأرضه الجديده هي وعمه عبد الله وخصوصا ان قمر حامل ومحتاجه لوحده ست معاها فأول حمل ليها وحسنه وافقت بمنتهي السعاده وراحت معاهم واتولد حفيدها علي اديها ومع ولادته اتولدت مشاعر الامومه من تاني جوا قلب حسنه وبقت دايما شايله الولد ومش بتديه لامه قمر الا بس عشان قمر ترضعه وتاخده منها تاني علطول والموضوع دا مجنن قمر لكن مخلي ربيع مبسوط جدا لان المشاعر اللي اتحرم منها طول عمره امه بتديها لابنه من غير حساب .!
قمر قررت تساعد مع ربيع بفلوسها اللي ادتهالها جدتها رهف والارض بشوية تعب واصرار منهم اتحولت لبساط اخضر والاتنين ماشيين علي نفس خطوات مهاب وريناد في تكوين جنتهم وواحتهم الخاصه
(واحة الربيع 😉) وقمر اتعلقت بالارض اللي شافت اسعد ايام حياتها واتولد فيها ابنها لدرجه انها مش بتسيبها نهائي ولما كانت مامتها بتوحشها كانت هي اللي بتجيلها
الي هنا تنتهي حكايه لنبدا حكاية اخري
الي اللقاء في روايه اخرى
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا